... loading ...
متحدہ قومی موومنٹ (ایم کیو ایم) کے رہنما فاروق ستار نے اعلان کیا ہے کہ جماعت کو پاکستان کے اندر سے چلایا جانا چاہیے اور یوں واضح طور پر اشارہ کیا ہے کہ ایم کیو ایم میں ‘مائنس ون’ ہو چکا ہے یعنی اب جماعت پر الطاف حسین کا کنٹرول نہیں رہا، یا کم از کم متحدہ یہ تاثر دینے کی کوشش ضرور کر رہی ہے۔
گزشتہ روز کراچی پریس کلب کے باہر احتجاج سے خطاب کرتے ہوئے متحدہ کے قائد الطاف حسین نے پاکستان کو ناسور قرار دیا تھا اور پاکستان کے خلاف نعرے بھی لگوائے تھے۔ بعد ازاں مشتعل مظاہرین نے مختلف ٹیلی وژن چینلوں کے دفاتر پر حملے کیے، جن میں سب سے نمایاں اے آر وائی نیوز پر حملہ تھا جس میں ایک شخص ہلاک اور درجن بھر زخمی ہوئے۔
ان دونوں واقعات نے ملک بالخصوص کراچی کو ہلا کر رکھ دیا۔ گزشتہ شب فاروق ستار پریس کانفرنس کے ذریعے اپنا موقف پیش کرنے کے لیے آئے تو انہیں روک دیا گیا اور آٹھ گھنٹے رینجرز حراست میں رہنے کے بعد رہا کیا گیا۔ جس کے بعد منگل کی شام میں اسی مقام یعنی پریس کلب کراچی میں فاروق ستار نے موقف پیش کیا، اس وضاحت کے ساتھ کہ یہ وہی موقف ہے، جو گزشتہ شب پیش کیا جانا تھا اور اسے ہرگز یہ نہیں سمجھا جائے کہ کسی بیرونی یا بالائی دباؤ کے زیر اثر ہے۔
فاروق ستار نے سب سے پہلے گزشتہ روز کے واقعات پر افسوس اور معذرت کا اظہار کیا اور کہا کہ یہ واقعات ہرگز پیش نہیں آنے چاہیے تھے، جس کے بعد انہوں نے قبول کیا کہ الطاف حسین ذہنی تناؤ کی وجہ سے ایسی کیفیت میں ہیں، جس کی وجہ سے متحدہ ان کے ایسے بیانات کی متحمل نہیں ہو سکتی۔ اس لیے متحدہ کو صرف پاکستان سے چلایا جانا چاہیے۔ فاروق ستار کے الفاظ میں کہ “اگر ایسے بیانات کسی ذہنی دباؤ کا نتیجہ ہیں تو پہلے اس مسئلے کو حل کرنے کی ضرورت ہے۔ ایم کیو ایم کے لیے یہ بہتر ہوگا کہ جب تک الطاف حسین کے صحت کے مسائل ٹھیک نہ ہوں، اسے پاکستان سے چلایا جائے۔” انہوں نے کہا کہ “ایم کیو ایم کا ہر کارکن، رہنما، ووٹر اور ہمدرد پاکستان مخالف نعروں کی مذمت کرتا ہے اور ہم ایسا دوبارہ نہیں ہونے دیں گے۔”
اس موقع پر فاروق ستار نے گزشتہ روز شہر میں ہونے والے پرتشدد واقعات، میڈیا ہاؤسز پر حملوں سے مکمل طور پر اظہار لاتعلقی کیا اور کہا کہ کسی بھی عسکریت پسند یا عسکریت پسند ونگ کی کوئی گنجائش ایم کیو ایم میں نہیں ہے۔ انہوں نے اے آر وائی پر حملے کا الزام شرپسند عناصر پر لگایا۔
اس موقع پر عامر لیاقت حسین، خواجہ اظہار الحسن، نسرین جلیل، خالد مقبول صدیقی، آصف حسین اور دیگر بھی موجود تھے۔
قبل ازیں متحدہ قومی موومنٹ نے الطاف حسین کی جانب سے ایک بیان جاری کیا جس میں انہوں نے چیف آف آرمی اسٹاف جنرل راحیل شریف اور ڈائریکٹر جنرل رینجرز میجر جنرل بلال اکبر سے معذرت کی۔ یہ بیان متحدہ کے رہنما واسع جلیل نے ٹوئٹر پر جاری کیا جس میں الطاف حسین نے کہا کہ “اپنے ساتھیوں کے ماورائے عدالت قتل اور مسلسل گرفتاریوں اور مشکلات دیکھ کر شدید ذہنی تناؤ کا شکار ہوا، جس کے دباؤ میں پاکستان کے خلاف الفاظ استعمال کیے۔ “میں شدت جذبات سے مغلوب ہو کر وہ الفاظ ادا کر بیٹھا جو مجھے ہرگز ہرگز استعمال نہیں کرنے چاہیے تھے۔ میں اس پر نادم ہوں اور پاکستان کے عوام، مسلح افواج، جنرل راحیل شریف اور جنرل بلال اکبر سے معافی کا طلب گار ہوں۔”
الطاف حسین نے مطالبہ کیا کہ “میرے ان الفاظ کی سزا ایم کیو ایم اور اس کے کارکنوں کو نہ دیں۔”
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...