... loading ...
بے ایمانی، بد عنوانی، سفارش، جعلی ڈگریوں قابلیت و ہنرمندی کی ناقدری کے موجودہ کلچر سے نجات ضروری ہے۔ روز مرہ زندگی میں سچائی ، پرہیزگاری، خلوص، امانت، اخلاقیات اور دوسروں کا خیال رکھنے کے اسلامی رجحانات کو فروغ دے کر ہم معاشرتی برائیوں پر قابو پاسکتے ہیں۔ مساجد بہترین تربیت گاہ ہیں۔نسل نو کا رشتہ دین کے ساتھ مضبوطی سے جوڑنا ہوگا۔ ان خیالات کا اظہار سابق چیف جسٹس آف پاکستان جسٹس (ر) انور ظہیر جمالی نے گذشتہ روز بزم کرن ( سوسائٹی فار دی پریونشن آف وے وارڈ نیس ) کے دسویں یوم تاسیس کی تقریب کے شرکاء سے بحیثیت مہمان خصوصی خطاب کرتے ہوئے کیا۔ صدارت عفیف گروپ کے چیئر مین راشد احمد صدیقی نے کی۔ اس موقع پر بزم کرن کے صدر ظفر اقبال ، جنرل سیکریٹری کرنل (ر) اطہر علی خان ، ایئر کموڈور شبیر احمد خان ، جسٹس (ر) مشتاق اے میمن ، وائس چانسلر سر سید یونیورسٹی ا?ف انجینئرنگ اینڈ ٹیکنالوجی پروفیسر افضل حق ، کمانڈر کراچی ریئر ایڈمرل اطہر مختار اور ارشد انیس نے بھی خطاب کیا۔ انور ظہیر جمالی نے کہا کہ مرض کے علاج سے قبل یہ جاننا ضروری ہے کہ یہ کیوں لاحق ہوا ہے۔ معاشرتی بے راہ روی کی جس یلغار کا آج ہمیں سامنا ہے در اصل یہ دو نسلوں کی ناکامیوں کا شاخسانہ ہے۔ انٹرنیٹ کے ذریعے برائیوں کے فروغ پر انہوں نے کہا کہ جدید سائنسی آلات انسانی زندگی کیلئے انتہائی اہمیت کے حامل ہیں۔ ان کے مضر اثرات سے بچنے کیلئے عملی اقدامات ریاست کی ذمہ داری ہے جو ادا نہیں ہو رہی ۔ مہمان خصوصی نے بزم کرن کی کارکردگی پر شاندار الفاظ میں خراج تحسین پیش کرتے ہوئے منتظمین سے کہا کہ مجھے بھی اس قافلے میں شامل کریں۔ صدر بزم کرن ظفر اقبال نے 10سالہ کارکردگی کا اجمالی جائزہ پیش کرتے ہوئے کہا کہ تعلیمی عمل کے ساتھ ساتھ تربیت ناگزیر ہے۔ دولت سے ا?پ سب کچھ خرید سکتے ہیںلیکن آداب و اطوار اور اخلاقیات کیلئے تربیتی عمل سے گزرنا ضروری ہے۔ انہوں نے بتایا کہ بچوں کی جیل میں ہم قیدیوں کو تعلیم کے ساتھ ساتھ پلمبنگ اور کارپینٹری جیسے ہنر سکھا رہے ہیں۔ لائنز ایریا کے قریب ہمارا اسکول اسٹریٹ چلڈرنز کیلئے کام کر رہا ہے جہاں بچوں کو مفت تعلیم، یونیفارم اور کتابوں کی فراہمی کے علاوہ روزانہ کی بنیاد پر نقد رقوم بھی دی جا تی ہیں تا کہ چائلڈ لیبر کا رجحان کم ہو اور بچے تلاش معاش کی فکر سے آزاد ہو کر حصول علم پر توجہ دے سکیں۔ راشد صدیقی نے کہا کہ معاشرتی بے راہ روی کی بڑی وجہ یہ ہے کہ ہماری تمام تر کوششیں دوسروں کو سدھارنے میں صرف ہو رہی ہیں ہم خود اپنی اصلاح پر قطعی آمادہ نہیںہیں۔ اگر ہم صرف جھوٹ بولنے ہی میں احتیاط برت لیں تو بہت سے معاملات میں بہتری آسکتی ہے۔ کرنل اطہر علی خان نے ملٹی میڈیا پر بزم کرن کے اغراض و مقاصد اور ادارے کے تحت جاری پروجیکٹس سے متعلق حاضرین کو آگاہی فراہم کی۔ آخر میں ارشد انیس نے حاضرین و مقررین سے اظہار تشکر کیا۔
بانی پی ٹی آئی عمران خان نے کہا ہے کہ پنجاب کا الیکشن پہلے سے پلان تھا اور ضمنی انتخابات میں پہلے ہی ڈبے بھرے ہوئے تھے۔اڈیالہ جیل میں میڈیا سے بات چیت میں انہوں نے کہا کہ جمہوریت، قانون کی بالادستی اور فری اینڈ فیئر الیکشن پر کھڑی ہوتی ہے مگر یہاں جنگل کا قانون ہے پنجاب کے ضمنی ...
