... loading ...
... loading ...
٭فواد حسن گریڈ 20 اوراور اس سے اعلیٰ گریڈ کے لیے ذاتی پسند و ناپسند کی بنیاد پر فیصلہ کررہے ہیں
وزیراعظم میاں محمد نواز شریف کے داماد کیپٹن (ر) محمد صفدر کے اس بیان سے ایک تہلکہ مچ گیا ہے کہ وزیراعظم کے پرسنل سیکریٹری فواد حسن فواد سینئر بیوروکریٹس کی پروموشن سے متعلق تمام فیصلے کررہے ہیں۔ وزیراعظم ہاؤس اور خاص طور پر نوازشریف کے پرسنل سیکریٹری فواد حسن فواد کو نشانہ تنقید بناتے ہوئے وزیراعظم کے داماد کا کہنا تھا کہ فواد حسن گریڈ 20اور اس سے اعلیٰ گریڈ کے سرکاری افسران کی ترقیوں (پروموشن) کے حوالے سے ذاتی پسند اور نا پسند کی بنیاد پر فیصلے کررہے ہیں۔اس طرح ایک فرد اپنی خواہش کے مطابق افسران کو ترقیاں دے رہا ہے۔ وزیراعظم کے داماد نے یہ تجویز پیش کی کہ گریڈ بیس اور اس سے اوپر کے سرکاری افسران کی پروموشن سے متعلق تمام فیصلے کرنے کے لیے ایک پارلیمانی کمیٹی قائم کی جانی چاہئے۔ جو ترقی کا فیصلہ افسر کی کارکردگی اور اس کے ٹریک ریکارڈ کو مدنظر رکھ کر کرے۔کیپٹن صفدر نے اس کی منطق بیان کرتے ہوئے کہا کہ منتخب نمائندے سرکاری ملازمین کی ترقی کے حوالے سے زیادہ بہتر فیصلہ کرسکتے ہیں کیوں کہ یہ ملازمین ہمارے حلقوں میں بطور اسسٹنٹ کمشنر اور ڈپٹی کمشنر کام کرتے ہیں۔
کیپٹن صفدر نے یہ مطالبہ بھی کیا کہ تمام وفاقی سیکریٹریز کو پارلیمنٹ کے دونوں ایوانوں کے اجلاسوں میں شرکت کرنا چاہیے تاکہ انہیں عوام کے مسائل کا اندازہ ہوسکے۔ کیپٹن صفدر نے کہا کہ خدا کے لیے اسے لازمی بنایا جائے کیوں کہ انہیں حکومت چلانی ہوتی ہے۔ وزیراعظم کے داماد نے کہا کہ میں فواد حسن سے کہوں گا کہ وہ ایوان میں آکر بیٹھیں تاکہ انہیں عوام کے مسائل سے آگاہی حاصل ہوسکے۔ کیپٹن صفدر نے اس سنگین صورت حال پر بھی توجہ دلائی ہے کہ بیشتر بیوروکریٹس شام میں اپنے پرائیوٹ دفاتر چلاتے ہیں اور انہوں نے ریئل اسٹیٹ سیکٹر میں سرمایہ کاری کررکھی ہے۔
کیپٹن صفدر نے قومی اسمبلی میں اسپیکر ایاز صادق کی عدم موجودگی میں اجلاس کی سربراہی کرنے والے ڈپٹی اسپیکر مرتضیٰ عباسی سے درخواست کی ہے کہ سینئر سول سرونٹس کی ترقی کے حوالے سے ایک پارلیمانی کمیٹی قائم کی جائے۔ کیپٹن صفدر کے اس اظہار خیال کی دلچسپ صورت حال یہ تھی کہ اس کی زیادہ تر تائید حزب اختلاف کے ارکان اسمبلی کی جانب سے ہوئی۔ پاکستان پیپلز پارٹی کے رکن اسمبلی نوید قمرنے بھی کیپٹن صفدر کی اس تجویز کی تائید کرتے ہوئے متعلقہ قوانین میں ترمیم کا مطالبہ کیا۔
