... loading ...
... loading ...
ایران میں رواں اختتام ہفتہ پر انتخابات ہو رہے ہیں اور اب تک جو نتائج سامنے آئے ہیں وہ سخت گیر اور قدامت پسند حلقوں کے لیے پریشان کن ہیں۔ اصلاح و اعتدال پسند قوتیں غالب دکھائی دیتی ہیں خاص طور پر تہران کے اندر تمام 30 نشستوں پر ان کا جیتنا ایرانی نظام پر غالب سخت گیر قوتوں کے لیے کسی تازیانے سے کم نہیں۔ لیکن ایران کے انتخابات اور اس کے نتائج کی اہمیت جاننے سے قبل سیاسی نظام کو سمجھنا بہت ضروری ہے۔ آئیں کچھ بنیادی معلومات آپ کو دیتے ہیں:
انتخابات کے اِس مرحلے میں ایرانی پارلیمان یعنی مجلس کے 290 اراکین اور اس کے ساتھ ساتھ بہت ہی اہم مجلس خبرگان رہبری کا فیصلہ ہوگا، جو 88 رکنی انتہائی طاقتور آئینی کونسل ہے۔ مجلس کا انتخاب تو ہر چار سال بعد ہوتا ہے اور یہ حکومت کے روزمرہ امور چلانے اور قانون سازی کا ذمہ دار ادارہ ہے، جس کا سربراہ صدر ہوتا ہے۔ لیکن ایران کے حقیقی سربراہ رہبر معظم کا انتخاب مجلس خبرگان رہبری کرتی ہے۔ 1979ء میں انقلاب ایران کے بعد سے آج تک صرف دو ہی رہبر معظم رہے ہیں، جو دونوں تاحیات اس عہدے پر فائز رہے، یعنی ایک روح اللہ خمینی اور دوسرے موجودہ علی خامنہ ای۔ ویسے مجلس خبرگان عملاً ہر آٹھ سال بعد انہیں اپنے عہدے سے ہٹا سکتی ہے، لیکن ایسا آج تک ہوا نہیں ہے۔
بیشتر مبصرین کا کہنا ہے کہ ووٹوں کی گنتی بالکل شفاف انداز میں ہوئی ہے لیکن ایران کا جمہوری نظام مغرب تو درکنار پاکستان و بھارت سے بھی یکسر مختلف ہے۔ سب سے بڑا فرق یہ ہے کہ مذکورہ بالا دونوں مجالس کے نمائندگان کو ایک دستوری ادارے شوریٰ نگہبان سے منظوری لینا پڑتی ہے۔ جس کے اپنے نصف اراکین مجلس کی جانب سے مقرر کیے جاتے ہیں جبکہ نصف رہبر معظم نامزد کرتے ہیں۔ اس شوریٰ کی طاقت کا اندازہ اس بات سے لگائیں کہ موجودہ انتخابات کے لیے 12 ہزار افراد نے کاغذات نامزدگی جمع کرائے تھے لیکن 5200 امیدوار کے کاغذات شوریٰ نے مسترد کردیے۔ کہا جاتا ہے کہ نامنظور کیے گئے امیدواروں کی اکثریت کا تعلق اصلاح و اعتدال پسند طبقے سے تھا۔ ان کے علاوہ 600 امیدواروں نے اپنے کاغذات واپس بھی لیے۔ اس تناظر سے دیکھیں تو بنیادی طور پر نظام قدامت پسندوں کے حق میں ہے کیونکہ مجلس خبرگان رہبری کے اراکین کا عالم دین ہونا ضروری ہے اور وہ معتدل طاقتوں کو پہلے ہی مرحلے پر محدود کر سکتی ہیں۔
