... loading ...
... loading ...
کراچی کی سیاست میں گزشتہ پانچ روز سے جاری ہلچل تھمنے کا نام نہیں لے رہی ،سونے کے تاجر کامران خان المعروف کامران ٹیسوری کی ایوان بالا کے لیے ایم کیو ایم کی جانب سے نامزدگی پر پیدا ہونے والا بحران اب نہ صرف پوری جماعت بلکہ ایوان بالا کے انتخابات ہی کو لے بیٹھنے تک آپہنچا ہے۔ تفصیلات کے مطابق ایم کیو ایم پاکستان کے دونوں گروپس کے حوالے سے تیزی سے بدلتی ہوئی صورتحال لمحہ بہ لمحہ ٹی وی اسکرینز کی زینت بن رہی ہے لیکن بادی النظر میں پہلے دن پیدا ہونے والا ڈیڈ لاک نہ صرف یہ کہ حل نہیں ہوسکا بلکہ اب یہ خدشات ہیں کہ یہ بحران پوری جماعت کو تتر بتر کرنے کا سبب بن جائے گا، ڈاکٹر فاروق ستار کے قریبی ذرائع نے بتایا کہ ان کے گروپ کے ایک نامزد امیدوار احمد چنائے کی جانب سے ایوان بالا کے انتخابات سے دستبردار ہونے سے ڈاکٹر فاروق ستار کو دھچکاپہنچا ہے۔ اندرونی اطلاعات کے مطابق احمد چنائے کی دستبرداری میں ایم کیو ایم کے دوسرے دھڑے کا کوئی ہاتھ نہیں بلکہ ان پر دبائو کچھ ’’ہمدردوں ‘‘ کی جانب سے ڈالا گیا اور ان ہی ہمدردوں کی جانب سے ڈاکٹر فاروق ستار کو گزشتہ ایک برس سے کسی نہ کسی طور مالی معاونت بھی فراہم کی جارہی تھی، اب دعویٰ کیا جارہا ہے کہ ڈاکٹر فاروق ستار کے نامزد کردہ دو مزید امیدوار بھی اپنے کاغذات واپس لے لیں گے۔ دوسری جانب عامر خان کی سربراہی میں رابطہ کمیٹی کے اراکین کی اکثریت نے ڈاکٹر فاروق ستار کے خلاف حتمی رائے بنالی ہے اور امید ہے کہ کسی بھی لمحے نئے کنوینر کے انتخاب کی خبر سامنے آسکتی ہے۔ ایم کیو ایم کے اندرونی معاملات سے باخبر حلقوں کا دعویٰ ہے کہ ایم کیو ایم دوسری سیاسی جماعتوں کی طرح نہیں، یہاں کارکنوں کو راضی رکھنا سب سے زیادہ اہم بات ہے، ورنہ لیڈران کبھی بھی کارکنان کے غیض وغضب کا سامان بن سکتے ہیں۔ ایم کیو ایم کا کارکن دوسری جماعتوں کے کارکنوں کی طرح خاموش اکثریت کا حصہ نہیں بنا رہتا اور عام کارکن کی نظر میں کامران ٹیسوری کے لیے ڈاکٹر فاروق ستار کی غیر معمولی الفت ان کے خلاف جذبات کا ایندھن بن رہی ہے۔ جمعہ کی شام ڈاکٹر فاروق ستار کی ایماء پر عوامی طاقت کے مظاہرے کے لیے شاہد پاشا، علی رضا عابدی اور دیگر کی جانب سے کارکنوں کو پی آئی بی کالونی پہنچنے کی ہدایت کی گئی تاہم کئی گھنٹوں کی جدوجہد کے بعد بمشکل دو، ڈھائی سو افراد جمع کیے جاسکے۔ ذرائع کے مطابق وجہ سیدھی سی ہے کہ ایک عام کارکن کو کم از کم کامران ٹیسوری سے کوئی دلچسپی نہیں ہے۔ ذرائع کا کہنا ہے کہ ڈاکٹر فاروق ستار اب خود بھی آخری انتہا پر جانے کو تلے بیٹھے ہیں اور جنرل ورکرز اجلاس طلب کرکے رابطہ کمیٹی میں اکھاڑ پچھاڑ کا ارادہ رکھتے ہیں، اسی نوعیت کا ایک اجلاس اُنہوں نے کے ایم سی گراونڈ میں طلب کررکھا ہے۔ تاہم امید نہیں کی جاسکتی کہ وہ کارکنوں کی بڑی تعداد کی حمایت حاصل کرسکیں گے البتہ یہ ضرور خدشہ ہے کہ اس صورتحال میں علاقوں اور سیکٹرز کی سطح پر ایم کیو ایم کے بہت سارے دھڑے بن جائیں گے یعنی کامران ٹیسوری کی نامزدگی سے شروع ہونے والا جھگڑا خود ایم کیو ایم کے خاتمے پر منتج ہوسکتا ہے۔ ایک اہم عہدیدار نے یہ خدشہ بھی ظاہر کیا کہ خود ڈاکٹر فاروق ستار بھی کسی پریشانی کا شکار ہوسکتے ہیں کیونکہ کوئی جذباتی اور سرپھرا کارکن انتہائی قدم بھی اٹھاسکتا ہے۔ یاد رہے کہ فیصل سبزواری جمعہ کے روز اپنی میڈیا بریفنگ میں یہ اشارہ دے چکے ہیں کہ اگر مسئلہ حل نہ ہوا تو ہم اپنے گھر چلے جائیں گے اور پھر کارکن جانیں اور فاروق بھائی جانیں۔ایم کیو ایم کی اندرونی صفوں میں کامران ٹیسوری کے اسٹیبلشمنٹ کا نمائندہ ہونے کا تاثر اب زائل ہوچکا ہے کیونکہ اگر ایسا ہی ہوتا تو وہ پی ایس 114 کے ضمنی انتخابات میں شکست سے دو چار نہ ہوتے۔ دوسری جانب یہ تاثر شدت سے موجود ہے کہ ڈاکٹر فاروق ستار کے کروڑوں روپوں کا حساب کامران ٹیسوری کے پاس ہے لہذا وہ مجبور ہیں۔ بہرحال موجودہ صورتحال میں یہ بآسانی کہا جاسکتا ہے کہ اب ایم کیو ایم کا ایک بھی امیدوار ایوان بالا کے انتخابات میں کامیاب نہیں ہوسکے گا ۔ایک اہم رہنما نے ’’جرأت‘‘ کو غیر رسمی طورپر بتایا کہ ایم کیو ایم کے ایک رہنما ذاتی رابطوں کے ذریعے کم از کم 10 اراکین اسمبلی کا ایک گروپ خاموشی سے تشکیل دے چکے ہیں ۔یہ گروپ عامر خان اور فاروق ستار سے بالا ہی بالا تیسرے فریق کو اپنا ووٹ فروخت کرنے کے لیے ڈیل طے کررہا ہے لیکن ایک اطلاع یہ بھی ہے کہ سینیٹ کے ایک امیدوار اور ملک کے معروف قانون دان ڈاکٹر فروغ نسیم سینیٹ انتخابات کو التواء میں ڈالنے کے لیے آئینی درخواست تیار کررہے ہیں اور ممکن ہے کہ عدالتی حکم امتناع ملنے کی صورت میں 3 مارچ کو سینیٹ کے انتخابات ہو ہی نہ سکیں۔
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
غزہ میں مظالم کے خلاف اسرائیل کی مبینہ حمایت کرنے والی کمپنیوں کے بائیکاٹ کی مہم میں شدت آتی جا رہی ہے ۔ معروف امریکی فوڈ چین کے ایف سی نے ملائیشیا میں اپنے 100 سے زائد ریستوران عارضی طور پر بند کرنیکا اعلان کر دیا۔غیر ملکی میڈیا کے مطابق ملائیشیا میں امریکی فوڈ چین کی فرنچائز کم...
