... loading ...
قومی احتساب بیورو نے بدعنوانی کے خلاف اپنی مہم کو مزید تیز کرتے ہوئے مختلف اداروں اور لوگوں کے خلاف نئی تحقیقات کی منظوری دے دی ہے جس میں جہانگیر صدیقی کے ادارے آزگرد نائن لمیٹڈ میں اندرونی تجارت (ان سائیڈر ٹریڈنگ) کا معاملہ بھی شامل ہے۔
نیب کے ایگزیکٹو بورڈ کا اجلاس چیئرمین قمر زمان چودھری کی قیادت میں نیب ہیڈ کوارٹر میں منعقد ہوا جس میں بدعنوانی کے کئی معاملات پر تحقیقات کے فیصلے کیے گئے جن میں آزگرد نائن لمیٹڈ کے حصص کی خریداری میں اندرونی تجارت اور نیشنل بینک کی جانب سے ایگری ٹیک کے حصص کی زیادہ قیمت پر خریداری کے خلاف معاملات شامل ہیں۔ ان دونوں معاملات میں قومی خزانے کو بڑے نقصانات پہنچے تھے۔
نیب نے گزشتہ سال اپنے ایگزیکٹو بورڈ اجلاس میں بھی اس کی منظوری دی تھی کہ آزگرد نائن کے حصص کی اندرونی تجارت کے خلاف تحقیقات کی جائیں گے جو بہت عرصے سے ایک ضروری قدم تھا مگرپراسرار وجوہات اور سیاسی اثرو دباؤ کے باعث اسے مسلسل ٹالا جارہا تھا۔ خو دنیب نے بدعنوانیوں کے میگا اسکینڈلز کی جو فہرست عدالت عظمیٰ میں جمع کرارکھی ہے، اُس میں جہانگیر صدیقی کا نام دو بڑے اسکینڈلز میں موجود ہے۔ جن میں این آئی ایل سی اور ایزگارڈ نائن کے مقدمات شامل ہیں۔ اس کے باوجود ان اسکینڈلز میں نیب نے مزید تحقیقات سے گریز کرتے ہوئے ایک عرصے سے اِسے التوا ء میں ڈالے رکھا تھا۔ جس کے باعث خود نیب کی آزادی پر سوالات اُٹھ رہے تھے۔
جہانگیر صدیقی کے زیر نگرانی یہ ہیرا پھیری اس قدر واضح تھی سیکورٹیز اینڈ ایکسچینج کمیشن آف پاکستان (ایس ای سی پی) نے بھی ادارے میں اندرونی تجارت اور قیمتوں میں ہیر پھیر کے معاملے پر جے ایس گروپ کے پانچ اداروں اور متعدد ملازمین کے خلاف فوجداری مقدمہ درج کیا تھا ۔
جے ایس گروپ کے اس ادارے نے نادہندہ ہونے کا اعلان کیا تھا اور خود پر لاگو قرضوں کو حاصل کرنے کے لیے اپنے حصص بینکوں اور مالیاتی اداروں کو 35 روپے فی حصص کے نرخ پر فراہم کیے، جو اصل قیمت سے کہیں زیادہ تھے۔ ایک اندازے کے مطابق صرف نیشنل بینک کو پہنچنے والا نقصان ہی 3.283 بلین روپے تھا جبکہ پاک برونائی انوسٹمنٹ کمپنی کو 0.9 بلین روپے کا نقصان اٹھانا پڑا تھا۔ مزید برآں، قرضے کی تبدیلی بھی کمپنیز آرڈیننس 1984ء کی دفعہ 87 کے تحت نہیں کی گئی تھی جس کے مطابق کسی بھی قرضے کے بقایا جات کے لیے حصص کی ادائیگی کل باقی قرضے کے صرف 20 فیصد کے طور پر کی جا سکتی ہے۔
احتساب بیورو کے اعلامیہ میں بدعنوانی میں شامل کئی دیگر ناموں کو بھی زیرتفتیش لانے کا کہا گیا ہے۔ جن میں لاہور ڈیولپمنٹ اتھارٹی (ایل ڈی اے) کے چیف میٹروپولیٹن آفیسر/سابق ڈائریکٹر جنرل شیخ عبد الرشید کے مفتی احسان الحق کے خلاف ریفرنس دائر کرنے اور ڈی جی سندھ بلڈنگ کنٹرول اتھارٹی (ایس بی سی اے)، کراچی منظور قادر اور میسرز ٹارمک پاک کمپنی کے ڈائریکٹرز و مالکان، سی اینڈ ڈبلیو ڈپارٹمنٹ کے افسران و حکام، حکومت پنجاب اور دیگر کے خلاف تحقیقات کرنے کی منظوری دی گئی۔ آزگرد نائن کے علاوہ سابق وائس چانسلر وفاقی جامعہ اردو، کراچی ڈاکٹر ظفر اقبال اور دیگر افسران و عہدیداران کے خلاف بھی تحقیقات کا اعلان کیا گیا۔
تاہم بدعنوانیوں پر تحقیقات کرنے والے بعض ماہرین کے مطابق جہانگیر صدیقی کے اداروں نے بدعنوانیوں کی نئی اقسام ایجاد کی ہیں اور اُن کی بدعنوانیوں کا حجم نیب کے طرف سے اعلان کردہ تمام ناموں سے مجموعی طور پر زیادہ ہیں۔ ذرائع کے مطابق آزگرد کے خلاف تحقیقات سے ہی یہ بات واضح ہو جائے گی جہانگیر صدیقی کے مختلف اداروں نے سرکاری اداروں کو کس طرح لوٹا ہے۔
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...