... loading ...
پاکستان پہلے مضبوط تھا اور اب ناقابل تسخیر ہے۔ پاکستان گزشتہ کئی سالوں سے غیر روایتی جنگ کا شکار تھا تاہم قوم اور فوج نے اس کا بھر پور دفاع کیا۔ ان خیالات کااظہار پاک فوج کے سربراہ جنرل راحیل شریف نے جنرل ہیڈ کوارٹرز راولپنڈی میں یوم دفاع کی مرکزی تقریب سے خطاب کرتے ہوئے کیا ۔ اُنہوں نے کہا کہ جنگ ستمبر ہماری قومی تاریخ کا روشن باب ہے، شہدا کی بدولت آج ہم آزاد اور باوقار ملک میں رہ رہے ہیں۔یہ دن پاکستان کی قومی تاریخ کا تابناک دن بن چکا ہے۔فوجی سربراہ نے آپریشن ضرب عضب کی کامیابی کا ذکر کرتے ہوئے کہا کہ چند سال پہلے ہم روزانہ کی بنیاد پردہشت گردی کاشکار تھے تاہم دو سال قبل شروع ہونے والے آپریشن ضرب عضب میں اپنے اہداف حاصل کرلیے ہیں۔جو تینوں مسلح افواج کے درمیان باہمی تعاون کا نتیجہ ہے۔ جس میں انیس ہزار آپریشنز کے ذریعے فوجی جوانوں نے دہشت گردی پر قابو پایا۔
اُن کے خطاب میں یہ بات خاص طور پر محسوس کی گئی کہ اُنہوں نے آپریشن ضرب عضب کی کامیابی میں مسلح افواج کے درمیان باہمی تعاون کا تو ذکر کیا۔مگر حکومت کی معاونت کا کوئی ذکر نہیں کیا۔ فوجی سربراہ نے اپنے خطاب میں واضح طور پر پھر دہرایا کہ پورے ملک میں نیشنل ایکشن پلان پر یکساں عمل کرنا ہوگا۔ اُنہوں نے زور دے کر کہا کہ قوانین ا ور نظام انصاف کی اُن کمزوریوں کو دور کیا جائےجو دہشت گردی کے مکمل سدِ باب میں رکاوٹ ہیں۔ سنگین جرائم، کرپشن اور دہشت گردی کا گٹھ جوڑ مکمل امن کے حصول میں ایک بڑی رکاوٹ اور معاشرے میں عدم اطمینان کا سبب ہے۔ اِ سے دور کرنے کرنے کے لیے نظام میں موثر اور دوررس اصلاحات کی ضرورت ہے۔
فوجی سربراہ جنرل راحیل شریف نے مقبوضہ کشمیر میں جاری بھارتی مظالم پر بات کرتے ہوئے کہا کہ وہاں کے عوام اپنے حقوق مانگنے کی پاداش میں ایک بار پھر بدترین ریاستی دہشت گردی اور جبر کانشانا بنے ہوئے ہیں۔ اُنہوں نے کہا کہ کشمیر ہماری شہہ رگ ہے اور پاکستان تحریک آزادی کی حمایت جاری رکھے گا۔ اُنہوں نے کہا کہ ہم کشمیریوں کی قربانیوں کو سلام پیش کرتے ہیں۔
جنرل راحیل شریف نے اس موقع پر پاک چین اقتصادی راہداری کے حوالے سے ہونے والی سازشوں پر بھی بھارت کو خبردار کیا ۔اُنہوں نے کہا کہ سی پیک پورے خطے کی خوشحالی میں مددگار ثابت ہوگا اور کسی طاقت کو سی پیک کے راستے میں رکاوٹ بننے نہیں دیں گے۔انھوں نے پاکستان کے دشمنوں پر واضح کیا کہ ہم دوستی نبھانا بھی جانتے ہیں اور دشمنی کا قرض اتارنا بھی آتا ہے۔ اگر ہم جیت سکتے ہیں توجیت کی حفاظت بھی کرسکتے ہیں۔
پاک فوج کے سربراہ نے گزشتہ دنوں کے سیاسی حالات کے تناظر میں یہ بھی کہا کہ کہ بعض عناصر افواج پاکستان کے بارے میں بدگمانی پیدا کرنا چاہتے ہیں۔