واضح رہے کہ وزیراعظم نوازشریف کے موجودہ دور وزارتِ عظمیٰ میں کیپٹن صفدر کو مکمل نظرانداز کیا گیا ہے اور اس کے درست اسباب سامنے نہیں آسکے۔ تاہم اکثر ذرائع کے مطابق ا س کے اسباب خاندانی ہیں۔ ایک طویل عرصے سے وزیراعظم کی صاحبزادی مریم نے اپنے نام کے ساتھ صفدر کا لاحقہ لگانے کے بجائے مریم نواز لکھنا شروع کردیا ہے۔ تاہم گزشتہ دنوں پاناما لیکس کی سماعت میں ایک طویل وقفے کے بعد عدالت میں جمع کرائے گئے ریکارڈ میں ایک مرتبہ پھر مریم نواز کو مریم صفدر لکھا گیا ہے۔ جسے پاکستان کے متوازی ذرائع ابلاغ (سوشل میڈیا) پر خاصا موضوع بحث بنایا گیا۔
یہ امر بھی واضح رہے کہ وزیراعظم کے پرسنل سیکریٹری فواد حسن فواد کا نام کافی اسکینڈلز میں زیر گردش رہا ہے۔ وہ مختلف قسم کے کاروباری مقاصد اور مفادات کے باعث بھی اکثر تنقید کا نشانا رہتے ہیں۔ اُنہیں گزشتہ دنوں پاکستان کی بدنام کاروباری شخصیت جہانگیر صدیقی کے ساتھ بھی مختلف معاملات میں نتھی کیا گیا تھا۔ فواد حسن فواد کی یہ شہرت وزیراعظم ہاؤس کے لیے بھی خاصی نقصان دہ ثابت ہورہی ہیں۔ مگر وزیراعظم نوازشریف کی طرف سے پراسرار وجوہ کی بناء پر اس ضمن میں آج تک کوئی فیصلہ سامنے نہیں آسکا۔ باخبر ذرائع کا اصرار ہے کہ فواد حسن فواد کے مختلف اسکینڈلز خو دنوازشریف کے لیے بھی بوجھ بن سکتے ہیں۔ دیکھنا یہ ہے کہ وزیراعظم کے داماد کی وزیراعظم کے پرسنل سیکریٹری پر یہ تنقید کتنی موثر ثابت ہوتی ہے۔
پرچی سے وزیر اعلیٰ نہیں بنا، محنت کر کے یہاں پہنچا ہوں، نام کے ساتھ زرداری یا بھٹو لگنے سے کوئی لیڈر نہیں بن جاتا،خیبرپختونخواہ میں ہمارے لوگوں کو اعتماد میں لیے بغیر آپریشن نہیں ہوگا بانی پی ٹی آئی کو فیملی اور جماعت کی مشاورت کے بغیر ادھر ادھر کیا تو پورا ملک جام کر دیں گے، ...
سیکیورٹی اداروں نے کرین پارٹی کے کارکنان کو منتشر کرکے جی ٹی روڈ کو خالی کروا لیا، ٹی ایل پی کارکنوں کی اندھا دھند فائرنگ، پتھراؤ، کیل دار ڈنڈوں اور پیٹرول بموں کا استعمال کارروائی کے دوران 3 مظاہرین اور ایک راہگیر جاں بحق، چالیس سرکاری اور پرائیویٹ گاڑیوں کو آگ لگا دی گئی،شہر...
سربراہ سعد رضوی مذاکرات کیلئے تیار تھے،مظاہرین سے بات چیت کیوں نہیں کی؟ امیرجماعت اسلامی پاکستان حافظ نعیم الرحمن نے تحریک لبیک پاکستان کے مظاہرین پر پولیس فائرنگ اور بہیمانہ تشدد کی پرزورمذمت کی ہے اور اسے ظالمانہ، انتہائی افسوسناک اور تکلیف دہ قرار دیا ہے۔ منصورہ سے جاری بیا...
حکومت نے ظالمانہ اقدام اٹھایا، واقعہ کی شفاف تحقیقات کی جائیں،امیرجماعت سربراہ سعد رضوی مذاکرات کیلئے تیار تھے،مظاہرین سے بات چیت کیوں نہیں کی؟ امیرجماعت اسلامی پاکستان حافظ نعیم الرحمن نے تحریک لبیک پاکستان کے مظاہرین پر پولیس فائرنگ اور بہیمانہ تشدد کی پرزورمذمت کی ہے اور ا...
