... loading ...
... loading ...
21اضلاع میں جاری مردم شماری کے لیے کھانے کے ساڑھے چھ کروڑ جاری،جیسے ہی بل منظور ہوا کھانے کے پیسے مل جائیں گے،افسران کا اہلکاروں کو لالی پاپ‘ جب ایک ہی مردم شماری ٹیم میں پولیس اہلکار بھوکے ہوں اور اسی قافلے میں شامل مسلح افواج اور رینجرز کے اہلکاروں کو سہولتیں میسر ہوں تو پھر پولیس کا مورال گرجائے گا،ناقدین
پولیس کے بھی عجیب رنگ ہیں ،کبھی وہ عام آدمی کو پریشان کرتی ہے‘ کبھی حکومت سے وفاداری میں شاہ سے زیادہ شاہ کی وفادار بنتی ہے تو کبھی آنکھیں پھیرنے میں دیر نہیں کرتی‘ کبھی پیٹی بند بھائیوں کا ساتھ دینے میں تمام حدود پھلانگ لیتی ہے تو کبھی اپنے پیٹی بند بھائیوں کے ساتھ وہ دھوکہ کرتی ہے کہ دنیا حیران رہ جائے۔ یہ بہت کم لوگوں کو پتہ ہوتا ہے کہ جب بھی پولیس کسی جگہ آپریشن کرتی ہے اور تین چار دن آپریشن جاری رہتا ہے تو یہ بات طے ہوتی ہے کہ اس آپریشن کا مقصد جرائم پیشہ افراد کا خاتمہ نہیں ہوتا بلکہ سرکاری فنڈز سے کروڑوں روپے نکلوانا ہوتے ہیں اور اس کے لیے صرف اخبارات ‘ نجی ٹی وی چینلز کی خبریں ہی ثبوت کے طور پرکافی ہوتی ہیں اور پھر چار پانچ روز کے بعد پولیس کے قافلے ناکام لوٹتے ہیں لیکن اعلیٰ پولیس افسران اپنے اہلکاروں کو زبانی شاباش دے کر میڈیا اور عوام کے سامنے دعویٰ کرتے ہیں کہ اتنے جرائم پیشہ مارے گئے اور اتنے جرائم پیشہ اپنی کمین گاہیں چھوڑ کر بھاگ گئے اور اس آپریشن کے اقدامات کے بارے میں آج تک کسی پولیس افسر نے عوام کو آگاہ نہیں کیا، حتیٰ کہ میڈیا کو بتایا بھی نہیں جاتا اور میڈیا ایسی خبریں بھی نہیں دیتا اور اگر کوئی جرائم پیشہ کسی علاقہ سے گرفتار کیا جاتا ہے تو اس کو مذکورہ آپریشن میں مار دیا جاتا ہے۔ یہ وہ کہانیاں ہیں جس کو کھلا اورکڑواسچ کہا جاتا ہے۔ سابق آئی جی سندھ پولیس غلام حیدر جمالی نے تو بادشاہت قائم کردی تھی، انہوں نے 7کروڑ روپے سرکاری خزانہ سے نکالے اور پولیس افسران کو کیش میں ادائیگی کی کہ وہ تفتیش بہتر انداز میں کریں اور انہوں نے8کروڑ روپے سکھر کے ایک پیٹرول پمپ کو دینے کے لیے سرکاری خزانے سے نکالے کہ یہ رقم جہاز میں تیل ڈلوایاگیا تھا جس پر سب کی ہنسی نکل گئی تھی کہ سکھر میں ایسا کونسا کام ہوا تھا کہ جس کے لیے جہاز کا 8کروڑ روپے کا تیل خرچ ہوا؟ ایک ایس ایس پی گھوٹکی تو قادر پور آئل اینڈ گیس فیلڈ‘ ماڑی پور گیس فیلڈ‘ پاک سعودی فرٹیلائزرفیکٹری‘ ایکسون فرٹیلائزر فیکٹری اور پاور پلانٹ سے جبری بھتہ لینے کے لیے جرائم پیشہ افراد سے کہتا کہ ان اداروں کے اطراف راکٹ لانچرسے فائر کریں پھر ان اداروں کے اہم عہدیدار ایس ایس پی کے پاس آتے تھے اور وہی ایس ایس پی ان سے سیکورٹی کے نام پر کروڑوں روپے لے کر کچے کے علاقوں میں دو تین دن فائرنگ کرواتے، یوں وہ چالاکی دکھا کر کروڑوں روپے ہڑپ کرجاتے۔ عام الیکشن ہو یا پھر مردم شماری ہو یا جلسے جلوس ہوں‘ قومی تہواروں یا عیدکے موقع پر سندھ پولیس کی جانب سے اہلکاروں کے لیے کروڑوں روپے کھانے پینے کے لیے جاری کیے جاتے ہیں مگر یہ پیسے اعلیٰ افسران کی جیبوں میں چلے جاتے ہیں اور اہلکار بیچارے بھوکے پیاسے وقت گزارلیتے ہیں۔ اس مرتبہ پہلے مرحلے میں کراچی‘ حیدرآباد اور گھوٹکی میں مردم شماری کی گئی جس کے لیے بھی ڈیڑھ کروڑ روپے کھانے پینے کے لیے جاری کیے گئے مگر وہ رقم بھی اعلیٰ افسران ڈکارگئے اور اب سندھ کے باقی ماندہ21اضلاع میں مردم شماری شروع کرائی گئی ہے اور اس میں پولیس اہلکاروں کے لیے کھانے پینے کا انتظام کرنے کے لیے ساڑھے چھ کروڑ روپے جاری کردیے گئے ہیں مگر یہ رقم بھی حسب معمول افسران کی جیبوں میں چلی گئی ہے اور اہلکار کو لہو کے بیل کی طرح سخت گرمی کے باوجود مردم شماری کی ڈیوٹی دے رہے ہیں اور ان اہلکاروں سے کوئی پوچھتا بھی نہیں کہ وہ کس حال میں ڈیوٹی دے رہے ہیں؟ اعلیٰ پولیس افسران ماتحت اہلکاروں سے صرف اتنا کہتے ہیں کہ ان کے کھانے پینے کا بل بنایا جائے گا اور جیسے ہی بل منظور ہوا تو ان کو کھانے پینے کے پیسے بھی مل جائیں گے لیکن حقیقت یہ ہے کہ یہ صرف اہلکاروں کو لالی پاپ دینے کے مترادف ہے اور بیچارے اہلکار اعلیٰ افسران کے جھوٹے دعوے سننے پر مجبور ہیں۔ ناقدین کا کہنا ہے کہ تصور کیجیے کہ ایک اہلکار علی الصبح تیار ہوکر، وردی پہن کر متعلقہ جگہ پہنچتا ہے اور وہاں سے پولیس موبائل میں بیٹھ کر مردم شماری کے عملے کے ساتھ ڈیوٹی دیتا ہے، سخت ترین گرمی میں وہ ڈیوٹی پر موجود ہوتا ہے کہ کہیں خدانخواستہ مردم شماری کے عملہ کو نقصان نہ پہنچے اور پھر شام پانچ بجے وہ مردم شماری کے عملہ کے ساتھ واپس اسی جگہ جاتا ہے جہاں سے صبح کو ٹیم نکلی تھی اور پھر وہیں سے بھوکا پیاسا اپنے گھر چلا جاتا ہے، اس کے مقابلے میں مسلح افواج اور رینجرز اہلکاروں کو علی الصبح ناشتہ، دس گیارہ بجے چائے اور بسکٹ، ایک بجے دوپہر کا کھانا اور شام چار بجے چائے اور پھل وغیرہ اور مغرب کے بعد کھانا ملتا ہے۔ جب ایک ہی قافلے میں پولیس اہلکار بھوکے پیاسے ہوں گے اور اسی قافلے میں شامل مسلح افواج اور رینجرز کے اہلکاروں کو کھانے پینے کی بنیادی سہولت میسر ہوگی تو پھر پولیس کا مورال تو گرجائے گا اور وہ بے دلی سے ڈیوٹی دے گی۔ سندھ پولیس کے کرپٹ افسران کا یہ کھیل پچھلے70سال سے جاری ہے اور وہ اس کھیل میں کامیاب بھی ہیں۔ اب ان کا اگلا ٹارگٹ آئندہ سال2018ء میں عام انتخابات ہیں جس میں بھی وہ سیکورٹی ڈیوٹی کے نام پر پھر کروڑوں روپے نکلوائیں گے اور وہ رقم اپنی جیبوں میں ڈال کر غریب اہلکاروں سے ڈیوٹی کروائیں گے۔
الیاس احمد
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
