... loading ...
... loading ...
ظلم و جبر پر عالمی برادری کی خاموشی افسوس ناک ہے،پاکستانی قیادت کو سمجھنا چاہیے مذاکرات اور قراردادوں سے مسئلہ کشمیر حل نہیں ہوگا، مجاہدین کو وسائل مہیا کیے جائیں
جب دنیا ہماری آواز نہیں سن رہی تو پھر ہمارے پاس آزادی کے لیے مسلح جدوجہد ہی آخری آپشن ہے،سید صلاح الدین کا ایوان صحافت مظفر آباد میں خطاب
امیر حز ب المجاہدین وچیئرمین متحدہ جہاد کونسل جموں وکشمیر سید صلاح الدین احمد نے کہا ہے کہ مذاکرات اور قراردادوں کے ذریعے مسئلہ کشمیر حل نہیں ہوگا۔ بھارت سے آزادی کے لیے پاکستان کشمیریوں کی عسکری مدد کرے اور مجاہدین کو وسائل مہیا کیے جائیں ۔ اگر مجاہدین کو فوجی مدد ملے تو نہ صرف کشمیر آزاد ہوگا بلکہ برصغیر کا نقشہ بدل جائیگا۔پاکستانی قیادت کو یہ بات سمجھنا ہوگی کہ برہمن سامراج باتوں سے ماننے والا نہیں ۔سید صلاح الدین نے کہا کہ کشمیر پر بھارت نے فوجی قبضہ کررکھا ہے اور فوجی قبضہ سیاست یا مذاکرات سے ختم نہیں ہوگا۔ برہان مظفروانی کی شہادت کے بعد مقبوضہ جموں وکشمیر میں 105دنوں سے عوامی تحریک اپنے عروج پر ہے ۔ 105ایام میں مقبوضہ کشمیر کے نہتے عوام پر قابض بھارتی فوج نے جبر و تشدد کا ہر حربہ استعمال کیا ۔ لیکن عالمی برادری ٹس سے مس نہیں ہوئی اور نہ ہی دوہرامعیار رکھنے والی عالمی طاقتوں نے بھارت کو مظالم سے روکا ،جب دنیا ہماری آواز نہیں سن رہی تو پھر ہمارے پاس آزادی کے لیے ایک ہی آپشن بچتا ہے اوروہ مسلح جدوجہد آزادی ہے ۔ بھارت اور اس کی فوج مقبوضہ کشمیر میں نہتے عوام کے ہاتھوں شکست کھا چکی ہے ۔ جبرو تشدد کے بعد بھارت نے کشمیریوں کو جدوجہد آزادی سے دستبردار کرانے کے لیے معاشی واقتصادی دہشتگردی شروع کردی ہے ۔ بھارتی خفیہ ایجنسیاں اور اس کے زر خرید ایجنٹ حریت قیادت اور کشمیری عوام میں دوریاں پیدا کرنا چاہتے ہیں ، کشمیری عوام اتحاد کی قوت سے اس ایجنڈے کو ناکام بنا دیں اور حریت کے پرچم تلے متحد رہیں ۔ یہی ان کی کامیابی ہے ۔ وہ مرکزی ایوان صحافت مظفر آبادمیں خطاب کررہے تھے ۔ اس موقع پر متحدہ جہاد کونسل کی مرکزی قیادت شیخ جمیل الرحمان ، مفتی محمد اصغر ، چوہدری محمد کامران ، جان محمد ،عزیر احمد غزالی ، عتیق الرحمان دانش اور دیگر بھی موجود تھے ۔ پریس کانفرنس سے خطاب کے دوران ان کا کہنا تھا کہ 105دنوں کی عوامی تحریک کے دوران مقبوضہ کشمیر میں سو سے زائد نہتے لوگوں کو شہید کیا گیاہے ۔ 13ہزار سے زائد کشمیری زخمی ہیں ۔ 12سو افراد پیلٹ گن سے شدید متاثر ہیں اور سینکڑوں بینائی سے محروم ہوچکے ہیں ۔ 8ہزار سے زائد افراد گرفتار ہیں ۔ ایک ہزار افراد پر بدنام زمانہ کالا قانون پی ایس اے لاگو کیا گیا ہے ۔ روزانہ 1ارب 40کروڑ کا معاشی و اقتصادی نقصان ہورہا ہے ۔ قتل و غارت گری کے بعد قابض بھارتی افواج نے کشمیریوں کے کھیت کھلیان اور باغ تباہ کرنا شروع کردیے ہیں ۔ فصلوں کو آگ لگائی جارہی ہے ۔ پھلوں سے لدی گاڑیاں لوٹی جارہی ہیں ۔ 105ایام گزرنے کے باوجود صورتحال جوں کی توں ہے۔ اس عرصہ کے دوران اقوام متحدہ سمیت عالمی برادری اور بڑی طاقتوں نے مجرمانہ خاموشی اختیار کررکھی ہے اور ان کا دوہرا معیار ہے ۔ اقوام متحدہ سمیت دیگر عالمی اداروں پر سے کشمیریوں کا اعتماد اٹھ چکا ہے ۔ جب کشمیریوں کی آواز پر عالمی سطح پر توجہ نہیں دی جارہی تو پھر کشمیریوں کے پاس بھارتی جبروتشدد اور قتل و غارت گری سے نجات کے لیے مسلح جہاد کے سوا کوئی چارہ کار نہیں ۔کشمیری مجاہدین میں بھارتی فوج کو شکست سے دوچار کرنے کی صلاحیت موجود ہے ۔ ہندوستان کا برہمن سامراج قراردادوں سے باز آنے والا نہیں اس کے لیے مسلح جدوجہد آزادی ناگزیر ہوچکی ہے ۔ انہوں نے کہا کہ حریت قیادت پر ظلم و جبر کی انتہا کی جارہی ہے ۔ سید علی گیلانی ، یاسین ملک ، آسیہ اندرابی ، اشرف صحرائی ، مسرت عالم ، پیر سیف اللہ ، شبیر احمد شاہ سمیت شدید علیل قیادت کو نظر بند و گرفتار رکھا گیا ہے ۔ اس وقت ضرورت اس امر کی ہے کہ بیس کیمپ سے اس پار کے کشمیریوں سے یکجہتی کے لیے ٹھوس پیغام جائے اور بیس کیمپ جاندار اور جارحانہ حکمت عملی اختیار کرے ۔ خطاب کے دوران انہوں نے مقبوضہ کشمیر کی پولیس کو متنبہ کیا کہ وہ بھارتی فوج کے ہر اول دستے کا کردار ادا نہ کرے ورنہ اسے عوام کے غیض و غضب کاسامنا کرنا پڑیگااور کشمیر کی دھرتی پر پولیس کو قبر کے لیے جگہ نہیں ملے گی ۔ حب الوطنی کا تقاضا ہے کہ کشمیر کی پولیس نہتے عوام کا ساتھ دے ۔ آج مقبوضہ کشمیر میں بھارت کی خفیہ ایجنسیاں حریت قیادت کو تقسیم کرنے اور عوام کو ان سے دور کرنے کی کوششوں میں مصروف ہیں ۔ کشمیری عوام حریت کے جھنڈے تلے متحدومنظم رہیں ۔انہوں نے کہا کہ جموں میں مسلمانوں کو ڈرایا دھمکایا جارہا ہے ۔ آر ایس ایس کے مسلح غنڈے اسلحہ لہرا کر ریلیاں نکال رہے ہیں اور مسلمانوں کو 1947 ء کی طرح قتل کرنے کی دھمکیاں دی جارہی ہیں تاکہ وہ جموں سے ہجرت کرجائیں لیکن حریت پسند ایسا نہیں ہونے دیں گے۔
وزیراعظم محمد شہباز شریف نے وزیر خارجہ اسحاق ڈار کو نائب وزیراعظم مقرر کر دیا۔وزیراعظم نے وزیر خارجہ اسحاق ڈار کو نائب وزیراعظم مقرر کرنے کی منظوری دی۔کابینہ ڈویژن نے اس ضمن میں نوٹیفیکیشن جاری کر دیا ہے ۔وزیر خارجہ اس وقت وزیراعظم کے ہمراہ سعودی عرب کے دورے پر ہیں۔ حکومت پاکستان...
وزیراعظم شہبازشریف اور عالمی مالیاتی ادارہ (آئی ایم ایف) کی منیجنگ ڈائریکٹر کرسٹالینا جارجیوا کے درمیان سعودی عرب میں جاری عالمی اقتصادی فورم کے اجلاس کے دوران غیررسمی اہم ملاقات ہوئی جہاں پاکستان کے ایک اور قرض پروگرام میں داخل ہونے کے حوالے سے تبادلہ خیال کیا گیا۔تفصیلات کے مطا...
غزہ کے مظلوم فلسطینیوں کی حمایت میں امریکا سے شروع ہونے والا طلبہ کا احتجاج مزید وسیع ہوگیا ہے ۔ غیرملکی خبررساں ادارے کے مطابق اب برطانیہ، اٹلی، فرانس اور آسٹریلیا کے طلبہ بھی میدان میں آگئے ، انہوں نے اسرائیلی کمپنیوں سے تعلقات منقطع کرنے کی حمایت کی ہے۔ ادھر کولمبیا یونیورسٹی ...
حساس ادارے نے چھاپہ مار کارروائی میں کراچی اور بلوچستان کی پولیس کو انتہائی مطلوب دہشت گرد سمیت 3 افراد کو گرفتار کر کے اسلحہ برآمد کر لیا، گرفتار دہشت گرد کالعدم بی ایل اے کے لیے ریکی اور دہشت گردی کی متعدد واردتوں میں ملوث رہا ہے۔ تفصیلات کے مطابق دہشت گرد اور اس کے ساتھی کو اب...
درآمد شدہ گندم مقررہ ضرورت و اجازت سے زائد منگوائے جانے اورپرائیویٹ سیکٹر کو نوازے جانے کا انکشاف ہوا ہے ،بیوروکریسی کے غلط فیصلوں سے قومی خزانہ کو ایک ارب ڈالر کے نقصان کا سامنا ہے ۔ ذرائع کے مطابق نیشنل فوڈ سکیورٹی نے ضرورت سے زیادہ گندم ہونے کے باوجود 35 لاکھ 87 ہزار ٹن گندم د...
سکھ فار جسٹس نے بھارتی وزیر اعظم نریندر مودی کے خلاف عالمی عدالت میں جانے کا اعلان کیا ہے ۔غیرملکی خبررساں ادارے کے مطابق امریکا میں بھارت کی ناکام قاتلانہ سازش کا شکار سکھ رہنما گرپتونت سنگھ پنوں نے ایک بیان میں کہا ہے کہ وہ بھارتی وزیر اعظم مودی کے خلاف عالمی عدالت میں جائیں گے...
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...
