... loading ...
... loading ...
عمران خان نے لاہور کے جلسے میں ایک مرتبہ پھر رائیونڈ میں نواز شریف کے گھر پر دھرنا دینے کی تاریخ نہیں دی ، مگر تحریک انصاف کے کارکنوں کو اس کے لیے کسی بھی وقت تیار رہنے کا اشارہ ضرور دیا۔ تاہم تحریک انصاف نے حکومت پر دباؤ بڑھانے کے لیے اپنی تحریک کو جاری رکھنے کی غرض سے تیسرا جلسہ اگلی اتوار کو فیصل آباد میں کرنے کا اعلان کردیا۔ عمران خان نے لاہور جلسے میں اپنے خطاب میں یہ بات واضح کردی کہ وہ نوازشریف کا ایک مرتبہ پھر گھیراؤ کرنے کاارادہ رکھتے ہیں۔ اور اُن کے ذہن میں نوازشریف سے استعفیٰ حاصل کرنے کا منصوبہ موجود ہے۔ چنانچہ اُنہوں نے اس موقع پر یہ اشارہ ضرور دیا کہ پاناما لیکس کے انکشافات کے بعد اب نوازشریف کے پاس اقتدار میں رہنے کا کوئی اخلاقی جواز باقی نہیں رہ جاتا۔ اُنہیں استعفیٰ دے کر گھر چلے جانا چاہئے۔
پاکستان تحریک انصاف کے چیئرمین عمران خان نے مزدوروں کے عالمی دن یکم مئی کے موقع پر لاہور چیئرنگ کراسنگ پر جلسے سےوزیراعظم نوازشریف کو مخاطب کرتے ہوئے کہا کہ میاں صاحب اگر پاناما لیکس کے معاملے پر کرپشن ثابت ہوئی تو آپ گھر نہیں جیل جائیں گے۔اُنہوں نے کہا کہ پاناما لیکس کے معاملے میں چار الزامات نوازشریف پر عائد ہوئے ہیں۔ جن میں ٹیکس چوری، منی لانڈرنگ ، ناجائز اثاثہ جات اور الیکشن کمیشن سے حقائق کا اخفاء شامل ہیں ۔ اور ان چاروں الزامات میں سزا ئیں متعین ہیں۔ عمران خان نے کہا کہ وزیراعظم پر یہ چار وں سنگین نوعیت کے الزامات عائد ہوئے ہیں، انہیں خود کو بے قصور ثابت کرنا پڑے گا۔
صوبہ پنجاب کے دارالحکومت لاہور میں پاکستان تحریک انصاف کے جلسے سے خطاب کرتے ہوئے انہوں نے کہا کہ پاکستان میں جمہوریت ہے،اس لیے وزیراعظم کو جواب دینا پڑے گا۔پاناما لیکس میں سب سے پہلے تحقیقات وزیر اعظم کے متعلق ہی ہوگی۔ پھر چاہے کسی کی بھی کر لی جائے۔ مگر جمہوری ممالک میں حکمران قانون کے سامنے سب سے پہلے جوابدہ ہوتے ہیں۔
عمران خان نے کہا کہ حکومت میں رہ کر پیسہ بنانا سب سے آسان کام ہے، نواز شریف کاروبار کرنے کے لیے حکومت میں آئے۔انہوں نے بتایا کہ ان کا مطالبہ ہے کہ چیف جسٹس کے ماتحت پاناما لیکس کے معاملے پر انکوائری کمیشن قائم کیا جائے اور وہ چاہتے ہیں کہ حزب اختلاف کی تمام جماعتیں ایک آواز میں انکوائری کمیشن کا مطالبہ کریں۔جس میں سب سے پہلے تحقیقات وزیراعظم اور اُن کے خاندان کی ہوں۔پی ٹی آئی چیئرمین نے واشگاف انداز میں کہا کہ ہمیں 200 نہیں، صرف وزیراعظم کا احتساب چاہیے، وہ حکومت کرنے کا اخلاقی جواز کھو چکے ہیں۔آپ کی جتنی مرضی ہو تحریک انصاف کے لوگوں کا احتساب کریں لیکن سب سے پہلے احتساب کا آغاز وزیراعظم سے ہوگا۔
واضح رہے کہ گزشتہ اتوار بھی اسلام آباد میں پی ٹی آئی نے جلسہ کیا تھا جس میں عمران خان نے صوبہ سندھ میں انسداد بدعنوانی تحریک کا اعلان کیا تھا۔اور لاہور میں جلسے کا بھی ساتھ ہی اعلان کیا تھا۔ اب مال روڈ پر ہونے والے جلسے میں عمران خان نے اگلی اتوار کو فیصل آباد میں جلسے کا اعلان کیا ہے۔
وزیر اعظم شہباز شریف نے ’ہر قیمت پر کسانوں کے مفادات کا تحفظ‘کرنے کا عہد کیا ہے ، جبکہ وفاقی حکومت میگا اسکینڈل کی جامع تحقیقات کرنے اور ذمہ داروں کے خلاف کارروائی کرنے سے گریزاں نظر آتی ہے ۔تفصیلات کے مطابق گزشتہ ہفتے درآمدات میں بے ضابطگیوں کی تحقیقات کے لیے بنائی گئی کمیٹی کے...
سعودی تجارتی وفد سرمایہ کاری کے باہمی تعاون کیلئے پاکستان پہنچ گیا۔ سعودی عرب کے نائب وزیر سرمایہ کاری ایچ ای ابراہیم المبارک کی قیادت میں 50ارکان پر مشتمل اعلیٰ سطحی تجارتی وفد پاکستان پہنچا۔ سرمایہ کاروں کے وفد کے دورہ پاکستان کے دور ان 10 ارب ڈالر تک کی سرمایہ کاری کے معاہدوں ...
اسرائیلی فوج کی وحشیانہ کارروائیاں جاری ہیں ، طولکرم میں مزید5 فلسطینی شہید کردئیے ، رفح میں ماں دو بچوں سمیت شہید جبکہ3 فلسطینی زخمی ہو گئے ۔ فلسطینی وزارت صحت کے مطابق اسرائیلی فورسز نے مقبوضہ مغربی کنارے کے شہر طولکرم کے قریب ایک قصبے میں رات کو کارروائی کے دوران 5 فلسطینیوں ک...
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
