... loading ...
ایڈیشنل ڈپٹی کمشنر ll، کراچی ساؤتھ محمد خان رند نے جمعہ کو ایڈیشنل ڈپٹی کمشنر ll، ایسٹ کے عہدے کا چارج سنبھال لیا۔ ان کے تبادلے کا نوٹیفکیشن گزشتہ دنوں جاری کیا گیا تھا، جس کے ساتھ ہی وہ ذاتی وجوہ کی بنا پر چند دنوں کے لیے چھٹی پر چلے گئے تھے۔
محمد خان رند کے اس طرح رخصت پر چلے جانے سے کمشنر کراچی اعجاز علی خان شدید نالاں ہوئے اور انہوں نے اپنے تحفظات کا اظہار بھی کیا تھا لیکن ضلعی انتظامیہ کے ذرائع کے مطابق چونکہ محمد خان رند کی چھٹی کی ڈپٹی کمشنر ساؤتھ نے باقاعدہ منظوری دی تھی اور وہ قواعد وضوابط کے عین مطابق تھی، اس لیے کمشنر کراچی کا اس پر اعتراض بلاجواز تھا۔ محمد خان رند کے ایڈیشنل ڈپٹی کمشنر ll، ایسٹ کے عہدے پر تبادلے کے نوٹیفکیشن کے ساتھ ہی ایڈیشنل ڈپٹی کمشنر ll، ایسٹ کمال عبدالحکیم کا تبادلہ ایڈیشنل ڈپٹی کمشنر ll، ساؤتھ کے طور پر کر دیا گیا تھا۔
یاد رہے کہ محمد خان رند کے بارے میں مشہور ہے کہ وہ ایک دلیر اور اصول پسند افسر ہیں اور معاملات کو قواعد و ضوابط کے مطابق حل کرنے کے ماہر سمجھے جاتے ہیں۔ ذرائع نے اس کی ایک مثال کے طور پر سابق صوبائی وزیر داخلہ ذوالفقار مرزا کے دور کا ایک واقعہ بیان کیا، جس میں محمد خان رند سے ذوالفقار مرزا نے حسن اسکوائر کے علاقے میں سوک سینٹر کے سامنے ایک انتہائی قیمتی قطعہ زمین، شہر کے ایک بلڈر حاجی الیاس کو الاٹ کرنے کی پر زور سفارش کی تھی، جو دراصل ایک خلاف ضابطہ کام تھا اور محمد خان رند نے تمام تر دباؤ کے باوجود یہ غیرقانونی کام کرنے سے انکار کر دیا تھا۔ اس ’’حکم عدولی‘‘ پر وزیر موصوف اور محمد خان رند کے درمیان سخت کشیدگی پیدا ہوگئی تھی اور تیز وتند جملوں کا تبادلہ بھی ہوا تھا۔
واضح رہے کہ محمد خان رند اس وقت بطور ڈپٹی ڈسٹرکٹ آفیسر، گلشن اقبال اپنے فرائض سرانجام دے رہے تھے، اس کے بعد انہوں نے اپنا تبادلہ خاموشی سے بطور ڈی ڈی او صدر ( ڈسٹرکٹ ساؤتھ ) کرا لیا تھا، پھر مختلف مراحل سے گزرنے کے بعد انہوں نے اے ڈی سی ll، ساؤتھ کے طور پر اپنے قدم جما لیے، جس کے بعد اب انہوں نے دوبارہ ڈسٹرکٹ ایسٹ میں اپنی نئی ذمہ داری سنبھالی ہے۔
مذکورہ بالا قیمتی قطعہ زمین بعد میں فلک ناز بلڈرز کے حاجی الیاس اور مہران بلڈرز کے غلام نبی شیخ کو الاٹ کر دیا گیا تھا۔ یہ کام اس وقت کے صوبائی وزیر داخلہ ذوالفقار مرزا نے کرایا تھا اور اس میں مبینہ طور پر ’’چمک‘‘ کا عنصر کارفرما تھا، لیکن چونکہ یہ زمین صوبائی وزیر کے دباؤ پر خلاف ضابطہ کمرشل بنیادوں پر مذکورہ بلڈرز کو الاٹ کی گئی تھی، لہٰذا اسے بعد میں سپریم کورٹ آف پاکستان کے حکم پر منسوخ کردیا گیا تھا۔ واضح رہے کہ سرکاری کمرشل زمین کو کوئی بھی سرکاری عہدیدار بشمول وزیراعلیٰ سندھ کے، الاٹ نہیں کرسکتا، کمرشل زمین کو صرف اور صرف کھلی بولی کے ذریعے نیلام کیا جاسکتا ہے، اس حوالے سے صوبائی بورڈ آف ریونیو نے وقتاً فوقتاً مختلف گزٹ نوٹیفکیشن بھی جاری کیے ہیں۔
وزیر دفاع خواجہ آصف نے کہا ہے کہ اپوزیشن لیڈر کی جانب سے آرٹیکل 6 کے مطالبے کی حمایت کرتا ہوں اور ایوب خان کو قبر سے نکال کر بھی آرٹیکل 6 لگانا چاہیے اور اُسے قبر سے نکال کر پھانسی دینا چاہیے ۔قومی اسمبلی اجلاس میں وزیر دفاع خواجہ آصف نے گفتگو کرتے ہوئے کہا کہ اپوزیشن لیڈر عمر...
پا ک فوج کے سربراہ جنرل سید عاصم منیر نے شہدا اور غازیوں کو قومی ہیرو قرار دیتے ہوئے واضح کیا ہے کہ قوم کی آزادی اور سلامتی اپنے بہادرجانبازوں کی قربانیوں کی مرہون منت ہے ، وطن کیلئے جان قربان کرنے سے بڑھ کر کوئی عظیم شے نہیں ہے ۔ پاک فوج کے شعبہ تعلقات عامہ (آئی ایس پی آر) کی جا...
