... loading ...
... loading ...
عدالت عظمیٰ نے الیکشن ایکٹ 2017ء کے خلاف دائر درخواستوں پر فیصلہ سناتے ہوئے نوازشریف کو پارٹی صدارت سے بھی نااہل قرار دے دیا ہے۔ چیف جسٹس ثاقب نثار کی سربراہی میں تین رکنی بینچ نے اپنے چار صفحات پر مشتمل مختصر فیصلے میں کہا ہے کہ ہر وہ شخص جو آئین کی دفعات 62اور 63 کے تحت اہل نہیں تو وہ پارٹی صدارت کے لیے بھی اہل نہیں ۔ عدالتی فیصلے کے نتیجے میں یہ پابندی نااہلیت کے دن سے شروع ہو گئی۔ چنانچہ 28؍ جولائی 2017ء کو نااہل ہونے کے بعد سے بطورسربراہِ جماعت نوازشریف کے تمام اقدامات اور جاری کردہ دستاویزات غیر قانونی ہوگئی ہے۔ اس فیصلے کے نقد نتیجے کے طور پر مسلم لیگ نون کے لیے سب سے پہلا سوال سینیٹ انتخابات سے متعلق اُٹھا ہے جہاں امیدواروں کو نوازشریف کی طرف سے جاری ٹکٹوں کی حیثیت پر سوال اُٹھ گیا ہے۔ یہ محض واحد مسئلہ نہیں جس کا سامنا نوازشریف یا مسلم لیگ نون کو ہوگا۔ بلکہ ہر گزرتے دن نوازشریف اورمسلم لیگ نون کے لیے اب پریشانیاں بڑھتی جائیںگی۔نوازشریف کی مقبولیت کے متنازع نقطہ نظر سے قطع نظر یہ ایک حقیقت ہے کہ پاکستان کی سیاسی تاریخ بے وفائیوں اور کج ادائیوں کی تاریخ ہے۔ موجودہ مسلم لیگ نون وہ تو ہر گز نہیں جو 1999ء کو تھی۔
آج کی مسلم لیگ نون میں پہلے سے ہی یہ سوال ہے کہ نوازشریف کے بعد پارٹی کی قیادت شہبازشریف کے پاس ہوگی یا کسی اور کے پاس؟ شریف خاندان میں اگلی نسل کے اندر مقام اور حیثیت کی رسہ کشی نے دونوں بھائیوں کے درمیان سب کچھ پہلے جیسا نہیں رہنے دیا ہے۔ عدالت کے تازہ فیصلے نے پارٹی کے اندر شہبازشریف کو مرکزی قیادت کے طور پر دیکھنے کے آرزومندوں کو مضبوط کردیا ہے۔ ظاہر ہے کہ جوں جوں پارٹی کے اندر نوازشریف کی پوزیشن کمزور پڑے گی ، مریم نوازکا کردار بھی مرکزی نہ رہے گا۔یہ خطرہ ایک طرف مریم نواز کو بے چین کرے گا تو دوسری طرف شہبازشریف پارٹی قیادت کے حوالے سے اپنے اب تک کے خاموش کردار کو زیادہ دیر تک خاموش نہیں رکھ پائیں گے۔ اگرپارٹی قیادت شہبازشریف کو منتقل ہوتی ہے تو پہلے ہی مرحلے میں وہ تمام کردار ایک مرتبہ پھر پچھلی بینچوں پر چلے جائیں گے۔ جو مریم نواز کی وجہ سے نوازشریف کے ساتھ کھڑے نظر آتے ہیں۔ یہ خیال ان کرداروں کو مجبور کرے گا کہ وہ نوازشریف کے مرکزی کردار کو کسی نہ کسی شکل میں برقرار رکھنے کی کوشش کریں۔ یہ بات مسلم لیگ نون کی قیادت پر کسی ایسی شخصیت کو بھی بٹھا سکتی ہے جو اس تنازع کو دبائے رکھے۔مریم نواز کی قیادت پر بھی بات ہورہی ہے مگر یہ امر کسی بھی طرح شہبازشریف اور اُن کے خاندان کے لیے قابلِ برداشت نہیں ہوگا۔
