... loading ...
... loading ...
بھارت ایک روز بعد 26جنوری کو یوم جمہوریہ کے طور پر منا نے جارہا ہے تاہم کشمیری عوام ہر سال کی طرح اس روز کو کو یوم سیا ہ کے طور پر منا نے کی تیاریوں میں مصروف ہیں۔بزرگ رہنماقائد حریت سید علی گیلانی نے 26جنوری کو کشمیریوں کے لئے یومِ سیاہ قرار دیتے ہوئے اس دن مکمل ہڑتال اور سرکاری تقریبات کا بائیکاٹ کرنے کی اپیل کی ہے۔ حریت چیئرمین نے بیان میں کہا ہے کہ کشمیری بھارت یا اس کے عوام کے دشمن ہیں اور نہ وہ بھارت کی حدود میں اس کے یومِ جمہوریہ منانے کے مخالف ہیں، البتہ جہاں تک کشمیر کا تعلق ہے تو اس کو بھارت نے چونکہ فوجی طاقت کے ذریعے زبردستی اپنے ساتھ جوڑ رکھا ہے، لہٰذا اس کے لئے جموں کشمیر کی سرزمین پر اس قسم کی کوئی تقریب منانے کا کوئی اخلاقی اور آئینی جواز نہیں ہے۔بھارت نے قومی اور بین الاقوامی سطح پر جموں کشمیر میں ریفرنڈم کرانے کا وعدہ بھی کیا ہے، البتہ ابھی تک اس ملک نے اپنے وعدوں کا ایفا نہیں کیا ہے۔ سیدگیلانی نے کہا کہ یہ وہ واحد وجہ ہے، جس کی بنیاد پر ہم جموں کشمیر میں 26جنوری کی تقریبات کے انعقاد کے مخالف ہیں۔
متحدہ جہاد کونسل کے سربراہ سید صلاح الدین نے ’ 26جنوری کو یوم سیاہ کے طور پرمنانے کی اپیل کرتے ہوئے کہا ہے کہ بی جے پی کے نام پر ہندوتوا نظریہ کی حامل شدت پسند ہندو تنظیمیں بھارت پر حکومت کررہی ہیں اوردنیا کے سا منے اب بھارت کے جمہوری چہرے سے پوری طرح نقاب اتر گیا ہے۔ ان خیالات کا اظہار انہوں نے متحدہ جہاد کونسل کے ایک اعلیٰ سطحی اجلاس سے خطاب کرتے ہوئے کیا۔ سید صلاح الدین نے کہا کہ1947ء سے اب تک بھارتی فورسز نے5لاکھ سے زائد کشمیریوں کو اس جرم میں موت کے گھاٹ اتاردیا کہ وہ آزادی کا مطا لبہ کرتے ہیں،سرکاری دہشت گردی کا یہ سلسلہ تواتر کے ساتھ آج بھی جاری ہے۔نہتے لوگ قتل کئے جارہے ہیں ۔نوجوانوں کو گرفتار کیا جارہا ہے ،مسلمہ کشمیری قیادت کو جیلوں اور گھروں میں نظر بند کرکے رکھا گیا ہے۔قلم اور زبان دونوں پر عملاََ پابندی ہے۔پوری ریاست کو ایک فوجی گیریژن میں تبدیل کیا گیا ہے ۔ انہوں نے کہا کہ مقبوضہ ریاست میں یوم جمہوریہ منانا دنیا کی آنکھوں میں دھول جھونکنے کے مترادف اور عالم انسانیت کے ساتھ مزاق سے کم نہیں۔
جموں و کشمیرلبریشن فرنٹ کے سربراہ محمدیاسین ملک نے کہا ہے کہ بھارت نے عرصہ دراز سے جموں وکشمیر کے لوگوں کو حق آزادی مانگنے کی پاداش میں جس جبر و اذیت کا نشانہ بنا رکھا ہے، وہ اس بات کا ناقابل تردید ثبوت ہے کہ اپنے تمام تر دعووں کے باوجود اس ملک کے حکمرانوں کو جمہوریت اور انسانی حقوق کے تحفظ سے کوئی دلچسپی نہیں ہے۔ انہوں نے کہاکہ ’جس ملک نے ہماری آزادی کو طاقت کے زور پر دبا رکھا ہے اْس کا یوم جمہوریہ ہمارے لئے ہر صورت میں یوم سیاہ ہی ٹھہراتا ہے‘۔یاسین ملک نے کہا کہ 26جنوری وہ دن ہے جس کو بھارت جمہوریت کے دن کے طور پر مناتا ہے، جمہوریت کا مطلب و منشاء یہ ہوا کرتا ہے کہ لوگوں کی خواہشات کا احترام کیا جائے اور انہیں اْن کی مرضی کے مطابق اپنے مستقبل کا فیصلہ کرنے کی آزادی دی جائے۔ لیکن جب جب کشمیریوں نے اپنے اس حق کی بازیابی کیلئے آوازبلند کی تو اْن پر عذاب و عتاب ،بندوق کے دہانے اور جیل کے دروازے کھول دئے گئے‘۔یاسین ملک نے کہاکہ’ ہمارے لاکھوں لوگ قتل کئے گئے جبکہ ہزاروں کو زیر حراست لاپتہ کیا گیا۔ خود اسی جنوری میں کشمیر کے کئی مقامات پر بندوقوں کے دہانے کھول کر قتل عام کے واقعات عمل میں لائے گئے۔ انہوں نے کہا کہ جموں کشمیر کے سلسلے میں بھارت کا یہ جمہوریت کش رویہ آج بھی جاری ہے۔ لہٰذا جو ملک کشمیریوں کے جمہوری حق کو بزور طاقت دبانے میں منہمک ہے ‘ کشمیری اس ملک کے یوم جمہوریہ کو بطور یوم احتجاج ہی مناسکتے ہیں۔
جموں و کشمیرفریڈم پارٹی کے سربراہ شبیر احمد شاہ نے کہا ہے کہ بھارت کو جموں وکشمیر کی حدود میں یوم جمہوریہ منانے کا کوئی آئینی حق حاصل نہیں کیونکہ جموں کشمیر کبھی بھی بھارت کا آئینی حصہ رہا ہے اور نہ ہی ریاست میں اس کے فوجیوں کی جانب سے نہتے عوام کے تئیں اس کے روا رکھے گئے ظالمانہ رویہ کی بنیاد پر اسے یہ دن منانے کا کوئی جواز ہے۔ شبیرشاہ نے یہ بات واضح کی کہ ہمیں بھارت کے لوگوں سے کوئی ْپر خاش نہیں اور نہ ہمیں بھارت کی سالمیت سے خوامخواہ کا بیر ہے لیکن ریاست میں بھارت کی ایک غاصبانہ حیثیت کو دیکھتے ہوئے ہمیں بنا کسی جھجک یہ کہنے کا حق حاصل ہے کہ یہ دن ریاستی عوام کے لئے ایک سیاہ ترین دن ہے۔انہوں اس بات پر افسوس کا اظہار کرتے ہوئے کہا کہ ایک طرف بھارت اپنا یوم جمہوریہ منائے جانے کے لئے تیاریاں کررہا ہے اور جمہوری اقدار کے بول بالا کے لئے بلند بانگ دعوے بھی کررہا ہے اور دوسری طرف اس کے برعکس ریاست میں بالخصوص یوم جمہوریہ کی تیاریوں کے دوران ریاستی عوام کا قافیہ حیات تنگ کیا جارہا ہے،جگہ جگہ ناکے لگاکر لوگوں کی آمد و رفت پر قدغن عائد کی جارہی ہیں اور خانہ تلاشیوں اور جامہ تلاشیوں کے دوران مرد و خواتین کی تذلیل کی جارہی ہے۔ واضح رہے کہ 29جنوری کی تقریب کو کا میاب بنانے کیلئے بھارتی فورسز نے جنوری کے آغاز سے ہی مقبوضہ کشمیر میں تلاشیوں ،محاصروں اور گرفتاریوں کا سلسلسہ تیز کیا ہے ۔اکثر قائدین یا تو جیلوں میں یا گھروں میں نظر بند رکھے گئے ہیں اور وادی عملاََ ایک جیل خانے میں تبدیل ہوئی ہے۔
وزیراعظم شہباز شریف کو کاروباری شخصیت عارف حبیب نے معاشی استحکام کے لیے بانی پی ٹی آئی سے ہاتھ ملانے کی تجویز دے دی۔تفصیلات کے مطابق کراچی میں وزیراعظم شہباز شریف نے تاجر برادری سے گفتگو کی اس دوران کاروباری شخصیت عارف حبیب نے کہا کہ آپ نے اسٹاک مارکیٹ کو ریکارڈ سطح پر پہنچایا ...
تحریک انصاف کے رہنما لطیف کھوسہ نے نواز شریف اور شہباز شریف کے درمیان جھگڑا چلنے کا دعوی کر دیا ۔اسلام آباد ہائیکورٹ میں گفتگو کرتے ہوئے کہا کہ چھوٹے بھائی نے دھوکا دیکر نواز شریف سے وزارت عظمی چھین لی ۔ شہباز شریف کسی کی گود میں بیٹھ کر کسی اور کی فرمائش پر حکومت کر رہے ہیں ۔ ان...
غزہ میں صیہونی بربریت کے خلاف احتجاج کے باعث امریکا کی کولمبیا یونیوسٹی میں سات روزسے کلاسز معطل ہے ۔سی ایس پی ، ایم آئی ٹی اور یونیورسٹی آف مشی گن میں درجنوں طلبہ کو گرفتار کرلیا گیا۔فلسطین کے حامی طلبہ کو دوران احتجاج گرفتار کرنے اور ان کے داخلے منسوخ کرنے پر کولمبیا یونیورسٹی ...
