... loading ...
... loading ...
امریکا کے نومنتخب صدر ڈونلڈ ٹرمپ جنھیں اقتدار سنبھالنے کے ساتھ ہی مخالفانہ مظاہروں اور دنیا بھر میں منفی تبصروں کاسامنا تھا لیکن گزشتہ روز ڈونلڈ ٹرمپ کو اپنے دور اقتدار کے چند روز کے اندر ہی اتنی بڑی کامیابی حاصل ہونے کی اطلاعات ہیں جو اوباما اپنے 8سالہ دور حکومت میں بھی حاصل نہیں کرسکے ۔’’یورنیوز وائر‘‘ کے مطابق ڈونلڈ ٹرمپ نے اقتدار سنبھالنے کے بعد پہلے ہی دن امریکی فوج کے اعلیٰ ترین جنرلز کو حکم دیاتھا کہ وہ داعش کا30دن کے اندر خاتمہ کرنے کا منصوبہ بنا کر پیش کریں ،ان کایہ حکم یا ہدایت انتخابی مہم کے دوران عوام سے کیے گئے ان کے مختلف وعدوں میں سب سے اہم وعدہ تھا جس کی تکمیل بظاہر ناممکن تھی۔ یورنیوزوائر نے خطے کے ذرائع کے حوالے سے بتایا ہے کہ اس حوالے سے فوری کامیابی کے حصول کے لیے نئی حکمت عملی اختیار کی گئی۔جس کے نتیجے میںعراق سے موصولہ اطلاعات کے مطابق ایک دن کے بھرپور فضائی حملوں کے نتیجے میں داعش کے سربراہ ابوبکر البغدادی مبینہ طورپر زخمی ہوگئے اور انھیں گرفتار کرلیاگیاہے۔
خبروں کے مطابق امریکی وزیر دفاع جیمز میٹس نے سارا دن پنٹاگن میں گزارا اور انھوں نے امریکی فضائیہ کی جانب سے عراق اور شام میں داعش کے ٹھکانوں پر بمباری اور حملوں کی بذات خود نگرانی کی ،خبروں کے مطابق اس ایک دن کے دوران عراق اور شام میں داعش کے ٹھکانوں پر مجموعی طوپر 31حملے کیے گئے،سارا دن مختلف قسم کے لڑاکا اور بمبار طیارے اور دور سے بیٹھ کر اڑائے جانے والے طیارے بمباری اورحملوں میں مصروف رہے، اس طرح شام میں مجموعی طورپر 25اور عراق میں داعش کے ٹھکانوں پر 6 فضائی حملے کیے گئے۔
خبروں کے مطابق شام میں باب شہر کے قریب توپخانے نے بھی داعش کے ٹھکانوں پر دو دن تک حملے کیے، جبکہ رقہ میں جو کہ داعش کا مضبوط گڑھ تصور کیاجاتا ہے 22لگاتار حملے کرکے داعش کے 12 اہم لڑاکا یونٹ اور لڑائی کے 9مورچے تباہ کردیے گئے ،اس کے علاوہ ان حملوں میں بم بنانے کی دو زیرِ زمین فیکٹریوں اور داعش کے ہیڈکوارٹر کو بھی نشانہ بنایاگیا، جبکہ آخری حملوں میں زاعر الزور میں داعش کے زیر کنٹرول تیل کے 2کنوئوں کو بھی نشانہ بنایاگیا۔
ان رپورٹوں کی تیل کے حوالے سے عراق کی رپورٹوں سے تصدیق ہوتی ہے۔اس کے علاوہ موصل اور اس کے اردگرد سیکورٹی کی تازہ ترین صورتحال اور داعش کے زیر کنٹرول علاقوں کے بارے میں تازہ ترین اطلاعات جمع کرنے والے باوثوق ذریعے نے بھی تصدیق کی جس کے پاس مقامی رپورٹرز ،مقامی لوگوں اور جنگجوئوں کا پورا نیٹ ورک موجود ہے۔
اس سے قبل یہ اطلاعات ملی تھیں کہ بآج کے علاقے میں اتحادی فوجی کی غیر معمولی سرگرمیاں دیکھنے میں آرہی ہیں اور اس کے ساتھ ہی یہ اطلاعات بھی ملی تھیں کہ داعش کے سربراہ خلیفہ ابوبکر البغدادی کا محاصرہ کرلیا گیا ہے، بعد ازاں امریکی بمباری کے نتیجے میں ان کے زخمی ہونے اور بعد میں گرفتار کیے جانے کی اطلاعات موصول ہوئیں لیکن ان کی گرفتار ی کے بعد کی کوئی باوثوق اطلاع ابھی تک نہیں مل سکی ہے اور یہ پتہ نہیں لگ سکا کہ اگر ابوبکر البغدادی کو واقعی گرفتار کیاگیاہے تو وہ اس وقت کس کی تحویل میں ہیں اور ان کو کہاں رکھا گیاہے؟اور ان سے پوچھ گچھ کے لیے کیا طریقہ کار اختیار کیاجائے گا؟
