... loading ...
... loading ...
شام میں ایران کی موجودگی پرراضی کرنے کیلیے روس نے پتا پھینک دیا،مغربی بیت المقدس کو اسرائیلی دارالحکومت تسلیم کر پر آمادگی اسرائیل نے روس کو صاف بتادیاتھا کہ وہ شام میں ایران کی موجودگی کو اپنے لئے خطرہ تصور کرتاہے جسے تادیر برداشت نہیں کیا جائے گا ماسکومغربی بیت المقدس کو اب تک اسرائیل کادارالحکومت تسلیم نہیں کرتا، اسی لیے اس کا سفارت خانہ تل ابیب میں قائم ہے
روس نے اسرائیلی رہنمائوں کو پیشکش کی ہے کہ اگر اسرائیل فلسطینیوں کے ساتھ معاہدے پر تیار ہوجائے توروس مغربی بیت المقدس کو اسرائیل کا دارالحکومت تسلیم کرلے گا ، یہ پیشکش گزشتہ دنوں شام پر امریکا کے اندھادھند میزائل حملوں کے بعد سامنے آئی ہے۔ اسرائیل، سعودی عرب اور برطانیہ نے جس کی حمایت اور روس وایران سمیت کئی ممالک نے جس کی مذمت کی ہے۔ اطلاعات کے مطابق روس نے اسرائیلی رہنمائوں کو فلسطین کا مسئلہ حل کرانے میں مدد دینے، فلسطینیوں اور اسرائیل کے درمیان ثالث کا کردار ادا کرنے اور مشرقی بیت المقدس کو فلسطینیوںاور مغربی بیت المقدس کو اسرائیل کادارالحکومت تسلیم کرنے کی پیشکش کے علاوہ اسرائیل اور فلسطین کے درمیان پرامن بقائے باہمی کامعاہدہ کرانے کی بھی پیشکش کی ہے تاکہ دونوں ہی فریق جنگ اور کشیدگی سے پاک ماحول میں زندگی گزار سکیں اور ماضی کوفراموش کرکے اپنی بقا اورترقی کی راہ خود پیدا کرسکیں۔
اطلاعات کے مطابق شام جنگ میں ایران کی دلچسپی اور شام کی حکومت کی حمایت پراسرائیل میں بے چینی پائی جاتی ہے اور اسرائیل کے وزیر اعظم نیتن یاہو نے روس کے صدر پوٹن کو صاف صاف بتادیاہے کہ اسرائیل شام میں ایران کی مستقل موجودگی کو اپنے لئے خطرہ تصور کرتاہے اور وہ اسے تادیر برداشت نہیں کرے گا،اطلاعات کے مطابق روسی رہنمائوں نے نیتن یاہو کے اس انتباہ اور شام میں ایران کی موجودگی کے حوالے سے ان کی جانب سے ظاہر کردہ تشویش کا سنجیدگی سے جائزہ لینے کے بعد فلسطینیوں کے ساتھ اسرائیل کاامن معاہدہ کرانے کے لیے ثالثی کی پیشکش کی اورروس کی وزارت خارجہ نے سرکاری طورپر ایک بیان جاری کرکے یہ پیشکش کی کہ اگر اسرائیل فلسطینیوں کے ساتھ امن معاہدے کے لیے تیار ہوجائے تو روس بیت المقدس کے مغربی علاقے کو اسرائیل کا دارالحکومت تسلیم کرنے کو تیار ہے۔
روس کی وزارت خارجہ کی جانب سے ثالثی کی پیشکش کواس کی پالیسی میں اہم اور حیران کن تبدیلی کے طورپر دیکھا جارہاہے۔ اگرچہ اس سے قبل بھی روس کا موقف یہی رہاہے کہ اسرائیل اور فلسطینیوں کے درمیان کسی بھی امن معاہدے میں مشرقی بیت المقدس کو فلسطینیوں کا دارالحکومت تسلیم کیاجانا چاہئے لیکن روس نے اس حوالے سے کبھی مغربی بیت المقدس کے بارے میں کسی پالیسی کااظہار نہیں کیاتھا۔ روس مغربی بیت المقدس کو اب تک اسرائیل کادارالحکومت تسلیم نہیں کرتا اور اسرائیل میں روس کا سفارت خانہ بیت المقدس میں نہیں بلکہ تل ابیب میں قائم ہے۔
روس کی پالیسی یا موقف میں یہ تبدیلی روس کی جانب سے حال ہی میں اسرائیلی کابینہ کے اس فیصلے کی مذمت کے بعد سامنے آئی ہے جس میں ایمونا کی غیر قانونی چوکی سے بیدخل کئے گئے یہودیوں کو آباد کرنے کے لیے نئی بستیاں تعمیر کرنے کا فیصلہ کیاگیاتھا۔