مسلم لیگ نون کی قیادت کا یہ مسئلہ ایک خطرناک رخ بھی اختیار کرسکتا ہے ۔ یہ بات کوئی راز نہیں ہے کہ مسلم لیگ نون کے اندر ایک گروپ ایسا بھی ہے جو دونوں شریفوں سے ہٹ کر اپنا سیاسی کردار تلاش کررہے ہیں مگر وہ مناسب وقت یا ٹھوس اشارے کا انتظار کرر ہے ہیں۔ظاہر ہے کہ حالیہ عدالتی فیصلے سے یہ گروپ عجلت میں اپنا سیاسی کردار اور مقام کی تلاش میں اِدھر اُدھر دیکھنا شروع کردیں گے۔ اس سب سے بڑھ کر جو سب سے بڑا اشارہ اس فیصلے سے ملتا ہے وہ یہ ہے کہ نوازشریف کی طرف سے مختلف جلسوں اور تقریروں سے عدلیہ کو دباؤ میں لینے کی کوشش کی گئی،وہ حکمت ِعملی مکمل طور پر ناکام ہوگئی۔ اور عدلیہ کی طرف سے واضح پیغام گیا ہے کہ عدلیہ آئین کی تشریح کے حوالے سے سب سے سپریم ادارہ ہے جو کسی خوف میں آنے کو تیار نہیںا ور نہ ہی اپنے کردار سے دستبردار ہونے کو تیار نہیں۔ یہ مسلم لیگ نون کے عقابوں کے لیے بھی ایک خطرناک پیغام رکھتا ہے۔
اس کے علاوہ وہ لوگ جو یہ امید باندھے بیٹھے تھے کہ نوازشریف کی جانب سے کسی خطرناک عوامی پوزیشن کے بعد شاید طاقت ور حلقے مفاہمت پر مجبور ہو جائیں ، اس معاملے میں بھی ایک ’’بڑی ناں‘‘ دکھائی دے رہی ہے۔اس فیصلے سے ایک طرف عمران خان کو سیاسی فائدہ ہوگا اور وہ اپنی سیاسی جماعت کی طرف زیادہ ’’لوٹوں‘‘ کو متوجہ کرسکیںگے۔وہیں اُنہیں ایک فوری اور بالواسطہ فائدہ یہ بھی ہوگا کہ اُن کی شادی کا قضیہ قدرے پس منظر میں چلاجائے گا۔
ایس ایم نقی نامی انویسٹراور پلاٹس کے خریداروں کا بلڈر فیصل اور فہد کے خلاف احتجاج ابتدائی منظوری، سینکڑوں ایکڑ کی تشہیر اور شہریوں سے وصولیوں پر تحقیقات کا مطالبہ کراچی (خصوصی رپورٹ) ایم نائن موٹروے پر بن احسان بلڈرز اینڈ ڈیولپرز کے رہائشی منصوبے بن احسان گرین سٹی کی قانونی...
مواخذے کی قراردادیں میرا کچھ نہیں بگاڑ سکتیں،پیٹ ہیگستھ کی جوابی کانفرنس امریکی وزیر جنگ پیٹ ہیگستھ کے مواخذے کی قرارداد امریکی ایوان نمائندگان میں پیش کردی گئی۔ مواخذے کی قرارداد ایوان نمائندگان کے ریپبلکن رکن ٹامس میسی نے پیش کی۔ پیٹ ہیگستھ پر ایران سے امریکی جنگ میں نااہلی ...
کروڑوں کے فنڈز غائب، 12 ہزار منسوخ فائلیں دوبارہ جاری کرنے کا انکشاف جونیئر ملازمین ایک طاقتور مافیا میں تبدیل ، ہائی کورٹ کے احکامات ہوا میں اڑا دیے گئے حیدرآباد/کراچی (خصوصی رپورٹ)سیہون ڈیولپمنٹ اتھارٹی (SDA) میں کرپشن، فنڈز کی خورد برد اور اختیارات کے ناجائز استعمال کا ا...
طویل مدت تک عدم استحکام، غیر یقینی کی صورتحال اور غیر واضح سیاسی و سکیورٹی ماحول‘ کا سامنا کرنا پڑ سکتا ہے،وزیرِ اعظم کے سینیئر مشیر انور قرقاش کا ابوظبی میں کانفرنس سے خطاب متحدہ عرب امارات کے وزیرِ اعظم کے سینیئر مشیر انور قرقاش کا کہنا ہے کہ خطے کو ’ایک طویل مدت تک عدم استح...
