... loading ...
... loading ...
بھارت سے ملنے والی میڈیا رپورٹس سے انکشاف ہواہے کہ بھارت میں مسلمان لڑکیوں کو اغوا کرکے ان کو زبردستی ہندو بنانے کی باقاعدہ ایک مہم شروع کردی گئی ہے اور بھارت کے صوبہ اترپردیش سے تعلق رکھنے والے بی جے پی کے ٹکٹ پر کامیاب ہونے والے ایک رکن اسمبلی اس مہم کی نگرانی کررہے ہیں اور مسلمان لڑکیوں کو اغوا کرکے ان کو زبردستی مذہب تبدیل کرکے ہندومت اختیار کرنے پر مجبور کرنے والے مہاسبھائی ہندو غنڈوں کی سرپرستی کررہے ہیں، پولیس کو ان واقعات کی رپورٹ درج نہ کرنے اور رپورٹ درج کرانے پر اصرار کرنے والے لڑکیوں کے والدین اور رشتہ داروں پر جھوٹے مقدمات قائم کرکے ان کو بھی حوالات میں بند کردینے کی غیر تحریری ہدایت دے دی گئی ہے۔
بھارتی میڈیا کی رپورٹ کے مطابق مسلمان لڑکیوںکو اغوا کرکے زبردستی مذہب تبدیل کرنے پر مجبور کرنے کے سب سے زیادہ واقعات اترپردیش یعنی یوپی میں ہورہے ہیں جہاں بی جے پی کے رکن اسمبلی یوگی ادیاناتھ جو ہندو یووا باہنی کی بھی سرپرستی کرتے ہیں، اس کی باقاعدہ نگرانی اور سرپرستی کررہے ہیں۔
بھارتی اخبارات نے یوپی کے ایک گائوں خوشی نگرسے ایک ایسی ہی زبردستی اغوا کرکے ہندو بنائی جانے والی لڑکی زبیدہ جس کی ایکہندو نوجوان سے زبردستی شادی کردی گئی،اس کی دکھ بھری داستان شائع کی ہے ،زبیدہ تک رسائی حاصل کرنے والی ہندو صحافی کے سوالات کے جواب دیتے ہوئے اس نے بتایا کہ اسے 3سال قبل جب اغوا کیاگیا تو اس کی عمر صرف 13 سال تھی ، اسے اغو اکرنے والے غنڈے نے اسے اپنے منہ بولے دادا دادی کے گھر میں چھپادیا،اور جب اس کے والدین اسے تلاش کرتے ہوئے اس کے گھر پہنچے تو گھر والوں نے اس کی وہاں موجودگی سے صاف انکار کردیا ،بعد میں اسے زبردستی مذہب تبدیل کرنے پر مجبور کیاگیا اور اس کانام امیشہ رکھ دیا گیا ،بعد ازاں اس کی شادی اسی ہندو غنڈے سے کردی گئی جس نے اسے اغوا کیاتھا ، زبیدہ نے بتایا کہ اغوا کے بعد سے میں اپنے ماں، باپ اور بھائی بہنوں کا چہرہ تک دیکھنے سے محروم ہوگئی ہوںاور تنہائی میں روتی رہتی ہوں۔
صحافی نے جب زبیدہ کے چچا عبداللہ سے رابطہ کیا تو انھوںنے بتایا کہ ہندوئوں نے پنچایت میں اعلان کیا کہ ہم نے اسے ہندو بنالیاہے اور اب وہ ہمارے ساتھ ہندو بن کر رہ رہی ہے،زبیدہ کے چچا نے کہا کہ وہ لوگ طاقتور ہیں ،ان کے ساتھ ارکان اسمبلی ہیں جن کی وجہ سے پولیس اور قانون نافذ کرنے والے ادارے بھی ان کے ساتھ کھڑے ہیں ، ہم کمزور اور بے بس لوگ ہیں ایسی صورت میں ہم خون کے گھونٹ پینے اور اللہ سے ان کی تباہی وبربادی کی دعا مانگنے کے سوا کیاکرسکتے ہیں؟
