... loading ...
... loading ...
اللہ تعالیٰ سے دعاء مانگنے کے چند ایسے آداب ذکر کیے جاتے ہیں جن کی وجہ سے دعا جلد قبول ہوتی ہے۔
پہلاادب :جن مواقع پر ہاتھ اٹھا کر دعاء مانگی جاتی ہے وہاں کندھوں کے برابر ہاتھ اٹھا کر دعاء کرنا۔ حدیث پاک میںحضرت عبداللہ بن عباس رضی اللہ عنہما سے روایت ہے کہ اللہ تعالیٰ سے دعاء مانگتے وقت اپنے ہاتھوں کو کندھوں کے برابر اٹھائے… اور دعاء کے وقت انتہائی عاجزی یہ ہے کہ دونوں ہاتھوں کو پھیلائے۔ (سنن ابی داؤد، باب الدعاء ، حدیث نمبر 1491)
فائدہ:بعض مقامات ایسے ہیں جہاں ہاتھ اٹھا کر دعا مانگنی چاہیے۔ جیسے نمازوں کے بعد، میت کوقبر میں دفن کرنے کے بعد ، دینی مجالس کے اختتام پر ، حوادثات سے حفاظت کے لیے ، خیر وبرکت کے لیے ، اپنی حاجات کو مانگنے کے لیے دن رات کے کسی بھی حصے میں،وغیرہ۔چنانچہ احادیث مبارکہ میں ہاتھ اٹھا کر دعا مانگنے کا بھی ثبوت موجود ہے۔جبکہ بعض مقامات ایسے ہیں جہاں پر ہاتھ اٹھائے بغیر دعاء مانگی جاتی ہے ، جیسے نیند سے بیدار ہوتے وقت ، بیت الخلاء جاتے وقت ، وہاں سے نکلتے وقت ، وضو شروع کرتے اور ختم کر تے وقت ،اذان سن لینے کے بعد ،گھر سے نکلتے وقت ، گھر میں داخل ہوتے وقت، مسجد داخل ہوتے وقت ، مسجد سے باہر نکلتے وقت ،بازار میں داخل ہوتے وقت، کھانا کھاتے وقت، دودھ پیتے وقت ، میاں بیوی کے ملاپ کے وقت ، رات کو سوتے وقت ،وغیرہ وغیرہ ۔
غفلت و لاپرواہی :عموماً لوگوں کو دیکھا گیا ہے کہ دعاء مانگتے وقت ہاتھ ایسے اٹھاتے ہیں جیسے کوئی رسم پوری کر رہے ہوں ، ان کے عمل سے عاجزی کا اظہار ، طلب کا شوق اور ضرورت کا احساس محسوس نہیں ہوتا۔ بعض لوگ دونوں ہاتھوں کو ایک دوسرے پر رکھے ہوتے ہیں ، بعض دعاء مانگتے وقت انگلیاں ایک دوسرے میں داخل کر کے چٹخا رہے ہوتے ہیں ، بعض ہاتھوں سے کھیل رہے ہوتے ہیں۔ بعض لوگ دعا ء کے دوران کبھی ہاتھ بند کر لیتے ہیں اور کسی وقت کھول لیتے ہیں۔ یہ سب جہالت اور سستی کی وجہ سے ہوتا ہے ، جسے دور کرنے کی ضرورت ہے تاکہ ہماری دعائیں اللہ رب العزت کی بارگاہ میں جلد قبول ہو سکیں۔
دوسرا ادب:دعاء کی ابتداء اللہ کی حمد و ثناء اورنبی کریم صلی اللہ علیہ وسلم پر درود پاک بھیج کر کرنا۔ حدیث پاک میں حضرت فضالہ بن عبید رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: جب تم دعاء مانگنے لگو تو اس کی ابتداء اللہ کی حمد و ثناء سے کرو پھر نبی صلی اللہ علیہ وسلم پر درود بھیجو اس کے بعد جو چاہو مانگو۔ (جامع الترمذی ،باب ما جاء فی جامع الدعوات ، حدیث نمبر 3399)
حضرت عمر بن خطاب رضی اللہ عنہ فرماتے ہیں : بالکل پکی بات ہے کہ دعاء آسمان و زمین کے درمیان ہی رہتی ہے اس وقت تک قبولیت کے لیے اوپر نہیں جاتی جب تک آپ اپنے نبی صلی اللہ علیہ وسلم پر درود نہ بھیجیں۔ (جامع الترمذی باب ما جاء فی فضل الصلاۃ علی النبی صلی اللہ علیہ وسلم ، حدیث نمبر448)
