... loading ...
... loading ...
اگر چہ وفاقی وزیر داخلہ چودھری نثار نے ایم کیوایم کے باغی رہنما مصطفیٰ کمال کی جانب سے ایم کیوایم پر عائد الزامات کو لفاظی قرار دیا تھا۔ مگر دوسری طرف وزارت داخلہ نے ایف آئی اے کو کہا تھا کہ وہ سرفراز مرچنٹ کی جانب سے ایم کیوایم اور اس کی اعلیٰ قیادت پر بھارتی خفیہ ایجنسی را کی جانب سے فنڈز ملنے کے الزامات کی تحقیقات کرے۔ ذمہ دار ذرائع کے مطابق ایف آئی اے نے اس جانب واضح پیش رفت کرتے ہوئے لندن میں سرفراز مرچنٹ سے رابطہ کر لیا ہے۔ ایم کیو ایم کے خلاف منی لانڈرنگ کے مقدمے کے اہم ملزمان میں شامل سرفراز مرچنٹ کو ایف آئی اے نے اپنا بیان ریکارڈ کرانے اور شواہد کے لیے طلب کیا ہے۔ ایف آئی اے کی ایک ٹیم ایم کیو ایم کے خلاف منی لانڈرنگ، غیر قانونی ہتھیاروں کی خریداری اور را سے ملنے والے فنڈزکے الزامات کی تحقیقات کرے گی۔ یہ بھی معلوم ہوا ہے کہ وزارت داخلہ نے ملک کے تمام سلامتی کے اداروں اور خفیہ ایجنسیوں کو کہا ہے کہ وہ اس حوالے سے موجود تمام ثبوت اور شواہد کاایف آئی اے کی تحقیقاتی ٹیم کے ساتھ تبادلہ کرے۔ وزارت داخلہ نے فیصلہ کیا ہے کہ تحقیقاتی ٹیم کے مکمل نتائج اور رپورٹ کے بعد یہ فیصلہ کیا جائے گا کہ اس معاملے کو کس ملک کے سامنے کس سطح پر اُٹھایا جائے۔
سرفراز مرچنٹ نے جیو کے ایک ٹی وی پروگرام”آج شاہ زیب خانزادہ کے ساتھ” میں یہ دعوی کیا تھا کہ 2014 میں اسکاٹ لینڈ یارڈ کو الطاف حسین کی رہائش گاہ پر چھاپے کے دوران میں ہتھیاروں سے متعلق کچھ فہرستیں ملی تھیں جس کی بابت اسکاٹ لینڈ یارڈ نے اُن سے پوچھ گچھ کی تھی۔ سرفراز کے مطابق لندن پولیس نے اُنہیں الطاف حسین کی رہائش گاہ سے ملنے والی ہتھیاروں کی ایک فہرست دکھاتے ہوئے یہ پوچھا تھا کہ کیا ان ہتھیاروں کی قیمت اُنہوں نے ادا کی یا پھر وہ اس فہرست پر موجود دستخطوں سے آگاہ ہیں۔ سرفراز مرچنٹ کے مطابق فہرست میں موجود ہتھیاروں کے لیے 65 ہزار پاؤنڈ ادا کیے گیے تھے۔ خیال ظاہر کیا جارہا ہے کہ اس نوع کی متعدد فہرستیں لندن پولیس کے پاس محفوظ ہیں۔
سرفراز مرچنٹ کے ٹی وی انٹرویو میں دوسرا اہم اور حساس پہلو ایم کیوایم کے بھارت کے ساتھ مبینہ روابط کے حوالے سے تھا۔ سرفراز مرچنٹ نے اس حوالے سے کہا تھا کہ پولیس نے انہیں ایک دستاویز دی ہے جس میں ایم کیو ایم کو را کی فنڈنگ کے ٹھوس شواہداور محمد انور اور طارق میر کے را سے رقم لینے اعترافی بیان موجود تھے۔ سرفراز نے اس سنسنی خیز انکشاف کے بعد یہ بھی کہا کہ اُنہیں یہ جان کر دھچکا پہنچا کہ ایک بھارتی کمپنی دبئی میں ایم کیو ایم کے کھاتوں میں رقوم منتقل کر رہی تھی۔اپنے ٹی وی انٹرویو میں سرفراز مرچنٹ نے یہ تسلیم کیا تھا کہ انہوں نے 2013 کے انتخابات کے دوران میں ایم کیو ایم کو ڈھائی لاکھ پاؤنڈز اپنے اس خیال کے تحت ادا کیے تھے کہ وہ پارٹی کی مدد کررہے ہیں۔
