... loading ...
... loading ...
خریداریوں کا ٹھیکہ ایم ایس سول اسپتال ڈاکٹر ذوالفقار سیال نے سیکریٹری صحت فضل اللہ پیچوہو کے حامی کو دینے سے قطعی انکارکردیا،سیکرٹری صحت سیخ پا‘ ــ’’جیسے سیکریٹری صحت کہتے ہیں ایسا ہی کریں ورنہ کرپشن پر گرفتاری اور ریٹائرمنٹ پر پنشن بھی بند کرا دی جائے گیـ‘‘ایڈیشنل سیکرٹری کے ذریعے ایم ایس کو دھمکی
سیکریٹری صحت فضل اللہ پیچوہو 2008 ء کے بعد سندھ میں طاقتور افسر کے طور پر ابھر کر سامنے آئے ہیں ان کو چھیڑنا کسی کے بس کی بات نہیں تھی، وہ وزرائے اعلیٰ اور صوبائی وزراء کو بھی خاطر میں نہیں لاتے۔ پچھلے سال جب قومی اسمبلی میں قائد حزب اختلاف سید خورشید شاہ نے اتنا کہا کہ سندھ میں تعلیم کا بیڑا غرق ہو گیا ہے تو فضل اللہ پیچوہو نے دوسرے ہی دن ان کو جواب دے دیا کہ سندھ میں تعلیم کی تباہی کے ذمہ دار سید خورشید شاہ ہیں کیونکہ انہوں نے 88 ء میں جس طرح کم تعلیم یافتہ افراد کو ملازمت دی تھی، اس کی مثال کہیں بھی نہیں ملتی، وہی نااہل ملازمین اور اساتذہ اب تعلیم کو برباد کر رہے ہیں ،اس کے بعد سید خورشید شاہ نے زبان بھی نہ کھولی اور اس طرح یہ معاملہ ختم ہوا۔
فضل اللہ پیچو ہو نے جس طرح محکمہ تعلیم کو دونوںہاتھ سے تباہ کیا ،اس کی بحالی کے لیے 50 برس کاعرصہ بھی کم ہوگا۔انہوںنے سرکاری اسکول فروخت کر دیے، ساڑھے چار ہزار نئے ملازمین رکھے،جعلی طریقے سے ملازمین کے بل پاس کرائے، ہیڈ ماسٹرز کی براہ راست بھرتی میں بے قاعدگیاں کیں۔ ان کے کارناموں پر تو ایک کتاب لکھی جائے تووہ بھی کم ہے۔ انہوں نے براہ راست بھرتی ہونے والے اسسٹنٹ کمشنر ریحان بلوچ کو آسمان پر لے جاکر بٹھا دیا اور 30 سے زائد منصوبوں کا پی ڈی(پروجیکٹ ڈائریکٹر) بنا کر دل کھول کر مالی بے قاعدگیاں کیں۔ اور اب وہی ٹیم اپنے ساتھ لے جاکر محکمہ صحت میں نازل ہوئے ہیں، سب سے پہلے انہوں نے فرنٹ مین کو محکمہ تعلیم سے لے جاکر محکمہ صحت میں ڈی جی آفس میں جعلی اسامی پر اکائونٹس اینڈ ایڈمن کا ڈائریکٹر لگا دیا ، اور اس کے ذریعے دل کھول کر لوٹ مار کی جا رہی ہے۔
اب فضل اللہ پیچو ہونے سول اسپتال کراچی میں بعض خریداروں پر اجارہ داری قائم کرنا چاہی ،توان کے سامنے ایم ایس بھی صوبائی وزیر زراعت سہیل انور سیال کے چچا ہیں،اور سہیل انور سیال رکن قومی اسمبلی فریال تالپر کے قریبی ساتھیوں میں سے ہیں ۔جب خریداریوں کا ٹھیکہ ایم ایس سول اسپتال ڈاکٹر ذوالفقار سیال نے سیکریٹری صحت فضل اللہ پیچوہو کے حامی کو دینے سے قطعی انکار کیا تو فضل اللہ پیچوہو سیخ پا ہوگئے اور انہوں نے ذوالفقار سیال کو اپنے دفتر میں بلا کر ایڈیشنل سیکریٹری صحت ریحان بلوچ کو بلالیا۔ ریحان بلوچ نے دھمکی آمیز لہجے میں ڈاکٹر ذوالفقار سیال سے کہا کہ جیسے سیکریٹری صحت کہتے ہیں ایسا ہی کریں ورنہ انہیں محکمہ اینٹی کرپشن میں گرفتار بھی کرواسکتے ہیں ان کی ریٹائرمنٹ 25 مئی کو ہے پھر تمام واجبات اور پنشن بھی بند کرا دی جائے گی۔ لیکن ڈاکٹر ذوالفقار سیال ڈٹ گئے اور واضح کہا کہ پہلے پبلک پریکیورمنٹ ریگولیٹری اتھارٹی سے منظوری لیں اور پھر خود ’’انڈرہینڈ‘‘ ٹھیکہ منظور کرلیں مگرایسا نہیں ہوسکتا کہ وہ بطور ایم ایس کسی کو بغیر اشتہار کے ٹھیکہ دے دیں، وہ ویسے بھی ریٹائرڈ ہو رہے ہیں توخواہ مخواہ عدالتی چکر کاٹتے رہیں۔ اس پر فضل اللہ پیچو ہو اور ریحان بلو چ نے ان پر ہاتھ اٹھانے کی کوشش کی اور تشدد کی بھی دھمکی دی۔ خیر ڈاکٹر ذوالفقار سیال وہاں سے کسی طریقے سے نکل کر باہر آگئے اور فضل اللہ پیچوہو نے ان کا ڈی ڈی او پاور بھی ختم کر دیا، جس پر ڈاکٹر ذوالفقار سیال سندھ ہائی کورٹ چلے گئے۔ سندھ ہائی کورٹ نے فضل اللہ پیچوہو کا حکم کالعدم قرار دیتے ہوئے ڈاکٹر ذوالفقار سیال کا ڈی ڈی او پاور بحال کر دیا ۔اب فضل اللہ پیچوہو زخمی سانپ کی طرح بپھرے ہوئے ہیں اور وہ سخت پریشان ہیں ۔ وہ چاہتے ہیں کہ کسی طرح وہ ڈاکٹر ذوالفقار سیال کو شکست دیں ۔انہوں نے اپنے سالے آصف علی زرداری کو شکایت کی تو پتہ چلا کہ ان کے خلاف پہلے ہی فریال تالپر نے ڈاکٹر ذوالفقار سیال کی شکایت آصف زرداری تک پہنچا دی ہے۔ تب آصف زرداری نے اپنے بہنوئی فضل اللہ پیچوہو سے کہا کہ وہ فی الحال صبر کریں، ابھی دیگر ایشوز ہیں جن پر وہ توجہ دے رہے ہیں، اس لیے یہ معاملہ کچھ عرصہ کے لیے جوں کا توں چلایا جائے۔ بظاہر اس لڑائی میں فضل اللہ پیچوہو کی پسپائی ہوئی ہے اور ڈاکٹر ذوالفقار سیال سرخرو ہوئے ہیں۔ آگے دیکھیں کہ پی پی کی اعلیٰ قیادت اس پر کیا کرتی ہے؟ یہ پہلی مرتبہ ہوا ہے کہ فضل اللہ پیچوہو کو اس طرح بھیانک انداز میں شکست ملی ہو اور ایک ایم ایس ان کے ماتحت ہونے کے باوجود مدمقابل آکر مقابلے کے لیے کھڑا ہوگیا ہو۔ دونوں نے میڈیا میں اپنے دل کی بھڑاس نکالی ہے ، سیکریٹری ہونے کے باوجود فضل اللہ پیچو ہو اپنے دانت پیس رہے ہیں اور وہ اپنے ماتحت ایم ایس کو اس پورے قصے میں ایک شوکاز نوٹس تک نہیںدے سکتے ۔چیف سیکریٹری اور وزیراعلیٰ سندھ نے بھی اس جنگ میں خاموشی اختیار کرلی ہے جس کا واضح مطلب ہے کہ وہ دونوں بڑے بظاہر فضل اللہ پیچوہو کی حمایت کرنے کے موڈ میں نظر نہیں آتے۔
وزیراعظم محمد شہباز شریف نے وزیر خارجہ اسحاق ڈار کو نائب وزیراعظم مقرر کر دیا۔وزیراعظم نے وزیر خارجہ اسحاق ڈار کو نائب وزیراعظم مقرر کرنے کی منظوری دی۔کابینہ ڈویژن نے اس ضمن میں نوٹیفیکیشن جاری کر دیا ہے ۔وزیر خارجہ اس وقت وزیراعظم کے ہمراہ سعودی عرب کے دورے پر ہیں۔ حکومت پاکستان...
وزیراعظم شہبازشریف اور عالمی مالیاتی ادارہ (آئی ایم ایف) کی منیجنگ ڈائریکٹر کرسٹالینا جارجیوا کے درمیان سعودی عرب میں جاری عالمی اقتصادی فورم کے اجلاس کے دوران غیررسمی اہم ملاقات ہوئی جہاں پاکستان کے ایک اور قرض پروگرام میں داخل ہونے کے حوالے سے تبادلہ خیال کیا گیا۔تفصیلات کے مطا...
غزہ کے مظلوم فلسطینیوں کی حمایت میں امریکا سے شروع ہونے والا طلبہ کا احتجاج مزید وسیع ہوگیا ہے ۔ غیرملکی خبررساں ادارے کے مطابق اب برطانیہ، اٹلی، فرانس اور آسٹریلیا کے طلبہ بھی میدان میں آگئے ، انہوں نے اسرائیلی کمپنیوں سے تعلقات منقطع کرنے کی حمایت کی ہے۔ ادھر کولمبیا یونیورسٹی ...
حساس ادارے نے چھاپہ مار کارروائی میں کراچی اور بلوچستان کی پولیس کو انتہائی مطلوب دہشت گرد سمیت 3 افراد کو گرفتار کر کے اسلحہ برآمد کر لیا، گرفتار دہشت گرد کالعدم بی ایل اے کے لیے ریکی اور دہشت گردی کی متعدد واردتوں میں ملوث رہا ہے۔ تفصیلات کے مطابق دہشت گرد اور اس کے ساتھی کو اب...
درآمد شدہ گندم مقررہ ضرورت و اجازت سے زائد منگوائے جانے اورپرائیویٹ سیکٹر کو نوازے جانے کا انکشاف ہوا ہے ،بیوروکریسی کے غلط فیصلوں سے قومی خزانہ کو ایک ارب ڈالر کے نقصان کا سامنا ہے ۔ ذرائع کے مطابق نیشنل فوڈ سکیورٹی نے ضرورت سے زیادہ گندم ہونے کے باوجود 35 لاکھ 87 ہزار ٹن گندم د...
سکھ فار جسٹس نے بھارتی وزیر اعظم نریندر مودی کے خلاف عالمی عدالت میں جانے کا اعلان کیا ہے ۔غیرملکی خبررساں ادارے کے مطابق امریکا میں بھارت کی ناکام قاتلانہ سازش کا شکار سکھ رہنما گرپتونت سنگھ پنوں نے ایک بیان میں کہا ہے کہ وہ بھارتی وزیر اعظم مودی کے خلاف عالمی عدالت میں جائیں گے...
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...
