... loading ...
... loading ...
متحدہ قومی موومنٹ کے رہنما اور پاکستان میں اپنے مختلف کرداروں کے باعث تنازعات میں گھرے رہنے والے ڈاکٹر عامر لیاقت نے ایک مرتبہ پھر ٹی وی کے براہ راست ٹاک شو میں اچانک ایم کیوایم کو چھوڑنے کااعلان کردیا ہے۔وہ اے آر وائی کے پروگرام “آف دی ریکارڈ میں ” کاشف عباسی کے تابڑ توڑ سوالات میں تھکے تھکے اور اکتائے ہوئے لہجے میں ایک موقع پر اچانک بول پڑے کہ میں ایم کیوایم میں مزید نہیں رہ سکتا۔ ڈاکٹر عامر لیاقت مذکورہ پروگرام میں اینکر کے سوالات کو نبھا نہیں پارہے تھے۔ اپنی طاقت لسانی پر ہمیشہ نازاں رہنے والے ڈاکٹر عامر لیاقت حسین کے لیے اس بات کی وضاحت دشوار ہو گئی تھی کہ اب ایم کیوایم کے قائد الطاف حسین کا پارٹی میں مقام کیا ہوگا؟
واضح رہے کہ ڈاکٹر عامر لیاقت حسین 22 اگست کو رینجرز کی تحویل میں لے لیے گئے تھے۔ اور وہ ایم کیوایم کے قائد الطاف حسین کے خطاب میں انتہائی اشتعال انگیز گفتگو کا انتہائی جوش وخروش سے دفاع کررہے تھے۔ یہ بات اُن کے وہم وگمان میں بھی نہیں تھی کہ وہ رینجرز کی تحویل میں بھی لیے جاسکتے ہیں۔اُنہیں جب اگلے روز 23 اگست کو سہ پہر رہا کیا گیا تو اُن سے ایک ٹیلی ویژن پر اُن کی رائے پوچھی گئی تووہ بے حد اکتائے ہوئے لہجے میں گفتگو کررہے تھے۔ مگر اُنہوں نے اُس موقع پر رینجرز کے حسن سلوک کی تعریف ضرور کی ۔ کاشف عباسی کے پروگرام میں بھی وہ رینجرز کے حسن سلوک کی تعریف کرنے سے نہیں چوکے۔ مگر وہ کافی دلبرداشتہ نظر آئے۔اور ایک موقع پر یہ اعلان کردیا کہ وہ ایم کیوایم چھوڑ رہے ہیں۔ بعدازاں اُنہیں فوراً ہی جیو کے نیوز بلیٹن میں لیا گیا ۔جہاں اُنہوں نے کہا کہ مجھے لگتا ہے کہ میں غدار ہو گیا ہوں ۔میں غدار نہیں ہوں ۔ وہ جیو سے بات کرتے ہوئے رونے لگے کہ میں غدار نہیں ہوں ۔ اس پر اُن سے پوچھا گیا کہ کیا گزشتہ رات آپ سے کسی نے ایسا کہا ، یا ایسی کوئی بات ہوئی کہ آپ ایسا کہہ رہے ہیں کہ میں غدار نہیں ہوں۔ ڈاکٹر عامر لیاقت پہلے سے رینجرز کی تحویل میں زیادہ بہتر سلوک کے متعلق باربار اظہار کرتے رہے ہیں۔ مگر عامر لیاقت کی جانب سے میں غدار نہیں ہوں کی ایک اور طرح سے تشریح کرنے کی کوشش کی گئی۔اس کے بعد ڈاکٹر عامر لیا قت نے شاہ زیب خانزادہ سے بات چیت کرتے ہوئے کہا کہ میری کوئی اوقات نہیں میں نے دیکھ لیا۔ اگر مجھے زیادہ تنگ کیا گیا تو میں ملک چھوڑ دوں گا۔ڈاکٹر عامر لیاقت کے اس طرز گفتگو کی اب تک کوئی وضاحت نہیں ہو سکی کہ وہ دراصل کہنا کیاچاہ رہے ہیں اور کیوں وہ خود کو اس قدر دباؤ میں محسوس کررہے تھے۔