حضرت عبداللہ بن مسعود رضی اللہ عنہ سے روایت ہے کہ میں نے نبی کریم صلی اللہ علیہ وسلم اور حضرت ابوبکر و عمر رضی اللہ عنہما کی موجودگی میں نماز ادا کی ،(نماز سے فارغ ہونے کے بعد)جب میں دعاء مانگنے کے لیے بیٹھ گیا تو میں نے پہلے اللہ کی تعریف بیان کی پھر نبی صلی اللہ علیہ وسلم پر درود بھیجا اور اپنی ذات کے لیے دعا ء مانگی۔ (یہ حسن ترتیب دیکھ کر )نبی کریم صلی اللہ علیہ وسلم نے(خوش ہو کر )فرمایا: مانگو اللہ تعالیٰ کی طرف سے آپ کو عطاء کیا جائے گا ، مانگو اللہ تعالیٰ کی طرف سے آپ کو دیا جائے گا۔ (جامع الترمذی ، باب ما ذکر فی الثناء علی اللہ والصلاۃ علی النبی قبل الدعاء ، حدیث نمبر 541)
نوٹ:بعض لوگ دعا مانگنے کے اس ادب سے واقف نہیں اس لیے اس کوبدعت قرار دیتے ہیں ، جو کہ قطعاً درست نہیں ، درحقیقت یہ اھل السنۃ والجماعۃ کا شعار ہے اور سنت سے ثابت ہے۔
تیسرا ادب:اختتام دعا پر آمین کہنا ۔ حدیث پاک میں ہے :حضرت ابو زہیر نْمَیری رضی اللہ عنہ فرماتے ہیں کہ… ایک رات ہم لوگ رسول اللہ صلی اللہ علیہ وسلم کے ہمراہ چلے تو ہمارا گزر ایک ایسے آدمی کے قریب سے ہوا جو نہایت الحاح و زاری(رو رو کر )سے دعا ء مانگ رہا تھا۔ نبی کریم صلی اللہ علیہ وسلم ٹھہر گئے اور اس کی دعاء کو سنتے رہے۔ پھر آپ صلی اللہ علیہ وسلم نے(ہمیں مخاطب کر کے ) فرمایا:اگر اس نے دعاء کا اختتام صحیح کیا تو اپنے حق میں وہ چیز واجب کرا لی جو اس نے دعاء میں مانگی ہے۔ ایک شخص نے آپ صلی اللہ علیہ وسلم کی اس بات کی مزید وضاحت طلب کی تو آپ صلی اللہ علیہ وسلم نے فرمایا: آمین کے ساتھ۔ اگر اس نے آمین کے ساتھ دعاء ختم کی تو اس نے اپنے حق میں وہ چیز واجب کرا لی جو اس نے دعاء میں مانگی ہے۔ (سنن ابی داؤد ، باب التامین وراء الامام ، حدیث نمبر 939)
چوتھا ادب:دعا کے اختتام پر چہرے پر ہاتھ پھیرنا۔ حدیث پاک میں ہے حضرت عمر رضی اللہ عنہ فرماتے ہیں کہ رسول اللہ صلی اللہ علیہ وسلم جب دعا ء کے لیے ہاتھ پھیلاتے تو نیچے کرنے سے پہلے انہیں اپنے چہرے پر پھیر لیتے تھے۔ (مستدرک علی الصحیحین، حدیث نمبر1967 )
اللہ تعالیٰ ہمیں ان آداب کے ساتھ ہر حال میں دعا مانگنے والے بنائے اور ہماری دعاؤں کو قبول بھی فرمائے۔ آمین بجاہ النبی الامی الکریم صلی اللہ علیہ وسلم۔
بحرین میں ایک دوا کی خریداری کے لیے 400 سے زائد جعلی نسخے دینے پر تین افراد کو 5 سال قید کی سزا سنادی گئی ہے جن میں سے دو ایشیائی شہری ہیں جنہیں سزا مکمل کرنے کے بعد ملک بدر کردیا جائے گا۔عالمی خبر رساں ادارے کے مطابق بحرین کی نیشنل ہیلتھ ریگولیٹری اتھارٹی نے میڈیکل اسٹورز کی معمول کی چیکنگ کے دوران محسوس کیا کہ ایک ملٹی نیشنل کمپنی کی دوا حیران کن طور پر وافر مقدار میں موجود ہے ۔تحقیقات سے پتا چلا کہ اعصابی درد میں استعمال ہونے والی اس دوا کے نسخے چند ڈاکٹرز کی جانب سے مسلسل...
مسجد اقصی کے باہر گذشتہ روز ہزاروں افراد نے عرب ممالک اور اسرائیل کے درمیان تعلقات کے قیام کے خلاف احتجاجی مظاہرہ کیا۔ مظاہرین نے اسرائیل کے ساتھ دوستی کرنے والے ممالک کے خلاف شدید نعرے بازے کی اور انہیں خائن اور غدارقرار دیا۔مرکزاطلاعات فلسطین کے مطابق مسجد اقصی کے باہر مظاہرے کا اہتمام اسلامک ایکشن محاذ کی طرف سے کیا گیا ۔نماز ظہر کے بعد ہزاروں افراد نے پلے کارڈ اور بینرز اٹھا کر متحدہ عرب امارات اور بحرین کے خلاف مظاہرے کیے ۔ مظاہرین نے امریکا کی سرپرستی میں اسرائیل کے سات...
