... loading ...
... loading ...
پاک فوج کےشعبہ تعلقات عامہ کے سربراہ لیفٹیننٹ جنرل عاصم سلیم باجوہ نے ذرائع ابلاغ سے گفتگو کرتے ہوئے کہا ہے کہ منصف اعلیٰ سندھ سجاد علی شاہ کے صاحبزادے اویس شاہ کو کالعدم تحریک طالبان سے الگ ہونے والے ایک گروپ نے اغوا کیا تھا جس میں القاعدہ کے شریک ہونے کے بھی آثار دکھائی دیتے ہیں۔
اویس شاہ کی رات گئے بازیابی کے بعد صبح ذرائع ابلاغ کو تفصیلات مہیا کرتے ہوئے ڈی جی آئی ایس پی آر نے کہا کہ گزشتہ تین روز سے ہمارے پاس ایک مشتبہ گاڑی کے متعلق تکنیکی معلومات تھیں، جس کی بنیاد پر نگرانی کا عمل جاری تھا۔ اویس شاہ کی بازیابی کے لیے جس جگہ آپریشن کیا گیا وہ مفتی محمود چوک سے معروف ہے۔ یہ ٹانک کی طرف جاتے ہوئے راستے میں پڑتا ہے۔ یہاں سے ایک راستا ٹانک، ایک ژوب اور ایک راستا شہر کی طرف جاتا ہے۔ ان تینوں راستوں پر چیک پوسٹیں قائم کی گئی تھیں۔ لیفٹیننٹ جنرل عاصم سلیم باجوہ کے مطابق سیکیورٹی فورسز کو نیلے رنگ کی ایک مشتبہ گاڑی نظر آئی، پہلے سپاہی نے اسے روکنا چاہا تو ڈرائیور نے گاڑی کو دوسری سڑک پر چڑھانے کی کوشش کی، جس پر سیکیورٹی اہلکار نے نشانہ لگا کر فائرنگ کی اور ڈرائیور موقع پر ہی ہلاک ہوگیا، اس کے بعد دو دہشت گر پچھلے دروازے سے نکلے اور فائرنگ کرتے ہوئے بھاگنے کی کوشش کی، جنھیں موقع پرہلاک کردیا گیا۔مزید تفصیلات بتاتے ہوئے اُنہوں نے کہا کہ دوسری پارٹی نے گاڑی کی تلاشی لی تو اُنہیں برقعے میں ایک خاتون نظر آئیں، جب ان سے پوچھا گیا کہ اپنی شناخت کرائیں، تو وہاں سے کوئی آواز نہیں آئی، جب نقاب اٹھایا گیا تو وہاں خاتون کے بجائے ایک نوجوان نظر آیا جس کے کے منہ پر ٹیپ لگا ہوا تھا اور ہاتھ بندھے ہوئے تھے جبکہ پاؤں میں بھی زنجیر تھی۔جب ٹیپ ہٹایا گیا تو نوجوان نے بتایا کہ میں چیف جسٹس سندھ ہائی کورٹ کا بیٹا اویس شاہ ہوں۔ اس پر انہیں فوراً ہی قریبی چیک پوسٹ پر لے جایا گیا اور پھر زنجیر کو کاٹا گیا۔جس کے بعد اویس شاہ کو ٹانک سے خصوصی طیارے کے ذریعے کراچی لے جایا گیا۔جہاں اُنہیں رینجرز کی سیکورٹی میں گھر پہنچا دیا گیا۔
ڈی جی آئی ایس پی آر نے کہا کہ اویس شاہ کی بازیابی کے آپریشن کی قیادت انٹیلیجنس ایجنسی آئی ایس آئی کررہی تھی، جبکہ ایف سی اور سیکورٹی فورسز اس آپریشن میں اُن کے ساتھ شریک تھیں۔
