... loading ...
... loading ...
شی جن پنگ کی ڈونلڈ ٹرمپ سے ٹیلی فونک گفتگو ، دونوں باہمی معاملات پر مذاکرات کے لیے جلد ملاقات کے لیے تیار، تجارتی جنگ شروع کی گئی تونقصان امریکی صنعتوں کو ہوگا ،چینی اخبار
ڈونلڈ ٹرمپ کے انتخابی بیانات کے مطابق وہ چینی مصنوعات پر 45 فیصد ڈیوٹی عائد کرنا چاہتے ہیں،منتخب ہونے سے قبل مسٹر ٹرمپ نے ایشیا کی بڑی معیشت چین کو امریکا کا دشمن بھی قرار دیا تھا
اب جبکہ امریکا کے نومنتخب صدر اپنے عہدے کاحلف اٹھانے اور ایوان صدر میں منتقلی کی منصوبہ بندی میں مصروف ہیں، پوری دنیا میں ان کے دور صدارت میں مختلف ممالک کے ساتھ ان کے تعلقات کی نوعیت زیر بحث ہے، ڈونلڈ ٹرمپ کی غیر متوقع کامیابی نے جہاں امریکی عوام کو ششدر کردیاہے وہیں پوری دنیا اب امریکا کے ساتھ اپنے تعلقات کی متوقع نئی جہتوں پر غور کرنے اور اس حوالے سے صف بندی میں مصروف ہے۔
اب تک اس حوالے سے ڈونلڈ ٹرمپ کی مختلف مقامات پر تقریروں اور بیانات کی بنیاد پر ڈونلڈ ٹرمپ کے جو خیالات سامنے آئے ہیں ان سے اندازہ ہوتاہے کہ یورپی ممالک اور چین کو خاص طور پر امریکا کے ساتھ اپنے سیاسی ،فوجی اور تجارتی تعلقات کو از سرنو استوار کرنا پڑے گا،خاص طورپر چین امریکا تجارتی تعلقات پر خاصے منفی اثرات رونما ہونے کے امکانات کو نظر انداز نہیں کیاجاسکتا۔ کیونکہ ڈونلڈ ٹرمپ اپنی انتخابی مہم کے دوران عام جلسوں کے علاوہ نجی محفلوں میں بھی امریکا چین تجارتی تعلقات پر اپنے عدم اطمینان کا اظہار کرتے رہے ہیں،ڈونلڈ ٹرمپ نہ صرف یہ کہ اپنی انتخابی مہم کے دوران چین کے خلاف بیانات دیتے رہے ہیں بلکہ اخبار گلوبل ٹائمز کی رپورٹ کے مطابق ڈونلڈ ٹرمپ امریکا میں درآمد کی جانے والی چینی مصنوعات پر 45 فیصد ڈیوٹی عائد کرنا چاہتے ہیں،صدارتی مہم میں وہ چین پر یوآن کی قدر میں مداخلت کرنے اور تجارتی چوری کا الزام عائد کرچکے ہیں۔ منتخب ہونے سے قبل مسٹر ٹرمپ نے ایشیا کی بڑی معیشت چین کو امریکا کا دشمن بھی قرار دیا تھا اور الزام لگایا تھا کہ چین نے مصنوعی طور پر اپنی کرنسی کی قیمت کم رکھی ہے تاکہ وہ اپنی برآمدات کو تقویت پہنچا سکے۔
چین کے حوالے سے ڈونلڈ ٹرمپ کے ان بیانات کی وجہ سے ان کی کامیابی کے بعد چین کے ساتھ کاروبار کرنے والے تجارتی ادارے خاصی گومگو کاشکار نظر آتے ہیں ،اور امریکی صنعت کاروں کے ایک گروپ نے تو ڈونلڈ ٹرمپ کو باقاعدہ وارننگ دی ہے کہ وہ چین کے ساتھ تجارتی جنگ شروع کرنے کی احمقانہ غلطی نہ کریں ورنہ امریکی صنعتیں بند ہوجائیں گی،جس سے بیروزگاری میں مزید اضافہ ہوگا اوراس کی وجہ سے امریکی قوم انہیں تنقید کا نشانہ بنائے گی۔