اس سے قبل پاک فوج کے چاق و چوبند دستے کی پریڈ ہوئی جس کے بعد فوجی سربراہ جنرل راحیل شریف نے یادگار شہداء پر پھول چڑھائے اور فاتحہ خوانی کی۔تقریب میں آرمی چیف جنرل راحیل شریف، وزیردفاع خواجہ آصف اور اپوزیشن لیڈر خورشید شاہ سمیت دیگر اعلیٰ عسکری اور سول قیادت موجود تھی۔اس کے علاوہ تقریب میں فوجی افسران اور ان کے اہل خانہ کی بڑی تعداد بھی شریک تھی۔
یوم دفاع کی تقریبات کے حوالے سے یہ بات خاص طور پر محسوس کی گئی کہ وزیراعظم نوازشریف کہیں پر بھی موجود نہیں تھے۔ حیرت انگیز طور پر نوازشریف کی 6 ستمبر کو جو دومصروفیات سامنے آئیں، اُن میں سے ایک سینیگال کے صدر مکی سال اور دوسری آزاد جموں وکشمیر کی خاتون رکن سحرش قمر سے ملاقاتیں تھیں۔
وزیراعظم محمد شہباز شریف نے وزیر خارجہ اسحاق ڈار کو نائب وزیراعظم مقرر کر دیا۔وزیراعظم نے وزیر خارجہ اسحاق ڈار کو نائب وزیراعظم مقرر کرنے کی منظوری دی۔کابینہ ڈویژن نے اس ضمن میں نوٹیفیکیشن جاری کر دیا ہے ۔وزیر خارجہ اس وقت وزیراعظم کے ہمراہ سعودی عرب کے دورے پر ہیں۔ حکومت پاکستان...
وزیراعظم شہبازشریف اور عالمی مالیاتی ادارہ (آئی ایم ایف) کی منیجنگ ڈائریکٹر کرسٹالینا جارجیوا کے درمیان سعودی عرب میں جاری عالمی اقتصادی فورم کے اجلاس کے دوران غیررسمی اہم ملاقات ہوئی جہاں پاکستان کے ایک اور قرض پروگرام میں داخل ہونے کے حوالے سے تبادلہ خیال کیا گیا۔تفصیلات کے مطا...
غزہ کے مظلوم فلسطینیوں کی حمایت میں امریکا سے شروع ہونے والا طلبہ کا احتجاج مزید وسیع ہوگیا ہے ۔ غیرملکی خبررساں ادارے کے مطابق اب برطانیہ، اٹلی، فرانس اور آسٹریلیا کے طلبہ بھی میدان میں آگئے ، انہوں نے اسرائیلی کمپنیوں سے تعلقات منقطع کرنے کی حمایت کی ہے۔ ادھر کولمبیا یونیورسٹی ...
حساس ادارے نے چھاپہ مار کارروائی میں کراچی اور بلوچستان کی پولیس کو انتہائی مطلوب دہشت گرد سمیت 3 افراد کو گرفتار کر کے اسلحہ برآمد کر لیا، گرفتار دہشت گرد کالعدم بی ایل اے کے لیے ریکی اور دہشت گردی کی متعدد واردتوں میں ملوث رہا ہے۔ تفصیلات کے مطابق دہشت گرد اور اس کے ساتھی کو اب...
درآمد شدہ گندم مقررہ ضرورت و اجازت سے زائد منگوائے جانے اورپرائیویٹ سیکٹر کو نوازے جانے کا انکشاف ہوا ہے ،بیوروکریسی کے غلط فیصلوں سے قومی خزانہ کو ایک ارب ڈالر کے نقصان کا سامنا ہے ۔ ذرائع کے مطابق نیشنل فوڈ سکیورٹی نے ضرورت سے زیادہ گندم ہونے کے باوجود 35 لاکھ 87 ہزار ٹن گندم د...
سکھ فار جسٹس نے بھارتی وزیر اعظم نریندر مودی کے خلاف عالمی عدالت میں جانے کا اعلان کیا ہے ۔غیرملکی خبررساں ادارے کے مطابق امریکا میں بھارت کی ناکام قاتلانہ سازش کا شکار سکھ رہنما گرپتونت سنگھ پنوں نے ایک بیان میں کہا ہے کہ وہ بھارتی وزیر اعظم مودی کے خلاف عالمی عدالت میں جائیں گے...
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...