... loading ...
... loading ...
وفاقی وزیرداخلہ چودھری نثار نے کہا ہے کہ اگر پیپلزپارٹی ایف آئی اے کی کارروائیوں پر کسی غلط فہمی کا شکار ہے توعدالتی اسکروٹنی کے لئے تیار ہیں، اگر تحفظات ہیں تو تمام اپوزیشن جماعتوں کے سربراہان کو ان اسکینڈلز کے بارے میں متعلقہ افسران بریفنگ دینے کو تیار ہیں، پھراس کے بعد وہ خود فیصلہ کرلیں کہ اس میں کسی قسم کی حکومتی مداخلت کی گنجائش تھی،ان اسکینڈلز پر آگے نہ بڑھیں تو یہ کسی جرم سے کم نہیں ہوگا۔ انہوں نے کہا کہ پاکستان دنیا میں شاید واحد اسلامی مملکت ہوگی جہاں پچھلے دور حکومت میں حج اور عمرہ میں بھی کرپشن کی گئی، آج پیپلزپارٹی کی جانب سے مجھ پر تنقید کی جاتی ہے، کاش وہ اپنے دور حکومت میں ہونے والی کرپشن پر غور کرتے، ایف آئی اے عدالتی حکم پر حج کرپشن اسکینڈل کی تحقیقات کر رہا ہے، ساری کارروائی سیاسی مصلحت سے پاک ہے، ہم نے ایف آئی اے کو حکومتی مداخلت سے بھی دور رکھا، کبھی ایف آئی اے کو نہیں کہا کہ اس کو پکڑ لو یا اس کو چھوڑ دو۔وزیر داخلہ چودھری نثار نے ان خیالات کا اظہار خود اُن کی جانب سے ایف آئی اے کے معاملات پر عدالتی کمیشن کے قیام کی پیشکش کو سندھ حکومت کی جانب سےقبول کرنےپر جوابی ردعمل کے طور پر کیا ہے۔سندھ حکومت کی طرف سے وزیرداخلہ کی پیشکش قبول کرنے کے فیصلےکے ساتھ کہا گیا تھا کہ وہ کے ایم سی کی پندرہ ہزار فائلوں کو ایف آئی اے کی جانب سے اُٹھا کرلے جانے کے معاملے کی عدالتی کمیشن کی طرف سے چھان بین کرائیں کہ کیا اُنہیں اس کا قانونی اختیار تھا یا نہیں۔ وزیرداخلہ نے اپنی پریس کانفرنس میں اس پر اپنا ردِعمل دیتے ہوئے کہا کہ عدالتی کمیشن چھوٹے چھوٹے معاملات پر نہیں بنایا جاسکتا۔اگر میگا اسکینڈلز پر پیپلزپارٹی کو تحفظات ہیں تو میں تمام سیاسی جماعتوں کو حقائق دینے کو تیار ہوں اور اگر اس پر ریٹائرڈ ججز پر مشتمل کمیشن بنانا چاہتے ہیں تو اس کے لئے بھی تیار ہیں لیکن کمیشن میں ایسے ججز کا انتخاب کرلیں جس پر کوئی انگلی نہ اٹھا پائے۔ ان کا کہنا تھا کہ پوری کوشش کی ہے کہ ایف ائی اے کو پاکستان کا ادارہ بنایا جائے جس میں کسی قسم کی سیاسی مداخلت نہ ہو، ایف آئی اے کی اینٹی کرپشن میں ریکوری اربوں روپے میں ہونے لگی ہے جو 2013 سے قبل کروڑوں میں تھی، اور 15-2014 کے اعداد و شمار کے مطابق ایف آئی اے نے قومی خزانے میں 14.6 ارب روپے تک جمع کرائے، ایف آئی اے کی اچھی کارکردگی ہے، اس لئے اس ادارے کی کارکردگی کو سیاسی بیان بازی کی نذر نہ کیاجائے۔
وزیر داخلہ نے نیب سے متعلق وزیر اعظم کی جانب سے سخت ردعمل دیئے جانے کا دفاع کرتے ہوئے کہا کہ حکومت نیب سے ناراض ہے اور نہ خوفزدہ ہے۔ حکومت نیب کے پرکاٹنے کی ہر گز کوشش نہیں کررہی۔ چودھری نثار نے وزیراعظم کے بیان کا پس منظر واضح کرتے ہوئے کہا کہ چند بڑے بزنس مین وزیراعظم کے پاس آئے اور انہیں باور کرانے کی کوشش کی کہ ان سے ناانصافی ہورہی ہے اور نیب انہیں خوفزدہ کررہی ہے جب کہ ایک بڑے بزنس مین نے میری موجودگی میں وزیراعظم کے سامنے نیب کی جانب سے خوفزدہ کئے جانے کی بات کی جس پر وزیراعظم نے میڈیا میں آکر اظہار خیال کیا اس لئے وزیراعظم کے بیان کو اسی تناظر میں دیکھا جائے۔ انہوں نے کہا کہ پہلی مرتبہ چیئرمین نیب حکومت اوراپوزیشن کی رضامندی سے منتخب ہوئے اس سے پہلے پرویز مشرف یا آصف زرداری کی ایما پر منتخب ہوتے رہے، نیب تو اصل میں بنی ہی مسلم لیگ (ن) کے خلاف تھی، پیپلزپارٹی دورمیں جوچیرمین نیب مقررہوئے اس میں میری مشاورت شامل نہیں تھی،گزشتہ پانچ سالوں میں ایف آئی اے ایک مذاق تھا، ہم نے کبھی یہ واویلا نہیں کیا کہ صوبائی خودمختاری پرحملہ ہوگیا، ہم نے عدالت میں جاکر مقدمہ پیش کیا، اگر حکومت سندھ کو کسی ایک کیس پر تحفظات ہیں توان کے پاس ایک راستہ ہے کہ عدالتوں میں جائیں،اگر سندھ حکومت کو ڈاکٹر عاصم کے معاملے پر تکلیف ہے تو اسے سیاسی بنانے کے بجائے کیس عدالت میں پیش کرے۔
بھارتی ایئرفورس بیس پٹھان کوٹ حملے پر بات کرتے ہوئے چوہدری نثار کا کہنا تھا کہ پٹھان کوٹ واقعے سے متعلق بھارت نے کچھ موبائل نمبرزاور نام شیئرز کئے تھے، ان سب پر ابتدائی تفتیش ضرور ہوئی ہے مگر اصل تفتیش تب ہوسکتی ہے جب مقدمہ درج ہو اس لئے گوجرانوالہ میں مقدمہ درج کیا گیا لیکن مخالفین نے ایف آئی آرکو طرح طرح سے ڈرامائی انداز میں پیش کرنے کی کوشش کی، قانونی پیش رفت کے لئے ضروری ہے کہ ایف آئی آر درج ہو، جب ممبئی کا واقعہ پیش آیا تو ایف آئی آر پاکستان میں درج ہوئی جب کہ دوسری طرف سے موقف ہے کہ واقعہ کی منصوبہ بندی پاکستان میں ہوئی اور یہاں سے لوگ گئے۔ ان کا کہنا تھا کہ آئندہ چند روز میں اسپیشل انویسٹی گیشن ٹیم بھارت جائے گی جس کے لئے بھارت کو خط لکھا جاچکا ہے جس کا جواب اتفاق میں ملا مگر ساتھ ساتھ کہا گیا ہے کہ جب بھی ٹیم کو آنا ہو تو 5 دن پہلے آگاہ کیا جائے جب کہ بھارتی اطلاعات کی بنیاد پر کچھ گرفتاریاں بھی عمل میں لائی گئی ہیں لیکن ان گرفتاریوں کا ٹیلی فون نمبرز یا ناموں سے کوئی تعلق ہے یا نہیں اس کی تفتیش ہونا باقی ہے۔
پاکستان تحریک انصاف نے بانی پی ٹی آئی سے ملاقات نہ کر انے وانے پر شدید احتجاج کرتے ہوئے ''بانی پی ٹی آئی سے ملاقات کروائو '' کے نعرے لگا ئے جبکہ حکومت نے واضح کیا ہے کہ سوشل میڈیا پر بانی پی ٹی آئی کی صحت سے متعلق چلنے والی خبروں میں کوئی صداقت نہیں، وہ بالکل ٹھیک ہیں۔ جمعہ کو سی...
وزیر اعلیٰ خیبر پختونخوا سہیل آفریدی نے اڈیالہ جیل فیکٹری ناکے پر جاری دھرنا جمعہ کی صبح ختم کر دیا ۔ دھرنا ختم کرنے کا فیصلہ علامہ ناصر عباس کے آنے کے بعد ہونے والی مشاورت میں کیا گیا، علامہ ناصر عباس، محمود اچکزئی، وزیراعلیٰ سہیل آفریدی، مینا خان، شاہد خٹک اور مشال یوسفزئی مشاو...
واشنگٹن واقعہ عالمی سطح پر دہشت گردی کی واپسی کو ظاہر کرتا ہے عالمی برادری افغان دہشت گردی کو روکنے کے لیے اقدامات کرے ،تین چین باشندوں کی ہلاکت کی ذمہ داری افغانستان پر عائد ہوتی ہے راج ناتھ کا بیان سرحدوں کے عالمی قوانین کی کھلی خلاف ورزی ہے ، بھارتی بیانات خام خیا...
