... loading ...
... loading ...
1996 میں فاروق پٹنی عرف فاروق داداکو بلدیہ ٹاؤن کے اس وقت کے اسٹیشن ہاوس افسر (ایس ایچ او) اور نقیب اللہ محسود قتل کیس میں مفرور سابق ایس ایس پی ملیر راؤ انوار نے مبینہ پولیس مقابلے میں ہلاک کردیا تھا جس کے بعد ایم کیوایم کی قیادت نے مقتول ک ی بیوہ شازیہ فاروق کورکن سندھ اسمبلی کی نشست پرنامزدکیااوروہ منتخب ہوکرایوان کاحصہ بن گئیں اس وقت سے آج تک وہ مسلسل سندھ اسمبلی کی رکن بنتی چلی آرہی ہیں۔بائیس اگست کی پاکستان مخالف تقریرکے بعد بھی شازیہ فاروق ایم کیوایم پاکستان میں نہ صر ف شامل رہیں بلکہ ڈاکٹرفاروق ستارکی قیادت پر اظہار اعتماد بھی کیا۔تاہم پانچ فروری کوکامران ٹیسوری معاملے پر اختلافات کے باعث جب ایم کیوایم پاکستان دوگرپوں میں تقسیم ہوئی توشازیہ فاروق نے کسی گرو پ کی کھل کرحمایت نہیں کی۔تاہم سینیٹ الیکشن میں ایم کیوایم پاکستان کے امیدواروں کی ناکامی کے بعد فاروق ستارکی جانب سے کچھ خواتین رکن اسمبلی سمیت تقریباً14اراکین صوبائی اسمبلی پر ووٹ فروخت کرنے الزام عائدکیاجس کے بعد ایک نیاپنڈورابکس کھل گیا۔ تاہم کسی جانب سے اس حوالے تردید نہیں کی گئی جس کے بعد الزام تقویت پاتاچلاگیا۔
اس حقیقت سے انکارممکن نہیں کہ ایم کیوایم پاکستان کے اندرونی اختلافات سے کارکن اورذمے داران ہی نہیں اراکین اسمبلی بھی دلبرداشتہ ہیں۔اسی لیے وہ راہ فرارڈھونڈرہے ہیں ایسے میں سینیٹ الیکشن میں ایم کیوایم کوصرف ایک نشست کاملناکئی سوالا ت کوجنم دے رہاہے ۔منگل کی صبح الیکٹرانک میڈیا پر جب یہ خبرنشرہوناکہ پیسے لیکر ووٹ بیچنے کے الزام سے دلبرداشہ ایم کیو ایم کی رکن صوبائی اسمبلی شازیہ جاوید نے مبینہ طور پر خواب آور گولیاں کھا کر خود کشی کی کوشش کی جس پرانھیں عباسی شہید ہسپتال پہنچایا گیا جہاں انہیں طبی امداد دی گئی۔
ابھی میڈیاپریہ خبرچل ہی رہی تھی کہ ایم کیو ایم رہنما امین الحق کابیان سامنے آگیاجس میں ان کا کہناتھا کہ خواب آور گولیوں کے استعمال سے قبل شازیہ فارو ق نے خط بھی لکھا ہے جبکہ شایہ جاوید کے بیٹے کا کہنا ہے انکی والدہ کو سانس کی نالی اور دل کا مسئلہ تھا اس لیے انہیں ہسپتال لایا گیا۔ متحدہ قومی موومنٹ کی رکن صوبائی اسمبلی شازیہ کو تشویشناک حالت میں عباسی شہید ہسپتال لایا گیا۔ اس سلسلے میں ذرائع کے مطابق شازیہ نے گھر میں خواب آور ادویات زیادہ مقدار میں استعمال کیں۔ اطلاع پر متحدہ قومی موومنٹ کے رہنما بھی ہسپتال پہنچے۔
ایم کیو ایم کے رہنما امین الحق کا کہنا ہے شازیہ جاوید سینیٹ الیکشن کے دوران پیپلز پارٹی کو ووٹ دئیے جانے کے حوالے سے لگائے جانیوالے الزامات سے کافی دلبرداشتہ تھیں جس پر انہوں نے خواب آور ادویات کا استعمال کیا، خود کشی کی کوشش سے قبل انہوں نے ایک خط بھی لکھا جس میں انہوں نے کہا کہ ان پر پیپلز پارٹی کو ووٹ دینے کے حوالے سے الزامات لگائے جا رہے ہیں میں متحدہ کی موجودہ صورتحال کے باعث فرسٹریشن کا شکار تھی اس لیے میں نے پیپلز پارٹی کو ووٹ دیا لیکن انہوں نے کوئی پیسے نہیں لیے۔ انہوں نے کہا شازیہ جاوید کی حالت اب کافی بہتر ہے تاہم ابھی بات نہیں ہوسکی۔