واضح رہے کہ ڈاکٹر عامر لیاقت چند برس قبل ایم کیوایم سے علیحدہ ہو گئے تھے۔ اور اس کے لیے اُنہوں نے قادیانیوں کے لیے ایم کیوایم کے قائد کے دل میں موجود نرم گوشے کو بنیا دبنایا تھا۔ اور ناموس رسالت ؐ کے حوالے سے اپنی وابستگی کا جواز بنا کر علیحدگی اختیار کر لی تھی۔ اس علیحدگی کے حوالے سے ایم کیوایم کے اندرونی حلقوں میں کافی کہانیا ں بھی گردش کرتی رہیں۔ مگر بعدازاں وہ کچھ ہفتوں قبل ہی ایم کیوایم میں اچانک شامل ہوئے تھے۔ اور اُنہوں نے ایم کیوایم میں شامل ہوتے ہی نامعلوم وجوہات کی بناء پر گورنر سندھ ڈاکٹر عشرت العباد کو آڑے ہاتھوں لیا تھا۔ اوروہ مختلف مواقع پر گورنر سندھ کے خلاف لب کشائی کرتے رہتے تھے۔ جس پر یہ اندازے ظاہر کیے جانے لگے کہ اُن کے اس طرز عمل کی پشت پردراصل گورنر سندھ کا منصب حاصل کرنے کی تگ ودو ہے۔ مگر ایم کیو ایم کے موجودہ حالات میں اُن کا یہ خواب اب بکھر سا گیا ہے۔ حقیقت کچھ بھی ہو، ڈاکٹر عامر لیاقت نے آج ایم کیوایم سے علیحدگی اختیار کرتے ہوئے چند اشارے بھی دوٹوک طور پر دیئے ہیں ۔ جن میں سے سب سے اہم بات یہ ہے کہ لندن اور کراچی ایک صفحے پر نہیں ہے۔ اورجو کچھ ابھی نظر آرہا ہے ، ایسا نہیں ہے۔ اُنہوں نے یہ بھی کہا کہ کچھ دنوں میں چیزیں واضح ہو ں گی۔ ایم کیوایم اور اُن کے قائد کے باب میں اگلے کچھ دنوں میں کچھ چیزیں واضح ہو یا نہیں ، مگر یہ ایک حقیقت ہے کہ خود اُن کے بارے میں سب کچھ ان ہی دنوں میں واضح ہو گیا ہے۔
بغداد انٹرنیشنل ایئرپورٹ کے قریب وکٹوریہ بیس پر ڈرونز اور راکٹوں سے حملہ، آگ بھڑک اٹھی ،8 افراد زخمی ،عراقی مزاحمتی تنظیم کی امریکی سفارتخانے کو نشانہ بنانے کی کوشش،روسی ٹی وی کا دعویٰ امریکا اور اسرائیل کی جانب سے17 ویں روز ایران پر حملوں کا سلسلہ جاری ، اسرائیل کے وسطی علاقوں...
رقم کی وصولی کے سلسلہ میںخواتین دوکان کی چھت پرچڑھ گئیں جس سے کمزورچھت اچانک زمین بوس ہوگئی،ضلعی انتظامیہ متعدد کی حالت تشویشناک علاقہ بھرکی فضاسوگوار،وزیراعلیٰ پنجاب کانوٹس، رپورٹ طلب کرلی، لواحقین سے اظہارتعزیت بے نظیرانکم سپورٹ پروگرام کی رقم وصولی کے دوران دوکان کی چھت گر...
بروقت فیصلوں کی بدولت اس وقت ملک میں پیٹرولیم مصنوعات کی مناسب مقدار موجود ہے،شہباز شریف ملکی معیشت کے استحکام اور عوام کو ریلیف دینے کیلئے اقدامات کے حوالے سے جائزہ اجلاس میں بات چیت وزیراعظم شہباز شریف نے کہا ہے کہ حکومت پاکستان عالمی سطح پر جاری کشیدگی کے پیش نظر کسی بھی ق...
سروے میں 100فیصد موٹرسائیکل سوار دھوکا دینے میں ملوث نکلے ،ڈی آئی جی ٹریفک آئی جی سندھ کے احکامات پر عید کے بعد بڑے پیمانے پر کریک ڈاؤن کا فیصلہ کرلیا شہر قائد کے موٹرسائیکل سواروں نے ای چالان سسٹم کو بھی ہرادیا ، ڈی آئی جی ٹریفک نے انکشاف کیا سروے میں 100 فیصد موٹرسائیکل س...
