... loading ...
... loading ...
شام کے بشارالاسد نے گزشتہ روز روسی ٹی وی چینل 24اور این ٹی وی پر انٹرویو دیتے ہوئے امریکا پر الزام عاید کیا ہے کہ وہ شام کی نام نہاد اعتدال پسند اپوزیشن کو آگے بڑھانے کی کوشش کررہاہے۔ انھوں نے کہا کہ امریکا اپنے اس جھوٹ کو چھپا نہیں سکا کیونکہ حقیقت اس کے برعکس ہے اورامریکا جن لوگوں کی حمایت اور مدد کررہاہے وہ انتہاپسند اور دہشت پسند ہیں اور ان کاتعلق داعش ،جبہۃ فتح الشام یعنی سابقہ النصرہ فرنٹ سے ہے اور وہ انتہاپسند انہ اور دہشت گردانہ نظریئے کے حامل ہیں۔
بشارالاسد کا مزید کہنا تھا کہ امریکی انتظامیہ بعض علاقوں میں داعش سے تعلق رکھنے والے کچھ عناصر کو برقرار رکھنا اور پھر نام نہاد اعتدال پسندوں کے ذریعے وہ علاقے داعش سے خالی کرانا چاہتاہے تاکہ اس پر انتہاپسندوں کے ساتھ تعلقات کاالزام نہ لگے۔پالمیرا کی صورت حال کا ذکر کرتے ہوئے انھوں نے کہا کہ یہ علاقہ ایک دفعہ پھر داعش کے قبضے میں آگیا ہے ،انھوں نے کہا کہ اس قدیم اور تاریخی شہر پر حملے کے لیے ایسے وقت کا انتخاب کیاگیا جب حلب میں لڑائی تیز ہورہی تھی، داعش نے اس وقت حملے شروع کیے جب حلب میں پیش رفت ہورہی تھی ۔ایسا کیوںہوا، اس کے دو مقاصد تھے، اول حلب کو آزاد کرانے کی اہمیت کو کم کرنا اور دوسرے شامی فوج کی کوششوں اور کامیابیوں کو نظر انداز کرنا۔شام کے صدر بشارالاسد نے الزام لگایا کہ پالمیرا پر حملہ کرنے والے بیشتر افراد کو براہ راست امریکی امداد فراہم کی جارہی تھی۔
شام کے سرکاری ٹی وی کے حوالے سے اخبارات میں شائع ہونے والی خبروں میں دعویٰ کیاگیاہے کہ شامی فوجیوں اور ان کے اتحادیوں نے حلب میں غیر ملکی حمایت یافتہ انتہاپسندوں کو منہ توڑ جواب دیاہے اور اب حلب کا 99فیصد علاقہ شامی فوج کے زیر کنٹرول ہے۔بشارالاسد نے دعویٰ کیا کہ حلب کو آزاد کرانے کے باوجود دہشت گردوں کے خلاف شامی فوج کی کارروائیاں نہیں روکی جائیں گی اور کارروائیاں عارضی طورپر ان علاقوں میں روکی گئی ہیں جہاں دہشت گردوں نے ہتھیار چھوڑ کر شہر سے باہر جانے پر آمادگی کااظہار کیاہے۔ انھوں نے کہا کہ ہم پالمیرا کو بھی دوبارہ دہشت گردوں اور انتہا پسندوں سے اسی طرح آزاد کرالیں گے جس طرح اس سے قبل شامی فوج نے آزاد کرایاتھا۔انھوں نے کہا کہ اس شہر پر داعش کاکنٹرول تھا اور شامی فوج نے روس کی مدد سے اسے آزاد کرایاتھا اور ہم دوبارہ ایسا ہی کریں گے۔
داعش نے 10ماہ تک پالمیرا پر قبضہ برقرار رکھااورمارچ میں اسے آزاد کرائے جانے سے قبل تک اس شہر پر قبضے کے اس شہر کے قدیم اور تاریخی مقامات کو ناقابل تلافی نقصان پہنچایا۔
انہوں نے کہا کہ امریکا نے پالمیرا اور حلب میںباغیوں کی پسپائی کے بعد گزشتہ ہفتہ شام کی نام نہاد اپوزیشن کو اسلحہ کی فراہمی پر سے پابندی اٹھانے کااعلان کیا ہے جس سے یہ واضح ہوتاہے کہ امریکا کو شام میں باغیوں کی پسپائی اور امن کاقیام پسند نہیں ہے اور امریکا چاہتاہے کہ شام میں خونریزی کا سلسلہ اس وقت تک اسی طرح جاری رہے جب تک کہ امریکا کے پٹھوباغیوں کو برتری حاصل نہیں ہوجاتی۔ایک سوال کے جواب میں بشارالاسد نے کہا کہ امریکی اسلحہ یا تو داعش کو مل رہاہے یا جبہت فتح الشام کو مل رہاہے اور ان دونوں تنظیموں کاتعلق انتہا پسند دہشت گردوں سے ہے۔ انھوںنے کہا کہ امریکی دغاباز اورغدار ہیں،جب امریکی منصوبے ناکام ہوتے ہیں تو وہ پوری دنیا میں ہمیشہ یہی کیاکرتے ہیں،وہ اس طرح افراتفری پھیلاتے ہیں جب تک انھیںاس وقت تک مختلف فریقوں کو بلیک میل کرنے کاموقع مل سکے جب تک ایسا استحکام قائم نہ ہوجائے جس سے ان کے مقاصد کی تکمیل ہورہی ہو۔
