... loading ...
... loading ...
شاہد حامد قتل کیس میں پھانسی پانے والے صولت مرزا اور زیر حراست منہاج قاضی نے بانی متحدہ کے حکم پر قتل کا اعتراف کررکھا ہے جو قائد تحریک کے گلے کا پھندا بننے والا ہے ‘پہلے انٹر پول نے بھی برطانوی حکومت اور اداروں کی طرح ٹال مٹول سے کام لیا مگر جب ملک شاہد حامد کے قتل کیس کے بارے میں عدالتی اعترافات پر بریفنگ دی تو انٹرپول حکام چونک گئے
بانی ایم کیو ایم کتنے طاقتور تھے، اس کا اندازہ کراچی کے شہریوں کو بخوبی ہے۔ ان کے ایک اشارے پرسارا شہر بند ہوجاتا تھا اور دن کو رات اور رات کو دن کہا جاتا تھا۔ وہ کراچی کا حقیقی معنوں میں ڈان تھا ۔اگر تاریخ دیکھی جائے تو ان کے حواری بھی اتنے طاقتور تھے کہ وہ زمین پر خدا کہلاتے تھے ،کراچی میں ہڑتال کرانا بانی متحدہ اور ان کے حواریوں کے لیے چٹکی کا کھیل تھا ۔ کوئی تصور بھی نہیں کرسکتا تھا کہ بانی متحدہ کبھی کراچی سے لاتعلق کر دیا جائے گا؟ کبھی کسی نے تصور کیا تھا کہ ان کی پارٹی کے سرکردہ رہنما یہ کہیں گے کہ بانی متحدہ نے ہزاروں افراد قتل کرائے؟ بہرحال یہ سب مکافات عمل ہے جس سے ایم کیو ایم اور بانی متحدہ گزر رہے ہیں اب کوئی بانی متحدہ کی الٹی سیدھی باتوں پر مشتمل دو تین گھنٹے کی تقریر سننے والا نہیں ہے، اب ماحول تبدیل ہو گیا ہے ۔ اور اب بانی متحدہ کے احکامات کے بغیر کراچی چل رہا ہے۔ بانی متحدہ پر ویسے تو درجنوں مقدمات درج ہیں لیکن پرویز مشرف نے جب این آر او دیا تو اس میں بانی متحدہ اور ان کے حواریوں پر قائم12 ہزار مقدمات خارج کر دیے گئے اور ان کی فائلیں محکمہ داخلہ میں تعینات ڈپٹی سیکریٹری جوڈیشل رومانا صدیقی نے غائب کر دیے بعد میں وہی رومانا صدیقی کے انتظامیہ اور عدلیہ سے الگ ہونے پر سندھ ہائی کورٹ نے مالی بے قاعدگیوں پر انہیں ملازمت سے برطرف کر دیا۔ بانی متحدہ پر اہم مقدمات تو خارج ہوگئے لیکن کے ای ایس سی کے ایم ڈی ملک شاہد حامد کے قتل کا کیس خارج نہیں ہوسکا۔ ملک شاہد حامد کی اہلیہ بیگم شہناز حامد خود سی ایس ایس افسرتھیں اور گریڈ 21 میں ریٹائرڈ ہوئیں، انہوں نے ہمت اور غیرت کرکے اپنے شوہر کے کیس کو منطقی انجام تک پہنچایا ،اپنے اکلوتے بیٹے عمر شاہد کو بھی سی ایس ایس کرایا اور وہ پولیس میں ایس ایس پی بن گئے ۔ان کی کوشش اور انتھک محنت کے باعث صولت مرزا کو پھانسی پر چڑھوایا۔ بانی متحدہ نے دن رات کوشش کی ، دھمکیاں دیں لیکن صولت مرزا کو نہ بچایاسکا اور بلآخر صولت مرزا پھانسی چڑھ گیا۔ صولت مرزا ایم کیو ایم کا پہلا اور آخری سرکردہ رہنما تھا جس کو تمام ثبوت کی بنا پر سزائے موت دی گئی۔ یہ کیس این آر او کی فہرست میں شامل نہ ہوسکا حالانکہ پرویز مشرف، عشرت العباد، فاروق ستار، آفتاب احمد شیخ، وسیم اختر، عبدالرئوف صدیقی نے ہر طرح کی کوشش کر دیکھی لیکن بیگم شہناز حامد کی ہمت اور استقامت کے باعث سب ناکام ہوگئے۔ صولت مرزا کو سینٹرل جیل سے سول اسپتال علاج کے لیے لانے کی حکمت عملی بنالی گئی لیکن بیگم شہناز حامد ہر مورچے پر ایک بہادر، نڈر کمانڈر کی طرح لڑتی رہیں اور ایم کیو ایم کا یہ منصوبہ ناکام ہوگیا اور صولت مرزا سول اسپتال داخل نہ ہوسکا ۔منصوبہ یہ تھا کہ جیسے ہی صولت مرزا سول اسپتال لایا جاتا مسلح افراد سول اسپتال پر حملہ کرتے اور صولت مرزا کو چھڑا کر لے جاتے مگر ایسا نہ ہوسکا۔ اس کیس کا دوسرا اہم ملزم منہاج قاضی تھا وہ کراچی میں رہ کر دہشت گردوں کا سرپرست بنا ،نائن زیرو کا انچارج بن گیا ،دہشت گرد ونگ کا سربراہ ہوگیا لیکن قدرت کا کمال دیکھیں کہ منہاج قاضی بھی گرفتار ہوگیا، اس دن ایم کیو ایم کی ریڑھ کی ہڈی ٹوٹ گئی۔ منہاج قاضی نے بھی وہی اعتراف کیا جو صولت مرزا نے دوران تفتیش اور پھانسی کے پھندے پر چڑھنے سے پہلے کیا ،یوں یہ واضح ہوگیا کہ ملک شاہد حامد کو براہ راست بانی متحدہ کے حکم پر قتل کیا گیا۔ ملک شاہد حامد کو قتل کیوں کیا گیا؟ یہ ایک تفصیلی رپورٹ ہے جو ’’وجود ‘‘ میں جلد شائع کی جائے گی۔ اب منہاج قاضی کا مقدمہ انسداد دہشت گردی کی عدالت میں زیر سماعت ہے اور اس نے اعترافی بیان میں کہا ہے کہ انہیں بانی متحدہ کا حکم تھا کہ ملک شاہد حامد کو قتل کیا جائے اور اس نے صولت مرزا اور ساتھیوں سے مل کر ملک شاہد حامد کو گھر سے نکلتے وقت قتل کر دیا۔ اس اعتراف کے بعد منہاج قاضی اب اپنے منطقی انجام تک جا رہے ہیں۔ اب کیس کا اہم ترین موڑ آگیا ہے ۔وفاقی وزارت داخلہ اور ایف آئی اے نے سب سے پہلے برطانیہ سے رابطہ کیا ۔برطانیہ نے ڈاکٹر عمران فاروق قتل کیس چلایا،بعد میں منی لانڈرنگ کیس میں بانی متحدہ کو شامل تفتیش کیا مگر جب بھارت کا کردار سامنے آیا تو برطانیہ حکومت اور ایم آئی سکس نے تحقیقات میں رکاوٹ ڈالی اور یوں دونوں اہم مقدمات داخل دفتر کر دیئے گئے مگر وفاقی وزیر داخلہ چوہدری نثار علی خان مایوس نہیں ہوئے اور انہوں نے انٹرپول سے رابطہ کیا۔ پہلے انٹر پول نے بھی برطانوی حکومت اور اداروں کی طرح ٹال مٹول سے کام لیا مگر جب ملک شاہد حامد کے قتل کیس کے بارے میں بتایا گیا اور تفصیلی بریفنگ دی گئی تو انٹرپول حکام چونک گئے اور بلآخر تیار ہوگئے کہ اگر صولت مرزا اور منہاج قاضی نے عدالت میں اعترافی بیان دیا ہے کہ ان کو بانی متحدہ نے کہا تھا کہ ملک شاہد حامد کو قتل کیا جائے تو پھر وہ اس عدالتی ا عترافی بیان پر بانی متحدہ کو گرفتار کرکے پاکستان کے حوالے کریں گے اور پھر ان کو پاکستان لے جاکر مقدمہ چلایاجائے ،اس پر وفاقی وزارت داخلہ نے ہامی بھری اور اب وفاقی حکومت اور حکومت سندھ بانی متحدہ کے خلاف ملک شاہد حامد قتل کیس میں صولت مرزا اور منہاج قاضی کے اعترافی بیان کی کاپیاں اور دیگر شواہد جمع کر رہے ہیں ا ور پھر 22 اگست 2016 کو پریس کلب کے سامنے کی گئی تقریر میں نجی ٹی وی چینلز پر حملوں کی ایف آئی آر کی کاپیاں اور شواہد جمع کرنا شروع کر دیئے ہیں جس کی تفصیلات ’’وجود‘‘ نے حاصل کرلی ہیں۔ اب صوبائی محکمہ داخلہ سندھ انٹرپول کے لیے ریڈ وارنٹ جاری کرے گا کہ بانی متحدہ کو گرفتار کرکے حکومت سندھ کے حوالے کیا جائے یہی وارنٹ وفاقی حکومت انٹرپول کو بھیجے گی۔
موٹرسائیکل سواروں کو ماہانہ 20لیٹر پیٹرول100 روپے قیمت پر دینے کا اعلان،نئی قیمتوں کا اطلاق رات 12 بجے سے ہوگیا، ٹرک، گڈز اور انٹرسٹی ٹرانسپورٹ کو ڈیزل پر سبسڈی ملے گی وزیراعظم کی زیر صدارت اجلاس میں سارے وزرائے اعلیٰ، فوجی قیادت اور دیگر قائدین شریک تھے،وزیرپیٹرولیم، وزیر خزانہ...
ایرانی اعلیٰ کمانڈر کی ممکنہ زمینی کارروائی کے خطرے کے پیش نظر فوج کو سخت ہدایات جاری ، دشمن کی نقل و حرکت پر انتہائی باریکی سے نظر رکھی جائے، ہر لمحے کی صورتحال سے آگاہ رہا جائے دشمن نے زمینی حملے کی کوشش کی تو اسے بھرپور جواب دیا جائے گا، امریکا ، اسرائیل کی کسی بھی ممکنہ زمی...
دہشت گردی کے خاتمے کیلئے سنجیدہ اقدامات نہ ہونے پر شدید تحفظات کا اظہار عمران خان ، بشریٰ بی بی سے ملاقاتوں پر پابندی سوالیہ نشان قرار،پریس کانفرنس وزیراعلیٰ خیبرپختونخوا سہیل آفریدی نے اسلام آباد میں پریس کانفرنس کرتے ہوئے دہشت گردی، سیاسی صورتحال اور پیٹرول بحران سمیت متع...
شہدا کی تعداد 1 ہزار 318 ہوگئی، حزب اللہ نے اسرائیلی فوجیوں پر تاڑ توڑ حملے کئے 48 فوجی زخمی ہونے کی اسرائیلی تصدیق، مجتبیٰ خامنہ ای کی حزب اللہ کو خراج تحسین پیش اسرائیل نے لبنان پر مزید فضائی حملے کئے، بیروت سمیت مختلف علاقوں میں بمباری سے سولہ افراد شہید جبکہ چھبیس زخمی ہو...
کیس میں 2 مزید ملزمان اور 1 گواہ کا اضافہ ،آئندہ سماعت پر کیس کا چالان عدالت میں پیش کردیا جائے گا چالان میں بانی پی ٹی آئی ودیگر ملزم نامزد ،تفتیشی افسر طبعیت ناسازی کے باعث عدالت میں پیش نہ ہوسکا ایف آئی اے نے بانی پی ٹی آئی عمران خان اور دیگر کیخلاف ممنوعہ فارن فنڈنگ ک...
