... loading ...
پاکستانی ذرائع ابلاغ کی بھوک کو اپنی بے ہودگیوں سے غذا فراہم کرنے والی ماڈل گرل قندیل بلوچ کو اُس کے اپنے ہی بھائی نے مبینہ طور پر قتل کر دیا۔ فیس بک اور یوٹیوب پر پر ناگفتہ بہ ویڈیوز کے ذریعے اچانک شہرت پانے والی قندیل بلوچ نے پاکستانی ذرائع ابلاغ کو یرغمال اور پاکستانی سماج کو بے ہودگیوں سے کافی حد تک آلودہ رکھا۔ افسوس ناک طور پر اُس کی زندگی کی نظرانداز کیے جانے کے قابل کہانیوں کو اُن ٹی وی چینلز نے چسکے لے لے کر پیش کیا جس کے اپنے مالکان، ٹی وی اینکرز اور نیوز کاسٹرز ایسے ایسے اسکینڈ لز میں ملوث ہیں کہ اگر اُن کی کہانیاں منظر عام پر آجائیں تو عوام کانوں کو ہاتھ لگانے پر مجبور ہو جائیں۔ مگر اس کے باوجود منافقت سے لتھڑے یہ چہرے غربت کے پس منظر سے اپنی جہالت کے باعث اُبھرنے والی اس لڑکی کو کوئی صحیح سمت دکھانے کے بجائے اُس کی بے راہ روی اور کج ادائی کو اپنے اپنے ٹیلی ویژن کی بھوک ختم کرنے کے لیے استعمال کرتے رہے۔ اور اُسے اس حال تک پہنچا دیا کہ ایک غریب گھرانے کی اقدار کےجبر میں اُس کی گھر واپسی ناممکن بن جائے۔ اور مقتولہ کے لیے اپنی زندگی گزارنے کے راستے بے ہودگیوں کے علاوہ کوئی باقی ہی نہ رہے۔ ذرائع ابلاغ کی طرف سے مسلسل توجہ پانے اور انتہائی متنازع اور برابر کی بے ہودگیوں کے حامل خود کو “مفتی” کہلانے والے عبدالقوی کے تنازع کے بعد ماڈل گرل قندیل بلوچ کی اچانک اوپر تلے دوشادیوں کی کہا نیاں منظر عام پر آئیں ۔ جس کے بعد قندیل بلوچ نے وزارت داخلہ سے اپنی حفاظت کی درخواست کی۔
مگر اب اچانک یہ خبر منظر عام پر آئی ہے کہ قندیل بلوچ کو اُس کے بھائی نے ملتان میں قتل کردیا ہے۔ جسے ملتان پولیس “غیرت کے نام ” پر قتل باور کرارہی ہے۔ ملتان کے آرپی او(ریجنل پولیس افسر) نے وضاحت کی ہے کہ قندیل بلوچ گزشتہ ایک ہفتے سے ملتان کے علاقے گرین ٹاؤن، مظفر آباد میں رہائش پزیر تھیں، جہاں اُن کے بھائی نے اُنہیں مبینہ طور پر گلادبا کر قتل کردیا۔ پولیس کے مطابق قندیل بلوچ کا بھائی وسیم اُن کی تصاویر اور ویڈیوز کی وجہ سے ناراض تھا۔ واضح رہے کہ وسیم واقعے کے بعد سے فرار ہے۔
اطلاعات کے مطابق قندیل بلوچ نے وزارت داخلہ، وفاقی تحقیقاتی ادارے (ایف آئی اے) اور اسلام آباد کے سینئر سپرنٹنڈنٹ کے نام ایک خط میں اُنہیں تحفظ کی فراہمی کے علاوہ ان لوگوں کے خلاف کارروائی کا بھی مطالبہ کیا تھا، جو اُن کی پرانی شناختی دستاویزات کو منظر عام پر لائے تھے۔ مذکورہ دستاویزات کے مطابق قندیل بلوچ نے نہ صرف یہ کہ اوپر تلے دوشادیاں کی تھیں، بلکہ اُس کا اصل نام بھی قندیل بلوچ نہیں تھا۔ بعدازاں خود قندیل بلوچ نے کوٹ ادو کے رہائشی عاشق حسین نامی شخص سے اپنی شادی کا اعتراف کیا تھا اور اُس سے اپنا ایک بیٹا ہونے کا بھی اعتراف کر لیا تھا۔ جسے ذرائع ابلاغ مضحکہ خیز طور پر اپنے ایک بڑے کارنامے کے طور پرمنظرعام پر لائے تھے۔
قبل ازیں پشاور کے رہائشی شاہد بلوچ نے بھی دعویٰ کیا تھا کہ جولائی 2003 میں انھوں نے قندیل بلوچ سے کورٹ میرج کی تھی، لیکن ان کے خاندان والوں نے انھیں قبول نہیں کیا تھا، بعدازاں انھوں نے قندیل بلوچ کو طلاق دے دی تھی۔
