... loading ...
سینیٹ کی قائمہ کمیٹی برائے اطلاعات کے چیئرمین کامل علی آغا نے کہا ہے کہ بادی النظر میں یہ ثابت ہوتا ہے کہ بول ٹی وی کے لائسنس کی منسوخی غیر قانونی ہے اور میری نظر میں بول ٹی وی کو این او سی و سیکورٹی کلیئرنس جاری کے بعد واپس لینا درست نہیں جبکہ پیمرا کے قائم مقام چیئرمین کے فیصلے پر مستقل چیئرمین اب درست فیصلہ کر سکتا ہے۔
کامل علی آغا نے مزید کہا ہے کہ این او سی کی منسوخی کی غلطی قانونی نظر نہیں آ رہی اور یہ غلطی بول کے موقف کی تائید کر رہی ہے۔ ایسا لگتا ہے کہ کچھ طاقت ور حلقوں نے طاقت کا مظاہرہ کیا اور حکومت نے ان کے سامنے گھٹنے ٹیک دیے۔ انہوں نے چیئرمین پیمرا کو ہدایت کی کہ بول والوں کو زندہ رہنے دیں اور کہا کہ یہ ایک بہت بڑا سوالیہ نشان ہے کہ این او سی جاری کرنے کے بعد آخر کس طرح واپس لیا گیا۔ ان کا کہنا تھا کہ بول ملازمین کی تنخواہ اور بول ٹی وی کے لائسنس کا معاملہ ایک ہی ہے، ان کو الگ نہ سمجھا جائے نیز اب اس مسئلے کو جلد از جلد حل کیا جائے کیونکہ یہ بول ملازمین کے اہل خانہ کا مسئلہ ہے جو بحیثیت صحافی انصاف کے لیے آپ کی طرف دیکھ رہے ہیں۔
علاوہ ازیں سیکریٹری اطلاعات عمران گردیزی نے ایک سوال کے جواب میں کہا کہ کچھ چینل مالکان بول کو بند کرنے کے درپے تھے۔ کامل علی آغا نے مزید کہا کہ پیمرا کا آزاد حیثیت میں نہ چلنا بھی آزادی صحافت پر قدغن لگانے کے مترادف ہے۔ انہوں نے حقائق توڑ مروڑ کر پیش کرنے پر ڈی جی لائسنس وکیل خان کی سخت سرزنش کی اور کہا کہ وزارتِ داخلہ سے پوچھا جائے کہ انہوں نے بول ٹی وی کو سیکورٹی کلیئرنس جاری کرنے کے بعد واپس کیوں لی۔
اس موقع پر سینیٹر سعید غنی نے کہا کہ وزارت اطلاعات نے 28 مئی 2015ء کو بول کی نشریات رکوانے کے لیے پیمرا کو خط لکھ کر قانون کا مذاق اڑایا ہے۔ کامل علی آغا کا مزید کہنا تھا کہ سندھ اسمبلی نے بول کے بارے میں جو قرار داد منظور کی ہے وہ سینیٹ کمیٹی کے لیے رہنمائی کا درجہ رکھتی ہے اور اس قرار داد کو ہماری نظر میں تقدس حاصل ہے۔ اجلاس میں بول ٹی وی کے فیصل عزیز خان نے سندھ اسمبلی کی قرار داد تفصیل سے پڑھ کر سنائی جس پر اراکین کمیٹی نے قرارداد کو سراہا اور کہا کہ قرارداد سے ہی رہنمائی لیں گے۔
دریں اثناء سینیٹر سعید غنی نے کہا کہ جن الزامات کے تحت بول کو بند کیا گیا اسی طرح دیگر نشریاتی اداروں کو بھی بند کیا جا سکتا ہے۔ دو سال تک بول چینل کے ملازمین کی بھرتی ہوتی رہی اور بول چینل اپنی نشریات کے آغاز کی تیاری کر رہا تھا تو حکومت اس وقت کیا کر رہی تھی اور صرف امریکی اخبار میں خبر چھپنے کے بعد ہی بول چینل کے خلاف یہ کارروائی کیوں کی گئی۔ بول ٹی وی کی بندش کے لیے وزارت اطلاعات کا خط غیر قانونی تھا اور اس خط کی روشنی میں پیمرا کی کارروائی بھی غیر قانونی ہے، جب کہ ‘کونسل آف کمپلین’ میں پی بی اے کی شکایت بھی غیر قانونی تھی اور اس درخواست پر بول کا لائسنس معطل کرنے کی سفارش بھی غیر قانونی عمل تھا۔