امریکا کو اپنی جنگ ختم کرنے کیلئے ایران سے ڈیل کرنے کی ضرورت نہیں، اگر وہ مذاکرات کی میز پر آتے ہیں تو اچھا ہوگا، رجیم چینج امریکاکا مقصد نہیں تھا،ٹرمپ کی میڈیا سے گفتگو امریکی صدر ڈونلڈ ٹرمپ نے2سے 3ہفتوں میں ایران جنگ سے نکلنے کا اعلان کر تے ہوئے کہا ہے کہ امریکا کو اپنی جنگ ...
امریکی صدر کے بیانات سے آبنائے ہرمز نہیں کھلے گی، دنیا میں کوئی بھی امریکی سفارت کاری پر اعتماد نہیں کر سکتا، مجتبیٰ خامنہ ای صحت مند ہیں،ترجمان ایرانی وزارت خارجہ کا انٹرویو ایران کی جانب سے امریکی صدرڈونلڈ ٹرمپ کا جنگ بندی کی درخواست کا دعوی مسترد کر دیاگیا۔ترجمان ایرانی وز...
کیا کابینہ کی جانب سے ایسی کسی فورس کی تشکیل کی اجازت دی گئی ہے، وفاقی حکومت اس بات کو یقینی بنائے کہ کسی قسم کی خلاف ورزی نہ ہو،سماعت کے دوران عدالت کا استفسار سزا یافتہ انسان کیلئے ایسی فورس نہیں بننی چاہیے، سنجیدہ قانونی سوالات اٹھتے ہیں،رہائی فورس کی تشکیل قانون اور آئینی ح...
843 دکان داروں کو فی کس 5 لاکھ، 11 کیسز پر فیصلہ ہونا باقی، وزیراعلیٰ کو بریفنگ پلازہ پر کام جلد شروع کیا جائے،متاثرہ تاجروں کیلئے مالی امداد کیلئے 600 ملین مختص سانحہ گل پلازا میں جاں بحق ہوئے افراد میں سے 61 خاندانوں کو فی کیس ایک کروڑ روپے معاوضہ دیدیا گیا 11 کیسز پر فیصلہ...
وزیر اعلیٰ خیبر پختونخوا سہیل آفریدی کی رہائی فورس لانچ ہونے سے پہلے ہی فلاپ ہو گئی پی ٹی آئی نے اپنے ہی وزیر اعلیٰ کے عمران رہائی فورس کے منصوبے کو مسترد کر دیا،ذرائع بانی پی ٹی آئی کی رہائی یا ملاقات ؟ تحریک انصاف اپنے ہی مطالبات پر تقسیم کا شکار ہوُگئی، وزیر اعلیٰ خیبر ...
زرداری،شہباز ،وزیرداخلہ ودیگر کا دہشتگردوں کو ہلاک کرنے پر فورسز کو خراج تحسین حکومت ملک سے دہشت گردی کے مکمل خاتمے کیلئے پر عزم ہے،صدر،وزیراعظم صدرِ مملکت آصف علی زرداری،وزیراعظم شہبازشریف،وزیرداخلہ محسن نقوی ودیگر نے خیبرپختونخواہ میں سکیورٹی فورسز کی کامیاب کارروائیوں پر ...
پیٹرولیم مصنوعات اور سولر سسٹم مزید مہنگا ہونے کا خدشہ،نئے گھروں پر ٹیکس چھوٹ ختم کرنے کا مطالبہ، اگلے بجٹ کے ٹیکس ہدف میں 16 سو ارب روپے اضافے کی تجویز،ذرائع ایف بی آر اس وقت پیٹرولیم مصنوعات پر جی ایس ٹی کی شرح صفر،چھوٹے کاروبار اور تاجروں پر اثاثوں کی بنیاد پر ٹیکس لگانے کی ...