اویس شاہ کو گزشتہ ماہ 20 جون کو کراچی کے علاقے کلفٹن میں واقع آغا سپر اسٹور کے باہر سے اغواکیاگیا تھا۔تقریباً ایک ماہ تک لاپتہ رہنے والے اویس شاہ کے اغوا کے حالات اور درمیانی عرصہ کے متعلق تاحال کچھ زیادہ معلومات کی فراہمی ممکن نہیں ہو سکی ہے۔اس دوران میں اغواکاروں کی جانب سے کوئی مطالبہ سامنے نہیں آیا۔ جس سے کبھی بھی یہ اندازا لگایا جاسکتا کہ اُنہیں اغواکرنے والے کون ہیں؟ کالعدم تحریک طالبان سے الگ ہونے والے جس گروپ کی نشاندہی ڈی جی آئی ایس پی آر کی جانب سے کی گئی ہے، اُ س کے متعلق بھی کوئی تفصیلی معلومات مہیا نہیں کی گئیں۔ تاحال اغوا کاروں کے متعلق معلومات ناکافی اور اُن کے اہداف سے متعلق آگاہی نہ ہونے کے برابر ہے۔ یہ سوال بھی اپنی جگہ نہایت اہم ہے کہ کراچی جو ایک طویل عرصے سے آپریشن سے دوچار ہے، وہاں سے منصف اعلیٰ سندھ کے صاحبزادے بیرسٹر اویس شاہ کے اغوا کی کامیاب واردات ممکن ہی کیونکر ہو سکی؟ اطلاعات کے مطابق ان تمام سوالات کے جواب تلاش کرنے کی کوشش کی جارہی ہے۔ اور یہ بھی جاننے کی کوشش کی جارہی ہےکہ اویس شاہ کراچی میں کن قوتوں کی مدد سے اغوا کیے گئے؟ اور قانون نافذ کرنے والے اداروں کی جانب سے ابتدا میں اس اغوا کے پیچھے سیاسی محرکات کی موجودگی کے تاثر کی حقیقت کیا ہے ؟
حکومت نے ایک بار پھر عوام پر بجلی گرا دی ، قیمت میں مزید ایک روپے 47 پیسے اضافے کی منظوری دے دی گئی۔نیپرا ذرائع کے مطابق صارفین سے وصولی اگست، ستمبر اور اکتوبر میں ہو گی، بجلی کمپنیوں نے پیسے 24-2023 کی تیسری سہ ماہی ایڈجسمنٹ کی مد میں مانگے تھے ، کیپسٹی چارجز کی مد میں31ارب 34 ک...
وزیر اعلیٰ خیبر پختونخوا علی امین گنڈا پور نے وفاقی حکومت کو صوبے کے واجبات اور لوڈشیڈنگ کا مسئلہ حل کرنے کے لیے 15دن کا وقت دے دیا۔صوبائی اسمبلی میں خطاب کرتے ہوئے علی امین گنڈا پور نے کہا کہ آپ کا زور کشمیر میں دیکھ لیا،کشمیریوں کے سامنے ایک دن میں حکومت کی ہوا نکل گئی، خیبر پخ...
اڈیالہ جیل میں 190 ملین پائونڈ کیس کی سماعت کے دوران عمران خان کی اہلیہ بشریٰ بی بی شدید غصے میں دکھائی دیں جبکہ بانی پی ٹی آئی بھی کمرہ عدالت میں پریشان نظر آئے ۔ نجی ٹی و ی کے مطابق اڈیالہ جیل میں بانی پاکستان تحریک انصاف کے خلاف 190 ملین پائونڈ ریفرنس کی سماعت ہوئی جس سلسلے می...
پاکستان تحریک انصاف نے انتخابات میں اداروں کے کردار پر جوڈیشل کمیشن کے ذریعے تحقیقات کرانے کا مطالبہ کردیا۔ ایک انٹرویو میں قائد حزب اختلاف عمر ایوب نے کہا کہ متحدہ قومی موومنٹ، پیپلز پارٹی اور مسلم لیگ (ن)نے فارم 47 کا فائدہ اٹھایا ہے ، لہٰذا یہ اس سے پیچھے ہٹیں اور ہماری چوری ش...
