... loading ...
... loading ...
ایس ایس پی ملیر راؤ انوار نے ایم کیو ایم پاکستان کے رہنما اور سندھ اسمبلی میں اپوزیشن لیڈر خواجہ اظہارالحسن کو گرفتار کرلیا ہے وزیراعلیٰ سندھ سید مراد علی شاہ نے خواجہ اظہار الحسن کی گرفتاری کا نوٹس لیتے ہوئے ایس ایس پی ملیر راؤ انوار کو معطل کردیا ہے۔
تفصیلات کے مطابق ایس ایس پی ملیر راؤ انوار نے ایم کیو ایم پاکستان کے رہنما اور سندھ اسمبلی میں اپوزیشن لیڈر خواجہ اظہارالحسن کے گھر پر بھاری نفری کے ہمراہ چھاپہ مار کرانہیں گرفتار کرلیا۔ راؤ انوار بھاری نفری کے ہمراہ بفر زون میں خواجہ اظہار الحسن کی رہائش گاہ پہنچے اور انہیں ہتھکڑی لگا کر بکتر بندمیں بٹھا کر ساتھ لے گئے۔ اس موقع پر ایم کیو ایم کے سربراہ ڈاکٹر فاروق ستار سمیت اہم رہنما موجود تھے جن کی راؤانور سے تلخ کلامی بھی ہوئی۔ گرفتاری کے بعد خواجہ اظہار الحسن کو نامعلوم مقام پر منتقل کردیاگیا ہے۔
ادھر ایم کیوایم رہنما خواجہ اظہارالحسن کو گرفتار کرنیوالے ایس ایس پی ملیر را ؤانوار کومعطل کردیا گیا ہے، ایم کیو ایم رہنما اور سندھ اسمبلی میں قائد حزب اختلاف خواجہ اظہار الحسن کے مطابق6 سے8 پولیس موبائلوں میں سادہ لباس اور وردی میں ملبوس اہلکاروں نے چھاپہ مارا، چھاپے کے وقت خواجہ اظہار گھر پر نہیں تھے۔
خواجہ اظہارالحسن نے کہا کہ چھاپے کے وقت گھر پر صرف خواتین تھیں جنہیں ہراساں کیا گیا پولیس اہلکاروں نے الماریوں اور مسہریوں کے نیچے بھی تلاشی لی، خواجہ اظہارالحسن نے بتایا کہ وہ چھاپے کے وقت گھر پر موجود نہیں تھے۔ جن اہلکاروں نے میرے گھر کی تلاشی لی وہ نقاب پہنے ہوئے تھے۔
بعدازیں پولیس نے ایم کیو ایم کے رہنما اور سندھ اسمبلی میں اپوزیشن لیڈر خواجہ اظہار الحسن کو رہا کر دیا ہے۔ ایڈیشنل آئی جی سندھ مشتاق مہر نے خواجہ اظہار کی رہائی کی تصدیق کی ہے، خواجہ اظہار الحسن کی گرفتاری کے فوری بعد وزیر اعلیٰ سندھ نے واقعے کا فوری نوٹس لیتے ہوئے ایس ایچ او سہراب گوٹھ اور ایس ایس پی ملیر راؤ انوار کی معطلی، جبکہ ڈی آئی جی ایسٹ کامران فضل کی صوبہ بدری کے احکامات جاری کردیے ہیں، ڈی آئی جی ایسٹ کا چارج ڈی آئی جی ویسٹ ذوالفقار لاڑک کے حوالے کر دیا گیا ہے۔
وزیر اعلیٰ سندھ کا کہنا تھا کہ راؤ انوار کا عمل غلط تھا، تحقیقات کر رہے ہیں۔ راؤ انوار کے خلاف کارروائی کی جائے گی اور سزا بھی ملے گی۔ علاوہ ازیں وزیراعظم محمد نواز شریف نے خواجہ اظہار الحسن کی گرفتاری کی مذمت کرتے ہوئے کہا ہے کہ کسی بھی رکن پارلیمنٹ کی اسپیکر کی اجازت کے بغیر گرفتاری غیر قانونی ہے۔
جمعہ کے روز وزیراعظم نے وزیراعلیٰ سندھ سید مراد علی شاہ کو فون کیا اور ان سے ایم کیو ایم رہنماء اور اپوزیشن لیڈر سندھ اسمبلی خواجہ اظہار الحسن کی گرفتاری سے متعلق معلومات حاصل کیں، وزیراعظم نے کہا کہ اسپیکر کی اجازت کے بغیر کسی رکن پارلیمنٹ کی گرفتاری غیر قانونی ہے۔ قانون کی حکمرانی کو ہر صورت یقینی بنایا جائے اور قانون کی خلاف ورزی کرنیوالے کے خلاف کارروائی کی جائے۔
