... loading ...
... loading ...
سپریم کورٹ کے واضح احکامات کے باوجود محکمہ صحت سندھ میں خلاف ضابطہ تقرریاں کی گئی ہیں۔جس سے منظور نظر افسران کی چاندی ہوگئی ہے۔
تفصیلات کے مطابق محکمہ صحت سندھ میں بعض منظور نظر افسران کی مختلف عہدوں پر خلاف ضابطہ تقرریاں کی گئی ہیں جبکہ یہ افسران ان عہدوں کے اہل بھی نہیں ہیں۔ ان افسران میں خاص کر سیکشن افسر ابراہیم میمن ہیں جو کہ دراصل گریڈ 17 کے افسر ہیں لیکن ان کو ڈپٹی سیکرٹری ایڈمن کے انتہائی اہم منصب پر تعینات کردیا گیا ہے، وہ بھی آن پے اسکیل ( OPS ) جس کی سپریم کورٹ نے سختی سے ممانعت کی ہے۔حیرت انگیز بات یہ ہے کہ موجودہ سیکرٹری ہیلتھ ڈاکٹر عثمان چاچڑ (جو کہ اس سے قبل سیکرٹری سروسز تھے) کی ڈاکٹر عطا پنہور کیس میں دوران سماعت سپریم کورٹ نے سخت سرزنش کی تھی اور ان پر معزز عدلیہ نے اپنی برہمی کا اظہار کیا تھا۔ذرائع کے مطابق ڈاکٹر عطا پنہور مرکزی حکومت کے ملازم تھے جنہیں اعلیٰ بیورو کریسی نے صوبائی حکومت کے ادارے ملیر ڈیولپمنٹ اتھارٹی ( MDA ) میں ڈائریکٹر کی حیثیت سے تعینات کر دیا تھا جس کی سپریم کورٹ نے اپنی سماعت کے دوران سخت سرزنش کی تھی اور ان کی خدمات کو دوبارہ مرکزی حکومت کے سپرد کرنے کے احکامات جاری کئے تھے اور سپریم کورٹ کے ان احکامات کی بجا آوری بھی کی گئی تھی مگر اب جبکہ ڈاکٹر عثمان چاچڑ سیکرٹری صحت سندھ تعینات ہیں ،ایک مرتبہ پھر اپنے محکمہ میں سپریم کورٹ کے احکامات کی خلاف ورزی کرتے ہوئے سیکشن افسر ابراہیم میمن کی خلاف ضابطہ بطور ڈپٹی سیکرٹری ایڈمن تقرری کے خلاف کوئی کارروائی کرنے سے مسلسل گریزاں ہیں۔
اسی طرح ذرائع کے مطابق ایک اورنان کیڈر افسر ڈاکٹر اظہار شاہ کو بھی ایک کیڈر پوسٹ پر ڈپٹی سیکرٹری پبلک ہیلتھ، محکمہ صحت میں تعینات کیا گیا ہے جبکہ موصوف محکمہ صحت میں او ایس ڈی ہیں اور اپنی تنخواہ ٹھٹھہ کے سول ہسپتال سے لے رہے ہیں۔اس کے علاوہ تیسرے افسر سکندر میمن ہیں جو پچھلے کئی سالوں سے محکمہ صحت میں سیکشن افسر کے عہدے پر براجمان ہیں اور سندھ کے تمام ہسپتالوں میں میڈیکو لیگل سیکشن کو ڈیل کر رہے ہیں جبکہ موصوف باقاعدہ سیکریٹریٹ ملازم نہیں ہیں اور اپنی تنخواہ ڈائریکٹر ہیلتھ سروسز کراچی سے لے رہے ہیں ان کی پوسٹنگ ڈائریکٹر پبلک ہیلتھ کراچی میں ہے مگر حیرت انگیز طور پر محکمہ صحت میں بطور سیکشن افسر پورے سندھ کے میڈیکو لیگل افسران کو ڈیل کر رہے ہیں۔
اسی طرح چوتھی خلاف ضابطہ تقرری ڈاکٹر ندیم شیخ کی ہے جو نرسنگ بورڈ میں تعینات تھے جہاں سے انہیں فارغ کر دیا گیا تھا آج کل او ایس ڈی ہیں لیکن محکمہ صحت سندھ کی انکوائری کمیٹی کے ممبر ہیں اور گریڈ سولہ سے بیس تک کے افسران کی فائلوں کو چیک کرتے ہیں۔
