... loading ...
الیکشن کمیشن پاکستان نے ایم کیو ایم پاکستان کے کرائے گئے انٹرا پارٹی الیکشن کو کالعدم قرار دے دیا، جس کے ساتھ ہی ڈاکٹر فاروق ستار پارٹی سربراہ نہیں رہے۔الیکشن کمیشن میں ایم کیو ایم پاکستان کے دونوں دھڑوں کے انٹرا پارٹی انتخابات کے حوالے سے الگ الگ درخواستوں کی سماعت ہوئی۔ایم کیو ایم پاکستان کے رہنما ڈاکٹر فاروق ستار کی جانب سے درخواست دائر کی گئی تھی جس میں ای سی پی کے دائرہ اختیار کو چیلنج کیا گیا تھا، تاہم کمیشن نے ان کی درخواست کو مسترد کردیا جبکہ ڈاکٹر خالد مقبول صدیقی اور کنور نوید جمیل کی درخواستوں کو قابلِ سماعت قرار دے دیا۔الیکشن کمیشن نے درخواستوں پر فیصلہ سناتے ہوئے ڈاکٹر فاروق ستار کو ایم کیو ایم پاکستان کی کنوینر شپ کو ہٹا دیا۔
الیکشن کمیشن کے باہر میڈیا نمائندوں سے بات چیت کرتے ہوئے ایم کیو ایم بہادرآباد گروپ کے رہنما علی رضا عابدی کا کہنا تھا الیکشن کمیشن کا فیصلہ ہمارے ساتھ ناانصافی ہے۔ ہم نے الیکشن کمیشن کے دائرہ اختیار کو چیلنج کیا تھا کہ الیکشن کمیشن ٹرائل کورٹ نہیں ہے اور ہمارے کیس میں شواہد ریکارڈ کروانے کا ہی مسئلہ ہے۔الیکشن کمیشن کوپارٹی کنوینر شپ کے فیصلے کا دائرہ اختیار نہیں ہے تاہم ڈاکٹر فاروق ستار کو یہ تجویز پیش کی جائے گی کہ اس فیصلے کو بھی چیلنج کیا جائے۔
ایم کیو ایم رہنما کا کہنا تھا کہ یہ فیصلہ ریڈر نے سنایا جبکہ اس وقت الیکشن کمیشن کی بینچ کو کوئی بھی ممبر موجود نہیں تھا۔یادرہے کہ ایم کیوایم پاکستان میں اختلافات اس وقت کھل کرسامنے آئے تھے جب
کامران ٹیسوری کو فاروق ستارکی جانب سے سینیٹر بنانے کااعلان کیاگیاتھااس معاملے پرکنوینراوررابطہ کمیٹی میں اختلافات کھل کرسامنے اورپارٹی دوواضح دھڑوں میں تقسیم ہوگئی نوبت یہاں تک پہنچی کہ ایک دن میں پارٹی کے دواجلاس ہوئے ایک بہادرآباد میں اوردوسراپی آئی بی کالونی میں ۔پیرالہی بخش کالونی میں ہونے والے اجلاس میں جس کی صدارت فاروق ستارنے کی میں رکن قومی اسمبلی علی رضا عابدی، کامران اختر، وقار شاہ شریک ہوئے۔دوسرا اجلاس بہادرآباد میں عامر خان کی زیر صدارت ہوا جس میں خالد مقبول صدیقی، کنور نوید، امین الحق، فیصل سبزواری، وسیم اختر، نسرین جلیل اور دیگر نے شرکت کی۔
اس دوران مفاہمت کی کوششیں بھی جاری رہیں لیکن فاروق ستارپنی بات پراڑے رہے ۔اسی دوران گیارہ فروری کومتحدہ قومی موومنٹ پاکستان کی رابطہ کمیٹی نے فاروق ستار کو پارٹی کنوینر کے عہدے سے برطرف کرتے ہوئے خالد مقبول صدیقی کو کنوینر مقرر کردیا۔اس بات کااعلان رابطہ کمیٹی کے ارکان نے بہادر آباد میں پریس کانفرنس کرتے ہوئے کیا۔ اس موقع پر عامر خان، خالد مقبول صدیقی، کنور نوید جمیل، نسرین جلیل اور دیگر متحدہ رہنما موجود تھے۔ ایم کیو ایم بہادر آباد گروپ نے کہا کہ یہ فیصلہ ہمارے لیے بہت تکلیف ہے لیکن ہم مجبور ہیں اور فاروق ستار کو متحدہ قومی موومنٹ پاکستان کی کنوینر شپ سے برطرف کرنے کا اعلان کرتے ہیں۔