ذرائع کا کہنا ہے اس حوالے سے اطلاعات آتی رہیں کہ انہیں ہسپتال سے فارغ کر دیا گیا ہے تاہم شازیہ جاوید کو رات گئے تک ہسپتال سے ڈسچارج نہیں کیا گیا تھا۔ ہسپتال میں موجود شازیہ جاوید کے ورثا کا کہنا تھا وہ ڈپریشن کا شکار تھیں انہیں سانس کی تکلیف کے باعث ہسپتال لایا گیا۔ بلدیہ تھانے کے ایس ایچ او چودھری اسلم کا کہنا ہے انہیں خود میڈیا کے ذریعے اسکی اطلاع ملی جس کے بعد پولیس کارروائی کرنے ہسپتال گئی تو انکے بیٹے اور رشتے داروں نے پولیس کو بیان دیا کہ شازیہ ڈپریشن کا شکار تھیں اور انکی سانس کی نالی میں مسئلہ ہوا تھا۔انہوں نے بتایا انکی والدہ کے حوالے سے یہ باتیں چل رہی ہیں کہ وہ کسی اور پارٹی میں جارہی ہیں ایسا بالکل نہیں ہے انکے گھر والوں نے قربانیاں دی ہیں اور وہ ہمیشہ ایم کیو ایم میں رہیں گی۔
شازیہ کے ایک اور رشتے دار کا کہنا تھا متحدہ قومی موومنٹ کی چند دنوں کے دوران ہونے والی صورتحال سے وہ پریشان تھیں اور انکی غلطی یہ ہے کہ وہ سینیٹ الیکشن کے دن ووٹ دینے چلی گئیں۔ پولیس کا کہنا ہے ابھی یہ تصدیق نہیں ہوسکی کہ انہوں نے خواب آور گولیوں کا استعمال کیا تھا یا پھر کوئی اور بیماری تھی اس حوالے سے تفتیش کر رہے ہیں۔ کراچی پولیس کے ایک سینئر افسر نے بتایا انہیں اطلاع ملی ہے کہ واقعہ خودسوزی کا ہے تاہم ابھی پولیس کے پاس میڈیکل رپورٹ نہیں آئی ، معلومات لی جارہی ہیں۔ شازیہ جاوید کا ایک ویڈیو پیغام بھی سامنے آیا تھا جس میں انہوں نے سینیٹ الیکشن میں پیسے لیکر پیپلز پارٹی کے امیدوار کو ووٹ دینے کے الزام کی سختی سے تردید کی تھی۔
دوسری جانب شہید عباسی ہسپتال کے میڈیکل سپرٹینڈنٹ ڈاکٹر محمد انور نے تصدیق کی ہے کہ رکن سندھ اسمبلی شازیہ فاروق کی جانب سے خواب آوار گولیاں کھا کر خود کشی کرنے کی کوئی علامت نہیں ملی تاہم انہیں معدے میں درد اور متلی کی شکایت تھی۔ڈاکٹر محمد انور کے مطابق شازیہ فاروق کی طبیعت بھال ہونے کے بعد انہیں ہسپتال سے رخصت کردیا گیا ہے ۔ یاد رہے کہ منگل کی صبح میڈیا پر خبر نشر ہوئی کہ متحدہ قومی موومنٹ (ایم کیو ایم) پاکستان کی رکن سندھ اسمبلی شازیہ فاروق نے سینیٹ انتخابات میں ووٹ بیچنے کے الزام پر دلبرداشتہ ہو کر خواب آور گولیاں کھالیں اور مبینہ طور پر خود کشی کرنے کی کوشش کی تاہم بروقت طبی امداد ملنے پر ان کی جان بچالی گئی۔شازیہ فاروق کے والد نے بیٹی کی حالت زار کا ذمہ دار ایم کیو ایم پی آئی بی گروپ کے سربراہ ڈاکٹر فاروق ستار کو قرار دیا تھا۔
اس سلسلے میں شازیہ فاروق کاکوئی موقف سامنے نہیں آیاانھوں نے اسپتال سے روانگی سے قبل میڈیا سے بات چیت کرنے سے گریز کیا اور ہسپتال کے عقبی دروازے سے گھر روانہ ہو گئیں۔واضح رہے ایم کیو ایم پاکستان کو سینیٹ انتخابات میں صرف ایک نشست مل سکی جو پارٹی کے لیے غیر معمولی صدمے کا باعث ہے جس کے بعد ایم کیو ایم پاکستان کے دونوں دھڑوں پی آئی بی اور بہادرآباد گروپس نے سینیٹ انتخابات میں مبینہ طور پر ہونے والی ہارس ٹریڈنگ کو الیکشن کمیشن آف پاکستان (ای سی پی) میں چیلنج کرنے کا فیصلہ کیا۔
