... loading ...
... loading ...
سپریم کورٹ نے غیر متعلقہ افراد کی سیکورٹی پرمامور پولیس اہلکار واپس بلانے کا حکم دیا تھا جس کی تعمیل میں چاروں صوبوں نے کئی ہزار اہلکاروں کی سیکورٹی ڈیوٹی ختم کردی اورانہیں معمول کے فرائض اداکرنے کیلئے واپس بلالیا۔صوبائی حکومتوں نے غالباً عجلت میں ایسی شخصیات کی حفاظت کیلئے مقرر اہلکاربھی واپس بلالئے جن کی زندگیوں کو لاحق خطرات کے پیش نظر انہیں قانون کے مطابق سیکورٹی دیناضروری تھا۔اس حوالے سے عوامی حلقوں اورمیڈیا میں اعتراضات بھی اٹھائے گئے۔چیف جسٹس آف پاکستان نے پیرکوغیر متعلقہ افراد کی سیکورٹی واپس لینے سے متعلق ازخود نوٹس کیس کی سماعت کے دوران ابہام کو دور کرتے ہوئے حکم دیا ہے کہ جس شخص کی زندگی کوحقیقی خطرہ ہواس سے سیکورٹی واپس نہ لی جائے۔انہوں نے صوبائی حکومتوں کو ہدایت کی کہ وہ اپنے سیکورٹی قواعد اورطریق کار وضع کریں اورکسی سے سیکورٹی واپس لینے یانہ لینے کے بارے میں ایک ہفتے کے اندر یکساں فارمولا تیار کریں۔انہوں نے بطور خاص میاں نوازشریف کانام لیا اور کہا کہ انہیں بطور سابق وزیراعظم قانون کے مطابق سیکورٹی ملنی چاہئے۔انہوں نے یہ استفسار بھی کیا کہ اسفند یارولی (سربراہ اے این پی)کوسیکورٹی ملی ہے یانہیں؟جناب چیف جسٹس نے ریمارکس دیئے کہ سیکورٹی سے متعلق عدالتی کارروائی کا مقصدٹیکس کے پیسے بچانا ہے۔اس وقت صرف پنجاب میں غیر متعلقہ افراد کی سیکورٹی کاخرچہ ایک ارب38کروڑ روپے بنتا ہے۔باوردی افراد کے علاوہ سفید کپڑوں میں ملبوس اہلکاروں کو بھی سیکورٹی ڈیوٹی پر مامور کیاجاتا ہے۔
اس بات میں کوئی شبہ نہیں کہ شہریوں کی جان ومال اورعزت وآبرو کاتحفظ ریاست کی ذمہ داری ہے اوروہ پولیس اورقانون نافذ کرنے والے دیگر اداروں کے ذریعے یہ فرض نبھا رہی ہے۔عوام کے علاوہ خواص کی سیکورٹی بھی ریاست کی خصوصی توجہ کی طلب گار ہے۔قیام پاکستان کے بعد ملک کے پہلے وزیراعظم لیاقت علی خان شہید کردیئے گئے۔مغربی پاکستان کے وزیراعلیٰ ڈاکٹر خان صاحب کے علاوہ کئی دوسری اہم سیاسی شخصیات کاقتل بھی ہماری قومی تاریخ کاحصہ ہے۔قتل کی وجوہات میں سیاسی،ذاتی وگروہی مخاصمت بھی ہوسکتی ہے اورمذہبی منافرت و کاروباری چشمک بھی۔بعض صوبوں میں مرکز گریز قوتیں بھی قتل وغارت میں ملوث رہی ہیں۔امریکہ میں نائن الیون کے واقعہ کے بعد پاکستان میں دہشت گردی نے سراٹھایا اوربم دھماکوں میں ہزاروں بے گناہ افراد اپنی جانوں سے ہاتھ دھو بیٹھے۔بدامنی اورلاقانونیت کی اس فضا میں اہم سیاسی،مذہبی وپیشہ ور شخصیات کی ٹارگٹ کلنگ بھی معمول بن گئی۔