... loading ...
مسلم لیگ نون کی حکومت کے متعلق یہ تصور راسخ ہو چکا ہے کہ وہ بھارت کی ہر صورت میں دلجوئی کی خواہاں ہے۔ اور اس کے لئے کسی بھی اقدام کو اُٹھانے کے لئے تیار رہتی ہے۔ اس ضمن میں تازہ ترین واقعہ پٹھان کوٹ ائیر بیس پر حملے کا مقدمہ پاکستان میں درج کرنے کی صورت میں سامنے آیا ہے۔ پنجاب پولیس کے محکمہ انسداد دہشت گردی (سی ٹی ڈی) نے ہندوستان کے پٹھان کوٹ ایئربیس پر حملے کا مقدمہ گجرانوالہ میں درج کرلیا ہے۔
سی ٹی ڈی ترجمان کے مطابق پٹھان کوٹ ایئر بیس حملے کے بعد ہندوستان کے نیشنل سیکیورٹی ایڈوائزر (این ایس اے) کی جانب سے فراہم کی گئی ابتدائی معلومات کی روشنی میں سی ٹی ڈی پولیس گجرانوالہ کی جانب سے مبینہ حملہ آوروں اور ان کے مبینہ معاونین کے خلاف ایک مقدمہ درج کیا گیا ہے۔یہ مقدمہ پاکستان پینل کوڈ کی دفعات 302,324 اور 109 اور انسداد دہشت گردی ایکٹ کی دفعات 7 اور 21 (آئی) کے تحت درج کیا گیا ہے، جس کی مقدمہ نمبر 6/2016 بتایا گیا ہے۔
اگرچہ اس مقدمے کے اندراج کے حوالے سے پنجاب کے وزیرقانون رانا ثناءاللہ نے کہا ہے کہ مقدمے کا اندراج ہماری سنجیدگی کا ثبوت ہے۔ مگر اس کی وضاحت اُنہوں نے نہیں کی کہ آخر ایسی کیا ضرورت درپیش تھی جس میں حکومت کو اپنی سنجیدگی ظاہر کرنے کے لئے مقدمے کے ہی اندراج کی ضرورت پیش آئی۔ پھر یہ پہلو بھی حیرت انگیز ہے کہ پٹھان کوٹ حملے کی تحقیقات کے حوالے سے پہلے سے ہی ایک جوائنٹ انوسٹی گیشن ٹیم (جے آئی ٹی) تشکیل دی جاچکی تھی،جس کے تحت باقاعدہ تحقیقات بھی کی جارہی تھیں ۔پاکستانی سرحد سے محض پچاس کلومیٹر دور پٹھان کوٹ ائیر بیس پر گزشتہ ماہ 2 جنوری کو دہشت گردوں کی جانب سے حملہ کئے جانے کے بعد بھارت کے تقریباً تمام دعوے غلط ثابت ہو گیے تھے۔اس سلسلے میں بھارت کی جانب سے فراہم کئے گیے تمام رابطہ نمبرز غیر متعلق ثابت ہوئے تھے۔ یہاں تک کہ بھارت نے اس حملے میں جن افراد کی نشاندہی کی تھی ، اُن سے ہونے والی تحقیقات کے نتائج بھی بھارتی معلومات کو غلط ثابت کررہے تھے۔ خود پنجاب کے وزیر قانون رانا ثناءاللہ اس کا ذکر متعدد مرتبہ ٹاک شوز میں کرتے رہے ہیں۔ دوسری طرف بھار ت میں اس حملے کے حوالے سے کافی ایسے شواہد سامنے آئے تھے، جس سے یہ شبہ تقویت پاگیا تھا کہ یہ حملہ ایک “ان سائید جاب” تھا۔ اس ضمن میں بھارت میں کچھ گرفتاریاں بھی ہوئیں تھیں۔ مگر بھارت نے اس کے باوجود روایتی طور پر حملے میں پاکستان کو ملوث قرار دیتے ہوئے جیش محمد کی طرف اشارہ کیا تھا۔ اور دعویٰ کیا تھا کہ دہشت گردوں کے سہولت کار پاکستان میں موجود ہیں۔ بھارت کی جانب سے جیش محمد کے سربراہ مولانا مسعود اظہر کو پٹھان کوٹ ائیر بیس کا ماسٹر مائند قرارد یتے ہوئے اُن کے بھائی عبدالرؤف اور دیگر پانچ افراد کو اس میں ملوث قرار دیا گیا تھا۔ اس ضمن میں بھارتی وزیراعظم نریندر مودی اور پاکستانی وزیراعظم نوازشریف کے درمیان ایک ٹیلی فونک گفتگو کے نتیجے میں دی گئی “معلومات” پر پاکستان کی جانب سے ایک چھ رکنی تحقیقاتی ٹیم تشکیل دے دی تھی۔ مذکورہ تحقیقاتی ٹیم پنجاب کے شعبہ انسداد دہشت گردی کے ایڈیشنل انسپکٹر جنرل رائے طاہر کی سربراہی میں تشکیل دی گئی تھی، جبکہ اس کے دیگر ممبران میں خیبر پختونخوا کے شعبہ انسداد دہشت گردی کے ایڈیشنل انسپکٹر جنرل صلاح الدین خان، انٹیلی جنس بیورو (آئی بی) لاہور کے ڈائریکٹر عظیم ارشد، ایف آئی اے لاہور کے ڈائریکٹر عثمان انور، آئی ایس آئی کے بریگیڈیئر نعمان سعید اور ملٹری انٹیلی جنس (ایم آئی) کے کرنل عرفان مرزا شامل تھے۔ تحقیقاتی ٹیم کی تفتیش کے بعد پاکستان نے واضح کردیا تھا کہ بھارت کی جانب سے فراہم کردہ موبائل نمبرز غیر رجسٹر ڈاور جعلی شناخت کے حامل ہیں۔اس ضمن میں پاکستان کے پاس یہ ٹھوس نتائج موجود تھے کہ بھارت کی طرف سے مہیا کی گئی تمام معلومات غلط تھیں ۔ مگر اس کے باوجود یہ ایک حیرت انگیز امر ہے کہ پاکستان بھار تی پروپیگنڈے کو سامنے لانے کے بجائے اُلٹا مقدمہ درج کرنے پر کیوں تیار ہوا؟
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
غزہ میں مظالم کے خلاف اسرائیل کی مبینہ حمایت کرنے والی کمپنیوں کے بائیکاٹ کی مہم میں شدت آتی جا رہی ہے ۔ معروف امریکی فوڈ چین کے ایف سی نے ملائیشیا میں اپنے 100 سے زائد ریستوران عارضی طور پر بند کرنیکا اعلان کر دیا۔غیر ملکی میڈیا کے مطابق ملائیشیا میں امریکی فوڈ چین کی فرنچائز کم...
جمعیت علمائے اسلام کے سربراہ مولانا فضل الرحمان نے وزیراعظم شہباز شریف اور وزیراعلیٰ پنجاب مریم نواز کے شوہر کیپٹن (ر) صفدر کو طنز کا نشانہ بنایا ہے ۔لاہور میں فلسطین کانفرنس سے خطاب میں مولانا فضل الرحمان کا کہنا تھاکہ یہاں بلاوجہ شہباز شریف کی شکایت کی گئی اس بیچارے کی حکومت ہی...
وزیراعظم شہباز شریف نے کہا ہے کہ کرپشن کا ملک سے خاتمہ ہونے والا ہے ، ہم سب مل کر پاکستان کو انشااللہ اس کا جائز مقام دلوائیں گے اور جلد پاکستان اقوام عالم میں اپنا جائز مقام حاصل کر لے گا۔لاہور میں عالمی یوم مزدور کے موقع پر اپنی ذاتی رہائش گاہ پر تقریب سے خطاب کرتے ہوئے وزیرِ ا...
غیر قانونی طور پر بھارت کے زیر قبضہ جموں و کشمیر میں بی جے پی کے رہنما راجوری اور پونچھ میں مسلمانوں کو دھمکیاں دے رہے ہیں کہ وہ یا تو سنگھ پریوار کے حمایت یافتہ امیدوار کو ووٹ دیں یا1947 جیسی صورتحال کا سامنا کرنے کے لیے تیار رہیں۔ کشمیرمیڈیاسروس کے مطابق 1947میں جموں خطے میں ہن...
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...