خلیجی ریاست بحرین میں حکومت کی طرف سے اسرائیل کو تسلیم کرنے کے اعلان اور صہیونی ریاست کیساتھ معاہدے کرنے کے خلاف عوامی سطح پر احتجاجی مظاہرے شرو ہوگئے ۔میڈیارپورٹس کے مطابق منامہ میں حکومت کے اسرائیل کے ساتھ تعلقات کے قیام کے خلاف مظاہرے ہوئے ۔ مظاہرین نے حکومت کے خلاف مردہ باد کے نعرے لگائے ۔ منامہ میں ایک مظاہرہ کیاگیا جس میں مظاہرین نے اسرائیل کے ساتھ دوستانہ تعلقات کے قیام کی شدید مذمت کی۔ادھر سماجی کارکنوں نے منامہ میں اسرائیل ۔ عرب دوستی کے خلاف ہونے والے مظاہروں کی تفص...
امریکی صدر ڈونلڈ ٹرمپ نے ایک بار پھر یو ٹرن لیتے ہوئے شارٹ ویڈیو شیئرنگ ایپلی کیشن ٹک ٹاک کا امریکی کمپنیوں کے ساتھ ہونے والا مجوزہ معاہدہ منظور کرنے کا عندیہ دے دیا۔غیرملکی خبررساں ادارے کے مطابق میڈیا سے بات چیت کرتے ہوئے کہاکہ انہیں خوشی ہوگی کہ وہ چینی ایپلی کیشنز اور امریکی کمپنیوں کے درمیان طے پانے والے معاہدے کو منظور کریں گے ۔ڈونلڈ ٹرمپ نے مجوزہ معاہدے پر بات کرتے ہوئے بتایا کہ معاہدے کے مطابق تینوں ادارے مشترکہ طور پر امریکی ریاست ٹیکساس میں ایک نیا ادارہ تشکیل دیں گ...
بھارت میں ہفتے کو دہشت گرد تنظیم القاعدہ سے تعلق کے شبے میں نو افراد کو گرفتار کر لیا گیا ہے ۔ غیرملکی خبررساں ادارے کے مطابق بھارتی حکومت کے ایک بیان میں کہاگیاکہ القاعدہ بھارت میں دہشت گردانہ حملوں کی منصوبہ بندی میں مصروف تھی۔ بھارت کی نیشنل انویسٹیگیشن ایجنسی کے مطابق ان گرفتاریوں کے لیے مختلف ریاستوں میں بیک وقت چھاپے مارے گئے ۔ بیان میں کہا گیا کہ یہ گروہ بھارت میں متعدد اہم مقامات پر دہشت گردانہ حملے کا منصوبہ بنا رہا تھا، جب کہ ان حملوں کا ممکنہ مقصد عام افراد کو ہلاک...
تھائی لینڈ میں ہزاروں نوجوان ملک میں بادشاہ کے خلاف سڑکوں پر آگئے ۔غیرملکی خبررساں ادارے کے مطابق مظاہرین نے ''تھائی لینڈ عوام کا ہے '' کے نعرے کے ساتھ دارالحکومت میں مارچ کیا اور ملک میں بادشاہت کے وجود پر سوال اٹھا ئے ۔ گزشتہ دو ماہ سے بنکاک میں قریب روزانہ کی بنیاد پر احتجاج جاری ہے ، جس میں نوجوان طلبہ مطالبہ کر رہے ہیں کہ 2014 میں جمہوری حکومت کا تختہ الٹنے والے فوجی سربراہ اور موجودہ وزیراعظم پرایوت چن اوچا مستعفی ہوں۔ مظاہرین کا یہ بھی مطالبہ ہے کہ شاہی خاندان ملکی سیا...
ایک حالیہ سروے سے ظاہر ہوا ہے کہ تقریبا نصف امریکی ویکسین استعمال کرنے کے حق میں نہیں ہیں۔میڈیارپورٹس کے مطابق امریکہ میں پیو ریسرچ سینٹرکے رواں ماہ کیے گئے جائزے کے نتائج سے معلوم ہوا کہ کرونا وائرس کی ویکسین دستیاب ہونے کی صورت میں 49 فی صد امریکی ویکسین لینے کے لیے تیار نہیں ہوں گے ۔ جب کہ 51 فی صد کا کہنا ہے کہ وہ ویکسین ضرور لیں گے ۔ویکسین لگوانے سے انکار کرنے والے امریکیوں کا کہنا تھا کہ انہیں ویکسین کے منفی اثرات سے متعلق خدشات ہیں۔ویکسین سے متعلق تحفظات کی وجہ یہ ہے ک...
