... loading ...
... loading ...
جامعہ کراچی کا اٹھائیسواں سالانہ جلسہ تقسیم اسناد گذشتہ روز (27 جنوری2018 ء ) کو جامعہ کراچی کے ولیکا کرکٹ گرائونڈ میں منعقد ہوا۔جلسہ تقسیم اسناد میں 1962 طلباوطالبات کو اسناد تفویض کی گئیں جبکہ 187 طلبہ وطالبات کو طلائی تمغے عطاکئے گئے۔ جلسہ تقسیم اسناد میں تقریباً10 ہزار سے زائدافراد نے شرکت کی جن میں طلبہ ان کے والدین ،اساتذہ اور عمائدین شہر بھی موجود تھے جس سے اس تقریب کو پاکستان میں ہونے والی سب بڑی تعلیمی تقریب کا ریکارڈحاصل ہوا۔ گورنر سندھ وچانسلر جامعہ کراچی محمد زبیر نے صدارتی خطاب کرتے ہوئے کہا کہ میں آج اپنی مادرعلمی جامعہ کراچی میں بحیثیت چانسلر آیاہوں جو میرے لئے باعث اعزاز ہے۔جامعہ کراچی ملک کی سب سے بڑی جامعہ ہے اور میری ترجیحات میں شامل ہے۔ وفاقی حکومت کراچی پیکج کے تحت جامعہ کراچی میں میڈیکل کالج اور اسپتال کے قیام کی منظوری دے چکی ہے جس کا اعلان وزیر اعظم پاکستان بھی کرچکے ہیں ،جس کا سنگ بنیاد ایک ماہ میں رکھ دیا جائے گا۔ہماری جامعات میں خواتین طلبہ کا تناسب 75 تا80 فیصد ہے مگر ان میں سے محض 15 فیصد عملی زندگی میں داخل ہوکر اس سے استفادہ حاصل کرتی ہیں ۔یہ ان طلبہ کی اخلاقی ذمہ داری ہے کہ وہ تعلیم حاصل کرنے کے بعد اپنی تعلیمی صلاحیتوں کو بروئے کار لاتے ہوئے ملک وقوم کی خدمت میں اپنا کلیدی کردار اداکریں۔انہوں نے شیخ الجامعہ پروفیسر ڈاکٹر محمد اجمل خان کی سحر انگیز قیادت کو سراہتے ہوئے کہا کہ ڈاکٹر اجمل خان نے محض ایک سال میں جامعہ کراچی میں مثبت اقدامات کا سلسلہ شروع کیا ہے جو لائق تحسین ہے اور میں اساتذہ سے درخواست کرتاہوں کہ وہ جامعہ کے وسیع ترمفاد میں شیخ الجامعہ سے بھرپور تعاون کریں ۔مجھے امید ہے کہ ڈاکٹر محمد اجمل خان کی قیادت میں جامعہ کراچی دنیا کی بہترین جامعات میں دوبارہ شامل ہوجائے گی۔جب آپ میرٹ اور شفافیت کو یقینی بناتے ہیں تو آپ کو مخالفت کا سامنا کرنا پڑتا ہے مگر آپ کو چاہیئے کہ آپ مخالفت کی پروا کئے بغیر جہد مسلسل جاری رکھیں ۔گورنرسندھ محمد زبیر نے والدین کو مخاطب کرتے ہوئے کہا کہ اس تقریب کے اصل مہمان آپ ہیں کیونکہ آپ کی ہی تربیت اور کاوشوں سے آج آپ کی اولاد پاکستان کی سب سے معتبر جامعہ سے فارغ التحصیل ہورہی ہے جو آپ سب کے لئے باعث فخر امر ہے۔ جامعہ کراچی کے وائس چانسلر پروفیسر ڈاکٹر محمد اجمل خان نے گورنرسندھ وچانسلر جامعہ کراچی محمد زبیر کو جامعہ کراچی میں خوش آمدید کہتے ہوئے کہا کہ تقریباً دس سال بعد جامعہ کے جلسہ تقسیم اسناد میں چانسلر کی شرکت ہم سب کے لئے باعث اعزاز ہے جس کے لئے میں خصوصی طور پر جناب محمد زبیر کا ممنون ہوں۔میں نے پچھلے سال جامعہ کراچی کا چارج سنبھالتے ہی جامعہ میں مثبت تبدیلیوں کا اعلان کیا تھا اور مجھے یہ بتاتے ہوئے خوشی محسوس ہورہی ہے کہ جامعہ کراچی ایشیاء کی جامعات کی درجہ بندی میں 251 سے 125 ویں درجے پر فائز ہوچکی ہے۔ ہم نے جامعہ کراچی کی مالی حالت کی بہتری کے لئے کئی مثبت اقدامات کئے جن میں پانی کے میٹرز کی تنصیب شامل ہے جس سے جامعہ کراچی کو سالانہ بلوں کی مد میں 75 ملین روپے کی بچت ہوگی۔