اخبار لکھتاہے کہ یہ ایک حقیقت ہے کہ اترپردیش کے جس گائوں میں یہ واقعہ ہواہے وہاں مسلمانوں کے گنے چنے ہی گھر ہیں اور ان کی لڑکی کو اغوا کرکے اس کو مذہب تبدیل کرنے پر مجبور کرنے والے لوگ گائوں کی بااثر ٹھاکر فیملی کے لوگ ہیں۔زبیدہ کے گھر والوں نے اس کے اغوا کے بعد اپنی جان کو خطرے میں ڈال کر اس کے اغوا کا مقدمہ درج کرادیاتھا ، زبیدہ کے والدین کی جانب سے اس کے اغوا کے واقعے کی رپورٹ2013 میں درج کرائی گئی۔ رپورٹ کے مطابق رامیش ور ٹھاکر اور اس کے بیٹوں اروند اور ناگن ٹھاکر نے مل کر کمسن زبیدہ کو اغوا کیا اور پھر اسے مذہب تبدیل کرنے پر مجبور کرکے اس سے شادی کی ہے ،زبیدہ کے والدین نے رپورٹ میں یہ بھی درج کرایا ہے کہ زبیدہ کو اغوا کرنے والے رامیشور سنگھ کے ہندو یووا باہنی کے دوستوں نے اسے کمسن زبیدہ کو اغواکرنے کی ترغیب دی اور اغوا کے لیے مدد بھی بہم پہنچائی۔
میڈیا رپورٹس کے مطابق 2014 سے اکتوبر2016 کے دوران یوپی کے صرف ایک ضلع میں 389 لڑکیوں کے غائب ہوجانے یا اغوا کئے جانے کی رپورٹیں درج کرائی گئیں ،لیکن پولیس نے ان میں سے کسی بھی واقعے میں کسی لڑکی کو بازیاب کرانے میں کوئی مدد نہیں کی، اس کے برعکس ضلع کے سپرنٹنڈنٹ پولیس ان واقعات کو اغوا کا واقعہ تسلیم کرنے ہی کو تیار نہیں ہیں ۔ان کا موقف یہ ہے کہ لڑکیاں اپنی مرضی سے اپنے دوست لڑکوں کے ساتھ گھروں سے بھاگتی ہیں، کیونکہ ان کے والدین کسی بھی صورت میں انھیں اس طرح ہندو لڑکوں سے شادیاں کرنے کی اجازت نہیں دے سکتے،ایس پی پولیس بھرت کمار یادیو کاکہناہے کہ جب لڑکیوں کے والدین ان کو پسند کی شادی کی اجازت نہیں دیتے اور معاملہ ہمارے پاس آتاہے تو عام طورپر لڑکیوں کی عمر کم ہوتی ہے یا ان کے پاس اپنی عمر ثابت کرنے کا کوئی اور ذریعہ نہیں ہوتا، ایسی صورت میں ہم انھیں ضلع مجسٹریٹ کے سامنے پیش کرکے ان کا بیان قلمبند کرکے انھیں اپنی مرضی کے لڑکے والوں کے ساتھ رہنے کی اجازت دے دیتے ہیں۔ایس پی پولیس بھرت کمار یادیو کے اس بیان سے یہ ثابت ہوتاہے کہ مسلمان لڑکیوں کو اغوا کرکے انھیں ہندو بنانے کے اس مکروہ کام میں بھارت کی پولیس بھی ہندو غنڈوں کی بھرپور پشت پناہی کرتے ہوئے ہندو یووا باہنی اور بی جے پی کے منصوبوں کی تکمیل میں مدد دے رہی ہے۔
