... loading ...
... loading ...
ترکی کی جانب سے شامی سرحد پر ایک روسی طیارے کو مار گرائے جانے کی خبر اس وقت زبان زدِ عام ہے۔ نہ صرف اس کے نتائج پر بحث کی جا رہی ہے بلکہ سوشل میڈیا پر بھی ایک بازار گرم ہے۔ ابلاغ کے ان جدید ذرائع پر ہی دو ایسی وڈیوز سامنے آئی ہیں، جن سے روس کا غضب مزید بھڑکے گا۔ ایک وڈیو میں روسی پائلٹ کی لاش پر نعرے لگاتے شامی باغی ہیں تو دوسری وڈیو میں ایک روسی ہیلی کاپٹر کو تباہ کرتے دکھایا گیا ہے۔
ٹوئٹر پر پیش کی گئی پہلی وڈیو میں دکھایا گیا ہے کہ روسی لڑاکا طیارے کی تباہی کے بعد زمین کی جانب آنے والے پائلٹوں کو فضا ہی میں مارنے کی کوشش کی جا رہی ہے۔ دوسری وڈیو میں درجن بھر باغیوں کو روسی پائلٹ کی لاش کے گرد اللہ اکبر کے نعرے لگاتے دیکھا جا سکتا ہے۔
شام و ترکی کی سرحد کا یہ علاقہ جبل ترکمان کہلاتا ہے اور یہاں گزشتہ تقریباً مہینے میں روس نے بارہا ترک سرحدی حدود کی خلاف ورزی کی ہے جس پر ترکی نے بارہا احتجاج کیا تھا اور آخری بار دھمکی دی تھی کہ اس مرتبہ اگر کوئی طیارہ ترکی حدود میں داخل ہوا تو اسے زمین بوس کردیا جائے گا۔ آج صبح سویرے ایک ایس یو-24 طیارہ بارہا انتباہ کے باوجود ترک سرحدی حدود سے نہ نکلا جس پر ایک ترک ایف-16 نے اسے فضا سے فضا میں مار کرنے والے میزائل سے مار گرایا۔ یہ جہاز سرحد کے شامی علاقے میں گرا اور پائلٹ بھی وہیں اترنے لگے لیکن نیچے موجود ترکمان باغیوں نے زمین پر قدم رکھنے سے پہلے ہی ان کا کام تمام کردیا۔
ابھی تک صرف ایک پائلٹ ہی کی شناخت ہو سکی ہے جس کے بارے میں کہا جا رہا ہے کہ وہ سرگئی رمیانسیف تھا، جو جنوب وسطی روس کی شاگول ایئربیس پر روسی فضائیہ میں میجر تھا۔ البتہ ابھی تک دوسرے پائلٹ کے بارے میں کچھ معلوم نہیں ہو سکا اور نہ ہی اس کی وڈیو یا تصویر منظرعام پر آئی ہے۔
جس علاقے میں یہ طیارہ گرا یہاں بڑی تعداد میں ترکمان آباد ہیں، جو شہری تو شام کے ہیں لیکن نسلاً ترک ہیں اور اس وقت شام کی حکومت کے جارحانہ حملوں کی زد میں ہیں۔
شامی صدر بشار الاسد کی مخالف آزاد شامی افواج کی 10 ویں بریگیڈ کے ترجمان جاہد احمد نے کہا ہے کہ وہ روسی پائلٹ کی لاش کے بدلے میں شام کے پاس قیدی چھڑانے کی کوشش کریں گے۔
جب روس کے صدر ترکی کی اس “حرکت” کا جواب دینے کی باتیں کر رہے تھے عین اسی وقت شام کے باغی عناصر نے ایک وڈیو جاری کی جس میں دعویٰ کیا گیا ہے کہ ان پائلٹوں کی تلاش کے لیے آنے والے ایک روسی ہیلی کاپٹر کو تباہ کیا گیا ہے۔
وڈیو میں دیکھا جاسکتا ہے کہ آزاد شامی افواج کے اراکین ایک امریکی اینٹی ٹینک میزائل کے ذریعے تباہ کر رہے ہیں۔ باغی ترجمان زکریا الاحمد نے کہا کہ یہ ہیلی کاپٹر صوبہ لاذقیہ میں بہت نچلی پرواز کر رہا تھا اور جب ایک جگہ پر اترا تو ٹاؤ میزائل کے ذریعے اسے تباہ کردیا گیا۔ آزاد ذرائع سے معلوم ہوا ہے کہ اس ہیلی کاپٹر نے علاقے میں ہنگامی لینڈنگ کی تھی اور اس کے پائلٹ جہاز سے نکل گئے تھے۔ ابھی تک ہنگامی لینڈنگ کے اسباب اور اس کے پائلٹوں کے بارے میں کچھ معلوم نہیں ہو سکا۔
امریکی افواج بے تاب ، گن لوڈڈ ہیں،حکم ملتے ہی ایران پر حملہ کردیں گی، مجھے یقین ہے ایران کے پاس معاہدہ کرنے کے سوا کوئی راستہ نہیں بچا ،ہمارے پاس بہت زیادہ اسلحہ اور وسائل موجود ہیں پوری امید ہے ایران کے ساتھ جنگ ایک عظیم ڈیل پر ختم ہوگی،2 ہفتوں کی جنگ بندی کو اپنی تیاری بڑھانے ...