امریکی لابنگ فرم ایس ایچ ڈبلیو پارٹنرز نے رواں سال مئی اور جون کے دوران بھارتی حکومت اور وائٹ ہاؤس کے سینیئر حکام کے درمیان آٹھ فون کالز کے انتظام میں کردار ادا کیا۔ انڈین ایکسپریس ہندوستان کی حکومت اور وائٹ ہاؤس کے سینیئر حکام کے درمیان رواں سال مئی اور جون میں ہونے والے مبین...
شائستہ عباس کینسر کے باعث گزشتہ دو ماہ سے اسپتال میں زیرِ علاج تھیں پاکستانی معروف اداکارہ میرا کی چھوٹی بہن شائستہ عباس طویل عرصے تک کینسر کے مرض سے زندگی کی جنگ لڑنے کے بعد لندن میں انتقال کر گئیں۔نیویارک میں نجی ٹی وی سے گفتگو کرتے ہوئے میرا نے تصدیق کی ہے کہ شائستہ کئی برس...
سابق وزیراعظم نے نئے پاسپورٹ اور شناختی کارڈ کے لیے بھی درخواست دے دی بھارت میں موجود بنگلادیش کی سابق وزیراعظم شیخ حسینہ واجد نے وطن واپسی کے لیے نئی دہلی میں بنگلادیشی سفارتخانے سے رجوع کر لیا۔غیر ملکی خبر ایجنسی کے مطابق حسینہ واجد نے نئے پاسپورٹ اور شناختی کارڈ کے لیے درخو...
امریکا تمام محاذوں پر جنگ ختم کرنے پر آمادہ ہو جائے تو آبنائے ہرمز کو 2دن میں کھول دینگے،انٹرویو ایران کے وزیر خارجہ عباس عراقچی نے امریکا پر زور دیا ہے کہ وہ جاری امن مذاکرات میں تہران کے مطالبات تسلیم کرے، بصورت دیگر سنگین نتائج کے لیے تیار رہے۔عباس عراقچی نے ایرانی سرکاری م...
برینٹ خام تیل کی قیمت 97 ڈالرز 67 سینٹ فی بیرل ہوگئی،رپورٹ ایشیا میں کاروباری سرگرمیوں کے آغاز پر عالمی منڈی میں خام تیل کی قیمتوں میں کمی ریکارڈ کی گئی ہے۔غیرملکی خبر رساں ادارے کے مطابق برینٹ خام تیل کی قیمت 97 ڈالرز 67 سینٹ فی بیرل ہوگئی۔ امریکی خام تیل کے مستقبل کے سودوں ک...
پاک بحریہ کے چاق و چوبند دستے نے مزار اقبال پر اعزازی گارڈز کے فرائض سنبھال لیے حکیم الامت، شاعر مشرق علامہ محمد اقبال کے 149 ویں یوم پیدائش پر مزار اقبال پر گارڈز کی تبدیلی کی پروقار تقریب ہوئی، پاکستان نیوی کے اسٹیشن کمانڈر لاہور کموڈور مصباح الامین مہمان خصوصی تھے۔ پاکستان ...
حکومت بنانے کی کوششیں ناکام ہوئیں تو کینیسٹ کو توڑ دیا جائے گا اور دوبارہ الیکشن کرائے جائیں گے، صدر اسرائیل کے صدر ہرزوگ نے نیتن یاہو کے حریف آئزن کوٹ کو حکومت بنانے کی دعوت دیدی۔ غزہ میں نسل کشی اور ایران جنگ چھیڑنے والے نیتن یاہو حکومت بنانے کی دوڑ سے باہر ہوگئے۔ اسرائیلی ا...
قطری حکام نے نئی امریکی فوجی کارروائی روکنے کیلئے سفارتی کوششیں شروع کر دیں، رپورٹ اسرائیلی وزیرِاعظم نیتن یاہو ایران کے خلاف امریکا کی جانب سے دوبارہ حملے شروع کرنے پر مسلسل زور دے رہے ہیں، جبکہ امریکی صدر ڈونلڈ ٹرمپ کے مشیر اس معاملے پر تقسیم ہو گئے ہیں کہ آیا جنگ ختم کی جائ...