جنگ زدہ شام کی تعمیرنو کے حوالے سے ایک انٹرویو میں انھوںنے کہا کہ ہم روس، چین، ایران اور اس جنگ میں شام کی مخالفت نہ کرنے والے ملکوں کے ساتھ مل کر ان کے تعاون سے جنگ سے تباہ حال علاقوں کی تعمیر نو کریں گے۔
شام کے صدر بشارالاسد نے گزشتہ روز روس کے آرٹی ٹیلی ویژن نیٹ ورک کو بھی ایک انٹرویو دیا جس میں انھوںنے الزام لگایا کہ مغربی ممالک دہشت گردوں کو بچانے کے لیے سرگرم ہیں اور انھیں شام کے معصوم شہریوں کی کوئی فکر نہیں ہے۔
ادھر حلب سے ملنے والی اطلاعات سے ظاہرہوتاہے کہ صدر بشارالاسد کے مخالف باغیوں نے شام اور روس کی جانب سے دبائو بڑھنے کے بعد ہمت ہار دی ہے اور انھوںنے شام سے بحفاظت انخلا کے لیے روس اور ایران کے ذریعہ ایک معاہدہ کرلیا جس کے تحت حلب کے مشرقی علاقوں میں باقی رہ جانے والے باغی جنگجو اپنے مورچے ختم کرکے وہاں سے نکل جائیں گے اور اس کے بدلے شام کی حکومت چار قصبوں فوعا، کفرایہ ،مضایہ اورالزبدانی سے گرفتار کیے گئے باغی جنگجوئوں اور ان کے زخمی ساتھیوں کو رہاکردے گی، مشرقی حلب کو خالی کرنے کے لیے وہاں قابض احرار الشام کے مذاکرات کار الفاروق ابوبکر نے صوتی ریکارڈنگ میں باغی جنگجوئوں کے ساتھ روس اور ایرانی ملیشیا کے ساتھ طے پانے والے اس سمجھوتے کی تصدیق کردی ہے ،اس معاہدے سے قبل شام نے حلب سے شہریوں اور جنگجوئوں کو نکالنے کاعمل روک دیاتھا اور یہ موقف اختیار کیاتھا کہ عالمی برادری کی جانب سے شہر چھوڑ کر جانے والوں کے تحفظ کی ضمانت ملنے کی صورت ہی میں اب لوگوں کوانخلا کی اجازت دی جائے گی۔شام کی حکومت کی اس شرط کے بعد فرانس نے اقوام متحدہ میںایک قرارداد پیش کی تھی جس میں اقوام متحدہ سیکہاگیاتھا کہ شام میں پہلے سے موجود اقوام متحدہ کے مبصرین کو فوری طورپر حلب بھیجا جائے تاکہ وہاں سے شہریوں
اور باغیوں کا انخلا ممکن ہوسکے، اس سے ظاہرہوتاہے کہ حلب اورپالمیرا کی صورت حال کے بارے میں شام کے صدر نے اپنے انٹرویو میں جن خیالات کااظہار کیا ہے وہ بے بنیاد نہیں ہیں،اور امریکا اور دیگر مغربی ممالک شام میں جنگجوئوںکی بالواسطہ یابلاواسطہ مدد کرتے رہے ہیں۔
8ویں ترمیم کے مستقبل پر بحث شدت اختیار کر گئی، بعض حکومتی حلقوں میں ترمیم کے اہم حصوں کو ختم یا محدود کرنے پر غور ،فیصلے دوبارہ وفاقی بیوروکریسی کے ہاتھ میں جانے کے امکانات چیف سیکرٹری اور وفاقی افسران کا اثر و رسوخ بڑھے گا،18ویں ترمیم پرسیاسی جماعتوں میں اختلاف ، کئی صوبائی رہن...
خلیجی ممالک نے امریکا سے مطالبہ کیا ہے کہ صرف جنگ بندی کافی نہیں بلکہ ایران کی جنگی صلاحیتوں کو لگام دی جائے جس کے جواب میں ایرانی صدر کا سوشل میڈیا پربیان سامنے آگیا اگر آپ ترقی اور سلامتی چاہتے ہیں تو جنگ میں دشمنوں کو اپنی سرزمین ایران کے خلاف استعمال نہ ہونے دیں،جارحیت پر ...