اسی طرح سندھ حکومت کے بعض ذرائع نے اپنی تشویش کا برملا اظہار کرتے ہوئے روزنامہ جرات کے انویسٹی گیشن سیل کو بتایا کہ علی حسن ناریجو دراصل اسٹینو گرافر ہیں مگر انہیں بھی بطور سیکشن افسر محکمہ صحت سندھ تعینات کیا گیا ہے اور وہ اسپیشلسٹ کیڈر کے ڈاکٹروں کو ڈیل کر رہے ہیں۔
ذرائع کے مطابق مذکورہ بالا تمام خلاف ضابطہ تقرریاں گزشتہ سیکرٹری ہیلتھ احمد بخش ناریجو کے دور میں کی گئی تھیں۔ سیکرٹریٹ میں ٹرانسفر ، پوسٹنگ اور لمبی چھٹیوں پر پابندی کے باوجود مذکورہ افسران خلاف ضابطہ اپنے عہدوں پر کام کر رہے ہیں اور ان ہی غیر قانونی تقرریوں کی وجہ سے محکمہ صحت میں رشوت ستانی اور بدعنوانی اپنے عروج پر ہیاور مختلف مدات میں افسران اور دیگر ملازمین سے ان کے محکمہ جاتی کاموں کے حوالے سے لاکھوں روپے بٹورے جا رہے ہیں۔
علاوہ ازیں محکمہ صحت سندھ میں لمبی چھٹیوں کے حوالے سے بھی خاصی بے ضابطگیاں پائی جاتی ہیں۔ ذرائع کے مطابق عمرہ اور حج کے لیے جانے والے ڈاکٹرز اور عملے کو تو چھٹیاں دینے میں خاصی پس و پیش سے کام لیا جاتا ہے مگر ایسے ڈاکٹرز بھی ہیں جو خلیجی اور دیگر ممالک کے ہسپتالوں میں ملازمتیں کر رہے ہیں جن کی چھٹیوں میں لاکھوں روپوں کے عوض ایک سال کی توسیع کر دی گئی ہے جس کے روزنامہ جرات کے انویسٹی گیشن سیل کے پاس تحریری ثبوت بھی موجود ہیں۔
واضح رہے کہ سپریم کورٹ کے احکامات کے باوجود ان تمام خلاف ضابطہ تقرریوں تبادلوں اور بدعنوانیوں کے حوالے سے اینٹی کرپشن ، نیب اور دیگر تحقیقاتی اداروں نے حیرت انگیز طور پر اس طرف سے اپنی آنکھیں بند کی ہوئی ہیں۔ ان اداروں کی خاموشی کو خاص وعام حلقوں میں معنی خیز سمجھا جا رہا ہے ، جبکہ سندھ سیکریٹریٹ ملازمین میں ان غیر قانونی تقرریوں کی وجہ سے خاصا اشتعال پایا جاتا ہے۔ ان ملازمین نے ذمہ داروں کے خلاف کارروائی کا مطالبہ کیا ہے ،مذکورہ بالا خلاف ضابطہ تقرریوں کے حوالے سے روزنامہ جرات انویسٹی گیشن سیل نے اسپیشل سیکرٹری ہیلتھ غلام حسین میمن سے ان کا موقف جاننے کے لیئے متعدد مرتبہ ان کے نمبر پر رابطہ کرنے کی کوشش کی لیکن انہوں نے کوئی جواب نہیں دیا جبکہ پی ایس ٹو سیکرٹری ہیلتھ محمد علی شیخ نے جرات کو بتایا کہ اس حوالے سے اسپیشل سیکرٹری ہیلتھ ہی جواب دیں گے۔
نوٹ: ” یہ رپورٹ آج روزنامہ جرات کراچی میں شائع ہوئی ، جو “وجود” سے ہی منسلک ایک ادارہ ہے۔”
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