اس موقع پرڈپٹی کنوینر نے کہا کہ رابطہ کمیٹی کے بار بار کہنے کے باوجود پارٹی کے گوشوارے جمع نہیں کرائے گئے جس پر الیکشن کمیشن میں ایم کیو ایم کی پارٹی رجسٹریشن منسوخ ہوگئی تھی اس ساری غلطی کی ذمہ داری فاروق ستار پر عائد ہوتی ہے،فاروق ستار نے رابطہ کمیٹی کے اختیارات کئی بار استعمال کیے،ایسی بہت ساری باتیں ہیں تاہم صرف چند فیصد آپ سے شیئر کی جارہی ہیں درحقیقت فاروق ستار نے دھوکے سے خود کو پارٹی کا سر براہ بنایا۔
کنورنویدجمیل نے کہا کہ تنظیم کے اندر پسند نا پسند، اقربا پروری اپنے عروج پر ہے، مطلق العنانی کے ذریعے سارے کام کیے جارہے ہیں، فاروق ستار کے غلط کاموں کو محض انہیں منانے اور پارٹی نہ توڑنے کی خاطر تسلیم کیا، ہمیں یہ اعلان کرتے ہوئے تکلیف ہورہی ہے کہ فاروق ستار آج سے کنوینر نہیں بلکہ پارٹی کے محض ایک کارکن ہیں۔اس سے یہ بات واضح ہوگئی کہ متحدہ قومی موومنٹ پاکستان باقاعدہ تقسیم ہوچکی۔ اسی دوران جنرل ورکرزاجلاس سے خطاب کرتے ہوئے ڈاکٹر فاروق ستارکہاکہ میں آرٹیکل سکس کے تحت رابطہ کمیٹی کوفارغ کرتاہوں اسی دوران فاروق ستار نے ایک قرارداد پیش کی جس میں انہوں نے 17 فروری کو پارٹی کے الیکشن کرانے کا اعلان کیا اور کہا کہ 17 فروری کو پارٹی الیکشن کرائیں گے جس کے بعد پتا چل جائے گا کارکنان کس کے ساتھ ہیں۔ انھوں نے یہ بھی کہاکہ میںمسلسل چھ راتوں سے جاگ کر پارٹی کو بچانے میں لگا ہوا تھا، عاقبت نااندیش ساتھیوں نے پارٹی کے دستور کا معاملہ چھیڑ دیا، ایک چھوٹی موٹی چارج شیٹ میرے پاس بھی ہے، رابطہ کمیٹی کے ارکان نے غیر آئینی اجلاس پر اجلاس بلاکر پارٹی آئین اور انتخابی قوانین کی خلاف ورزی کی، میں نے بانی ایم کیو ایم کے اختیارات نہیں مانگے لیکن ممنون حسین بن کر بھی نہیں رہنا چاہتا۔
انٹرپارٹی الیکشن میں ڈاکٹرفاروق ستار دوبارہ پارٹی کے کنوینراورکامران ٹیسوری ڈپٹی کنوینرمنتخب ضرورہوگئے لیکن بہادرآبادگروپ نے اسے الیکشن کمیشن میں چیلنج کیا۔ اسی دوران سینیٹ الیکشن میں ایم کیوایم بر ی طرح شکست سے دوچارہوئی فاروق ستارکی جانب سے خواتین اراکین اسمبلی پرووٹ فروخت کیے جانے کاالزام بھی عائد کیاگیا۔ ان کاکہناتھاکہ ہمار ی باجیوں نے پیپلزپارٹی کے امیدواروں کوووٹ دیئے ۔سینیٹ الیکشن میں سوائے فرو غ نسیم کے کوئی دوسراامیدوارکامیاب نہ ہوسکا۔ رواں ایم کیوایم کایوم تاسیس بھی ایم کیوایم پاکستان کے دونوں گروپو ں نے الگ الگ کرایا۔ پی آئی بی گروپ نے لیاقت آبادفلائی اوور پر اور بہادر آبادگروپ نے نشترپارک میں ڈیرہ جمایا۔ دونوں جانب سے کارکنوں کی کثیرتعدادکے آنے کے دعوے کیے گئے