قندیل بلوچ گزشتہ کچھ عرصے سے خبروں کی زینت بن گئی تھیں، پچھلے دنوں مفتی عبدالقوی کے ساتھ ان کی سیلفیز اور ویڈیوز منظر عام پر آنے کے بعد نہ صرف مفتی عبدالقوی کو ملک کے تمام سنجیدہ حلقوں کی طرف سے نشان تمسخر اور موضوع حقارت بنایا گیا تھا، بلکہ اُنہیں رویت ہلال کمیٹی کی رکنیت سے بھی ہاتھ دھونے پڑے تھے۔ اس کے فوراً بعد جیو ٹی وی کے ایک میزبان سہیل وڑائچ بھی اُس وقت شدید تنقید کا نشانہ بنے جب اُنہوں نے اپنے پروگرام “ایک دن جیو کے ساتھ ” میں قندیل بلوچ کی سوئمنگ پول کے علاوہ دیگر شاٹس پیش کیے۔ شوشل میڈیا نے اسے سہیل وڑائچ کے پروگرام کی گرتی ہوئی ریٹنگ کو دوبارہ حاصل کرنے کی بے ہودہ کوشش سے تعبیر کیا۔ شوشل میڈیا نے جیو پر نشر ہونے والے اس پروگرام کی بے ہودگیوں پر ایک عمومی تبصرہ یہ بھی کیا تھا کہ ” یوں لگتا ہےکہ ان کے اپنے گھر والے اس پروگرام کو شاید دیکھتے ہی نہیں، تب ہی تو وہ ان بے ہودگیوں کو بلاخوف و خطر پیش کررہے ہیں۔”
اگر چہ تنازعات میں زندگی کرنے والی قندیل بلوچ کی زندگی موت کے تنازع پر ختم ہو گئی ۔ مگر وہ اپنی زندی میں کتنے ہی ایسے چہروں کو بے نقاب کرنے کا باعث بنیں جو اپنے چہروں پر مختلف نقابیں اوڑھے رکھتے ہیں مگر اندر سے ہوس اور بدترین تحریص کے مارے ہوتے ہیں۔ قندیل بلوچ کو قتل کرنے والا صرف اُس کا تنہا بھائی نہیں، بلکہ وہ ذرائع ابلاغ بھی ہیں جس نے اُس کی پوری زندگی کو چٹخارے دار بنا دیا تھا۔ اور یوں اُس کے لیے ایک حقیقی زندگی گزارنے کا عمل ناممکن بنا دیا تھا۔ یہاں تک کہ خود اُس کی اپنے گھر میں واپسی کو بھی ممکن نہیں رہنے دیاتھا۔ اس قتل کے ذمہ دار وہ افراد بھی ہیں جو قندیل بلوچ کی زندگی کی آوارگیوں کو اُس کی آزادی کے نام پر جاری دیکھنا چاہتے تھے تاکہ اُس سے خود اپنی اباحیت پسندی کے لیے لذت کشید کر سکیں۔مگر جو یہ سمجھنے سے قاصر رہے کہ ایسی زندگی گزارنے والی خواتین زندگی نہیں گزارتیں بلکہ موت کا انتظار کرتی ہیں۔ وہ سماج کے لیے محض ایک چسکہ بن کر تو رہ سکتی ہیں مگر اس میں رچ بس نہیں پاتیں۔
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...
وزیرستان میں تعینات سیشن جج شاکر اللہ مروت کو نامعلوم افراد نے اغوا کرلیا جبکہ وزیراعلی نے نوٹس لے کر آئی جی کو بازیاب کرانے کی ہدایت جاری کردی۔تفصیلات کے مطابق سیشن جج وزیرستان کو ٹانک اور ڈیرہ اسماعیل خان کے سنگم سے نامعلوم افراد نے اسلحے کے زور پر اغوا کیا اور اپنے ہمراہ لے گ...
پاکستان تحریک انصاف میں پبلک اکانٹس کمیٹی کی چیئرمین شپ کے لیے پارٹی رہنمائوں کے درمیان اختلافات شدت پکڑتے جارہے ہیں۔تفصیلات کے مطابق چیئرمین پبلک اکانٹس کمیٹی کی تقرری کے معاملے پر تحریک انصاف کے رہنمائوں میں اختلافات اب منظر عام پر آگئے ہیں۔پی ٹی آئی رہنما اور سینیٹر شبلی فرا...
پاکستان مسلم لیگ (ن)کے رہنما اور سابق وفاقی وزیر خواجہ سعد رفیق نے کہا ہے کہ تحریک انصاف اسٹیبشلمنٹ سے مذاکرات کا مطلب اور خواہش پوری کرلے جبکہ پاکستان پیپلزپارٹی کے رہنما نے کہا ہے کہ تحریک انصاف ایک بار پھر فوج کو سیاسی میں دھکیل رہی ہے۔تحریک انصاف کے بانی چیئرمین کی جانب سے پا...
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...