جہاں تک تعلق ہے شازیہ فاروق کے اقدام خودکشی کاتوا س حوالے سے رکن اسمبلی کے بیٹے محمد فاروق نے بتایا کہ ان کی والدہ کو طبیعت بگڑنے پر عباسی شہید ہسپتال پہنچایا گیا جہاں ڈاکٹروں نے معدہ صاف کرکے ان کی زندگی بچا لی گئی۔ یاد رہے کہ ایم کیو ایم پی آئی بی گروپ کے سربراہ فاروق ستار نے الزام عائد کیا تھا کہ پیپلز پارٹی نے ایم کیو ایم کے ارکان صوبائی اسمبلی کو خرید کر سینیٹ انتخابات میں کامیابی حاصل کی۔فاروق ستار کی جانب سے مذکورہ الزام سامنے آنے کے بعد ایم پی اے شازیہ فاروق اور انیلہ منیر نے اپنے ویڈیو پیغام میں واضح کیا کہ ڈاکٹر فاروق ستار کی جانب سے کامران ٹیسوری کو سینیٹ ٹکٹ دینے کے انفرادی فیصلے سے پارٹی میں تفریق پیدا ہوئی اور وہ معاملے پر شدید ذہنی دباؤ اور غصے میں تھے۔ انہوں نے ویڈیو میں اقرار کیاتھا کہ ‘انہوں نے سینیٹ انتخابات میں ایم کیو ایم پاکستان کو ووٹ نہیں دیا’ اور ساتھ ہی دعویٰ کیا کہ ’انہوں نے اپنا ووٹ کسی کو فروخت بھی نہیں کیا’۔دونوں نے واضح کیا کہ وہ ایم کیو ایم پاکستان کے کسی دھڑے سے تعلق نہیں رکھتیں اور گروپ بازی کے بجائے گھر پر بیٹھنا پسند کریں گے۔
ادھر شازیہ فاروق کے بیٹے نے اقرار کیا کہ والدہ نے پاکستان پیپلز پارٹی (پی پی پی) سمیت کسی جماعت کو ووٹ نہیں ڈالا بلکہ اپنا ووٹ ضائع کیا۔ اس حوالے معاملہ چاہے کچھ بھی یہ بات ضرورافسوس ناک ہے کہ مہاجروں کے نام پرسیاست کرنے والی جماعت کے اراکین اسمبلی نے اپنے ووٹ ایک ایسی جماعت کے امیدواروں کودیئے جس پرخوداس جماعت کے رہنماانتقامی کارروائیوں کاالزام لگاتے رہے اس حوالے سے ضروری ہے کہ ایم کیوایم کے سنجیدہ حلقوں سوچنا ہوگااورآپس کے اختلافات ختم کرنے کے لیے کام کرنا ہوگاورنہ عام انتخابات میں صورت حال اس سے بھی زیاد ہ سنگین ہوسکتی ہے۔
٭ ٭ ٭
امریکی صدر ڈونلڈ ٹرمپ نے کہا کہ ایران امریکا کے ساتھ سمجھوتہ کرنے کے لیے بے تاب ہے اور وہ ڈیل ہونے کیلئے مر رہا ہے۔ تفصیلات کے مطابق ٹرمپ نے جنوبی ڈکوٹا ریاست میں امریکا کی 250 ویں سالگرہ کی تقریب سے خطاب کرتے ہوئے کہا کہ امریکا نے ایران کے سابق سپریم لیڈر علی خامنہ ای ک...
سنسنی خیز مقابلے کے بعد پنالٹی شوٹ آؤٹ میں4ـ2 سے شکست دیکر پہلی بار ورلڈ کپ کے ناک آؤٹ مرحلے میں کامیابی فیفا ورلڈ کپ میں مصر نے شاندار کارکردگی کا مظاہرہ کرتے ہوئے نئی تاریخ رقم کر دی اور آسٹریلیا کو سنسنی خیز مقابلے کے بعد پنالٹی شوٹ آؤٹ میں4ـ2 سے شکست دے کر پہلی بار ورلڈ ک...
روس ہر قیمت پر فتح حاصل کرے گا، نام نہاد امن کے داعی درحقیقت جنگ کو طول دینا چاہتے ہیں، روسی صدر روس نے یوکرین کے ایک اور شہر کوستیان تینیو پر قبضہ کر لیا، روسی صدر پوتن نے کہا ہے کہ روس ہر قیمت پر فتح حاصل کرے گا۔ روسی صدر ولادیمیر پوتن نے یوکرین اور اس کے مغربی حامیوں کو ...