سرفراز مرچنٹ کے انٹرویو سے یہ بات معلوم نہیں ہو سکی تھی کہ لندن پولیس منی لانڈرنگ کی تحقیقات کے دوران میں اُنہیں یہ معلومات کیوں دے رہے تھی؟ اور لندن پولیس کو ایسی کیا ضرورت تھی کہ وہ ایم کیوایم کو را سے ملنے والے فنڈز کے اعترافی بیانات سرفراز مرچنٹ کے حوالے کردیں۔ اُن کے انٹرویو سے یہ بھی واضح نہیں ہو رہا تھا کہ اُنہوں نے ایم کیوایم سے اپنے روابط یا اُن کی امداد سے ہاتھ کب کھینچا تھا؟ ایم کیوایم کے را سے مبینہ روابط کا اُنہیں ٹھیک ٹھیک اندازا لندن پولیس سے تحقیقات میں ہی ہوا ، یا وہ اس بارے میں پہلے سے بھی کچھ جانتے تھے؟ سرفراز مرچنٹ کا مذکورہ انٹرویو کا ایک مقصد بعض تجزیہ کاروں کے نزدیک صرف اتنا تھا کہ وہ لندن میں منی لانڈرنگ کی تحقیقات سے جان چھڑانے کے لیے ایم کیوایم سے راستہ مانگ رہے تھے جو اُنہیں نہیں مل رہا تھا ۔دیکھنا یہ ہے کہ سرفراز مرچنٹ ایف آئی اے کی تحقیقات میں کتنے معاون ثابت ہوتے ہیں؟ یاپھر وہ اس پوری مشق کو اپنے حق میں لندن میں جاری تحقیقات سے دامن چھڑانے کے لیے استعمال کرنے میں کامیاب رہتے ہیں؟ دوسری طرف ایف آئی اے کے لیے بھی یہ معاملہ ایک چیلنج کی حیثیت رکھتا ہے ۔ ایک طویل عرصے سے ایف آئی اے کی تحقیقات ایک انتقامی ذہن سے پھوٹنے والی روش بن چکی ہے۔ جس پر قومی حلقوں میں ایک واضح عدم اطمینان پایا جاتا ہے۔ اب ایف آئی اے کو ایک حساس معاملے کی تحقیقات کرنی ہے جو کروڑوں لوگوں کے ذہنی اور جذباتی تعلق کے لیے انتہائی اہمیت رکھتی ہے۔ اور جس کے سیاسی سطح پر انتہائی اہم اثرات مرتب ہونے ہیں۔
حکومت کو اپوزیشن کی بجائے اپنی اتحادی جماعت پیپلز پارٹی سے سبکی کا سامنا ،یہ ملکی پارلیمانی تاریخ کا سیاہ ترین دن ،ایساتو دور آمریت میں نہیں ہواہے ان حالات میں اس ایوان کا حصہ نہیں بن سکتے ، نوید قمر وفاقی حکومت نے یہ کیسے کیا یہ بات سمجھ سے بالاتر ہے ، نوید قمر کی حکومت پر شدی...
3 پولیس اہلکار زخمی،دھماکے میں بکتربند گاڑی تباہ ،دھماکا خیز مواد درہ تنگ پل کے ساتھ رکھا گیا تھا گورنر خیبرپختونخوا کی پولیس بکتر بند گاڑی پر حملے کے واقعے پر اعلیٰ حکام سے فوری رپورٹ طلب ٹانک اور لکی مروت میں پولیس پر آئی ای ڈی بم حملوں میں بکتر بند تباہ جب کہ ایس ایچ او س...
ٹرمپ کی غنڈہ گردی سے کوئی ملک محفوظ نہیں، پاک افغان علما متفق ہیں اب کوئی مسلح جنگ نہیں مسلح گروہوں کو بھی اب غور کرنا چاہیے،انٹرنیٹ پر جھوٹ زیادہ تیزی سے پھیلتا ہے،خطاب سربراہ جے یو آئی مولانا فضل الرحمان نے کہا ہے کہ ستائیسویں ترمیم نے بتایا ملک میں جنگ نظریات نہیں اتھارٹی...