ادھر ایک دوسری اطلاع کے مطابق چین اور امریکا کے نو منتخب صد ر کے درمیان پہلی مرتبہ رابطہ ہوا ہے اور دونوں ملکوں کے رہنماؤں نے ایک دوسرے کے لیے خیر سگالی کے جذبات کااظہار کیاہے ۔ چین کے سرکاری ٹیلی ویژن سی سی ٹی وی کے مطابق پیر کو صدر شی جن پنگ نے ٹیلیفون پر نو منتخب صدر ڈونلڈ ٹرمپ سے بات چیت کی اور کہا کہ دنیا کی دو بڑی معیشتوں کو ایک دوسرے کے تعاون کی ضرورت ہے اور یہ کہ بہت سی چیزوں میں تعاون ہو سکتا ہے۔خبروں کے مطابق چین کے صدر شی جن پنگ اور نو منتخب امریکی صدر ڈونلڈ ٹرمپ نے اس بات پر رضامندی ظاہر کی ہے کہ وہ چین اور امریکا کے باہمی تعلقات پر مذاکرات کے لیے جلد ہی ملاقات کریں گے۔سی سی ٹی وی (چائنا ٹی وی )کے مطابق مسٹر ٹرمپ نے چین کو ایک بڑا اور اہم ملک قرار دیا اور اس کے ساتھ کام کرنے کی خواہش کا اظہار کیا۔ ان کے خیال میں چین اور امریکا کے بہتر تعلقات دونوں ممالک کے لیے سودمند ہیں ۔ٹیلی فونک گفتگو کے دوران دونوں رہنماؤں نے بہت جلد ملاقات پر اتفاق کیا ہے۔چینی میڈیا کے مطابق نومنتخب امریکی صدر سے بات کرتے ہوئے چینی صدر نے ڈونلڈ ٹرمپ پر یہ واضح کیاکہ باہمی تعلقات بہتر بنانے کے لیے دونوں ملکوں کے پاس تعاون کے سوا کوئی آپشن نہیں جبکہ عالمی معاشی ترقی کو فروغ دینے کے لیے تعاون کو مضبوط کرنے کی ضرورت ہے۔ٹرمپ نے چینی صدر سے کہا کہ وہ چین امریکا تعلقات مضبوط کرنے کے لیے ان کے ساتھ کام کرنے کے لیے پر عزم ہیں۔
چین اور امریکا کے درمیان مستقبل کے تعلقات کے حوالے سے تبصرہ کرتے ہوئے ایک چینی اخبار نے لکھا ہے کہ ڈونلڈ ٹرمپ نے تجارتی جنگ شروع کی تواس کا نقصان امریکی صنعتوں کو ہوگا کیونکہ چین بھی امریکی جارحیت کے خلاف اقدامات کرے گااوربوئنگ کے آڈرز ایئر بس کو منتقل کردیئے جائیں گے۔ اخبار کے مطابق چین میں امریکی گاڑیوں اور آئی فون کی فروخت اثر انداز ہوگی جبکہ امریکی سویابین اور مکئی کی درآمد بند ہو جائے گی، حصول علم کے لئے امریکا جانے والے طالب علموں کی تعداد کم کردی جائے گی۔
سی سی ٹی وی کے مطابق صدر جن پنگ اورڈونلڈ ٹرمپ نے ‘قریبی تعلقات برقرار رکھنے، بہتر عملی تعلقات بنانے اور باہمی مفاد کے مسائل اور باہمی تعلقات کو بہتر بنانے کے لیے جلد ممکنہ تاریخ پر مذاکرات کرنے کا عہد کیا ہے۔ خبروں کے مطابق چین کے سربراہ مملکت سے بات چیت کے دوران ڈونلڈ ٹرمپ نے اس بات پر اتفاق کیا کہ امریکا اور چین ایک دوسرے کے روایتی حریف رہے ہیں تاہم دونوں میں تجارتی تعلقات بہتر ہیں۔مسٹر ٹرمپ نے قوت کے ساتھ امن قائم کرنے اور امریکی بحریہ کے لیے مضبوط بنانے کی پالیسی اپنانے کا عہد کیا ہے۔
