... loading ...
... loading ...
امریکا کے شہر اورلینڈو میں ہم جنس پرستوں کے لئے مخصوص نائٹ کلب میں ایک مسلح شخص نے اچانک فائرنگ کرکے 50 افراد ہلاک اور 53 زخمی کر دیئے۔ پولیس کی جوابی کارروائی میں حملہ آور بھی مارا گیا جس کی شناخت افغان نژاد امریکی شہری عمر متین کے نام سے ہوئی ہے۔تفصیلات کے مطابق امریکی ریاست فلوریڈا کے شہر اورلینڈو میں مسلح شخص جسم سے بم باندھ کر ہم جنس پرستوں کے لئے مخصوص نائٹ کلب میں داخل ہوا اور اندھا دھند فائرنگ کردی جس کے نتیجے میں اندوہناک حادثہ رونما ہوا۔ اس دوران میں مسلح شخص نے نائٹ کلب کے اندر موجود متعدد افراد کو یرغمال بنائے رکھا ،تاہم پولیس کی جوابی کارروائی میں حملہ آور مارا گیا۔ بعد ازاں ریسکیو ٹیموں نے زخمیوں کو اورلینڈو کے مختلف اسپتالوں میں منتقل کردیا جہاں طبی عملے کے مطابق ان میں سے بعض کی حالت انتہائی تشویشناک ہے جس کے باعث ہلاکتوں میں اضافے کا خدشہ ظاہر کیا جارہا ہے۔
وقوعے کے فوراً بعد امریکی حکام اور ذرائع ابلاغ نے اسے دہشت گردی کے ذمرے میں قراردے دیا۔ اور اس پر غور شروع کردیا کہ یہ واقعہ ایک حملہ آور کے اکیلے ہی فائرنگ میں ملوث ہونے کا ہے ، یا پھر اس میں کوئی منظم اسلامی شدت پسند گروہ ملوث ہے۔ اگر چہ اس دوران ایسے کوئی شواہد نہیں ملےکہ فائرنگ کا واقعہ مقامی یا بین الاقوامی دہشت گردی کے کسی تانے بانے سے جڑا ہے۔ ابتدائی اطلاعات کے مطابق ایف بی آئی نے ان خطوط پر واقعے کی تحقیقات کا آغاز کردیا ہے۔
وائٹ ہاؤس کے ترجمان نے حملےکے فوری بعد بتایا کہ امریکی صدر براک اوباما اور نائب صدر جوبائیڈن کو اس حوالے سےفوراً ہی بریفنگ دےدی گئی ہےجس میں صدر کا کہنا تھا کہ انہیں تحقیقات کے ہر لمحے سے آگاہ رکھا جائے۔امریکی صدر اوباما نے فلوریڈا واقعے پر قوم سے خطاب میں حملے میں نشانہ بننے والے افراد کے خاندانوں سے اظہار ہمدردی کرتے ہوئے کہا کہ ہمارے لیے آج ایک برا دن ہے، واقعے پر امریکی گہرے دکھ میں ہیں۔ امریکی صدر نے کہا کہ حملے کی وجوہات کا تاحال کچھ علم نہیں ہو سکا لیکن اس کی دہشت گردی کی حیثیت سے تحقیقات جاری ہیں اور حقائق کا جائزہ لیا جارہا ہے۔ انہوں نے کہا کہ واقعے کا تمام پہلوؤں سے جائزہ لیا جائے گا اور تحفظ کے لیے تمام تر اقدامات کیے جائیں گے۔ اوباما نے اس موقع پر کہا کہ امریکا اپنی اقدار نہیں بدلے گا، امریکی شہریوں کا تحفظ ہماری اولین ترجیح ہے۔ امریکی صدر کا کہنا تھا کہ مشترکہ کوششوں سے دہشتگردی کا خاتمہ ممکن ہے۔ اس سلسلے میں اورلینڈو کے میئر سے بات ہوئی ہے، اورلینڈو حکام کی ہرممکن معاونت کریں گے۔