پاکستان کی جانب سے مبینہ طور پر سرحد پار دہشت گردوں کے ٹھکانے کو پکتیکا میں نشانہ بنائے جانے کے خلاف احتجاج کرتے ہوئے افغان طالبان نے پاکستانی فوج کے ایک وفد کا قندھار کا دورہ منسوخ کردیا ہے ۔افغانستان کی حدود میں دہشت گردوں کے ٹھکانے پر حملہ کرنے یا کسی پاکستانی وفد کے اتوار کے ...
الیکشن کمیشن آف پاکستان (ای سی پی) نے سنی اتحاد کونسل کی درخواست پر سپریم کورٹ کے فیصلے کی روشنی میں قومی اور صوبائی اسمبلیوں میں اضافی نشستوں پر منتخب 77 ارکان کی رکنیت معطل کردی۔الیکشن کمیشن کی جانب سے جاری نوٹیفکیشن میں کہا گیا کہ قومی اسمبلی کی مخصوص نشستوں پر 22 منتخب ارکان ...
سندھ کے وزیرِ اعلیٰ سید مراد علی شاہ نے کہا ہے کہ اہلِ سندھ نے پاکستان پیپلز پارٹی پر اپنا اعتماد برقرار رکھا ہے، بلاول بھٹو کہتے ہیں کہ اب حکومت کو تجاویز کارکن دیں گے۔حیدر آباد میں صوبائی کابینہ کے ارکان کے ساتھ پریس کانفرنس سے خطاب کرتے ہوئے سندھ کے وزیر اعلیٰ نے کہا کہ ترقیا...
آئندہ مالی سال کے بجٹ میں سیلز اور انکم ٹیکس کی رعایتیں اور چھوٹ مرحلہ وار ختم کرنیکی تجویز سامنے آئی ہے ۔ ذرائع کے مطابق آئندہ بجٹ میں امپورٹڈ ٹریکٹرز پر ٹیکس عائدکرنے کی تجویز ہے اور کمرشل امپورٹرز پر ودہولڈنگ ٹیکس لگانے پر غور کیا جارہا ہے جب کہ کمرشل درآمدکنندگان کی خریداریوں...
سابق صدر مملکت و پاکستان تحریک انصاف کے رہنما ڈاکٹر عارف علوی نے کہا ہے کہ مسائل کا حل بات چیت ہی میں ہے ، بات چیت کے لئے اپنی کوشش کرتے رہیں گے ، ناکامی تب ہو گی جب ناکامی مان لوں گا،جمعرات کو بانی پی ٹی آئی سے ملاقات ہوئی ان کو اچھی صحت اور اچھے موڈ میں پایا، 6ججز کے خط سے متعل...
وفاقی وزیر خزانہ محمد اورنگزیب نے کہا ہے کہ اسٹریٹجک سرکاری اداروں جیسی کوئی چیز نہیں ہے ۔لاہور میں پری بجٹ سیمینار سے خطاب کرتے ہوئے ان کا کہنا تھا کہ زرمبادلہ کے ذخائر 9 ارب ڈالر سے تجاوز کرگئے ہیں، روپے کی قدر مستحکم اور افراط زر میں کمی آرہی ہے ، پچھلے 8 سے 10 ماہ میں میکرو ا...
سمیع اللہ ملک میں اس خوفناک لمحات سے بھی واقف ہوں جب ایٹمی بریف کیس کابٹن دبانے کی مکمل طاقت رکھنے والے امریکی صدرٹرمپ کے بارے میں ایک مشہورزمانہ امریکی ماہرنفسیات بھرپوردلائل کے ساتھ عالمی میڈیاپرببانگ دہل ٹرمپ کی دماغی صحت پر اپنے شک وشبہ کا اظہارکرتے ہوئے اپنے خدشات کااظہار ک...
آزاد جموں و کشمیر میں بجلی کے بلوں میں اضافے کے خلاف جاری شدید احتجاج کے دوران پولیس اور مظاہرین کے درمیان جھڑپیں ہوئی اور فائرنگ سے سب انسپکٹر شہید جبکہ ایس ایچ او سمیت 16 پولیس اہلکار زخمی ہوگئے ۔تفصیلات کے مطابق عوامی ایکشن کمیٹی کی کال پر آزاد جموں و کشمیر میں بجلی کے بلوں می...
پاکستان پیپلزپارٹی کے رہنما قمرالزمان کائرہ نے دعویٰ کیا ہے کہ حکومت کے کچھ لوگ چیف جسٹس کو توسیع دینا چاہتے ہیں،توسیع دینے کا فیصلہ سوچ سمجھ کر کرنا چاہیے ۔ قمرالزمان کائرہ نے ایک انٹرویومیںکہاکہ حکومت کی طرف سے کچھ لوگوں کے چیف جسٹس کو توسیع دینے کے اشارے ہیں۔انہوں نے کہا کہ یہ...
پاکستان تحریک انصاف نے غیر ذمہ دارانہ بیانات دینے پر شیر افضل مروت کو شو کاز نوٹس جاری کردیا۔شیر افضل مروت کو پارٹی پالیسی کی خلاف ورزی پر شوکاز نوٹس جاری کیا گیا ہے ۔ نوٹس کے مطابق شیر افضل مروت نے ایسے بیان دئیے ہیں جس سے پارٹی کی ساخت کو نقصان پہنچا ہے ۔بانی چئیرمین نے واضح ہد...