ہم نے داخلہ نظام کو بھی آن لائن کردیا ہے جس سے طلبہ کو لمبی قطاروں سے نجات مل گئی اور انہوں نے گھربیٹھے داخلہ فارم جمع کرائے ۔میں بحیثیت وائس چانسلر اس بات کی یقین دہانی کراتاہوں کہ موجودہ آن لائن داخلہ پالیسی کے تحت میرٹ کے برخلاف کوئی ایک بھی داخلہ نہیں دیا گیا اور نہ ہی دیا جائے گا جبکہ اس ضمن میں بڑی سے بڑی سفار ش کو بھی خاطر میں نہیں لایا جائے گا۔ہم نے شعبہ امتحانات میں بھی مثبت تبدیلیاں لائی ہیں جس کی وجہ سے اب کوئی بے ضابطگی دیکھنے میں نہیں آرہی ہے ۔میں نے گذشتہ سال کانووکیشن میں خطاب کرتے ہوئے یہ وعدہ کیا تھا کہ اساتذہ کے تاخیر کا شکار سلیکشن بورڈز جلد منعقد کردیئے جائیں گے اور مجھے آج یہ کہتے ہوئے خوشی محسوس ہورہی ہے کہ تقریباً تمام سلیکشن بورڈ زمکمل ہوچکے ہیں اور بقیہ بھی جلد ہوجائیں گے۔میں وزیر اعلیٰ سندھ سید مراد علی شاہ کا بھی مشکور ہوں کہ انہوں نے جامعہ کراچی کے پانی اور سیوریج کے نظام کی بہتری کے لئے 520 ملین کے روپے کے پروجیکٹ کی منظوری دی اور پچھلے مالی سال میں 100 ملین روپے کی گرانٹ کی بھی منظوری دی ۔اس سال بھی وزیر اعلیٰ سندھ نے 200 ملین روپے کے گرانٹ کی منظوری دے دی ہے جو ہمیں جلد موصول ہوجائے گی۔مجھے قوی امید ہے کہ وزیر اعلیٰ سندھ مزید 500 ملین روپے کی بھی جلد منظوری دے دیں گے ۔میں اس عظیم الشان تقریب کے کامیاب انعقاد پر تمام اساتذہ اور انتظامی عملے کے تعاون پر انہیں خراج تحسین پیش کرتاہوں۔انہوں نے فارغ التحصیل ہونے والے طلبہ اور ان کے والدین کو مبارکبادپیش کرتے ہوئے کہا کہ آج سے آپ اپنی عملی زندگی میں داخل ہورہے ہیں ،آپ جہاں جائیں گے وہاں اپنی جامعہ کی نمائندگی کرے گے۔مجھے امید ہے کہ آپ ملک وقوم کی ترقی اور معاشرے کی فلاح وبہبود میں اپنا کلیدی کرداراداکریں گے ۔ مطابق تفصیلات کے مطابق امسال جلسہ تقسیم اسناد میں بیچلرز کی 732 ،ماسٹرز کی 993 ،فارم ڈی کی 127 ،ایم ڈی کی ایک جبکہ ایم فل کی 21 اور پی ایچ ڈی کی 73 اسناد تفویض کی گئیں۔
بحریہ ٹان کے مالک کیخلاف تحقیقات کا دائرہ مزید وسیع ہو گیا ،بھائی اور بیٹے کو بیرونِ ملک جانے سے روک دیا گیا ،امیگریشن اہلکاروں پر رشوت وصولی کا الزام بحریہ ٹائون میں سرمایہ لگانے والے متعدد افراد کو نوٹس جاری،ایئرپورٹ پر دونوں کو پروٹوکول دینے والے ایف آئی اے اہلکاروں کیخلاف ت...
( کارکنوں کی وزیراعلیٰ ہاؤس کے گھیراؤ کی دھمکی) عرفان سلیم، عائشہ بانو، خرم ذیشان، ارشاد حسین اور وقاص کا دستبردار ہونے سے انکار،وزیراعلی کے سامنے شرائط رکھ دی کسی صورت کاغذات واپس نہیں لیں گے مطالبات نہ مانے گئے تو اگلا قدم سی ایم ہاؤس کے سامنے مظاہرہ ہوگا،ناراض امیدواروں ک...
ڈائریکٹر فنائنس قمر الدین میمن4 روزہ ریمانڈ پر پولیس کے حوالے ، دیگر ملزمان کی گرفتاری کیلیے چھاپے دو نجی کمپنی مالکان اسرار اور سید منصور کے خلاف بھی مقدمہ درج ، فنڈ میں مالی بے ضابطگیوں کے الزامات قائد عوام یونیورسٹی میں 80 کروڑ روپے کی کرپشن کا الزام ،ڈاریکٹر فنانس کو گرفت...