ثالثی کی کوششوںسے حکمرانوں کو ملنے والا عروج عارضی ہے، موجودہ حالات عالمی جنگ کا باعث بن سکتے ہیں، اگر یہ صورتحال جاری رہی تو دوسری بڑی طاقتیں جنگ کا حصہ بن جائیں گی خلیجی ممالک کو سمجھنا ہوگا امریکی اڈے اُن کے لیے نقصان کا باعث ہیں، مدارس کی رجسٹریشن ہو رہی ہے ا ور نہ ہی اکاؤن...
مہاجر ایک قوم، ملکی وسائل پر مہاجروں کا حق تسلیم کیا جائے،آفاق احمد ساڑھے چار لاکھ بچوں کے مستقبل سے کھیلا جارہا، اسکول اور اساتذہ بکے ہوئے ہیں،چیئرمین مہاجرقومی موومنٹ مہاجر قوم، قوم پرست بنے، ایک پلیٹ فارم پر متحد ہوجائے، خدارا خود کو مہاجر تحریک سے جوڑیں،عید ملن پارٹی سے خطا...
شہباز شریف کی زیرصدارت اجلاس،پبلک پرائیویٹ پارٹنر شپ اتھارٹی بنانے کی منظوری دیدی وزیرِ اعظم نے نئے منظور شدہ نظام کے حوالے سے عملدردآمد پر پیش رفت تیز کرنے کی ہدایت کی وزیرِ اعظم محمد شہباز شریف کی زیر صدارت ملک میں پبلک پرائیویٹ پارٹنرشپ کے ذریعے ترقیاتی منصوبوں میں تیزی ل...
ڈیڈ لائن سے پہلے ڈیل نہ ہوئی تو تب بھی وہ نہ تو جنگ بندی میں توسیع کریں گے اور نہ ہی ایرانی سمندروں کی ناکہ بندی ختم کریں گے، ایران ایٹمی ہتھیار بنانے کا منصوبہ ختم کرے،امریکی صدر تہران کا وفد امریکا سے مذاکرات کیلئے اسلام آباد نہیں جا رہا ،صدرٹرمپ سنجیدہ نہیں ، دھمکیوں سے باز ...
صورتحال اگر یہی برقرار رہی تو امن کی کوششیں آگے نہیں بڑھ سکیں گی،عاصم منیر کے مشورے پر غور کروں گا( امریکی صدر) دونوں رہنماؤں میں خطے میں جاری کشیدگی پرگفتگو آبنائے ہرمز، عالمی تیل کی ترسیل کاراستہ ، کشیدگی کا مرکز بنی ہوئی ہے،ایرانی بندرگاہوں پر امریکی ناکہ بندی کا تسلسل امن...
وزیراعلیٰ سندھ نے گندم خریداری مہم تیز کرنے اور آبادگاروں کو فوری ادائیگیاں یقینی بنانے کی ہدایت کردی فی ایکڑ پانچ بوری کی شرط ختم کرنے سے ہاریوں کو بڑا ریلیف ملے گا،مراد علی شاہ کی زیر صدارت اجلاس وزیراعلیٰ سندھ مراد علی شاہ نے گندم فروخت کی حد ختم کرنے کا فیصلہ کرتے ہوئے گ...
عہد کی پاسداری ہی بامعنی مکالمے کی بنیاد ہے، ایرانی عوام جبر کے سامنے سر نہیں جھکائیں گے ایران میں امریکا کی حکومتی کارکردگی کے پس منظر میں گہرا تاریخی عدم اعتماد موجود ہے،ایرانی صدر ایرانی صدر مسعود پزشکیان نے کہاہے کہ امریکہ ایران سے سرنڈر کرانا چاہتا ہے، تاہم ایرانی عوام ک...
مذاکرات کا دوسرا مرحلہ جمعہ سے پہلے متوقع، اسلام آباد کے ہوٹلز کو مہمانوں سے خالی کروانے کا فیصلہ ، کسی نئی بکنگ کی اجازت نہیں، ریڈ زون کی سڑکیں عارضی طور پر بند، ذرائع ایران سے ایک یا دو دن میں معاہدہ طے پانے کا امکان ، میرے نمائندے آج اسلام آباد پہنچ جائیں گے، میں شاید بعد م...
پاکستان ہمارا گھر، کسی جاگیردار یا بیوروکریٹس کی ملکیت نہیں، امریکی صدرٹرمپ کی سفارتکاری دیکھیں ایسا لگتا ہے کوئی بدمعاش ہے، الفاظ اور لہجہ مذاکرات والا نہیں،سربراہ جے یو آئی جب تک فارم 47 کی غیرفطری حکمرانی رہے گی، تب تک نہ تو مہنگائی کم ہوگی اور نہ ہی حقیقی استحکام آئے گا، غ...
محکمہ تعلیم سندھ نے مخصوص مونوگرام یا لوگو والی نوٹ بکس خریدنے کی شرط بھی غیر قانونی قرار دیدی اسکول کے اندر کسی قسم کا اسٹال یا دکان لگا کر اشیا بیچنا اب قانونا جرم ہو گا،محکمہ تعلیم کا نوٹیفکیشن جاری نجی اسکولوں میں پڑھنے والے طلبا کے والدین کو بڑا ریلیف مل گیا،اسکول انتظام...
شہباز شریف سے فون پر گفتگو،وزیراعظم اور فیلڈ مارشل کی امن کوششوں پر اظہار تشکر خوشگوار گفتگو کے دوران دونوں رہنماؤں کا خطے کی موجودہ صورتحال پر تفصیلی تبادلہ خیال وزیراعظم شہباز شریف کا صدرِ اسلامی جمہوریہ ایران سے ٹیلیفونک رابطہ ہوا۔ وزیراعظم محمد شہباز شریف نے آج شام اسلا...