چیئرمین کامل علی آغا نے مزید کہا کہ جرم ثابت ہوئے بغیر بول کو سزا دے دی گئی ہے، جبکہ پیمرا کی ٹیم گزشتہ اجلاس میں کی گئی باتیں دہرا کر محض وقت ضائع کر رہی ہے۔ ڈی جی لائسنسنگ پیمرا وکیل خان ہائی کورٹ کے فیصلے کا غلط مطلب نکال رہے ہیں، انہیں چاہیے کہ وہ انصاف کی بات کریں۔ ان کا کہنا تھا کہ اس معاملے پر آئندہ اجلاس جلد بلایا جائے گا جس میں وزارت داخلہ سے وضاحتیں طلب کی جائیں گی۔
اس موقع پر چیئرمین پیمرا ابصار عالم نے کہا کہ قائمہ کمیٹی کی سفارشات نے ہمیں ایک نئی طاقت دی ہے اور اب ہم ان سفارشات پر عمل کرنے کے قابل ہیں۔
علاوہ ازیں سیکریٹری اطلاعات عمران علی گردیزی نے اعتراف کیا کہ یہ بات درست ہے کہ بول کے دفتر سے ایف آئی اے سامان اٹھا کر لے گئی۔ جبکہ سینیٹر نہال ہاشمی نے کہا کہ ملک دشمن، بلیک میلرز، ٹیکس چور، کالا دھن کرنے والے اور سزا یافتہ میڈیا مالکان کے نام ظاہر کیے جائیں اور ایسے مجرموں کے نام چھپانے نہیں چاہئیں۔ واضح رہے کہ بول انتظامیہ کی جانب سے اجلاس میں نذیر لغاری، فیصل عزیز خان اور ظاہر شاہ شیرازی نے شرکت کی۔ فیصل عزیز خان نے کہا کہ پیمرا کو مستقل چیئرمین کی غیر موجودگی میں بول کا لائسنس معطل کرنے کا اختیار نہیں ہے، جب کہ وزارت داخلہ سیکورٹی کلیئرنس جاری کرنے کے بعد واپس لینے کی مجاز نہیں ہے۔ معروف صحافی نذیر لغاری کا کہنا تھا کہ اگر اسی طرح سرکاری نوٹیفکیشن، احکامات، کرنسی نوٹ اور گزٹ واپس لیے جانے لگے تو پورا ریاستی نظام ہی گر پڑے گا۔ ‘کونسل آف کمپلین’ کی بول کے خلاف کارروائی قطعی غیر قانونی تھی جب کہ پیمرا نے بول کا لائسنس معطل کر کے سپریم کورٹ کے فیصلے کی خلاف ورزی کی ہے۔
جمعیت علمائے اسلام کے سربراہ مولانا فضل الرحمان نے انتخابات میں مبینہ دھاندلی کے خلاف ملین مارچ کا اعلان کرتے ہوئے کہا ہے کہ ہمیں روکنے کی کوشش کرنے والا خود مصیبت کو دعوت دے گا۔تفصیلات کے مطابق قومی اسمبلی کا اجلاس اسپیکر کے زیر صدارت شروع ہوا جس میں پی ٹی آئی کے اپوزیشن لیڈر ا...
چیئرمین پی ٹی آئی بیرسٹر گوہر علی خان نے کہا ہے کہ پبلک اکاؤنٹس کمیٹی کے چیئرمین کے لیے حتمی نام کل تک فائنل کرلیں گے ، بانی پی ٹی آئی نے مذاکرات کے لیے کچھ لوگوں کا نام لیا ہے لیکن فی الوقت کوئی مذاکرات نہیں ہو رہے ۔اڈیالہ جیل کے باہر شیر افضل مروت کے ہمراہ میڈیا سے گفتگو میں بی...
ملک بھر میں انسدادِ پولیو مہم کا آغاز ہو گیا جس کے دوران 2کروڑ 40لاکھ سے زائد بچوں کو انسدادِ پولیو قطرے پلائے جائیں گے ۔ کوآرڈینیٹر نیشنل ہیلتھ سروسز ڈاکٹر ملک مختار احمد نے شہریوں سے اپیل کی ہے کہ وہ اپنے 5سال سے کم عمر کے بچوں کو پولیو سے بچاؤ کے قطرے لازمی پلوائیں۔انہوں نے ک...