بالخصوص مجلس خبرگان رہبری اس وقت بہت زیادہ اہمیت رکھتی ہے۔ ویسے تو گزشتہ روایات کو دیکھیں تو رہبر معظم کا انتقال ہونا ضروری ہے کیونکہ اب تک کسی رہبر کو ان کی زندگی میں عہدے سے نہیں ہٹایا گیا۔ لیکن موجودہ رہبر علی خامنہ ای کی عمر 76 سال ہے اور ذرائع کہتے ہیں کہ وہ سرطان کے مرض میں مبتلا ہیں اور ان کی صحت اجازت نہیں دیتی کہ وہ اتنی اہم ذمہ داری کو خوبی سے نبھائیں۔ عین ممکن ہے کہ مجلس خبرگان نئے رہبر معظم کا انتخاب کرے۔
رہبر معظم ایران میں سب سے زیادہ طاقتور عہدہ ہے اور ایرانی دستور کے تحت اسے بہت اختیارات حاصل ہیں۔ خامنہ ای قدامت پسند ہیں اور اسٹیبلشمنٹ میں مرکزی حیثیت حاصل ہے۔ پھر رہبر معظم شوریٰ نگہبان کا نصف حصہ خود نامزد کرتا ہے، جو انتخابی امیدواران کو مسترد کرنے کا اختیار رکھتے ہیں، یوں وہ حکومت کا پلڑا قدامت پسندوں کی جانب جھکا سکتا ہے۔ اگر اعتدال پسند یا اصلاح پسند رہبر آ جائے تو وہ شوریٰ نگہبان کے نصف امیدواروں کی مدد سے انتخابات پر کافی اثر انداز ہو سکتا ہے۔ پھر رہبر معظم کو آئین میں براہ راست ترمیم کے اختیارات بھی حاصل ہیں۔ خامنہ ای کے پیشرو خمینی 1989ء میں انہی اختیارات کا استعمال کرتے ہوئے مجلس کا قیام عمل میں لائے تھے۔
اگر اس مرتبہ بھی کوئی سخت گیر منتخب ہوتا ہے تو ایران کے اعتدال پسند حلقوں کو خامنہ ای کے پیرو کی بھی موت کا انتظار کرنا ہوگا، جو بہت طویل بھی ہو سکتا ہے۔ اس کے مقابلے میں اگر کوئی اصلاح پسند یا اعتدال پسند ایران کا رہبر معظم بن جاتا ہے تو ملک میں بہت جلد اور بڑے پیمانے پر تبدیلیاں واقع ہو سکتی ہیں۔
جمعیت علمائے اسلام کے سربراہ مولانا فضل الرحمان نے انتخابات میں مبینہ دھاندلی کے خلاف ملین مارچ کا اعلان کرتے ہوئے کہا ہے کہ ہمیں روکنے کی کوشش کرنے والا خود مصیبت کو دعوت دے گا۔تفصیلات کے مطابق قومی اسمبلی کا اجلاس اسپیکر کے زیر صدارت شروع ہوا جس میں پی ٹی آئی کے اپوزیشن لیڈر ا...
چیئرمین پی ٹی آئی بیرسٹر گوہر علی خان نے کہا ہے کہ پبلک اکاؤنٹس کمیٹی کے چیئرمین کے لیے حتمی نام کل تک فائنل کرلیں گے ، بانی پی ٹی آئی نے مذاکرات کے لیے کچھ لوگوں کا نام لیا ہے لیکن فی الوقت کوئی مذاکرات نہیں ہو رہے ۔اڈیالہ جیل کے باہر شیر افضل مروت کے ہمراہ میڈیا سے گفتگو میں بی...
ملک بھر میں انسدادِ پولیو مہم کا آغاز ہو گیا جس کے دوران 2کروڑ 40لاکھ سے زائد بچوں کو انسدادِ پولیو قطرے پلائے جائیں گے ۔ کوآرڈینیٹر نیشنل ہیلتھ سروسز ڈاکٹر ملک مختار احمد نے شہریوں سے اپیل کی ہے کہ وہ اپنے 5سال سے کم عمر کے بچوں کو پولیو سے بچاؤ کے قطرے لازمی پلوائیں۔انہوں نے ک...