عہدہ صدارت سنبھالنے کے پہلے ہی روز امریکی صدر ڈونلڈ ٹرمپ نے دنیا سے ‘اسلامی دہشت گردی’ کے خاتمے کے عہد کو دہراتے ہوئے امریکی خفیہ ایجنسی کو جنگ کے لیے تیار رہنے کا حکم دے دیاتھا۔
ادھرقومی سطح کے ایک انگریزی روزنامے کی رپورٹ کے مطابق ورجینیا میں سینٹرل انٹیلی جنس ایجنسی (سی آئی اے) ہیڈکوارٹرز کے دورے کے موقع پر ڈونلڈ ٹرمپ نے خفیہ ایجنسی کے افسران کو ہدایات دیں کہ ‘اسلامی دہشت گردی بری، بہت بری چیز ہے اور دنیا سے اس کا خاتمہ کرنا بہت ضروری ہے۔یاد رہے کہ حلف برداری کے بعد تقریر کرتے ہوئے نئے امریکی صدر نے عہد کیا تھا کہ وہ دنیا کے مہذب ممالک کو اسلامی دہشت گردی کے خلاف متحد کریں گے اور دنیا سے اس کا مکمل صفایا کردیں گے۔
2016 میں اپنی صدارتی مہم کے دوران ڈونلڈ ٹرمپ نے متعدد بار رخصت ہونے والے امریکی صدر بارک اوباما کو تنقید کا نشانہ بناتے ہوئے الزام عاید کیاتھاکہ وہ ’بنیاد پرست اسلامی دہشت گردی‘ کی اصطلاح استعمال نہیں کرتے اور جب تک دشمن کو واضح طور پر شناخت نہیں کیا جاتا اس وقت تک اسے شکست دینا ممکن نہیں۔سی آئی اے ہیڈکوارٹرز میں اپنی تقریر کے دوران نئے امریکی صدر ایک قدم آگے بڑھے اور خفیہ ایجنسی کے اہلکاروں اور امریکیوں کو خبردار کیا کہ اسلام کی بنیادی صورت کے خلاف جنگ اب پہلے سے زیادہ شدت اختیار کرچکی ہے۔ان کا کہنا تھا کہ جب وہ نوجوان تھے تو انہوں نے اپنے ایک معلم سے سنا تھا کہ ’امریکا کبھی جنگ نہیں ہارا‘ لیکن اب ایسا لگتا ہے کہ ہم کچھ بھی جیتنے میں کامیاب نہیں ہوسکے ہیں، اب ہم کچھ نہیں جیتتے۔
افغانستان میں جاری رہنے والی امریکا کی طویل ترین جنگ کا حوالہ دیتے ہوئے ان کا کہنا تھا کہ اس جنگ کے اتنے طویل عرصے جاری رہنے کی وجہ یہ ہے کہ امریکا کی جانب سے مکمل طاقت کا مظاہرہ نہیں کیا گیا، ’ہم اپنی اصل صلاحیتیں بروئے کار نہیں لائے اور خود پر قابو رکھا‘۔ساتھ ہی انہوں نے سی آئی اے افسران سے وعدہ کیا کہ انہیں ملک دشمنوں سے نمٹنے کے لیے پہلے سے زیادہ اختیارات فراہم کیے جائیں گے۔ڈونلڈ ٹرمپ کا مزید کہنا تھا کہ ہمیں داعش سے چھٹکارا حاصل کرنا ہے، کیونکہ اس کے علاوہ اور کوئی حل نہیں۔نئے امریکی صدر کے مطابق اس سلسلے میں دنیا کے مختلف ممالک کے درمیان جنگیں ہوسکتی ہیں، یہ وہ خطرناک حد ہے جہاں تک ابھی ہم نہیں پہنچے۔
سی آئی اے افسران کو مخاطب کرتے ہوئے ڈونلڈ ٹرمپ کا کہنا تھا کہ سابقہ حکومت نے انہیں ناکافی حمایت فراہم کی مگر وہ اس میں تبدیلی لائیں گے، ’میں آپ کو صرف یہ بتانا چاہتا ہوں کہ میں آپ کے ساتھ ہوں۔اس موقع پر انہوں نے امریکی خفیہ ایجنسیوں اور ان کے درمیان تعلقات میں خرابی سے متعلق رپورٹنگ پر میڈیا کو بھی تنقید کا نشانہ بنایا اور کہا کہ ’امریکی صحافی دنیا کے غیردیانت دار لوگوں میں سے ہیں، میں ایک ہزار فیصد آپ (سی آئی اے افسران) کے ساتھ ہوں۔واضح رہے کہ حلف برداری سے قبل ڈونلڈ ٹرمپ نے سی آئی اے کو اس بات پر تنقید کا نشانہ بنایا تھا کہ انہوں نے 2016 کے انتخابات کو روسی خفیہ ایجنسیوں کی جانب سے ہیک کیے جانے کی بات کی۔یاد رہے کہ 11 جنوری کو اپنی ایک ٹوئیٹ میں ڈونلڈ ٹرمپ کا کہنا تھا کہ انٹیلی جنس ایجنسیوں کو یہ جعلی خبر عوام تک پہنچنے کی اجازت نہیں دینی چاہیے تھی۔
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