وزیراعلیٰ سے اپوزیشن رہنماؤں کی ملاقات ، حکومت کو 6 ، اپوزیشن کو 5 نشستیں دینے کا فارمولا برقرار پارلیمانی پارٹی کا اجلاس ،بانی پی ٹی آئی کے نامزد کردہ امیدواروں میں کوئی تبدیلی ممکن نہیں، ذرائع سینیٹ انتخابات کے سلسلے میں خیبرپختونخوا میں حکومت اور اپوزیشن امیدواروں کو بلا...
پاکستان میں کسی غیرملکی کو رہنے نہیں دیا جائیگا، غیرقانونی مقیم افغانوں کو توسیع نہیں دینگے ایران نے دو ہفتوں میں 3لاکھ افغانیوں کو ملک بدر کیا ، محسن نقوی کی صحافیوں سے گفتگو وفاقی وزیر داخلہ محسن نقوی نے پاکستان تحریک انصاف (پی ٹی آئی) کے 5 اگست کو احتجاج کے اعلان کے حوالے...
( رہائشی گھروں اور پناہ گزین کیمپوں پر زمینی اور فضائی حملے ،متعدد افراد زخمی امداد کے منتظر مسلمانوں پر یہودی یلغار ، عالمی طاقتوں کی سرپرستی بے نقاب فلسطین میں مسلمانوں کے قتل عام کرنے والی یہودی فوج کو عالمی طاقتوں کی سرپرستی بے نقاب ہونے لگی ، روزانہ ہونے والی شہادتوں می...
جڑواں شہر وں میں 230 ملی میٹر بارش برسنے پر ندی نالے بپھر گئے، پانی گھروں میں داخل ہوگیا ،خطرے کے سائرن بج گئے، فوجی جوان متاثرہ علاقوں میں پہنچ گئے کئی گاڑیاں سیلابی ریلوں میں بہہ گئیں ،موٹروے بھی زیر آب آگئی ، شہریوں کو مشکلات کا سامنا ،وزیراعظم کیچیف کمشنر اور ایم ڈی واسا س...
سندھ میں ڈاکوؤں کو سرداروں کی سرپرستی حاصل ہے،حکمران اشرافیہ میں ٹرمپ کی چاپلوسی کی دوڑ لگی ہوئی ہے، امیر جماعت فارم47 کی بنیاد پر آئے ہوئے حکمران بہتری نہیں لاسکتے‘ منصورہ تربیت گاہ میں اندرون سندھ سے شریک افراد سے خطاب امیر جماعت اسلامی حافظ نعیم الرحمن نے کہا ہے کہ ادارے ...
ملزمان لرزہ خیر واردات کے بعد فرار ، ملزمان کے گھروں کو بلڈوزر کرکے تین افراد زیر حراست واقعہ پرانی دشمنی کا شاخسانہ لگتا ہے معاملہ کی تحقیقات کررہے ہیں ،ایس ایس پی کی بات چیت نواب شاہ کے تھانہ بی سیکشن کی حدود کیریا موری کے قریب یار محمد بھنگوار میں3سگے بھائیوں سمیت بھنگوار ...
عہدہ چھوڑ دوں گا بانی سے بے وفائی نہیں کروں گا، آپ کی لڑائیوں ،میڈیا میں تنقیدسے بیزارہیں،ذرائع یہ جملہ لکھ کر دیں تو میں میڈیا کو بتاؤں (علیمہ خانم ) میں کسی کامنشی نہیں، یہ کام کسی اور سے کرالیں،بیرسٹر سیف سینیٹ الیکشن کیلئے ٹکٹوں پر بیرسٹر سیف کی استعفے کی دھمکی دے دی او...
درجنوں زخمیوں میں سے بیشتر کی حالت تشویشناک ، ہسپتالوں میں بنیادی سہولیات کا فقدان غزہ سٹی، خان یونس، رفح اور وسطی پناہ گزین کیمپ پر صہیونی جارحیت کا سلسلہ جاری ہے ، رپورٹ اسرائیلی حملوں میں 16 جولائی شام سے 17 جولائی صبح تک 105 فلسطینی شہیدغزہ پر اسرائیلی بمباری کا سلسلہ تھم...
19 جولائی کو تاجربرادری پوری تیاری کے ساتھ ہڑتال کرے گی، افواہیں پھیلانے والے کاروباری برادری کے خیر خواہ نہیں، یہ گمراہ کن عناصر ہیں، صدر کراچی چیمبر اگر ہڑتال مؤخر یا منسوخ کرنی پڑی تو یہ فیصلہ تمام چیمبرز کی مشاورت کے بعد ہوگا،تاجر، دکاندار، صنعتکار، سب ہڑتال میں ساتھ دیں، م...