آل انڈیا مسلم مجلس مشاورت خوشی نگر نے اپنی تحقیقی رپورٹ میں اس بات کی تصدیق کی ہے کہ صرف خوشی نگر سے درجنوں مسلمان لڑکیوں کو زبردستی اغوا کرکے زبردستی ہندو مذہب اختیار کرنے پر مجبور کیاجاچکاہے۔آل انڈیا مسلم مجلس مشاورت خوشی نگر نے اپنی تحقیقی رپورٹ یوپی کے وزیر اعلیٰ اکھلیش یادیو کو جنوری 2016 میں پیش کی تھی جس میں باقاعدہ طورپر اس بات کی نشاندہی کی گئی تھی کہ مسلمان لڑکیوں کو اغوا کرکے انھیں ہندو بنانے کا یہ قابل نفرت جرم ہندویووا باہنی کے غنڈے کررہے ہیں اور کوئی انھیں لگام دینے کو تیار نہیں ہے۔
آل انڈیا مسلم مجلس مشاورت کے صدر محمد سلیمان کاکہناہے کہ مسلمان لڑکیوں کو اغوا کرنے اور انھیں ہندو بنانے کے تمام واقعات میں ہندو یووا باہنی کے غنڈے ملوث ہیں ، ان کاکہناہے کہ ان واقعات میں اضافے کا ایک بڑا سبب یہ ہے کہ ہندویووا باہنی کی پہنچ بہت ہی بااثراور حکومت کے اعلیٰ ترین حلقوں تک ہے بلکہ تھانے سے عدالتوں تک ہر جگہ ان کے اپنے آدمی اور ہمدرد بیٹھے ہوئے ہیں جبکہ دوسری جانب مسلمان بہت ہی پسماندگی کی زندگی گزار رہے ہیں اس لیے ان کی آواز سننے والا اور اس طرح کے واقعات کی روک تھام کے لیے کوئی موثر انتظام اب تک نہیں ہوسکاہے۔
اطلاعات کے مطابق بھارت کی کم وبیش25 فیصد مسلم آبادی اترپردیش میں رہتی ہے ،مسلم اقلیت کی36 فیصد تعداد صوبے کے مشرقی علاقے میں آباد ہے، جبکہ خوشی نگر میں مسلمانوں کی مجموعی آبادی 16 فیصد سے بھی کم ہے۔
بھارت خود دہشتگردی میں ملوث ہے ،دنیا بھارت کی من گھڑت باتوں پر کان دھرنے سے کیلئے تیار نہیں ، بھارت کے سیاستدان، سیاستدان کم اور جنگجو زیادہ لگتے ہیں، لیفٹیننٹ جنرل احمد شریف چوہدری کسی کا باپ پاکستان پر آنچ نہیں لا سکتا، شوق پورا کرنا ہے کرلے، ہم کھڑے ہیں طاقت سے جواب دیں گے، ...
بجلی سبسڈی کے موجودہ نظام میں بڑی تبدیلی کا عندیہ،8 ماہ میں نیا نظام متعارف کروایا جائے گا،جنوری 2027 سے ہدفی (ٹارگٹڈ) سبسڈی متعارف کرائی جائے گی،ذرائع سبسڈی بینظیر انکم سپورٹ پروگرام کے ڈیٹا کی بنیاد پر صارفین کو فراہم کی جائے گی، غلط استعمال کو روکنے میں مدد ملے گی،حکومت صارفی...
سندھ طاس معاہدہ کیتمام آپشنز زیر غور ،دریاؤں کی صورتحال کا مشاہدہ کررہے ہیں امریکا ایران کے درمیان جلد معاہدے کی توقع ہے،ترجمان کی ہفتہ وار بریفنگ ترجمان دفتر خارجہ طاہر حسین اندرابی نے کہا ہے کہ امریکا اور ایران میں جلد معاہدے کی توقع ہے، پاکستان کا ایک قطرہ پانی بھی کوئی ...
سندھ طاس معاہدہ کیتمام آپشنز زیر غور ،دریاؤں کی صورتحال کا مشاہدہ کررہے ہیں امریکا ایران کے درمیان جلد معاہدے کی توقع ہے،ترجمان کی ہفتہ وار بریفنگ ترجمان دفتر خارجہ طاہر حسین اندرابی نے کہا ہے کہ امریکا اور ایران میں جلد معاہدے کی توقع ہے، پاکستان کا ایک قطرہ پانی بھی کوئی ...