بانی پی ٹی آئی عمران خان نے کہا ہے کہ پنجاب کا الیکشن پہلے سے پلان تھا اور ضمنی انتخابات میں پہلے ہی ڈبے بھرے ہوئے تھے۔اڈیالہ جیل میں میڈیا سے بات چیت میں انہوں نے کہا کہ جمہوریت، قانون کی بالادستی اور فری اینڈ فیئر الیکشن پر کھڑی ہوتی ہے مگر یہاں جنگل کا قانون ہے پنجاب کے ضمنی ...
ایرانی صدر ابراہیم رئیسی لاہور پہنچ گئے، جہاں انہوں نے مزارِ اقبال پر حاضری دی۔ اس موقع پر ان کا کہنا تھا کہ ایرانیوں کے دل پاکستانیوں کے ساتھ دھڑکتے ہیں۔ غزہ کے معاملے پر پاکستان کے اصولی مؤقف کو سراہتے ہیں۔وزیراعلی پنجاب مریم نواز نے علامہ اقبال انٹرنیشنل ائرپورٹ پر مہمان ایرا...
سپریم کورٹ نے کراچی میں 5 ہزار مربع گز پلاٹ پر پارک بنانے کا حکم دیدیا۔عدالت عظمی نے تحویل کے لئے کانپور بوائز ایسوسی ایشن کی درخواست مسترد کردی۔سپریم کورٹ کراچی رجسٹری میں کانپور اولڈ بوائز ایسوسی ایشن کو زمین کی الاٹمنٹ کیس کی سماعت کے دوران وکیل نے عدالت کو بتایا کہ انیس سو اک...
بھارتی وزیر دفاع راج ناتھ سنگھ کااعتراف کہ بھارت غیر ملکی سرزمین پر اپنے ڈیتھ اسکواڈز چلاتا ہے، حیران کن نہیں کیونکہ یہ حقیقت بہت پہلے سے عالمی انٹیلی جنس کمیونٹی کے علم میں تھی تاہم بھارت نے اعتراف پہلی بار کیا۔بھارتی چینل کو انٹرویو میں راج ناتھ سنگھ نے کہاکہ بھارت کا امن خراب ...
پاکستان اور ایران نے سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اور عدالتی امور سمیت مختلف شعبوں میں تعاون کے فروغ کے لئے 8 معاہدوں اور مفاہمت کی یادداشتوں پر دستخط کر دیئے جبکہ ایرانی صدر ابراہیم رئیسی نے کہا ہے کہ ہم نے پہلے مرحلے میں دونوں ممالک کے درمیان تجارتی ح...
پاکستان اسٹاک ایکس چینج میں تیزی کے نئے ریکارڈ بننے کا سلسلہ جاری ہے اوربینچ مارک ہنڈریڈ انڈیکس بہترہزار پوانٹس کی سطح کے قریب آگیا ہے اسٹاک بروکرانڈیکس کو اسی ہزار پوانٹس جاتا دیکھ رہے ہیں۔اسٹاک مارکیٹ میں ڈھائی ماہ سے تیزی کا تسلسل جاری ہے انڈیکس روزانہ نئے ریکارڈ بنارہا ہے۔۔سر...
وزیراعلیٰ سندھ سید مراد علی شاہ نے اسٹریٹ کرائم کیخلاف دوطرفہ کارروائی کرنے کا فیصلہ کیا ہے۔تفصیلات کے مطابق وزیراعلی سندھ سید مراد علی شاہ کی زیرصدارت اپیکس کمیٹی کا اجلاس ہوا، جس میں آئی جی سندھ غلام نبی میمن نے صوبے میں امن وامان سے متعلق بریفنگ دی۔اجلاس میں وزیر اعلی مرادعلی ...
ملک بھر میں قومی اور صوبائی اسمبلی کے 21 حلقوں پر پولنگ ہوئی، جبکہ ووٹوں کی گنتی کے بعد غیر حتمی اور غیر سرکاری نتائج موصول ہونا شروع ہوگئے ۔الیکشن کمیشن کے مطابق قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہ...
ظفروال کے حلقہ پی پی 54 میں ضمنی الیکشن کے دوران گائوں کوٹ ناجو میں دو سیاسی جماعتوںکے کارکنوں میں جھگڑے کے دوران ایک شخص جاں بحق ہو گیا۔ جھگڑے کے دوران مبینہ طور پرسر میں ڈنڈا لگنے سے 60 سالہ محمد یوسف شدید زخمی ہو اجسے ہسپتال لے جایا گیا لیکن وہ زخموں کی تاب نہ لا کرجان کی بازی...