روس کی وزارت خارجہ کی جانب سے جاری کردہ بیان میں کہاگیاہے کہ روس کو اسرائیل اور فلسطینیوں کے درمیان طویل عرصے سے جاری تنازع اور کشیدگی کے ماحول اور اس حوالے سے کسی طرح کے مذاکرات اور بات چیت نہ ہونے پر شدید تشویش ہے کیونکہ اس سے خطے میں حالات بگڑتے ہی جارہے ہیںاور صورت حال بد سے بدتر شکل اختیار کرتی جارہی ہے۔ روسی وزارت خارجہ کے بیان میں کہاگیاتھا کہ مشرق وسطیٰ میں امن کے قیام کے عمل میں جمود کی وجہ سے مختلف ممالک کی جانب سے یکطرفہ اقدامات کی راہ کھل گئی ہے جس سے صورتحال میں بہتری کے بجائے مزید ابتری پیدا ہورہی ہے۔ اس سے فلسطین کے مسئلے کے دو ریاستی حل کامنصوبہ جسے پوری دنیا نے منظور کیاہے متاثر ہورہاہے۔روسی وزارت خارجہ کے بیان میں کہاگیاہے کہ اسرائیل اور فلسطین دونوں ہی پرامن پڑوسیوں کی طرح امن و سلامتی کے ساتھ رہ سکتے ہیں،روس اقوام متحدہ کی منظور کردہ اسرائیلی اور فلسطینی ریاستوں کے نظریئے کی پوری طرح حمایت کرتاہے ،بیان میں کہاگیاہے کہ اس کے ساتھ ہی ہم یہ واضح کرنا چاہتے ہیں کہ جہاں ہم مشرقی بیت المقدس کو فلسطینیوں کادارالحکومت تسلیم کرتے ہیں وہیں امن معاہدے کی صورت میں مغربی بیت المقدس کو اسرائیل کادارالحکومت بھی تسلیم کرلیں گے۔تاہم فلسطینیوں اور اسرائیل کو اس مسئلے کے پرامن حل کے لیے براہ راست مذاکرات کا آغاز کرنا چاہئے اور روس اس حوالے سے ہر ممکن معاونت کرنے کو تیار ہے۔
اسرائیل کی وزارت خارجہ کی ترجمان ایمانوئل ناہشون سے جب روس کی اس پیشکش کے حوالے سے تبصرہ کرنے کوکہاگیاتو انھوں نے فوری طورپر اس حوالے سے کوئی تبصرہ کرنے سے انکار کرتے ہوئے کہا کہ اسرائیلی حکام روس کی اس پیشکش کاجائزہ لے رہے ہیں جس کے بعد ہی اس پر کوئی تبصرہ کرنا یا رائے دینا ممکن ہوسکے گا۔
اب دیکھنا یہ ہے کہ اسرائیل اور فلسطینیوں کے درمیان امن معاہدہ کرانے کے حوالے سے روس کی اس بظاہر مخلصانہ پیشکش پر اسرائیلی حکام کیاردعمل ظاہر کرتے ہیں اور سب سے بڑھ کر یہ کہ امریکا کے صدر ڈونلڈ ٹرمپ اور امریکی وزارت خارجہ کے حکام روس کی اس پیش رفت کے کیامطلب نکالنے کی کوشش کرتے ہیں۔
حکومت کو اپوزیشن کی بجائے اپنی اتحادی جماعت پیپلز پارٹی سے سبکی کا سامنا ،یہ ملکی پارلیمانی تاریخ کا سیاہ ترین دن ،ایساتو دور آمریت میں نہیں ہواہے ان حالات میں اس ایوان کا حصہ نہیں بن سکتے ، نوید قمر وفاقی حکومت نے یہ کیسے کیا یہ بات سمجھ سے بالاتر ہے ، نوید قمر کی حکومت پر شدی...
3 پولیس اہلکار زخمی،دھماکے میں بکتربند گاڑی تباہ ،دھماکا خیز مواد درہ تنگ پل کے ساتھ رکھا گیا تھا گورنر خیبرپختونخوا کی پولیس بکتر بند گاڑی پر حملے کے واقعے پر اعلیٰ حکام سے فوری رپورٹ طلب ٹانک اور لکی مروت میں پولیس پر آئی ای ڈی بم حملوں میں بکتر بند تباہ جب کہ ایس ایچ او س...
ٹرمپ کی غنڈہ گردی سے کوئی ملک محفوظ نہیں، پاک افغان علما متفق ہیں اب کوئی مسلح جنگ نہیں مسلح گروہوں کو بھی اب غور کرنا چاہیے،انٹرنیٹ پر جھوٹ زیادہ تیزی سے پھیلتا ہے،خطاب سربراہ جے یو آئی مولانا فضل الرحمان نے کہا ہے کہ ستائیسویں ترمیم نے بتایا ملک میں جنگ نظریات نہیں اتھارٹی...
