... loading ...
گزشتہ سال جب پی پی کی قیادت یعنی آصف زرداری نے دبئی میں بیٹھ کر زندگی کی لگ بھگ 9 دہائیاں دیکھنے والے سید قائم علی شاہ کو ہٹا کر سید مراد علی شاہ کو وزیراعلیٰ نامزد کیا تو اس وقت صرف خورشید شاہ نے دام میں پھنسنے والے پرندے کی طرح پھڑپھڑایا ،باقی سارے خاموش رہے۔ پھر خورشید شاہ کو بلیک میل کرنے اور زبان بند رکھنے کے لیے آصف زرداری نے 27 دسمبر 2016ء کو بینظیر بھٹو کی برسی کے موقع پر اعلان کردیا کہ میں اور بلاول بھٹو زرداری ضمنی الیکشن لڑ کر قومی اسمبلی جائیں گے، پھر خورشید شاہ کو جو چپ لگی وہ قابل دید ہے۔ خیر سے مراد علی شاہ وزیراعلیٰ بن گئے، ابتداء میں وہ بھی نئے پرندے کی طرح اونچی اڑان اڑنے کی مشق کرتے رہے ،صبح 9 بجے سندھ سیکریٹریٹ پہنچ جاتے ،پھر بغیر پروٹوکول کے کراچی میں ترقیاتی منصوبوں کا جائزہ لینے چلے جاتے توہر طرف ان کی واہ واہ ہونے لگی اور پھر انہوں نے دھواں دار فیصلے کرنا بھی شروع کردیے ۔ایسا لگ رہا تھا کہ مراد علی شاہ کی شکل میں پی پی پی کو ایک نایاب اور انقلابی لیڈر مل گیا ہے جس کی بدولت پی پی اگلے عام انتخابات میں بھی کامیاب ہوجائے گی، لیکن ’’خواب تھا جو کچھ کہ دیکھا،جوسنا فسانہ تھا‘‘۔
مراد علی شاہ کو پہلا جھٹکا سندھ کابینہ کی تشکیل کے وقت لگا جب سینئر رہنما نثار کھوڑو کو اہم وزارت دینے کی آصف زرداری نے مخالفت کردی اس پر مراد علی شاہ کو مجبوراً دبئی جاکر آصف زرداری کی منتیں کرنا پڑیں تب جاکر معاملہ ٹھنڈا ہوا ۔مراد علی شاہ سہیل انور سیال کو سندھ کابینہ میں نہیں لینا چاہتے تھے لیکن فریال تالپور نے صرف ٹیڑھی آنکھ سے دیکھا اور مراد علی شاہ نے ہتھیار پھینک دیے۔ اس طرح دو تین ماہ میں جب مراد علی شاہ مقبول بن گئے تو آصف زرداری نے ان کو ڈانٹ پلادی اور کہنے والے یہاں تک کہہ رہے ہیں کہ وزیراعلیٰ سندھ کو واضح طور پر کہا کہ وہ اپنی حد میں رہیں حد سے نہ گزریں ، بس پھر مراد علی شاہ کے غبارے سے ہوا نکل گئی اور وہ زمین پر آگئے اور ان میں جوش جذبہ اور ولولہ بھی ختم ہوگیا۔ مراد علی شاہ پہلے یہ تاثر دیتے رہے کہ جیسے وہ بااختیار ہوں لیکن جب معاملات چلنا شروع ہوئے تو ان کے پر کٹتے گئے اور اب وہ مکمل طور پر بھیگی بلی بن چکے ہیں اور ان کو مکمل طور پر بے بس اور بے اختیار بنادیا گیا ہے۔ محکمہ آبپاشی ‘ محکمہ داخلہ‘ محکمہ تعلیم‘ محکمہ ریونیو‘ محکمہ خزانہ میں صرف آصف علی زرداری‘ فریال تالپوراور حاجی علی حسن زرداری کے احکامات چلتے ہیں۔ محکمہ آبپاشی کا رواں مالی سال میں بجٹ 24 ارب روپے ہے اور اب تک 8 ماہ میں محکمہ آبپاشی کو 34 ارب روپے جاری کئے جاچکے ہیں اور رواں مالی سال کے باقی چار ماہ میں 10 سے 12 ارب روپے مزید جاری کئے جانے کا امکان ہے۔ آڈیٹر جنرل آف پاکستان ریونیو نے رپورٹ دی ہے کہ سندھ میں 5 سالوں کے دوران 300 ارب روپے کی مالی بے قاعدگی ہوئی ہے لیکن وزیراعلیٰ کی یہ مجال نہیں ہے کہ وہ اس کی تحقیقات کراسکیں۔ محکمہ اینٹی کرپشن کو بھی ہائی پروفائل کیسز کی تحقیقات سے روکا گیا ہے۔ اور اب سندھ پر آصف زرداری ‘ فریال تالپور ‘حاجی علی حسن زرداری اور انور مجید کی مکمل طور پر حکمرانی ہے۔ حال ہی میں سندھ میں سیکریٹری اسکول ایجوکیشن‘ سیکریٹری آبپاشی‘ ایم ڈی کراچی واٹر بورڈ کے تبادلے ہوئے جس میں وزیراعلیٰ سندھ سید مراد علی شاہ کو صرف اتنا پتہ چلا کہ نوٹیفکیشن جاری ہوچکا ہے اور یہ افسران تعینات ہوگئے ہیں۔ دلچسپ امر یہ ہے کہ اہم طاقتور محکموں کے سیکریٹریز سے کہاگیا ہے کہ وہ آصف زرداری ‘ فریال تالپور‘ حاجی علی حسن زرداری اور انور مجید سے رابطہ رکھیں اور وزیراعلیٰ سندھ سید مراد علی شاہ کو لفٹ نہ کرائیں۔ بیچارے وزیراعلیٰ نے جب دبے الفاظ میں کچھ کہنے کی کوشش کی تو بڑے صاحب نے ان کو ڈانٹ پلادی کہ وہ اپنی حد میں رہیں اور حد سے نہ گزریں، اس حکم کے بعد وزیراعلیٰ سہم گئے ہیں۔اب ان میں چالاکی اور چستی بھی ختم ہوگئی ہے۔
وزیراعلیٰ سندھ مراد علی شاہ کمشنر کراچی اعجاز احمد خان کوہٹاناچاہتے ہیں لیکن ان کوآصف زرداری ،فریال تالپور اورانورمجید نے روکا ہواہے۔ اس لئے وہ کمشنر کے سامنے بے بس ہیں۔ صرف آئی جی سندھ پولیس اور چیف سیکریٹری ایسے افسر ہیں جووزیراعلیٰ کومکمل پروٹوکول دیتے ہیں، ہرفیصلہ ان سے پوچھ کر کرتے ہیں، ان کووزیراعلیٰ والی عزت دیتے ہیں۔یہی وجہ ہے کہ انورمجیداور فریال ٹالپر کے لئے آئی جی سندھ پولیس ناقابل قبول ہیں لیکن آئی جی کواس کی پروانہیں ۔
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
غزہ میں مظالم کے خلاف اسرائیل کی مبینہ حمایت کرنے والی کمپنیوں کے بائیکاٹ کی مہم میں شدت آتی جا رہی ہے ۔ معروف امریکی فوڈ چین کے ایف سی نے ملائیشیا میں اپنے 100 سے زائد ریستوران عارضی طور پر بند کرنیکا اعلان کر دیا۔غیر ملکی میڈیا کے مطابق ملائیشیا میں امریکی فوڈ چین کی فرنچائز کم...
جمعیت علمائے اسلام کے سربراہ مولانا فضل الرحمان نے وزیراعظم شہباز شریف اور وزیراعلیٰ پنجاب مریم نواز کے شوہر کیپٹن (ر) صفدر کو طنز کا نشانہ بنایا ہے ۔لاہور میں فلسطین کانفرنس سے خطاب میں مولانا فضل الرحمان کا کہنا تھاکہ یہاں بلاوجہ شہباز شریف کی شکایت کی گئی اس بیچارے کی حکومت ہی...