ایک نئی تحقیق میں انکشاف ہوا ہے کہ کوروناوباء امریکہ میںاندازے سے پہلے پھیلنا شروع ہوچکی تھی۔میڈیارپورٹس کے مطابق ایسے شواہد کو دریافت کیا گیا جن سے عندیہ ملتا ہے کہ کورونا وائرس امریکا میں دسمبر کے آخر میں پھیلنا شروع ہوچکا تھا۔تحقیق میں دریافت کیا گیا کہ 22 دسمبر سے امریکا کے مختلف طبی مراکز اور ہسپتالوں میں نظام تنفس کی بیماری کے شکار افراد کی تعداد میں نمایاں اضافہ ہوا تھا۔ تحقیق کے مطابق چین میں کووڈ 19 کا پہلا مصدقہ کیس یکم ستمبر کو سامنے آیا تھا، جس کا مطلب یہ ہے کہ وہ...
گوگل میٹ استعمال کرنے والے صارفین کے لیے نیا فیچر متعارف کروایا گیا ہے جس میں صارفین ویڈیو کال کے دوران پیچھے کے منظر کو دھندلا کرسکتے ہیں۔میڈیارپورٹس کے مطابق گوگل نے نئے بلاگ میں بتایا کہ گوگل میٹ میں ایک نئے فیچر کا اضافہ کیا جارہا ہے ، اس فیچر کے ذریعے پس منظر دھندلا ہوجائے گا مگر صارف کال میں شامل دیگر افراد کو صاف طور پر نظر آئے گا۔شور کو فلٹر آوٹ کرنے کی صلاحیت کی طرح یہ نیا فیچر گوگل کی جانب سے کانفرنس کالز کے دوران انتشار کو محدود کرنے کی کوششوں کا حصہ ہے ۔گوگل کا کہ...
کورونا وائرس کے باعث نافذ لاک ڈان کی وجہ سے برطانیہ کی سرکاری ائیرلائن برٹش ائیرویز تاریخ کے بدترین مالی بحران کا شکار ہوگئی۔میڈیارپورٹس کے مطابق غیر ملکی میڈیا کے مطابق برٹش ائیرویز کے سی ای او نے پارلیمانی کمیٹی کو بریفنگ میں بتایا کہ عالمگیر وبا کورونا وائرس کے دوران پراوزیں اڑانے سے ڈرنے کی وجہ سے حالات فوری معمول پر آنے کی تمام امیدیں دم توڑ گئی ہیں لیکن ائیرلائن کی جانب سے موسم سرما کا سیزن گزارنے کے لیے ہرممکن اقدامات اٹھائے جارہے ہیں۔برٹش ائیرویز کے سی ای او کا کہنا ت...
عالمی ادارہ صحت نے خدشہ ظاہر کیا ہے کہ اکتوبر اور نومبر میں یورپ کرونا وبا سے شدید متاثر ہو گا جب کہ ہلاکتیں بھی بڑھ سکتی ہیں۔یورپ میں عالمی ادارہ صحت کے ڈائریکٹر ہانس کلوگ نے غیرملکی خبررساں ادارے کو بتایا کہ بدقسمتی سے اکتوبر اور نومبر یورپ کے کئی ملکوں کے لیے اچھا نہیں ہوگا۔ ان کے بقول کرونا وبا سے یورپ میں ہلاکتیں بڑھنے کا خدشہ ہے ۔ڈبلیو ایچ او کے عہدے دار کا بیان ایسے وقت میں سامنے آیا ہے جب فرانس اور اسپین سمیت یورپ کے 55 ممالک میں جمعے کو کرونا کے 51 ہزار کے لگ بھگ کیس...
دنیا کے بڑے اورترقی یافتہ ممالک میں اس وقت کورونا وائرس کی ویکسین کے حوالے سے ایک دوڑ لگی ہوئی ہے۔ یہ دوڑ علامتی طور پر ایک نئے طاقت کے اُبھار اور عالمی سطح پر نئے رجحانات کی تشکیل کا سبب بھی یقینی طور بنے گی۔ اس ضمن میں عالمی ذرائع ابلاغ پر روزانہ کی بنیاد پر اندازے ظاہر کیے جاتے ہیںاور اس دوڑ میں شامل ملکوں میں جاری تحقیقات کو جگہ دی جاتی ہے۔ اس حوالے سے اب یہ بات زیادہ زور دے کر دہرائی جارہی ہے کہ چین دنیا میں کورونا ویکسین متعارف کرانے والا پہلا ملک بن سکتا ہے ۔ برطانوی ...