ہم کسی کو اجازت نہیں دینگے عمران خان کو بلاجواز جیل میں رکھیں،پیپلزپارٹی نے مل کرآئین کاڈھانچہ تبدیل کیا، سندھ میں پی پی کی ڈکٹیٹرشپ قائم ہے، فسطائیت ہمیشہ یاد رہے گی،وزیراعلیٰ خیبرپختونخوا عمران خان کی سیاست ختم کرنیوالے دیکھ لیں قوم آج کس کیساتھ کھڑی ہے، آج ہمارے ساتھ مختلف...
بی وائی سی بھرتی، بیانیہ سازی اور معاشرتی سطح پر رسائی میں بھرپور کردار ادا کر رہی ہے صورتحال سے نمٹنے کیلئے حکومت کاکوئٹہ اور تربت میں بحالی مراکز قائم کرنے کا اعلان بلوچ یکجہتی کمیٹی (بی وائی سی) مسلح علیحدگی پسند تنظیموں بالخصوص فتنہ الہندوستان کے بظاہر سافٹ فیس کے طور پر ...
شاہ کس بائے پاس روڈ پر واقع ناکے کلے میں فتنہ الخوارج کی تشکیل کو نشانہ بنایا ہلاک دہشت گرد فورسز پر حملوں سمیت دیگر واقعات میں ملوث تھے، سی ٹی ڈی خیبرپختونخوا کے محکمہ انسداد دہشت گردی (سی ٹی ٹی) نے ضلع خیبر کے علاقے جمرود میں کارروائی کے دوران 3 دہشت گردوں کو ہلاک کردیا۔سی ...
گائیڈ لائنز پر عمل کریں، وزیراعلیٰ کا عہدہ آئینی عہدہ ہے اوراس کا مکمل احترام کیا گیا ہے جو یقین دہانیاں کرائی گئی تھیں، افسوس کے ساتھ کہنا پڑتا ہے کہ ان پر عمل نہیں کیا جا رہا سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہ...
سہیل آفریدی اور وزیراعلیٰ سندھ کی طے شدہ ملاقات اچانک منسوخ کردی گئی حیدر آباد سے کراچی واپسی پرجگہ جگہ رکاوٹیں ڈالی گئیں ، وزیراعلیٰ خیبرپختونخواہ وزیراعلیٰ خیبرپختونخواہ سہیل آفریدی اور وزیراعلیٰ سندھ مراد علی شاہ کی طے شدہ ملاقات اچانک منسوخ ہوگئی۔ میڈیا رپورٹس کے مطابق...
واشنگٹن اور اتحادی ممالک میں تشویش ، جوائنٹ چیفس آف اسٹاف کی اس اقدام کی مخالفت کانگریس ایسے کسی اقدام کی حمایت نہیں کرے گی،نیٹو اتحاد کے مستقبل پر سوالات اٹھ سکتے ہیں برطانوی میڈیا نے دعویٰ کیا ہے کہ امریکی صدر ڈونلڈ ٹرمپ نے گرین لینڈ حملہ سے متعلق فوجی منصوبہ تیار کرنے کے ...
پاکستان کی عدلیہ کی آزادی کے لیے کوششیں جاری ہیں،سندھ اس وقت زرداری کے قبضے میں ہے لیکن سندھ عمران خان کا تھا اور خان کا ہی رہیگا، وزیراعلیٰ خیبرپختونخوا کا پرتپاک اور والہانہ استقبال کیا پیپلزپارٹی خود کو آئین اور18ویں ترمیم کی علمبردار کہتی ہے لیکن افسوس! پی پی نے 26 اور 27و...
حکومت سندھ نے آبپاشی اور زراعت کی ترقی کیلئے خصوصی اور جامع اقدامات کیے ہیں مراد علی شاہ کی صدارت میں صوبے میں جاری ترقیاتی منصوبوں کے جائزہ اجلاس میں گفتگو وزیراعلیٰ سندھ سید مراد علی شاہ کی صدارت میں صوبے میں جاری ترقیاتی منصوبوں کا جائزہ اجلاس ہوا، اجلاس میں صوبائی وزراء ...
خیمے بارش کے پانی میں ڈوب گئے،ایندھن کی شدید قلت نے بحران کو مزید سنگین بنا دیا دیوار گرنے سے کمسن بچہ زخمی،قابض اسرائیل کی فوج نے بیشتر عمارتیں تباہ کر دی،رپورٹ شدید موسمی دباؤ اور شدید بارشوں جن کی لپیٹ میں پورا فلسطین ہے، غزہ کے محصور شہریوں کی اذیتوں میں مزید اضافہ کر دی...