امریکی صدرٹرمپ اور مصری صدر سیسی کی خصوصی دعوت پر وزیرِاعظم شرم الشیخ پہنچ گئے وزیرِاعظم وفد کے ہمراہ غزہ امن معاہدے پر دستخط کی تقریب میںشرکت کریں گے شرم الشیخ(مانیٹرنگ ڈیسک)وزیرِاعظم محمد شہباز شریف امریکی صدر ڈونلڈ ٹرمپ اور مصری صدر عبدالفتاح السیسی کی خصوصی دعوت پر شرم ال...
ٹی ایل پی کی قیادت اورکے کارکنان پر پولیس کی فائرنگ اور شیلنگ کی شدیدمذمت کرتے ہیں خواتین کو حراست میں لینا رویات کے منافی ، فوری رہا کیا جائے،چیئرمین مہاجر قومی موومنٹ مہاجر قومی موومنٹ (پاکستان) کے چیئرمین آفاق احمد نے تحریک لبیک پاکستان کے مارچ پر پولیس کی جانب سے شیلنگ اور...
نیو کراچی سندھ ہوٹل، نالہ اسٹاپ ، 4 کے چورنگی پر پتھراؤ کرکے گاڑیوں کے شیشے توڑ دیے پولیس کی شہر کے مختلف مقامات پر دھرنے اور دکانیں بند کرنے سے متعلق خبروں کی تردید (رپورٹ : افتخار چوہدری)پنجاب کے بعد کراچی کے مختلف علاقوں میں بھی ٹی ایل پی نے احتجاج کے دوران ہنگامہ آرائی ...
طالبان کو کہتا ہوں بھارت کبھی آپ کا خیر خواہ نہیں ہو سکتا، بھارت پر یقین نہ کریں بھارت کبھی بھی مسلمانوں کا دوست نہیں بن سکتا،پشاور میں غزہ مارچ سے خطاب جماعت اسلامی پاکستان کے امیر حافظ نعیم الرحمان نے افغانستان کے حکمران طالبان کو بھارت سے خبردار کرتے ہوئے کہا ہے کہ افغانس...
پاک فوج نے فیلڈ مارشل کی قیادت میں افغانستان کو بھرپور جواب دے کر پسپائی پر مجبور کیا ہر اشتعال انگیزی کا بھرپور اور مؤثر جواب دیا جائے گا، ہمارا دفاع مضبوط ہاتھوں میں ہے وزیراعظم محمد شہباز شریف کا کہنا ہے کہ فیلڈ مارشل سید عاصم منیر کی بے باک قیادت میں پاک فوج نے افغانستان...
دشمن کو پسپائی پر مجبور ،اہم سرحدی پوسٹوں سے پاکستانی علاقوں کو نشانہ بنایا جا رہا تھا متعدد افغان طالبان اور سیکیورٹی اہلکار پوسٹیں خالی چھوڑ کر فرار ہوگئے،سیکیورٹی ذرائع افغانستان کی جانب سے پاک افغان بارڈر پر رات گئے بلااشتعال فائرنگ کے بعد پاک فوج نے بھرپور اور مؤثر جواب...
افغان حکام امن کیلئے ذمہ داری کا مظاہرہ کریں، پاکستان خوشحال افغانستان کا خواہاں ہے پاک افواج نے عزم، تحمل اور پیشہ ورانہ مہارت سے بلااشتعال حملے کا جواب دیا،چیئرمین چیئرمین پیپلزپارٹی بلاول بھٹو زرداری نے مطالبہ کیا کہ افغان حکام علاقائی امن کے لیے تحمل اور ذمہ داری کا مظاہر...
افغان فورسزنے پاک افغان بارڈر پر انگور اڈا، باجوڑ،کرم، دیر، چترال، اور بارام چاہ (بلوچستان) کے مقامات پر بِلا اشتعال فائرنگ کی، فائرنگ کا مقصد خوارج کی تشکیلوں کو بارڈر پار کروانا تھا پاک فوج نے متعدد بارڈر پوسٹیں تباہ ، درجنوں افغان فوجی، خارجی ہلاک ، طالبان متعدد پوسٹیں اور لا...