اصفہان میں15 افراد شہید، کئی زخمی ہو گئے،لبنان میں حزب اللہ اور اسرائیلی فوج کے درمیان جھڑپیں جاری ،ایران معاہدہ کرنا چاہتا ہے موجودہ شرائط امریکا کیلئے قابل قبول نہیں ہیں، امریکی صدر ٹرمپ اسرائیل میںایرانی پاسداران انقلاب کے میزائل حملے سے بڑے پیمانے تباہی ، متعدد مقامات پر آگ...
کراچی اور سندھ کے خلاف منفی بات نہ کی جائے،میں سیاسی کارکن ہوں،ہم ہوں یا نہ ہوں، صوبہ اورشہر ہمیشہ قائم رہیں گے ، پروپیگنڈا نہیں کریں گے، وزیراعظم کے یوتھ پروگرام کو لایا جائے گا سوشل میڈیا ویڈیوبنا کر فنکار نہیں بنائیں، نوازشریف جیل جا سکتے ہیںملک کو نقصان نہیں پہنچاسکتے، میںغل...
اسرائیلی وزیر اعظم زندہ ہیں تو وہ ایرانی حملوں کا ہدف رہیں گے، بچوں کا قاتل قراردیتے ہوئے سخت بیان نیتن یاہو محفوظ اور ہلاکت سے متعلق خبریں بے بنیاد ہیں، اسرائیلی وزیر اعظم کے دفتر نے خبروں کو مسترد کردیا ایران کی پاسداران انقلاب نے اسرائیلی وزیر اعظم نیتن یاہو کے خلاف سخت بی...
مسلح افواج کی کارروائیوں میں 912 زخمی،دہشتگردوں کی44 پوسٹوں پر قبضہ 229 ٹینک، بکتر بند گاڑیاں اور توپیں تباہ کی گئیں، وزارت اطلاعات کا بیان آپریشن غضب لِلحق کے تحت پاکستان کی مسلح افواج کی کارروائیوں میں دہشتگردوں اور افغان طالبان کو بھاری جانی و مالی نقصان اٹھانا پڑا ہے۔ وز...
عراق کی مزاحمتی فورسز نے امریکا کا ری فیولنگ طیارہ مار گرایا ، امریکی طیارہ بردار بحری جہاز کو میزائلوں سے نشانہ بنانے کا دعوی ایران کے خلاف جاری فضائی بمباری کے دوران امریکی طیارہ مغربی عراق میں گرکر تباہ ہوگیا۔ایران کی ختم الانبیا سینٹرل ہیڈکوارٹر نے دعوی کیا ہے کہ عراق کی م...
بصورت دیگر 26 مارچ سے پٹرول پمپس کی بندش کا سلسلہ شروع ہو جائے گا 21 روپے پیٹرولیم لیوی بڑھائی، باقی 36 روپے فی لیٹر کس کی جیب میں گئے؟ آل پاکستان پیٹرولیم ڈیلرز ایسوسی ایشن (اے پی پی ڈی اے)نے حالیہ قیمتوں میں اضافے اور ڈیلرز کے مارجن میں عدم اضافے کے خلاف عیدالفطر کے بعد مل...
عمران خان کا علاج ذاتی معالجین کی نگرانی اور فیملی کی موجودگی میں شفاء انٹرنیشنل اسپتال میں فوری طور پر کرایا جائے تحریک انصاف کی منزل حقیقی آزادی ہے اور اس کے حصول تک جدوجہد جاری رہے گی،پریس کانفرنس سے خطاب وزیر اعلیٰ خیبرپختونخوا محمد سہیل آفریدی نے مطالبہ کیا ہے کہ سابق ...
شرارت کی سیاست نہیں قائد اعظم کی سیاست کریں گے،سندھ کی ترقی کے نقش قدم پر چلیں گے،نہال ہاشمی ایم کیو ایم والے ہمارے پاکستانی ہیں، ناراضگی چھوٹی چیز ہے ان کو منا لیں گے ، مزار قائد پر میڈیا سے گفتگو گورنر سندھ نہال ہاشمی نے کہا ہے کہ شرارت کی سیاست نہیں قائد اعظم کی سیاست کریں...