سندھ طاس معاہدے کو سبوتاژ کرنے کی قیمت بھاری ہوگی،پاکستان اپنے جائز آبی وسائل پر غیرقانونی قبضہ ہر گز قبول نہیں کرے گا،پانی روکنے کی بھارتی کوشش کو جنگ تصور کیا جائے گا، اسحاق ڈار بین الاقوامی معاہدوں کی خلاف ورزی کے نتائج 2ممالک تک محدود نہیں رہتے،پاکستان امن کا داعی ہے اور ہم...
20 بچوں کو نکال لیا گیا، ملبے میں مزید بچے دبے ہونے کا خدشہ۔پولیس نے مالک دو بھائیوںفیضان اور ریحان کو حراست میں لے لیا، ایک سال سے ٹیوشن سنٹر چل رہا تھا کمرے کی چھت پر مزدور کام کررہے تھے جس کی وجہ سے چھت گری، 5گرفتار،صدر ووزیراعظم کا اظہار افسوس،وزیراعلیٰ کا صوبے کے اسکولوں کی...
ہم کسی بھی صورت بنیادی حق سے دستبردار نہیں ہوں گے ، پی ٹی آئی رہنما اختر مینگل اتحادی ہیں انہیں ساتھ لے کر چلیں گے،پریس کانفرنس سے خطاب سابق اسپیکر قومی اسمبلی اور پی ٹی آئی رہنما اسد قیصر نے دعوی کیا ہے کہ تحریک انصاف کے دور حکومت میں 400 لاپتا افراد کو بازیاب کرایا گیا۔ ا...
اسٹیٹ بینک نے بغیر قانونی اجازت بینک اکائو نٹس بلاک کرنے سے روک دیا عدالتی حکم پرعملدرآمدکی رپورٹ اسلام آباد ہائیکورٹ میں جمع کرا دی ،اعلامیہ سٹیٹ بینک آف پاکستان نے بغیر قانونی وجہ، مجاز اتھارٹی کی منظوری اور تصدیق کے اکائونٹس بلاک کرنے سے روک دیا ۔عدالتی حکم پر اسٹیٹ بینک ...
مصنوعی قلت پیدا کرنے اور مارکیٹ میں ہیرا پھیری کسی صورت برداشت نہیں کی جائے گی سندھ میں گندم اور آٹے کی مناسب قیمت پر بلا تعطل فراہمی یقینی بنائی جائے،سید مراد علی شاہ وزیراعلیٰ سندھ سید مراد علی شاہ نے محکمہ خوراک اور ضلعی انتظامیہ کو گندم کی ذخیرہ اندوزی اور ناجائز منافع خو...
رینجرز کیمپ پر حملے کی مذمت،شہید اہلکاروں کو خراج عقیدت، لواحقین سے تعزیت کا اظہار پاکستانی قوم اپنے وطن کی حفاظت اور دشمن کے مذموم عزائم کو خاک میں ملانے کیلئے پُرعزم چیئرمین پیپلزپارٹی بلاول بھٹو زرداری نے کراچی میں رینجرز کے کیمپ پر حملے کی مذمت کرتے ہوئے کہا کہ عالمی سطح ...
حملہ آوروں کا تعلق اسی تنظیم سے تھا، پاکستانی حکام بھارتی حمایت یافتہ دہشت گرد گروہ قرار دیتے ہیں جماعت الاحرار کی بنیاد اگست 2014میں رکھی گئی ، بانی عمر خالد خراسانی صحافت سے وابستہ رہے،ماہرین کراچی کے یونیورسٹی روڈ پر پاکستان رینجرز (سندھ)کے کیمپ پر ہونے والے دہشت گرد حملے ...
احتجاج ان کی خواہش نہیں بلکہ آخری آپشن ہے، دوبارہ احتجاج کرنا پڑا توپہلی گولی میرے سینے پر لگے گی، وزیراعلیٰ حکومت نے ہمیشہ عوامی خدمت کو ترجیح دی، اسی لیے عوام نے انہیں تیسری مرتبہ حکومت کرنے کا موقع دیا،خطاب وزیراعلیٰ سہیل آفریدی نے کہا ہے کہ بانی پی ٹی آئی سے ملاقات نہ...
شہباز شریف کا ملک کیخلاف دشمن کے ناپاک عزائم ناکام بنانے کے آہنی عزم کا اعادہ،پاکستان آج دنیا میں امن کے علمبردار کا کردار ادا کر رہا ہے، قوم اپنی افواج کے شانہ بشانہ کھڑی ہے پاکستان کی پرخلوص ثالثی کاوشوں کے نتیجے میں امریکا اور ایران کے درمیان تاریخی اسلام آباد مفاہمتی یادداشت...