حملہ آور کے حوالے سے امریکی ذرائع ابلاغ نے اب تک جو اطلاعات فراہم کی ہے اُس کے مطابق حملہ آور کی شناخت 29 سالہ عمر متین کے نام سے ہوئی جو افغان نژاد امریکی شہری اور فلوریڈا کے شہر پورٹ سینٹ لوسی کا رہائشی ہے، وہ نیویارک میں پیدا ہوا اور اُس نے نیو جرسی کی رہائشی خاتون سے شادی کی۔اورلینڈو پولیس کے چیف کے مطابق حملہ آور ایک رائفل اور ایک پستول سے مسلح تھا اور اس نے اپنے ساتھ کسی قسم کا آلہ بھی باندھ رکھا تھا جبکہ حملے کے وقت کلب میں 300 سے زائد افراد موجود تھے۔امریکی ذرائع ابلاغ یہ دعویٰ بھی کررہے ہیں کہ فائرنگ کرنے والے شخص عمر متین نے نائٹ کلب میں فائرنگ سے قبل پولیس ایمرجنسی سروس پر کال کرکے داعش سے اپنی وابستگی کا اعلان بھی کیا تھا۔
حملہ آور عمر متین کے والد صدیقی متین نے ذرائع ابلاغ سے بات کرتے ہوئے کہا کہ اس افسوس ناک واقعے پر معذرت خواہ ہوں لیکن اس کا مذہب سے کوئی تعلق نہیں جب کہ میں خود بھی نہیں جانتا تھا کہ عمر اس طرح کی کارروائی کرنے جارہا تھا تاہم اس وقت پوری امریکی قوم کی طرح وہ بھی صدمے سے دوچار ہیں۔ انہوں نے کہا کہ کچھ دن پہلے ان کا بیٹا عمر اس وقت شدید غصے میں آگیا تھا جب اس نے میامی میں ہم جنس پرستوں کو بوس و کنار کرتے ہوئے دیکھا اور اس کو یہ حرکت انتہائی ناگوار گزری تھی۔
دوسری طرف عمر متین کی سابقہ بیوی نے اُس کی شخصیت پر روشنی ڈالتے ہوئے کہا ہے کہ عمر متین ایک پرتشدد شخصیت کا مالک تھا اوراس کی ذہنی صحت بھی درست نہیں تھی۔ عمر کی سابقہ بیوی کا کہنا تھا کہ وہ جب گھر آتا تو کبھی کپڑے دھونے اور دوسرے کاموں پرمجھے پیٹنا شروع کردیتا تھا۔ واضح رہے کہ 2 روز قبل بھی اورلینڈو میں ایک مسلح شخص نے میوزک کنسٹرٹ کے دوران فائرنگ کر کے امریکن ٹی وی کے مشہور پروگرام ’دی وائس‘ کی گلوکارہ کرسٹینا گریمی کو ہلاک کردیا تھا۔
ایران کے ساتھ ملاقات اچھی رہی ، جوہری معاملے کے علاوہ اکثر نکات پر اتفاق ہوا،امریکی بحریہ آبنائے ہرمز سے آنے جانیوالے بحری جہازوں کو روکنے کا عمل فوری شروع کر دے گی یہ عالمی بھتا خوری ہے امریکا کبھی بھتا نہیں دے گاجو کوئی غیر قانونی ٹول دے گا اسے محفوظ بحری راستا نہیں ملے گا، ای...
اسلام آباد میں ایران امریکا جنگ بندی مذاکرات بھارت پر بجلی بن کرگرے ہیں بھارت کی سفارتی ناکامی پر کانگریس نے نام نہاد وشوا گرو مودی کو آڑے ہاتھوں لے لیا پاکستان میں ایران امریکا جنگ بندی مذاکرات بھارت پر بجلی بن کرگرے ہیں۔ مودی کو ہرطرف سے تنقید کا سامنا ہے۔خلیجی جنگ کے تناظر...
مذاکرات ناکام ہوئے توہم اسرائیل میں ایسے ہی گھُس سکتے ہیں جیسے لیبیا اور کاراباخ میں داخل ہوئے تھے، اسرائیل نے سیزفائر کے دن بھی سیکڑوں لبنانی قتل کیے اسرائیل کو اس کی جگہ دکھائیں گے، فلسطینی قیدیوں کو سزائے موت دینے کا اسرائیلی فیصلہ اور ہٹلر کی یہودی مخالف پالیسیوں میں کوئی فر...
اسلام آباد میں تاریخ ساز بیٹھک، امریکا اور ایران میں مذاکرات کے 2 ادوار مکمل،فریقین محتاط،پرامید،کاغزات کا تبادلہ ،ٹیکنیکی گفتگو آج مذاکرات کے پہلے مرحلے میں امریکی اور ایرانی وفود کے درمیان علیحدہ علیحدہ ملاقاتیں ہوئیں، دوسرے مرحلے میں امریکی اور ایرانی وفود کے درمیان براہِ ر...