وزیراعظم شہباز شریف نے کہا ہے کہ کرپشن کا ملک سے خاتمہ ہونے والا ہے ، ہم سب مل کر پاکستان کو انشااللہ اس کا جائز مقام دلوائیں گے اور جلد پاکستان اقوام عالم میں اپنا جائز مقام حاصل کر لے گا۔لاہور میں عالمی یوم مزدور کے موقع پر اپنی ذاتی رہائش گاہ پر تقریب سے خطاب کرتے ہوئے وزیرِ ا...
غیر قانونی طور پر بھارت کے زیر قبضہ جموں و کشمیر میں بی جے پی کے رہنما راجوری اور پونچھ میں مسلمانوں کو دھمکیاں دے رہے ہیں کہ وہ یا تو سنگھ پریوار کے حمایت یافتہ امیدوار کو ووٹ دیں یا1947 جیسی صورتحال کا سامنا کرنے کے لیے تیار رہیں۔ کشمیرمیڈیاسروس کے مطابق 1947میں جموں خطے میں ہن...
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...
حکومت نے رات گئے پیٹرولیم مصنوعات کی نئی قیمتوں کا اعلان کردیا۔ وزیراعظم نے پیٹرولیم مصنوعات کی قیمتوں میں کمی منظوری دے دی۔ وزارت خزانہ کے نوٹیفکیشن کے مطابق پیٹرول کی قیمت میں 5 روپے 45پیسے کمی کے بعد نئی قیمت 288روپے 49پیسے فی لیٹر مقرر کی گئی ہے ۔ہائی اسپیڈ ڈیزل کی قیمت 8 روپ...
مسلم لیگ (ن) پنجاب کے صدر اور سابق وزیر داخلہ رانا ثناء اللہ کو وزیراعظم شہباز شریف کا مشیر برائے سیاسی و عوامی امور تعینات کر دیا گیا۔ن لیگی قیادت نے الیکشن 2024ء میں اپنی نشست پر کامیاب نہ ہونے والے رانا ثناء کو شہباز شریف کی ٹیم کا حصہ بنانے کا فیصلہ کیا ہے ۔ذرائع کے مطابق وزی...
پبلک اکاؤنٹس کمیٹی کیلئے شیر افضل مروت کا نام فائنل کر لیا گیا ہے ۔ اڈیالہ جیل کے باہر گفتگو کے دوران بیرسٹر گوہر نے کہا کہ شیر افضل مروت کا نام فائنل ہونے پر تمام تنازعات ختم ہو چکے ہیں۔واضح رہے کہ گزشتہ کچھ دنوں سے پبلک اکائونٹس کمیٹی کے لیے شیر افضل مروت کے نام پر تحریک انصاف...
گزشتہ سال نومبر میں تیزاب پھینکنے کے الزام کے حوالے سے سابق وفاقی حکومت کے مشیر شہزاد اکبر نے حکومت پاکستان کے خلاف مقدمہ دائر کرنے کی تیاری کر لی۔شہزاد اکبر نے قانونی کارروائی کی کاپی لندن میں پاکستان ہائی کمیشن کو بھجوا دی۔شہزاد اکبر نے دعویٰ کیا کہ تیزاب حملے کے پیچھے حکومت پا...
جمعیت علمائے اسلام کے سربراہ مولانا فضل الرحمان نے انتخابات میں مبینہ دھاندلی کے خلاف ملین مارچ کا اعلان کرتے ہوئے کہا ہے کہ ہمیں روکنے کی کوشش کرنے والا خود مصیبت کو دعوت دے گا۔تفصیلات کے مطابق قومی اسمبلی کا اجلاس اسپیکر کے زیر صدارت شروع ہوا جس میں پی ٹی آئی کے اپوزیشن لیڈر ا...