... loading ...
... loading ...
پاکستان ٹی ٹوئنٹی سیریز میں شکست کے بعد نیوزی لینڈ کے خلاف پہلے ون ڈے میں بھی ناکام ہو گیا ہے۔ کرکٹ حکام کے ناقابل فہم اور یکطرفہ فیصلوں نے کرکٹ ٹیم سے ہم آہنگی تو پہلے ہی چھین رکھی ہے، مگر اب واضح طور پر نظر آرہا ہے کہ ٹیم کسی بھی بہتر امتزاج یا کمبینیشن کے قابل نہیں رہی۔ اور یہ ہدف کے تعاقب یا ہدف کی تشکیل دونوں میں بُری طرح ناکام رہتی ہے۔ ٹیم کا امتحان جیت کے لیے جس بھی میدان میں پیش آتا ہے تو اُس کی ناکامی عیاں ہو کر سامنے آجاتی ہے۔ نیوزی لینڈ کے خلاف تین روزہ میچوں کی سیریز کے پہلے میچ میں 70 رنز سے شکست کے بعد پاکستان کھیل کے تمام نقائص اُبھر کر سامنے آگیے ہیں۔
ویلنگٹن کے بیسل ریزرو کرکٹ گراؤنڈ میں کھیلے گئے سیریز کے پہلے میچ میں پاکستان کرکٹ ٹیم کے کپتان اظہر علی نے ٹاس جیت کر میزبان نیوزی لینڈ کی ٹیم کو پہلے بلے بازی کی دعوت دی۔ مگر ہدف کے تعاقب میں عام طور پر ناکام رہنے والی پاکستانی ٹیم 281 رنز کے ہدف کاتعاقب ایک بار نہیں کر سکی۔ اور پوری ٹیم کے تمام بت ایک ایک کر کے ڈھیر ہوتے گیے۔ پاکستان کی پوری ٹیم 46 اوورز میں 210 رنز بنا کر میدان سے باہر ہوگئی۔ پاکستان کو پہلا نقصان 33 رنز کے مجموعی اسکور پر کپتان اظہر علی کی صورت میں اٹھانا پڑا جو 19 رنز بنا کر گرانٹ ایلیٹ کی گیند پر کیچ آؤٹ ہوئے۔ یہ کم نہ تھا کہ ابھی مجوعی اسکور میں صرف چار رنز کا ہی اضافہ ہو سکا تھا کہ احمد شہزاد کپتان کا تماشائی کے طور پر ساتھ نبھانے کے لئے گرانٹ ایلیٹ کی گیند پر کیچ آؤٹ ہوکر پویلین لوٹ گئے۔اس طرح اُن کی مسلسل ناکامی کا سفر جاری رہا۔ اور وہ صرف تیرہ رنز ہی بنا سکے۔کسی کی سمجھ میں نہیں آرہا کہ وہ بلے بازی کی صلاحیت میں مسلسل ناکام رہنے کے باوجود ایسی کیا قابلیت رکھتے ہیں کہ اُن پر کھیل کی ہر قسم کا کپتان اور انتظامیہ بھروسا کرلیتی ہے۔
پاکستان گزشتہ کئی برسوں سے اوپنرز کی مسلسل ناکامی کے بعد اپنا تمام ہی انحصار مڈل آرڈر بلے بازی پر کرتا ہے۔ اس دفعہ بھی یہی ہوا۔ دونوں اوپنرز کی ناکامی کے بعد محمد حفیظ اور بابر اعظم نے ٹیم کو سہارا دینے کی کوشش کی اور 81 رنز کی شراکت قائم کی ، مگر پھر محمد حفیظ 42 رنز بنا کر کین ولیمسن کا شکار بن گیے۔حسب توقع صہیب مقصود ایک بار پھر ناکام ہوئے ۔ بابر اعظم نے ہانپتی کانپتی ٹیم کو سہارا دینے کی کوشش کرتے ہوئے 76 گیندوں پر 62 رنز جوڑے، مگر پھر اُن کی سانس بھی 168کے مجوعی اسکور پر کورے اینڈرسن کی گیند پر اکھڑ گئی۔ اس پوری صورتِ حال میں پاکستانی شائقین کو ہمیشہ کی طرح آخری امیدیں گیندبازوں سے جوڑنی پڑی ۔ مگر انور علی، وہاب ریاض اور نجم سیٹھی کے محبوب بالر محمد عامر یکے بعد دیگرے “تو چل میں آیا” کی مثال بنے رہے۔