سعودی وزیر خزانہ کی وزیراعظم شہباز شریف سے ملاقات، مشرق وسطیٰ میں جاری کشیدگی کی وجہ سے بڑھتے ہوئے بیرونی دباؤ اور اخراجات کے پیش نظر پاکستان کو مالی مدد کا یقین دلایا پاکستان کی سعودی عرب سے مزید مالی امداد کی درخواست ، نقد ڈپازٹس میں اضافہ اور تیل کی سہولت کی مدت میں توسیع شا...
علاقائی کشیدگی میں کمی کیلئے سفارتی کوششیں مثبت پیشرفت ہیں، وزیراعلیٰ خیبرپختونخوا اسلام آباد مذاکرات پائیدار امن علاقائی استحکام کیلئے تعمیری کردار ہے، اجلاس سے خطاب وزیراعلیٰ خیبرپختونخوا محمد سہیل آفریدی نے حالیہ سفارتی کوششوں کو علاقائی کشیدگی میں کمی، پائیدار امن اور ع...
اسرائیل نے گزشتہ 40دنوں میں سے 36دن غزہ پر بمباری کی،عرب میڈیا 23ہزار 400امدادی ٹرکوں میں سے 4ہزار 999ٹرکوں کو داخلے کی اجازت ایران جنگ کے دوران اسرائیل نے گزشتہ 40 دنوں میں سے 36 دن غزہ پر بمباری کی۔عرب میڈیا کی رپورٹ کے مطابق اسرائیلی جارحیت کے نتیجے میں 107 فلسطینی شہید او...
امریکی وفد کی قیادت جے ڈی وینس کریں گے، امریکی ،ایرانی حکام کی بالمشافہ ملاقات کا امکان ایران کا وفد وزیر خارجہ عراقچی اور اسپیکر باقر قالیباف کی قیادت میں شریک ہوگا اسلام آباد میں ایران اور امریکا کے درمیان جنگ بندی سے متعلق اہم مذاکرات کا پہلا دور آج ہوگا، دونوں ممالک ے ا...
فول پروف سکیورٹی کے انتظامات ،ریڈزون سرکل میں پانچ کلومیٹر کی توسیع ، نئی چوکیاں بن گئیں،گاڑیوں کے داخلے پر پابندی ،اسکول بند وفاقی دارالحکومت میں بڑی بیٹھک کی بڑی تیاری، فول پروف سکیورٹی کے انتظامات کئے گئے ہیں۔ریڈزون سرکل میں پانچ کلومیٹر کی توسیع کر دی گئی، نئی چوکیاں بھی ب...
حکومت سندھ نے مارکیٹس، ہوٹلز، شادی ہالز کے نئے اوقات کار نافذکر دیے ،کمشنرز اور ڈپٹی کمشنرز کو سندھ پولیس کی مدد سے اپنے علاقوں میں احکامات پر عمل درآمد یقینی بنانے کی ہدایت شادی ہالزکو رات 8 سے 12 بجے تک تقریبات کی اجازت ، ہوٹلز اور فوڈ آؤٹ لیٹس شام 7 سے رات 11:30بجے تک کھلے ...
جماعت اسلامی کی پی پی رکن کی نشست اپوزیشن لیڈر سے آگے رکھنے پر تنقید جھگڑے پر اجلاس کچھ دیر کیلئے روکنا پڑا،میئر کراچیکی اراکین کو روکنے کی کوشش کراچی میں کے ایم سی سٹی کونسل اجلاس کے دوران جماعت اسلامی اور پیپلز پارٹی کے ارکان میں ہاتھا پائی ہوگئی، جھگڑے کے باعث اجلاس کچھ دی...
ڈیزل کی فی لیٹر نئی قیمت 385 روپے، پیٹرول کی نئی قیمت 366 روپے مقرر کردی پاکستان میں پیٹرول 55 روپے، ڈیزل 100 روپیفی لیٹر سستا ہو سکتا تھا، ذرائع وزیر اعظم کا پٹرول 12 روپے، ڈیزل 135 روپے سستا کرنے کا اعلان، ڈیزل کی فی لیٹر نئی قیمت 385 روپے مقرر، پٹرول کی نئی فی لیٹر قیمت 36...