دہشت گردی کے خاتمے کیلئے پاک فوج نے پہلے آپریشن ضرب عضب اورپھر آپریشن ردالفساد شروع کیا جس کے نتیجے میں دہشت گردی کاتو تقریباً مکمل خاتمہ ہو گیا لیکن دوسری وجوہات کی بنا پر لاحق جانی خطرات بدستور موجود ہیں ۔ اس پس منظر میںجہاں عوام کی جان ومال کے تحفظ کیلئے وسیع البنیاد انتظامات کئے جاتے ہیں وہاں قومی ذمہ داریوں پرمامور اہم شخصیات اوران لوگوں کیلئے بھی خصوصی سیکورٹی ناگزیر ہے جنہیں کسی نہ کسی جانب سے جانی نقصان کاخطرہ ہے۔ایسے افراد کی سیکورٹی کاتعین وزارت داخلہ کرتی ہے اوران کی حفاظت کیلئے پولیس کاعملہ مقرر کیاجاتا ہے تاہم یہ حق صرف مجاز افراد کا ہے لیکن دیکھا گیا ہے کہ اثرورسوخ اورذاتی تعلق کی بنا پرغیر متعلقہ افراد کو بھی شان وشوکت کے مظاہرے کیلئے پولیس کی نفری دی جاتی ہے۔اس کے علاوہ مجازشخصیات کو ضرورت سے زیادہ نفری دے دی جاتی ہے۔جس پر بے محابا اخراجات آتے ہیں۔عوام کے ٹیکسوں کایہ بے جا اسراف ہے اورسپریم کورٹ کے حکم کامقصد بھی یہی ہے کہ اسے روکا جانا چاہئے۔صوبائی حکومتوں کو ازسر نو قواعد وضوابط بنانے چاہئیں اورخصوصی سیکورٹی جس شخص کاحق بنتا ہے اسے اس کی ضرورت کے مطابق دینی چاہئے جس کاحق نہیں بنتا اسے نہیں دینی چاہئے۔
معرکہ حق میں ناکامی کے بعد بھارتی قیادت کی مایوسی کھل کر سامنے آچکی ہے،بھارت کو پاکستان کی اہمیت کو تسلیم کرتے ہوئے اس کے ساتھ پُرامن بقائے باہمی کا راستہ اختیار کرنا ہوگا مودی سرکار کے اشتعال انگیز بیانات خطے کو پھر بحران کی طرف دھکیل سکتے ہیں،اگر کسی قسم کی جغرافیائی تباہی کی...
آج کل 5 روپے میں آتا کیا ہے؟ اتنے پیسے تو گھر کے چھوٹے بچے بھی پکڑنے سے انکار کر دیتے ہیں،شہری کی دہائی حکومت نے عوام پر اتنا بڑا احسان کیا ہے جیسے ساری نیکیاں ایک ساتھ ہی سمیٹ لی ہوں،شہریوں کی میڈیا سے گفتگو حکومت کی جانب سے پیٹرول کی قیمت میں کمی پر عوام نے حکومت پر طنز ک...
منشیات فروش خاتون کیس میں نئے انکشافات سامنے آنے کے بعد معاملہ مزید پیچیدہ ہوگیا گارڈن تھانے کی فوٹیج غائب ہونے کے دعوئوں نے کیس پرسوالات کھڑے کر دیے،ذرائع مبینہ منشیات فروش خاتون انمول عرف پنکی کے کیس میں نئے انکشافات سامنے آنے کے بعد معاملہ مزید پیچیدہ ہوگیا ہے، جبکہ ذرائع ...
حکومت کی آئی ایم ایف کو سرکاری اداروں کی نجکاری تیز کرنے کی یقین دہانی، بجلی کی تقسیم کار کمپنیوں کی نجکاری کا متبادل پلان پیش ،بین الاقوامی مالیاتی ادارے کارئیل اسٹیٹ سیکٹر کی سخت نگرانی پر زور 27 سرکاری اداروں کی نج کاری پر پیش رفت جاری پی آئی اے اور فرسٹ ویمن بینک کی نج کار...