پاکستان انٹر نیشنل ایئر لائن(پی آئی اے ) کی نجکاری میں اہم پیش رفت ہوئی ہے اور مختلف ایئرلائنز سمیت 8 بڑے کاروباری گروپس کی جانب سے دلچسپی ظاہر کرتے ہوئے درخواستیں جمع کرادی ہیں۔پی آئی اے کی نجکاری میں حصہ لینے کے خواہاں فلائی جناح، ائیر بلیولمیٹڈ اور عارف حبیب کارپوریشن لمیٹڈ سم...
کراچی کے علاقے لائنز ایریا میں بجلی کی طویل بندش اور لوڈشیڈنگ کے خلاف احتجاج کیا گیا تاہم کے الیکٹرک نے علاقے میں طویل لوڈشیڈنگ کی تردید کی ہے ۔تفصیلات کے مطابق شدید گرمی میں بجلی کی طویل لوڈشیڈنگ کے خلاف لائنز ایریا کے عوام سڑکوں پر نکل آئے اور لکی اسٹار سے ایف ٹی سی جانے والی س...
جمعیت علمائے اسلام کے امیر مولانا فضل الرحمٰن نے پاکستان تحریک انصاف کے ساتھ اتحاد کا اشارہ دے دیا۔بھکر آمد پر میڈیا سے گفتگو کرتے ہوئے مولانا فضل الرحمن نے کہا کہ انتخابات میں حکومتوں کا کوئی رول نہیں ہوتا، الیکشن کمیشن کا رول ہوتا ہے ، جس کا الیکشن کے لیے رول تھا انہوں نے رول ...
وزیراعظم محمد شہبازشریف نے کہا ہے کہ آزاد کشمیر میں احتجاجی تحریک کے دوران شر پسند عناصر کی طرف سے صورتحال کو بگاڑنے اور جلائو گھیرائوں کی کوششیں ناکام ہو گئیں ، معاملات کو بہتر طریقے سے حل کر لیاگیا، آزاد کشمیر کے عوام پاکستان کے ساتھ والہانہ محبت کرتے ہیں، کشمیریوں کی قربانیاں ...
ہائی کورٹ کے جج جسٹس محسن اختر کیانی نے شاعر احمد فرہاد کی بازیابی کی درخواست پر سماعت کرتے ہوئے ریمارکس دیے ہیں کہ میری رائے ہے کہ قانون سازی ہو اور گمشدگیوں میں ملوث افراد کو پھانسی دی جائے ، اصل بات وہی ہے ۔ جمعرات کو اسلام آباد ہائی کورٹ کے جسٹس محسن اختر کیانی نے مقدمے کی سم...
رہنما ایم کیو ایم مصطفی کمال نے کہا ہے کہ جج کے پاس وہ طاقت ہے جو منتخب وزیراعظم کو گھر بھیج سکتے ہیں، جج کے پاس دوہری شہریت بہت بڑا سوالیہ نشان ہے ، عدلیہ کو اس کا جواب دینا چاہئے ۔نیوز کانفرنس کرتے ہوئے رہنما ایم کیو ایم مصطفی کمال نے کہا کہ کیا دُہری شہریت پر کوئی شخص رکن قومی...
شکارپور میں کچے کے ڈاکو2مزید شہریوں کواغوا کر کے لے گئے ، دونوں ایک فش فام پر چوکیدرای کرتے تھے ۔ تفصیلات کے مطابق ضلع شکارپور میں بد امنی تھم نہیں سکی ہے ، کچے کے ڈاکو بے لگام ہو گئے اور مزید دو افراد کو اغوا کر کے لے گئے ہیں، شکارپور کی تحصیل خانپور کے قریب فیضو کے مقام پر واقع...
سندھ کے سینئروزیرشرجیل انعام میمن نے کہاہے کہ بانی پی ٹی آئی کی لائونچنگ، گرفتاری، ضمانتیں یہ کہانی کہیں اور لکھی جا رہی ہے ،بانی پی ٹی آئی چھوٹی سوچ کا مالک ہے ، انہوں نے لوگوں کو برداشت نہیں سکھائی، ہمیشہ عوام کو انتشار کی سیاست سکھائی، ٹرانسپورٹ سیکٹر کو مزید بہتر کرنے کی کوشش...