اسرائیلی جارحیت کا نشانہ بننے والے غزہ کے فلسطینیوں سے اظہار یکجہتی کے لئے امریکی یونیورسٹیوں میں جاری احتجاج میں تیزی سے شدت آرہی ہے ۔امریکی خبر رساں ادارے کی رپورٹ کے مطابق 18 اپریل سے شروع ہونے والے ان احتجاجی مظاہروں میں شرکت پر گرفتار کئے جانے والے طلبہ کی تعداد 900 تک پہنچ ...
عالمی مالیاتی فنڈ کے ایگزیکٹو بورڈ نے اسٹینڈ بائی ارینجمنٹ کے تحت پاکستان کے لیے ایک ارب 10 کروڑ ڈالر کی آخری قسط جاری کرنے کی منظوری دے دی۔20 اپریل کو آئی ایم ایف نے اجلاس کا شیڈول جاری کردیا گیا تھا جس میں کہا گیا تھا کہ 29 اپریل کو نائجریا کے قرض پروگرام کا جائزہ لیا جائے گا، ...
وزیراعظم محمد شہباز شریف نے وزیر خارجہ اسحاق ڈار کو نائب وزیراعظم مقرر کر دیا۔وزیراعظم نے وزیر خارجہ اسحاق ڈار کو نائب وزیراعظم مقرر کرنے کی منظوری دی۔کابینہ ڈویژن نے اس ضمن میں نوٹیفیکیشن جاری کر دیا ہے ۔وزیر خارجہ اس وقت وزیراعظم کے ہمراہ سعودی عرب کے دورے پر ہیں۔ حکومت پاکستان...
وزیراعظم شہبازشریف اور عالمی مالیاتی ادارہ (آئی ایم ایف) کی منیجنگ ڈائریکٹر کرسٹالینا جارجیوا کے درمیان سعودی عرب میں جاری عالمی اقتصادی فورم کے اجلاس کے دوران غیررسمی اہم ملاقات ہوئی جہاں پاکستان کے ایک اور قرض پروگرام میں داخل ہونے کے حوالے سے تبادلہ خیال کیا گیا۔تفصیلات کے مطا...
غزہ کے مظلوم فلسطینیوں کی حمایت میں امریکا سے شروع ہونے والا طلبہ کا احتجاج مزید وسیع ہوگیا ہے ۔ غیرملکی خبررساں ادارے کے مطابق اب برطانیہ، اٹلی، فرانس اور آسٹریلیا کے طلبہ بھی میدان میں آگئے ، انہوں نے اسرائیلی کمپنیوں سے تعلقات منقطع کرنے کی حمایت کی ہے۔ ادھر کولمبیا یونیورسٹی ...
حساس ادارے نے چھاپہ مار کارروائی میں کراچی اور بلوچستان کی پولیس کو انتہائی مطلوب دہشت گرد سمیت 3 افراد کو گرفتار کر کے اسلحہ برآمد کر لیا، گرفتار دہشت گرد کالعدم بی ایل اے کے لیے ریکی اور دہشت گردی کی متعدد واردتوں میں ملوث رہا ہے۔ تفصیلات کے مطابق دہشت گرد اور اس کے ساتھی کو اب...
درآمد شدہ گندم مقررہ ضرورت و اجازت سے زائد منگوائے جانے اورپرائیویٹ سیکٹر کو نوازے جانے کا انکشاف ہوا ہے ،بیوروکریسی کے غلط فیصلوں سے قومی خزانہ کو ایک ارب ڈالر کے نقصان کا سامنا ہے ۔ ذرائع کے مطابق نیشنل فوڈ سکیورٹی نے ضرورت سے زیادہ گندم ہونے کے باوجود 35 لاکھ 87 ہزار ٹن گندم د...
سکھ فار جسٹس نے بھارتی وزیر اعظم نریندر مودی کے خلاف عالمی عدالت میں جانے کا اعلان کیا ہے ۔غیرملکی خبررساں ادارے کے مطابق امریکا میں بھارت کی ناکام قاتلانہ سازش کا شکار سکھ رہنما گرپتونت سنگھ پنوں نے ایک بیان میں کہا ہے کہ وہ بھارتی وزیر اعظم مودی کے خلاف عالمی عدالت میں جائیں گے...
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