اشرافیہ، جاگیردار وڈیرے پارٹیاں بدل بدل کر قوم پر مسلط ، حکمران جماعتوں کی قسم ایک ہی ہیں کوئی جماعت عوام کو حق دینے کیلئے تیار نہیں، نوجوان مایوس نہ ہوں،بنوقابل تقریب سے خطاب امیرجماعت اسلامی پاکستان حافظ نعیم الرحمن نے کہا ہے کہ ملک میں گولی اور گالی کی سیاست عام، تعلیم مہن...
عالمی برادری کے ساتھ مل کر پرامن، ہم آہنگ، متحد معاشرے کے قیام کیلئے پرعزم ہیں نوجوان ، مذہبی رہنما،سول سوسائٹی برداشت، ہمدردی، رواداری کو فروغ دیں،وزیراعظم وزیراعظم شہباز شریف نے پُرامن باہمی طرزِ زندگی کے عالمی دن کے موقع پر اپنے پیغام میں کہا کہ قائداعظم کے اصول آج بھی پ...
نئی دہلی وزرائے خارجہ اجلاس کے اختتام پر مشترکہ اعلامیہ جاری کرنے میں ناکام امارات پر ایران کا اپنے خلاف فوجی کارروائیوں میں براہِ راست ملوث ہونے کا الزام برکس گروپ کے رکن ممالک ایران اور متحدہ عرب امارات کے باہمی اختلافات کے باعث برکس وزرائے خارجہ اجلاس بغیر کسی نتیجہ کے ختم...
توانائی شعبے میں اصلاحات، گردشی قرضے میں کمی اور مالی اہداف سے متعلق مذاکرات جاری،پروٹیکٹڈ صارفین کے علاوہ دیگربجلی اور گیس صارفین کے نرخوں میں اضافہ کیا جائے گا،حکام حکومت کی عالمی توانائی قیمتوں کا مکمل بوجھ صارفین تک منتقل کرنے کی پالیسی برقرار، گیس سیکٹر کے گردشی قرضے کا آڈ...
کراچی واٹر کارپوریشن میں مبینہ بدانتظامی اور پانی کی تقسیم کے نظام پر سوالات اٹھ گئے سرکاری نرخ پر بک ہونیوالے آن لائن ٹینکرپانی مہنگے داموں فروخت کرتے ہیں، شہری شہر قائد میں پانی کا بحران شدت اختیار کر گیا ہے، جبکہ کراچی واٹر کارپوریشن کے انتظامی امور، ہائیڈرنٹ نظام اور آن ل...
صومالیہ کے بحری قذاقوں کے ہاتھوں یرغمال پاکستانیوں کی دلخراش ویڈیو سامنے آگئی اغوا ہوئے 26 روز گزر چکے، حکومت رہائی کیلئے اقدامات کرے، سیکنڈ آفیسر حسین یوسف صومالیہ کے بحری قذاقوں کے ہاتھوں یرغمال پاکستانیوں کی ایک اور ویڈیو منظرعام پر آگئی جس میں انہوں نے رہائی کی اپیل کی...
لبنانی بچے مسلسل تشدد، نقل مکانی، خوفناک واقعات کا سامنا کر رہے ہیں،عالمی ادارہ لبنان میں بچوں کے تحفظ کیلئے فوری اقدامات کیے جائیں، عالمی برادری سے مطالبہ یونیسیف نے انکشاف کیا ہے کہ لبنان میں مارچ سے جاری اسرائیلی حملوں کے نتیجے میں کم از کم 200 بچے شہید ہو چکے ہیں۔یونیسیف ...
عوام مشکل میں ہیں، آئندہ بجٹ مشکل ہو گا، 28 ویں ترمیم پر کوئی بات نہیں ہوئی،امریکا ایران جنگ اور مذاکرات سے متعلق مجھے کوئی پیشکش نہیں کی گئی،چیئرمین پیپلز پارٹی حکومت سے بجٹ مذاکرات کے لیے پیپلزپارٹی کی 4 رکنی کمیٹی بنادی،پیٹرول سے متعلق موٹر سائیکل سواروں کو ریلیف دیا جا رہا ...