ایرانی صدر ابراہیم رئیسی لاہور پہنچ گئے، جہاں انہوں نے مزارِ اقبال پر حاضری دی۔ اس موقع پر ان کا کہنا تھا کہ ایرانیوں کے دل پاکستانیوں کے ساتھ دھڑکتے ہیں۔ غزہ کے معاملے پر پاکستان کے اصولی مؤقف کو سراہتے ہیں۔وزیراعلی پنجاب مریم نواز نے علامہ اقبال انٹرنیشنل ائرپورٹ پر مہمان ایرا...
سپریم کورٹ نے کراچی میں 5 ہزار مربع گز پلاٹ پر پارک بنانے کا حکم دیدیا۔عدالت عظمی نے تحویل کے لئے کانپور بوائز ایسوسی ایشن کی درخواست مسترد کردی۔سپریم کورٹ کراچی رجسٹری میں کانپور اولڈ بوائز ایسوسی ایشن کو زمین کی الاٹمنٹ کیس کی سماعت کے دوران وکیل نے عدالت کو بتایا کہ انیس سو اک...
بھارتی وزیر دفاع راج ناتھ سنگھ کااعتراف کہ بھارت غیر ملکی سرزمین پر اپنے ڈیتھ اسکواڈز چلاتا ہے، حیران کن نہیں کیونکہ یہ حقیقت بہت پہلے سے عالمی انٹیلی جنس کمیونٹی کے علم میں تھی تاہم بھارت نے اعتراف پہلی بار کیا۔بھارتی چینل کو انٹرویو میں راج ناتھ سنگھ نے کہاکہ بھارت کا امن خراب ...
پاکستان اور ایران نے سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اور عدالتی امور سمیت مختلف شعبوں میں تعاون کے فروغ کے لئے 8 معاہدوں اور مفاہمت کی یادداشتوں پر دستخط کر دیئے جبکہ ایرانی صدر ابراہیم رئیسی نے کہا ہے کہ ہم نے پہلے مرحلے میں دونوں ممالک کے درمیان تجارتی ح...
پاکستان اسٹاک ایکس چینج میں تیزی کے نئے ریکارڈ بننے کا سلسلہ جاری ہے اوربینچ مارک ہنڈریڈ انڈیکس بہترہزار پوانٹس کی سطح کے قریب آگیا ہے اسٹاک بروکرانڈیکس کو اسی ہزار پوانٹس جاتا دیکھ رہے ہیں۔اسٹاک مارکیٹ میں ڈھائی ماہ سے تیزی کا تسلسل جاری ہے انڈیکس روزانہ نئے ریکارڈ بنارہا ہے۔۔سر...
وزیراعلیٰ سندھ سید مراد علی شاہ نے اسٹریٹ کرائم کیخلاف دوطرفہ کارروائی کرنے کا فیصلہ کیا ہے۔تفصیلات کے مطابق وزیراعلی سندھ سید مراد علی شاہ کی زیرصدارت اپیکس کمیٹی کا اجلاس ہوا، جس میں آئی جی سندھ غلام نبی میمن نے صوبے میں امن وامان سے متعلق بریفنگ دی۔اجلاس میں وزیر اعلی مرادعلی ...
ملک بھر میں قومی اور صوبائی اسمبلی کے 21 حلقوں پر پولنگ ہوئی، جبکہ ووٹوں کی گنتی کے بعد غیر حتمی اور غیر سرکاری نتائج موصول ہونا شروع ہوگئے ۔الیکشن کمیشن کے مطابق قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہ...
ظفروال کے حلقہ پی پی 54 میں ضمنی الیکشن کے دوران گائوں کوٹ ناجو میں دو سیاسی جماعتوںکے کارکنوں میں جھگڑے کے دوران ایک شخص جاں بحق ہو گیا۔ جھگڑے کے دوران مبینہ طور پرسر میں ڈنڈا لگنے سے 60 سالہ محمد یوسف شدید زخمی ہو اجسے ہسپتال لے جایا گیا لیکن وہ زخموں کی تاب نہ لا کرجان کی بازی...
بشام میں چینی انجینئرز کے قافلے پر خودکش حملے سے متعلق پنجاب فورنزک سائنس ایجنسی کی فرانزک رپورٹ میں بتایا گیا ہے کہ چینی انجینئرز کی گاڑی بم پروف نہیں تھی۔رپورٹ میں بتایا گیا کہ کمانڈنٹ ایس ایس یو نے انکوائری کمیٹی کے سامنے ذمے داری نہ لینے کے حوالے سے تسلیم کیا ہے ، ڈائریکٹر سی...
ایران کے صدر ابراہیم رئیسی (آج)22سے 24 اپریل تک پاکستان کا سرکاری دورہ کریں گے ،ایرانی صدر ابراہیم رئیسی صدرِ پاکستان آصف علی زرداری اور وزیراعظم شہباز شریف سے اہم ملاقاتیں کریں گے ۔ترجمان دفتر خارجہ کے مطابق عام انتخابات کے بعد کسی بھی سربراہِ مملکت کا پاکستان کا یہ پہلا دورہ ہو...
ملک میں قومی اسمبلی کی 5 اور صوبائی اسمبلی کی 16 خالی نشستوں پر ضمنی انتخابات میں پولنگ کا وقت ختم ہوگیا اور اب ووٹوں کی گنتی جاری ہے. پولنگ صبح 8 بجے شروع ہوئی جو شام 5 بجے تک بغیر کسی وقفہ کے جاری رہی۔ الیکشن والے علاقوں میں موبائل اور انٹرنیٹ سروس بند ہے۔ گورنمنٹ پرائمری اسکول...