اسرائیلی جارحیت کا نشانہ بننے والے غزہ کے فلسطینیوں سے اظہار یکجہتی کے لئے امریکی یونیورسٹیوں میں جاری احتجاج میں تیزی سے شدت آرہی ہے ۔امریکی خبر رساں ادارے کی رپورٹ کے مطابق 18 اپریل سے شروع ہونے والے ان احتجاجی مظاہروں میں شرکت پر گرفتار کئے جانے والے طلبہ کی تعداد 900 تک پہنچ ...
عالمی مالیاتی فنڈ کے ایگزیکٹو بورڈ نے اسٹینڈ بائی ارینجمنٹ کے تحت پاکستان کے لیے ایک ارب 10 کروڑ ڈالر کی آخری قسط جاری کرنے کی منظوری دے دی۔20 اپریل کو آئی ایم ایف نے اجلاس کا شیڈول جاری کردیا گیا تھا جس میں کہا گیا تھا کہ 29 اپریل کو نائجریا کے قرض پروگرام کا جائزہ لیا جائے گا، ...
وزیراعظم محمد شہباز شریف نے وزیر خارجہ اسحاق ڈار کو نائب وزیراعظم مقرر کر دیا۔وزیراعظم نے وزیر خارجہ اسحاق ڈار کو نائب وزیراعظم مقرر کرنے کی منظوری دی۔کابینہ ڈویژن نے اس ضمن میں نوٹیفیکیشن جاری کر دیا ہے ۔وزیر خارجہ اس وقت وزیراعظم کے ہمراہ سعودی عرب کے دورے پر ہیں۔ حکومت پاکستان...
وزیراعظم شہبازشریف اور عالمی مالیاتی ادارہ (آئی ایم ایف) کی منیجنگ ڈائریکٹر کرسٹالینا جارجیوا کے درمیان سعودی عرب میں جاری عالمی اقتصادی فورم کے اجلاس کے دوران غیررسمی اہم ملاقات ہوئی جہاں پاکستان کے ایک اور قرض پروگرام میں داخل ہونے کے حوالے سے تبادلہ خیال کیا گیا۔تفصیلات کے مطا...
غزہ کے مظلوم فلسطینیوں کی حمایت میں امریکا سے شروع ہونے والا طلبہ کا احتجاج مزید وسیع ہوگیا ہے ۔ غیرملکی خبررساں ادارے کے مطابق اب برطانیہ، اٹلی، فرانس اور آسٹریلیا کے طلبہ بھی میدان میں آگئے ، انہوں نے اسرائیلی کمپنیوں سے تعلقات منقطع کرنے کی حمایت کی ہے۔ ادھر کولمبیا یونیورسٹی ...
حساس ادارے نے چھاپہ مار کارروائی میں کراچی اور بلوچستان کی پولیس کو انتہائی مطلوب دہشت گرد سمیت 3 افراد کو گرفتار کر کے اسلحہ برآمد کر لیا، گرفتار دہشت گرد کالعدم بی ایل اے کے لیے ریکی اور دہشت گردی کی متعدد واردتوں میں ملوث رہا ہے۔ تفصیلات کے مطابق دہشت گرد اور اس کے ساتھی کو اب...
درآمد شدہ گندم مقررہ ضرورت و اجازت سے زائد منگوائے جانے اورپرائیویٹ سیکٹر کو نوازے جانے کا انکشاف ہوا ہے ،بیوروکریسی کے غلط فیصلوں سے قومی خزانہ کو ایک ارب ڈالر کے نقصان کا سامنا ہے ۔ ذرائع کے مطابق نیشنل فوڈ سکیورٹی نے ضرورت سے زیادہ گندم ہونے کے باوجود 35 لاکھ 87 ہزار ٹن گندم د...
سکھ فار جسٹس نے بھارتی وزیر اعظم نریندر مودی کے خلاف عالمی عدالت میں جانے کا اعلان کیا ہے ۔غیرملکی خبررساں ادارے کے مطابق امریکا میں بھارت کی ناکام قاتلانہ سازش کا شکار سکھ رہنما گرپتونت سنگھ پنوں نے ایک بیان میں کہا ہے کہ وہ بھارتی وزیر اعظم مودی کے خلاف عالمی عدالت میں جائیں گے...
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...