جمعیت علمائے اسلام کے سربراہ مولانا فضل الرحمان نے وزیراعظم شہباز شریف اور وزیراعلیٰ پنجاب مریم نواز کے شوہر کیپٹن (ر) صفدر کو طنز کا نشانہ بنایا ہے ۔لاہور میں فلسطین کانفرنس سے خطاب میں مولانا فضل الرحمان کا کہنا تھاکہ یہاں بلاوجہ شہباز شریف کی شکایت کی گئی اس بیچارے کی حکومت ہی...
وزیراعظم شہباز شریف نے کہا ہے کہ کرپشن کا ملک سے خاتمہ ہونے والا ہے ، ہم سب مل کر پاکستان کو انشااللہ اس کا جائز مقام دلوائیں گے اور جلد پاکستان اقوام عالم میں اپنا جائز مقام حاصل کر لے گا۔لاہور میں عالمی یوم مزدور کے موقع پر اپنی ذاتی رہائش گاہ پر تقریب سے خطاب کرتے ہوئے وزیرِ ا...
غیر قانونی طور پر بھارت کے زیر قبضہ جموں و کشمیر میں بی جے پی کے رہنما راجوری اور پونچھ میں مسلمانوں کو دھمکیاں دے رہے ہیں کہ وہ یا تو سنگھ پریوار کے حمایت یافتہ امیدوار کو ووٹ دیں یا1947 جیسی صورتحال کا سامنا کرنے کے لیے تیار رہیں۔ کشمیرمیڈیاسروس کے مطابق 1947میں جموں خطے میں ہن...
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...
حکومت نے رات گئے پیٹرولیم مصنوعات کی نئی قیمتوں کا اعلان کردیا۔ وزیراعظم نے پیٹرولیم مصنوعات کی قیمتوں میں کمی منظوری دے دی۔ وزارت خزانہ کے نوٹیفکیشن کے مطابق پیٹرول کی قیمت میں 5 روپے 45پیسے کمی کے بعد نئی قیمت 288روپے 49پیسے فی لیٹر مقرر کی گئی ہے ۔ہائی اسپیڈ ڈیزل کی قیمت 8 روپ...
مسلم لیگ (ن) پنجاب کے صدر اور سابق وزیر داخلہ رانا ثناء اللہ کو وزیراعظم شہباز شریف کا مشیر برائے سیاسی و عوامی امور تعینات کر دیا گیا۔ن لیگی قیادت نے الیکشن 2024ء میں اپنی نشست پر کامیاب نہ ہونے والے رانا ثناء کو شہباز شریف کی ٹیم کا حصہ بنانے کا فیصلہ کیا ہے ۔ذرائع کے مطابق وزی...
پبلک اکاؤنٹس کمیٹی کیلئے شیر افضل مروت کا نام فائنل کر لیا گیا ہے ۔ اڈیالہ جیل کے باہر گفتگو کے دوران بیرسٹر گوہر نے کہا کہ شیر افضل مروت کا نام فائنل ہونے پر تمام تنازعات ختم ہو چکے ہیں۔واضح رہے کہ گزشتہ کچھ دنوں سے پبلک اکائونٹس کمیٹی کے لیے شیر افضل مروت کے نام پر تحریک انصاف...
گزشتہ سال نومبر میں تیزاب پھینکنے کے الزام کے حوالے سے سابق وفاقی حکومت کے مشیر شہزاد اکبر نے حکومت پاکستان کے خلاف مقدمہ دائر کرنے کی تیاری کر لی۔شہزاد اکبر نے قانونی کارروائی کی کاپی لندن میں پاکستان ہائی کمیشن کو بھجوا دی۔شہزاد اکبر نے دعویٰ کیا کہ تیزاب حملے کے پیچھے حکومت پا...
جمعیت علمائے اسلام کے سربراہ مولانا فضل الرحمان نے انتخابات میں مبینہ دھاندلی کے خلاف ملین مارچ کا اعلان کرتے ہوئے کہا ہے کہ ہمیں روکنے کی کوشش کرنے والا خود مصیبت کو دعوت دے گا۔تفصیلات کے مطابق قومی اسمبلی کا اجلاس اسپیکر کے زیر صدارت شروع ہوا جس میں پی ٹی آئی کے اپوزیشن لیڈر ا...