انھوں نے یورپی یونین کے رکن ممالک کے ساتھ آزاد تجارتی معاہدے میں بھی ردوبدل کرنے کی ضرورت کااظہار کیا ہے ،تاہم تجزیہ کاروں کاکہناہے کہ مسٹر ٹرمپ نے اب تک دور دراز کے فضول کے مسائل میں اپنی عدم دلچسپی کا عندیہ دیا اور ٹرانس پیسفک پارٹنرشپ کے تحت آزاد تجارت کے معاہدے کو زیادہ اہمیت نہیں دی۔خیال رہے کہ اس مجوزہ معاہدے میں بہت سے ایشائی ممالک شامل ہیں اور اس سے وہاں امریکی اثرورسوخ میں اضافہ ہوگا لیکن امریکا میں روزگار کی کمی کے سبب مسٹر ٹرمپ نے اسے زیادہ اہمیت نہیں دی۔
ادھر اخباری رپورٹس کے مطابق نو منتخب امریکی صدرڈونلڈ ٹرمپ کی جیت کے بعد امریکا میں نفرتیں بڑھنے لگیں۔ٹریفک کی خلاف ورزی پر جرمانے کی بجائے پولیس اہلکار نے پاکستانی نژاد ڈرائیورکو دھمکی دی کہ’میں تم سے تمام چیزیں چھین لوں گا‘مذکورہ پاکستانی شخص سی این این کے صحافی ڈیوڈ گریگوری کاڈرائیورہے جو واقعے کے وقت کارمیں پچھلی نشست پرموجود تھے ،جنہوں نے یہ جملہ سنا بھی اوربعدمیں بتایا کہ پولیس آفیسر نے ڈارئیور کو یہ بھی دھمکی دی کہ ’ میں تمھارا سر بھی اتار لوں گا‘۔اس واقعے کو انٹر نیٹ پر شیئر کئے جانے کے بعدپولیس حکام اورمیئر نے امریکی صحافی سے رابطہ کیااور پاکستانی ڈرائیور سے ملاقات کی اور کہا کہ پولیس اہلکار کی شناخت کے لیے تفتیش شروع کردی گئی ہے۔
مختلف ممالک خاص طورپر چین کے ساتھ تجارتی تعلقات کے حوالے سے مذکورہ بالا رپورٹوں سے قطع نظر ڈونلڈ ٹرمپ کے انتہا پسندانہ خیالات نے امریکی محکمہ دفاع کے حکام کے علاوہ امریکی خفیہ ایجنسیوں کو بھی بوکھلا کر رکھ دیا ہے جس کااندازہ برطانوی خفیہ ایجنسی ایم ا?ئی سکس کے سابق سربراہ سر جان سیورز کے اس انتباہ سے لگایا جاسکتا ہے جس میں انھوں نے کہا ہے کہ ڈونلڈ ٹرمپ کی صدارت میں دنیا میں تیسری عالمی جنگ کا خطرہ ہے۔سر جان سیورز نے کہا کہ اگر ٹرمپ کی انگلی ایٹم بم کے بٹن پر ہو گی اور کسی بین الاقوامی صورت حال میں ان کا ردعمل زیادہ ہو گیا تو جنگ بھی چھڑ سکتی ہے۔ایم آی سکس کے سابق سربراہ نے مزید کہا کہ ہم دیکھ چکے ہیں کہ جب ٹرمپ پر تنقید ہوتی ہے تو وہ بہت شدت سے ردعمل دیتے ہیں۔
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