180 نشستیں جیتنے والے شخص کو قید کیا گیا، 17 نشستیں جیتنے والوں کو ہم پر مسلط کیا گیا، ہم نے متحد ہوکر اپنے حقوق کی جنگ لڑنی ہے، میں تیار ہوں، قوم بھی تیار ہے ،سہیل آفریدی کل شیخ ادریس صاحب کو شہید کیا گیا، ہم دہشت گردی کے خلاف بولیں تو کہا جاتا جھوٹ بول رہے ہیں، معصوم لوگ شہید...
ایران کیخلاف جارحانہ فوجی مرحلہ ختم ہو چکا، امریکا کا مذاکرات میں پیش رفت کا دعویٰ،ضرورت پڑنے پر کارروائی دوبارہ شروع کی جا سکتی ہے، امریکی وزیر خارجہ مارکو روبیو کی گفتگو ایران شرائط مان لیتا ہے تو امریکا اور اسرائیل کی تہران کیخلاف جنگ ختم ہو سکتی ہے اور آبنائے ہرمز دوبارہ کھ...
موٹرسائیکل سواروں کی فائرنگ ، مولاناادریس کے دو گارڈز بھی زخمی ،مولانا کو زخمی حالت میں ہسپتال پہنچایا گیا راستے میں ہی دم توڑ گئے،ہسپتال کے باہر ہزاروں عقیدت مند پہنچ گئے،علاقہ میںکہرام مچ گیا ضلع چارسدہ میں ممتاز عالم دین شیخ الحدیث مولانا محمد ادریس قاتلانہ حملے میں شہید ہ...
چارسدہ میں مولانا ادریس کی شہادت پر آصف زرداری اورشہباز شریف کا اظہارِ افسوس دہشت گردی کے خاتمے کیلئے قومی عزم غیر متزلزل، زخمیوں کی جلد صحتیابی کیلئیدعا کی چارسدہ میں جے یو آئی کے سابق رکن صوبائی اسمبلی اور ممتاز عالم دین مولانا محمد ادریس ترنگزئی پر حملے کے نتیجے میں ان ک...
عاصم منیر نے خطے میں امن و استحکام کیلئے بھرپور کردار ادا کیا ہے، ایم کیو ایم ارکان اسمبلی ایران امریکا جنگ رکوانے کیلئے بھی فیلڈ مارشل کی کاوشیں قابل ستائش ہیں، قرارداد کا متن فیلڈ مارشل سید عاصم منیر کو نوبیل امن انعام کے لئے سفارش کی جائے، سندھ اسمبلی میں قرارداد جمع کرا د...
تیاری ایرانی انرجی انفرااسٹرکچر اور سینئر ایرانی قیادت کو نشانہ بنانے کی ہے جنگ امریکا کا انتخاب تھی، اثرات دنیا محسوس کررہی ہے، سی این این رپورٹ اسرائیل نے آبنائے ہُرمُز سے متعلق کشیدگی بڑھنے پر ایران پر نئے حملوں کی تیاری شروع کردی۔ امریکی نشریاتی ادارے سی این این کے مطابق...
یو ایس نیول ڈسٹرائر جہاز پسپائی پر مجبور،امریکی بحری جہاز کو رکنے کی وارننگ دی گئی تھی ہدایات نظر انداز کرنے پر دو میزائل داغے گئے جو ہدف پر جا لگے، پاسدارانِ انقلاب ایران کی پاسداران انقلاب نے آبنائے ہرمز میں اصول و ضوابط کی خلاف ورزی اور انتباہ کے باوجود اپنی سمت تبدیل نہ ...
بانی سے وکلاء اور اہل خانہ کی فوری ملاقات ممکن بنائی جا سکے،عمران خان کے ذاتی معالج، ماہر ڈاکٹروں اور اہل خانہ کی موجودگی میں علاج کا مطالبہ، شفا انٹرنیشنل اسپتال منتقل کیا جائے ضمانت کی درخواستوں پر فوری سماعت مقرر کی جائے، عمران اور بشریٰ کی رہائی کا مطالبہ، تنہائی میں قید رکھ...