اگر نیوزی لینڈ کے کھیل پر نظر دوڑائی جائے تو وہ کوئی ایسا کھیل پیش نہیں کرسکے تھے کہ اُ نہیں یہ میچ ہرا یا نہ جاسکتا ہو۔ویلنگٹن کے بیسن ریزرو گراؤنڈ میں کھیلے گئے پہلے ایک روزہ میچ میں پاکستان نے ٹاس جیت کر نیوزی لینڈ کو بیٹنگ کی دعوت دی تھی۔ اور نیوزی لینڈ نے 50 اوورز میں 8 وکٹوں کے نقصان پر 280 رنز بنائے تھے۔ میزبان ٹیم کو آغاز میں مشکلات کا سامنا کرنا پڑا تھا اور 25 کے مجموعی اسکور پر اس کے 2 کھلاڑی پویلین لوٹ گئے تھے۔ مارٹن گپٹل 11 رنز بنا کر محمد عرفان کا نشانہ بنے جبکہ ٹام لیتھم کو ساڑھے پانچ سال بعد ایک روزہ میچ میں واپس لوٹنے والے محمد عامر نے 11 کے انفرادی اسکور پر پویلین واپس بھیجاتھا۔ نیوزی لینڈ کے اوپنرز کی ناکامی کے بعد کیوی کپتان کین ولیمسن اور ہنری نکولز نے ٹیم کو مشکلات سے نکالنے کی ذمہ داری سنبھالی، لیکن 70 کے مجموعی اسکور پر کین ولیمسن کو بھی میدان چھوڑنا پڑا جب وہ 10 رنز بنا کر انور علی کی گیند پر اپنی وکٹیں اڑا بیٹھے۔ انور علی نے گرانٹ ایلیٹ کو بھی نہ بخشا۔اور کسی رنز کے بغیر اُنہیں واپسی کی راہ دکھا دی تھی۔پھر کورے اینڈرسن 10 رنز بنا کر محمد عامر کی گیند پر وکٹوں کے پیچھے نشانہ بنے، جبکہ 5 رنز بنانے والے وکٹ کیپر بیٹسمین لوک رونکی کو بھی محمد عامر نے آؤٹ کیا اور یوں 100 سے بھی کم اسکور پر نیوزی لینڈ کے چھ کھلاڑی پویلین لوٹ چکے تھے۔اس موقع پر پاکستان کی میچ پر مضبوط گرفت تھی۔ مگر پھر گیند باز جیسے گیندبازی ہی بھول گیے ۔ ایسی صورتحال میں بھی ہنری نکولز اور مچل سینٹنر نے بغیر کسی دباؤ کے شاندار بلے بازی کا مظاہرہ کرتے ہوئے ٹیم کے اسکور کو 178 رنز تک پہنچا دیا، جس کے بعد مچل سینٹنر 48 رنز کی عمدہ اننگز کھیلنے کے بعد محمد عرفان کی گیند پر وکٹوں کے پیچھے سرفراز احمد کے ہاتھوں کیچ آؤٹ ہوئے۔ اُن کے بعد میٹ ہنری کریز پر آئے اور ہنری نکولز کے ساتھ مل کر ٹیم کے اسکور کو آگے بڑھانا شروع کیا، تاہم پھر ہنری نکولز 82 رنز کی شاندار اننگز کھیل کر انور علی کی گیند پر میدان سے باہر ہوگیے۔ مگر میٹ ہنری اور مچل مک کلینگن نے اس کا ذراسا بھی اثر نہیں لیا۔اور جارحانہ بلے بازی جاری رکھی۔ کیوی بلے بازوں نے آخری چھ اوورز میں 70 رنز بناکر ٹیم کے اسکور کو 280 رنز تک پہنچایا۔حیرت انگیز طور پر نیوزی لینڈ کے لوئر آرڈر کے بلے بازوں نے ٹیم کو سنبھالا دیتے ہوئے آخری چند اوورز میں 117 رنز کا اضافہ کرکے دیا۔ جس کے باعث نیوزی لینڈ ایک قابل دفاع ہدف دینے میں کامیاب ہو سکی۔ پاکستان کی جانب سے محمد عامر اور انور علی نے 3، 3 کھلاڑیوں کو آؤٹ کیا، جبکہ محمد عرفان نے 2 وکٹیں حاصل کیں۔
پاکستان بلے بازی اور گیند بازی کے دونوں ہی میدانوں میں ناکام ثابت ہوا۔ گیند بازی میں ابتدائی طور پر میچ پر اپنی گرفت مضبوط کرانے کے باوجود ٹیم کے سب سے بڑے گیند باز آخری اوورز کے کھیل میں رنز کو نہ روک سکے اور وکٹیں حاصل کرنے میں ناکام دکھائی دیئے۔ یہاں تک کہ ان آخری اوورز میں وہ یارک بال تک کرانا بھول گئے تھے۔ اسی طرح بلے باز اوپننگ میں ہمیشہ کی طرح ناکام رہے۔ مڈل آرڈر ٹیم کا بوجھ اُٹھانے کی اعصابی صلاحیت کا مظاہرہ نہ کرسکے اور اپنے انفرادی کھیل کا مظاہرہ کے کے میدان سے باہر بیٹھ گیے۔ جبکہ پاکستان کا لوئر آرڈر بھی کسمپرسی کا شکار اور کسی بیوہ کی فریاد کرتا نظرآیا۔
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