ایم کیو ایم پاکستان کے سربراہ فاروق ستار نے کہا ہے کہ یہ سارا عمل ایم کیو ایم اور مہاجر دشمنی ہے، سیاسی وعسکری قیادت بتائے آخروہ کیا چاہتی ہے ؟خواجہ اظہار الحسن کی گرفتاری کے بعد میڈیا سے بات کرتے ہوئے فاروق ستار نے کہا کہ ایس ایس پی ملیر را ؤانوار نے کہا کہ 12 مئی کے ملزمان خواجہ اظہار الحسن کے گھر پر چھاپے کے وقت گھر میں ایک بھی مرد موجود نہیں تھا، پولیس نے خواتین اہلکاروں کے بغیر گھر میں چھاپہ مار کر چادر اور چار دیواری کا تقدس پامال کیا۔ انہوں نے کہا کہ اس طرح کے چھاپوں سے واضح ہوتا ہے کہ معاملہ ایم کیو ایم کو لندن سے چلانے کا نہیں، بلکہ ایم کیو ایم اور مہاجر دشمنی ہے، خواجہ اظہار الحسن کے گھر پر چھاپے سے زیادہ پارلیمانی بے توقیری ہو ہی نہیں سکتی۔ فاروق ستار کا کہنا تھا کہ میں نے پولیس اہلکاروں سے پوچھا کہ مجھے وارنٹ گرفتاری دکھا دیں پھر بے شک انہیں لے جائیں تو پولیس حکام کا کہنا تھا کہ وارنٹ گرفتاری ہمارے پاس موجود ہیں، لیکن ہمیں دکھائے نہیں گئے۔ انہوں نے کہا کہ خواجہ اظہار کل تک مطلوب نہیں تھے اور آج گرفتار ہوگئے، سیاسی وعسکری قیادت بتائے کہ آخر وہ کیا چاہتے ہیں؟ اس ذلت سے تو بہتر ہے کہ ہم سب ارکان اسمبلی اورسینیٹرز، میئر، ڈپٹی میئر اورہمارے تمام ضلعی چیئرمین و وائس چیئرمین اجتماعی گرفتاری دے دیں اور ہم اس کے لئے تیار ہیں لیکن اب کراچی کے شہری مزید ذلت برداشت نہیں کر سکتے، ہم نمازیں بخشوانے گئے تو روزے بھی ہمارے گلے پڑ گئے، لا پتہ ساتھیوں کا کچھ پتہ نہیں ہے اور ہمارے درجنوں کارکنوں کو ماورائے عدالت قتل کیا گیا۔
سربراہ ایم کیو ایم پاکستان نے کہا کہ خواجہ اظہار کے گھر پر چھاپے کا نہ تو وزیراعلیٰ سندھ کو پتہ تھا اور نہ ہی آئی جی پولیس کو واقعہ کا علم تھا، راؤ انوار کے بارے میں پتہ چلا ہے کہ وہ پیپلز پارٹی کے چیئرمین بلاول بھٹوزرداری اور آصف زرداری کے خاص آدمی ہیں، تو ہمیں بتایا جائے کہ پیپلز پارٹی کراچی سے چل رہی یا دبئی و امریکا سے چلائی جا رہی ہے۔
معطل کئے گئے ایس ایس پی ملیر راؤ انوار نے کہا ہے کہ میں نے بالکل قانونی کام کیا ہے جلد بازی کر کے مجھے غلط معطل کیا گیا، کسی کی ہدایت پر گرفتار نہیں کیا جاتا، گرفتاری کے لیے اسپیکر سے اجازت نہیں اطلاع دی جاتی ہے، کوئی پولیس افسر گرفتار شخص کونہیں چھوڑسکتا، صرف عدالت چھوڑسکتی ہے، وزیراعلیٰ بھی کیس واپس لیں گے تو فوری طور پر نہیں لے سکتے، حکومت بھلے ناراض ہومجھے کوئی پرواہ نہیں۔
پریس کانفرنس کے دوران راؤ انوار نے الزام لگاتے ہوئے کہا کہ کسی کو بھی کسی کی ہدایت پر گرفتار نہیں کیا جاتا، خواجہ اظہار کو “ٹارگٹ کلرز کا چیف” کہا جاتا ہے، خواجہ اظہار کو گرفتار کرنے کے لیے اسپیکر کی اجازت ضروری نہیں ہے، اسپیکر کو صرف گرفتاری کی اطلاع دی جاتی ہے، اگراجازت لینے کی بات ہوتی رہی توشہرمیں حالات خراب ہی رہیں گے۔ بڑے آدمی کے لیے اجازت چھوٹے کے لیے کوئی اجازت نہیں، اس سے امن خراب ہوگا۔