گزشتہ روزالیکشن کمیشن آف پاکستان نے فیصلہ سناکرڈاکٹرفاروق ستارکوایم کیوایم پاکستان کی کنوینرشب سے فار غ اورپی آئی بی گروپ کی جانب سے کرائے گئے انٹرپارٹی الیکشن بھی کالعدم قراردے دیئے ۔ فیصلہ آنے کے بعد ایم کیو ایم پاکستان پی آئی بی کے رہنما اور رکن قومی اسمبلی علی رضا عابدی نے کہا کہ الیکشن کمیشن کی جانب سے ڈاکٹر فاروق ستار کے خلاف کیے جانے والے فیصلہ کو چیلنج کرنے کا حق رکھتے ہیں، ہم اس فیصلہ پر نظرثانی کی درخواست دائر کریں گے۔ پیر کو الیکشن کمیشن میں فیصلہ کے بعد میڈیا سے گفتگو کرتے ہوئے علی رضا عابدی نے کہا کہ جو ادارہ ٹرائل نہیں کرسکتا وہ فیصلہ کیسے دے سکتا ہے، بینچ موجود نہیں تھا، ریڈرز نے فیصلہ سنادیا۔علی رضا عابدی نے کہا کہ فیصلہ ہمارے ساتھ ناانصافی ہے، اس کیس کو ٹرائل کورٹ میں سننا چاہئے تھا۔
اس حوالے سے ڈاکٹرفاروق ستار اور ان کے رفقاجوبھی طریقہ کاراختیارکریں وہ ان کاآئینی حق ہے تاہم ایک بات جویہا ں ضروری ہے وہ یہ کہ گزشتہ کئی دنوں سے جاری باہمی لڑائی جھگڑے کے باعث ایم کیوایم کے کارکنان،ذمے داران اورہمدردشدید ذہنی تنائوکاشکار ہے ۔ جب کہ مہاجرووٹرزبھی مخمضے کا شکارہے ۔ہوناتویہ چاہیے کہ دونوں دھڑے اس معاملے کومزید الجھانے کے بجائے آپس میں مل بیٹھ کرمسائل حل کریں ۔ اور ووٹرز کو درتقسیم درتقسیم ہونے سے روکیں اسی میں ان کی اورپارٹی کی بھلائی ہے ۔ ورنہ ٹکڑوں میں بٹی ایم کیوایم 2018کے عام انتخابات میں سینیٹ الیکشن کی طرح شکست سے دوچارہوگی اوربچی کھچی پارٹی کی ساکھ بھی خراب ہوگی۔
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
غزہ میں مظالم کے خلاف اسرائیل کی مبینہ حمایت کرنے والی کمپنیوں کے بائیکاٹ کی مہم میں شدت آتی جا رہی ہے ۔ معروف امریکی فوڈ چین کے ایف سی نے ملائیشیا میں اپنے 100 سے زائد ریستوران عارضی طور پر بند کرنیکا اعلان کر دیا۔غیر ملکی میڈیا کے مطابق ملائیشیا میں امریکی فوڈ چین کی فرنچائز کم...
جمعیت علمائے اسلام کے سربراہ مولانا فضل الرحمان نے وزیراعظم شہباز شریف اور وزیراعلیٰ پنجاب مریم نواز کے شوہر کیپٹن (ر) صفدر کو طنز کا نشانہ بنایا ہے ۔لاہور میں فلسطین کانفرنس سے خطاب میں مولانا فضل الرحمان کا کہنا تھاکہ یہاں بلاوجہ شہباز شریف کی شکایت کی گئی اس بیچارے کی حکومت ہی...
وزیراعظم شہباز شریف نے کہا ہے کہ کرپشن کا ملک سے خاتمہ ہونے والا ہے ، ہم سب مل کر پاکستان کو انشااللہ اس کا جائز مقام دلوائیں گے اور جلد پاکستان اقوام عالم میں اپنا جائز مقام حاصل کر لے گا۔لاہور میں عالمی یوم مزدور کے موقع پر اپنی ذاتی رہائش گاہ پر تقریب سے خطاب کرتے ہوئے وزیرِ ا...
غیر قانونی طور پر بھارت کے زیر قبضہ جموں و کشمیر میں بی جے پی کے رہنما راجوری اور پونچھ میں مسلمانوں کو دھمکیاں دے رہے ہیں کہ وہ یا تو سنگھ پریوار کے حمایت یافتہ امیدوار کو ووٹ دیں یا1947 جیسی صورتحال کا سامنا کرنے کے لیے تیار رہیں۔ کشمیرمیڈیاسروس کے مطابق 1947میں جموں خطے میں ہن...
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...