4 نومبر سے اہل خانہ کی ملاقات نہیں ہوئی،عمران خان کی صحت پر تشویش ہے، علیمہ خانم عمران خان کی صحت پر تشویش کے حوالے سے علیمہ خان نے صوبائی محکمہ داخلہ اور آئی جی جیل خانہ جات پنجاب کو خط لکھ دیا۔میڈیارپورٹ کے مطابق بانی پی ٹی آئی کی بہن علیمہ خان نے پنجاب ہوم ڈیپارٹمنٹ اور آئی...
ہر منگل کو ارکان اسمبلی کو ایوان سے باہر ہونا چاہیے ، ہر وہ رکن اسمبلی جس کو عمران خان کا ٹکٹ ملا ہے وہ منگل کو اسلام آباد پہنچیں اور جو نہیں پہنچے گا اسے ملامت کریں گے ، اس بار انہیں گولیاں چلانے نہیں دیں گے کچھ طاقت ور عوام کو بھیڑ بکریاں سمجھ رہے ہیں، طاقت ور لوگ ...
اسلام آباد ہائی کورٹ نے 190 ملین پاؤنڈ کیس کا فیصلہ سنانے والے جج ناصر جاوید رانا کو کام سے روکنے کی درخواست پر فیصلہ محفوظ کرلیا۔اسلام آباد ہائی کورٹ میں 190 ملین پاؤنڈ کیس کا فیصلہ سنانے والے جج ناصر جاوید رانا کو کام سے روکنے کی درخواست پر سماعت ہوئی، سیشن جج سے متعل...
سماجی رابطے کی ویب سائٹ ایکس کے نئے فیچر ‘لوکیشن ٹول’ نے دنیا بھر میں ہلچل مچا دی، جس کے بعد انکشاف ہوا ہے کہ درجنوں اکاؤنٹس سیاسی پروپیگنڈا پھیلانے کے لیے استعمال ہو رہے ہیں۔میڈیا رپورٹس کے مطابق متعدد بھارتی اکاؤنٹس، جو خود کو اسرائیلی شہریوں، بلوچ قوم پرستوں اور اسلا...
کارونجھر پہاڑ اور دریائے سندھ پر کینالز کی تعمیر کے خلاف وزیر اعلیٰ ہاؤس تک ریلیاں نکالی گئیں سندھ ہائیکورٹ بارکے نمائندوں سے وزیراعلیٰ ہاؤس میں مذاکرات کے بعد احتجاج ختم کر دیا گیا سندھ ہائی کورٹ بار اور کراچی بار ایسوسی ایشن کی جانب سے 27ویں آئینی ترمیم، کارونجھر پہاڑ اور د...
معاشی استحکام، مسابقت، مالی نظم و ضبط کے لیے اصلاحات آگے بڑھا رہے ہیں 11ویں این ایف سی ایوارڈ کا پہلا اجلاس 4 دسمبر کو ہوگا، تقریب سے خطاب وفاقی وزیر خزانہ سینیٹر محمد اورنگزیب نے کہا ہے کہ 54 ہزار خالی اسامیاں ختم کی گئی ہیں، سالانہ 56 ارب روپے کی بچت ہوگی، 11ویں این ایف سی...
پاکستان نے افغانستان میں گزشتہ شب کوئی کارروائی نہیں کی ، جب بھی کارروائی کی باقاعدہ اعلان کے بعد کی، پاکستان کبھی سویلینز پرحملہ نہیں کرتا، افغان طالبان دہشت گردوں کے خلاف ٹھوس کارروائی کرے ملک میں خودکش حملے کرنے والے سب افغانی ہیں،ہماری نظرمیں کوئی گڈ اور بیڈ طالب...
خلفائے راشدین کو کٹہرے میں کھڑا کیا جاتا رہا ہے تو کیا یہ ان سے بھی بڑے ہیں؟ صدارت کے منصب کے بعد ایسا کیوں؟مسلح افواج کے سربراہان ترمیم کے تحت ملنے والی مراعات سے خود سے انکار کردیں یہ سب کچھ پارلیمنٹ اور جمہورہت کے منافی ہوا، جو قوتیں اس ترمیم کو لانے پر مُصر تھیں ...
حکام نے وہ جگہ شناخت کر لی جہاں دہشت گردوں نے حملے سے قبل رات گزاری تھی انٹیلی جنس ادارے حملے کے پیچھے سہولت کار اور سپورٹ نیٹ ورک کی تلاش میں ہیں انسپکٹر جنرل آف پولیس (آئی جی) خیبر پختونخوا پولیس ذوالفقار حمید نے کہا کہ پشاور میں فیڈرل کانسٹیبلری (ایف سی) ہیڈکوارٹرز پر ہونے...