انہوں نے کہا کہ پولیس میں آپس کی بھی گروہ بندیاں ہیں پولیس کاایک گروپ مجھے ہلکا لے رہا ہے، مجھے انڈر ایسٹیمیٹ نہ کریں جس طرح سے کام کرنے سے روکا جارہا ہے ہوسکتاہے میں استعفیٰ دیدوں۔ میں نے ایک آدمی کوپورے میڈیاکے سامنے گرفتارکیاکسی نے کوئی انکوائری نہیں کی، مجھ سے پوچھابھی نہیں اورمعطل کردیا، خواجہ اظہار کی گرفتاری سے متعلق غلط باتیں کی گئیں انہوں نے کہا کہ میری معطلی سے پتا چل جائے گا، اس کا کیا سائیڈ افیکٹ ہے، یہ لوگ اب مزیدکارروائیاں کریں گے، جنوبی افریقاسے ٹیم منگوالی ہے تفتیش رکنے سے یہ کیس کافی متاثر ہوگا۔
وزیراعظم محمد شہباز شریف نے وزیر خارجہ اسحاق ڈار کو نائب وزیراعظم مقرر کر دیا۔وزیراعظم نے وزیر خارجہ اسحاق ڈار کو نائب وزیراعظم مقرر کرنے کی منظوری دی۔کابینہ ڈویژن نے اس ضمن میں نوٹیفیکیشن جاری کر دیا ہے ۔وزیر خارجہ اس وقت وزیراعظم کے ہمراہ سعودی عرب کے دورے پر ہیں۔ حکومت پاکستان...
وزیراعظم شہبازشریف اور عالمی مالیاتی ادارہ (آئی ایم ایف) کی منیجنگ ڈائریکٹر کرسٹالینا جارجیوا کے درمیان سعودی عرب میں جاری عالمی اقتصادی فورم کے اجلاس کے دوران غیررسمی اہم ملاقات ہوئی جہاں پاکستان کے ایک اور قرض پروگرام میں داخل ہونے کے حوالے سے تبادلہ خیال کیا گیا۔تفصیلات کے مطا...
غزہ کے مظلوم فلسطینیوں کی حمایت میں امریکا سے شروع ہونے والا طلبہ کا احتجاج مزید وسیع ہوگیا ہے ۔ غیرملکی خبررساں ادارے کے مطابق اب برطانیہ، اٹلی، فرانس اور آسٹریلیا کے طلبہ بھی میدان میں آگئے ، انہوں نے اسرائیلی کمپنیوں سے تعلقات منقطع کرنے کی حمایت کی ہے۔ ادھر کولمبیا یونیورسٹی ...
حساس ادارے نے چھاپہ مار کارروائی میں کراچی اور بلوچستان کی پولیس کو انتہائی مطلوب دہشت گرد سمیت 3 افراد کو گرفتار کر کے اسلحہ برآمد کر لیا، گرفتار دہشت گرد کالعدم بی ایل اے کے لیے ریکی اور دہشت گردی کی متعدد واردتوں میں ملوث رہا ہے۔ تفصیلات کے مطابق دہشت گرد اور اس کے ساتھی کو اب...
درآمد شدہ گندم مقررہ ضرورت و اجازت سے زائد منگوائے جانے اورپرائیویٹ سیکٹر کو نوازے جانے کا انکشاف ہوا ہے ،بیوروکریسی کے غلط فیصلوں سے قومی خزانہ کو ایک ارب ڈالر کے نقصان کا سامنا ہے ۔ ذرائع کے مطابق نیشنل فوڈ سکیورٹی نے ضرورت سے زیادہ گندم ہونے کے باوجود 35 لاکھ 87 ہزار ٹن گندم د...
سکھ فار جسٹس نے بھارتی وزیر اعظم نریندر مودی کے خلاف عالمی عدالت میں جانے کا اعلان کیا ہے ۔غیرملکی خبررساں ادارے کے مطابق امریکا میں بھارت کی ناکام قاتلانہ سازش کا شکار سکھ رہنما گرپتونت سنگھ پنوں نے ایک بیان میں کہا ہے کہ وہ بھارتی وزیر اعظم مودی کے خلاف عالمی عدالت میں جائیں گے...
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...