ہم کسی کو اجازت نہیں دینگے عمران خان کو بلاجواز جیل میں رکھیں،پیپلزپارٹی نے مل کرآئین کاڈھانچہ تبدیل کیا، سندھ میں پی پی کی ڈکٹیٹرشپ قائم ہے، فسطائیت ہمیشہ یاد رہے گی،وزیراعلیٰ خیبرپختونخوا عمران خان کی سیاست ختم کرنیوالے دیکھ لیں قوم آج کس کیساتھ کھڑی ہے، آج ہمارے ساتھ مختلف...
بی وائی سی بھرتی، بیانیہ سازی اور معاشرتی سطح پر رسائی میں بھرپور کردار ادا کر رہی ہے صورتحال سے نمٹنے کیلئے حکومت کاکوئٹہ اور تربت میں بحالی مراکز قائم کرنے کا اعلان بلوچ یکجہتی کمیٹی (بی وائی سی) مسلح علیحدگی پسند تنظیموں بالخصوص فتنہ الہندوستان کے بظاہر سافٹ فیس کے طور پر ...
شاہ کس بائے پاس روڈ پر واقع ناکے کلے میں فتنہ الخوارج کی تشکیل کو نشانہ بنایا ہلاک دہشت گرد فورسز پر حملوں سمیت دیگر واقعات میں ملوث تھے، سی ٹی ڈی خیبرپختونخوا کے محکمہ انسداد دہشت گردی (سی ٹی ٹی) نے ضلع خیبر کے علاقے جمرود میں کارروائی کے دوران 3 دہشت گردوں کو ہلاک کردیا۔سی ...
گائیڈ لائنز پر عمل کریں، وزیراعلیٰ کا عہدہ آئینی عہدہ ہے اوراس کا مکمل احترام کیا گیا ہے جو یقین دہانیاں کرائی گئی تھیں، افسوس کے ساتھ کہنا پڑتا ہے کہ ان پر عمل نہیں کیا جا رہا سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہ...
سہیل آفریدی اور وزیراعلیٰ سندھ کی طے شدہ ملاقات اچانک منسوخ کردی گئی حیدر آباد سے کراچی واپسی پرجگہ جگہ رکاوٹیں ڈالی گئیں ، وزیراعلیٰ خیبرپختونخواہ وزیراعلیٰ خیبرپختونخواہ سہیل آفریدی اور وزیراعلیٰ سندھ مراد علی شاہ کی طے شدہ ملاقات اچانک منسوخ ہوگئی۔ میڈیا رپورٹس کے مطابق...
واشنگٹن اور اتحادی ممالک میں تشویش ، جوائنٹ چیفس آف اسٹاف کی اس اقدام کی مخالفت کانگریس ایسے کسی اقدام کی حمایت نہیں کرے گی،نیٹو اتحاد کے مستقبل پر سوالات اٹھ سکتے ہیں برطانوی میڈیا نے دعویٰ کیا ہے کہ امریکی صدر ڈونلڈ ٹرمپ نے گرین لینڈ حملہ سے متعلق فوجی منصوبہ تیار کرنے کے ...
پاکستان کی عدلیہ کی آزادی کے لیے کوششیں جاری ہیں،سندھ اس وقت زرداری کے قبضے میں ہے لیکن سندھ عمران خان کا تھا اور خان کا ہی رہیگا، وزیراعلیٰ خیبرپختونخوا کا پرتپاک اور والہانہ استقبال کیا پیپلزپارٹی خود کو آئین اور18ویں ترمیم کی علمبردار کہتی ہے لیکن افسوس! پی پی نے 26 اور 27و...
حکومت سندھ نے آبپاشی اور زراعت کی ترقی کیلئے خصوصی اور جامع اقدامات کیے ہیں مراد علی شاہ کی صدارت میں صوبے میں جاری ترقیاتی منصوبوں کے جائزہ اجلاس میں گفتگو وزیراعلیٰ سندھ سید مراد علی شاہ کی صدارت میں صوبے میں جاری ترقیاتی منصوبوں کا جائزہ اجلاس ہوا، اجلاس میں صوبائی وزراء ...
خیمے بارش کے پانی میں ڈوب گئے،ایندھن کی شدید قلت نے بحران کو مزید سنگین بنا دیا دیوار گرنے سے کمسن بچہ زخمی،قابض اسرائیل کی فوج نے بیشتر عمارتیں تباہ کر دی،رپورٹ شدید موسمی دباؤ اور شدید بارشوں جن کی لپیٹ میں پورا فلسطین ہے، غزہ کے محصور شہریوں کی اذیتوں میں مزید اضافہ کر دی...