پاکستان کو 1 ارب ڈالر ملیں گے،موسمیاتی فنڈ سے مزید 21 کروڑ ڈالر ملنے کا امکان اسٹیٹ بینک مہنگائی کنٹرول کیلئے سخت پالیسی جاری رکھے گا،عالمی مالیاتی ادارہ کا اعلامیہ آئی ایم ایف اور پاکستان کے درمیان معاہدہ طے پاگیا،منظوری کے بعد پاکستان کو توسیعی فنڈ سہولت کے 1 ارب ڈالر اور ...
کویت کی الشویخ بندرگاہ پر3بحری جہاز سمندر میں ڈوب گئے جبکہ دیگر 3میں آگ بھڑک اٹھی تل ابیب میں کثیر المنزلہ عمارتیں نشانہ ،میزائل اسرائیلی فضا میں داخل ہوتے ہی سائرن بج اٹھے ایران نے اسرائیل پر کلسٹر بموں کی بارش کردی جبکہ کویت میں 6امریکی بحری جہاز تباہ کرنے کا دعویٰ بھی کرد...
اپنی ہی سمری خود مسترد کرکے وزیر اعظم نے قوم کو بیوقوف بنانے کی کوشش کی،امیر جماعت وزیراعظم پروٹوکول کی 36گاڑیوںمیںایک تعزیت اور شادی کی مبارکباد دینے کراچی آئے امیر جماعت اسلامی پاکستان حافظ نعیم الرحمان نے حکومت سے پیٹرول پر لیوی ختم کرنے کا مطالبہ کردیا۔ادارہ نور حق میں پ...
بزدل امریکی اور صہیونی افواج میں اپنے فوجی اڈوں کا دفاع کرنے کی ہمت نہیں ، دہشتگردفورسز نے ایرانیوں کونشانہ بنایا،جہاں ملیں انہیں ختم کردو ، پاسداران انقلاب کی عوام کو دور رہنے کی ہدایت اسلامی جنگجوؤں کی کارروائیوں کے خوف سے معصوم لوگوں کو انسانی ڈھال کے طور پر استعمال کرنے کی ...
سفیر اور عملہ محفوظ،سفارتخانے کے اطراف میں زور دار دھماکوں کی آوازیں سنی گئیں پاکستان کے سفیر مدثر ٹیپو تہران میں پاسداران کے زیر انتظام علاقے میں مقیم ہیں ایران کے دارالحکومت تہران میں پاکستانی سفارتخانے اور سفیر کی رہائشگاہ کے قریب اسرائیل نے شدید بمباری کی تاہم تمام سفارت...
موٹر سائیکلصارفین کیلئے ماہانہ 20 لیٹر تک پیٹرول کا کوٹہ مقرر کرنے کی تجویز 800 سی سی گاڑیوں تک سبسڈی کا فیصلہ نہیں ہو سکا، ذرائع وفاقی حکومت عوام کو ریلیف دینے کیلئے حکومت نے پیٹرول سبسڈی پلان پر عملی کام شروع کر دیا۔موٹر سائیکلز کیلئے ماہانہ 20 لیٹر تک پیٹرول کا کوٹہ مقرر ک...
اسرائیل کی جانب سے لبنان کے تقریباً 14 فیصد علاقے کو خالی کرنے کی دھمکیاں جارحیت کا شکار معصوم بچپن، ایک ماہ کے دوران 121 بچے جاں بحق، یونیسف کی رپورٹ اقوامِ متحدہ کے بچوں کے عالمی ادارے (UNICEF) نے لبنان پر اسرائیلی فضائی حملوں اور زمینی جارحیت کے نتیجے میں بچوں پر ہونے والے...
حکومتی فیصلوں میں عوامی مفاد کو مقدم رکھنے کیلئے جامع حکمت عملی اپنانے کا فیصلہ،اجلاس میںعالمی سطح پر تیل و گیس کی فراہمی اور قیمتوں میں اتار چڑھاؤ کے معیشت پر اثرات کا جائزہ لیا شرکاء نے مہنگائی کے دباؤ کو کم کرنے اور توانائی کے تحفظ کو یقینی بنانے پر خصوصی توجہ دی، وزیراعظم ...
بانی عمران خان کے بیٹے نے بلوچ نیشنل موومنٹ کے متنازع رہنما نسیم بلوچ کے ہمراہ خطاب کیا سوشل میڈیا صارفین کی ایک بڑی تعداد نے اس مشترکہ موجودگی کو پاکستان مخالف لابنگ قرار دیا پاکستان تحریک انصاف (پی ٹی آئی) کے بانی اور سابق وزیراعظم عمران خان کے بیٹے قاسم خان نے پاکستان مخا...
رات ساڑھے 8بجے شاپنگ مالز اور مارکیٹیں بند کرنے کیلئے تیار ہیں ملکی مفاد میں حکومت کے ساتھ کھڑے ہیں،چیئرمین سندھ تاجر اتحاد تاجر برادری نے حکومت کے اسمارٹ لاک ڈاؤن کی حمایت کا اعلان کرتے ہوئے کہا رات ساڑھے 8 بجے شاپنگ مالز اور مارکیٹیں بند کرنے کے لیے تیار ہے۔تفصیلات کے مطاب...
