... loading ...
... loading ...
بلدیاتی انتخابات کے دوسرے مرحلے میں پنجاب کے 12اور سندھ کے 14 اضلاع کے غیر سرکاری اور غیر حتمی نتائج نے کافی حد تک انتخابی نتائج کا مجموعی منظر واضح کردیا ہے۔ اب تک آنے والے نتائج کے مطابق پنجاب میں حکمران جماعت مسلم لیگ (ن) نے سب زیادہ نشستیں حاصل کیں اور تحریک انصاف کو ابھرنے نہیں دیا۔ جبکہ سندھ کے بیشتر اضلاع میں پیپلز پارٹی کے اُمیدوار حسب توقع کامیاب رہے۔ اِسی طرح حیدرآباد میں متحدہ قومی موومنٹ نے اندازوں کے عین مطابق کامیابی حاصل
کی۔تاہم انتخابات کا سب سے بڑی حیرانی بدین لے کر آیا جہاں ذوالفقار مرزا نے پیپلز پارٹی کا چراغ گل کر دیا۔ مگر یہ حیرانی صرف ذرائع ابلاغ کی حد تک تھی۔ کیونکہ آزاد مبصرین نے جنہیں ٹیلی ویژن کے معروف اینکرز نے زیادہ پزیرائی نہیں بخشی ، پہلے سے ہی بدین کے انتخابات میں ڈاکٹر ذوالقار مرزا کی کامیابی کی پیش گوئی کردی تھی۔
تفصیلات کے مطابق پیپلز پارٹی کے باغی رہنما ڈاکٹر ذوالفقار مرزا نے پیپلز پارٹی کے بے قابو جن کو اپنے انتخابی نشان بوتل میں بند کردیا۔ اور پیپلزپارٹی کی انتخابی مہم میں بلاول کو بدین میں جھونکنے کے باوجود اپنے حلقہ اثر میں معمولی بھی اثر انداز نہ ہونے دیا۔ بلاول نے انتخابی مہم کے آخری روز ڈاکٹر ذوالفقار مرزا کے حوالے سے کہا تھا کہ کچھ انکل نے اُنہیں دھوکا دیا۔ مگر انتخابی نتائج نے ثابت کردیا کہ بدین نے بھی اُنہیں دھوکا دے دیا ہے۔بدین کے ضلعی ہیڈکوارٹر کے تمام کے تمام 14 وارڈز پر ڈاکٹر ذوالفقار مرزا کے گروپ نے کامیابی حاصل کرلی۔ تاہم مجموعی طور پر بدین کے دیگر اضلاع کے نتائج میں مرزا گروپ اور پیپلز پارٹی تقریباً ہم پلہ ثابت ہوئے۔ گولارچی ٹاؤن کمیٹی کی چھ میں سے پانچ نشستیں مرزا گروپ کے نام رہیں۔ بدین کی کل سترہ یونین کونسلوں میں سے چھ مرزا اور دو پر پی پی کامیاب ہو سکی ہے۔
بدین کے علاوہ باقی سندھ کے 14 اضلاع میں سے بارہ میں پیپلزپارٹی کامیاب رہی ۔ سندھ بھر کے اب تک کے نتائج میں مجموعی طور پر پیپلز پارٹی 847 نشستوں کے ساتھ سب سے آگے ہے۔ واضح رہے کہ سندھ میں بلدیاتی انتخابات کے دوسرے مرحلے میں صوبے کے 14 اضلاع میں ہونے والی پولنگ میں ووٹنگ کا تناسب پچاس فیصد رہا اور یہاں 5100 نشستوں کے لیے 14000 اُمیدوار میدان میں اُترے تھے۔ ایم کیوایم نے حیدرآباد میں اپنا سکہ جمائے رکھا۔ اور مجموعی طور پر 118 نشستیں حاصل کی۔ سندھ میں آزاد امیدوار بھی 121 نشستوں پر کامیاب رہے۔ سندھ میں اب تک سامنے آنے والے نتائج کے مطابق دیگر سیاسی جماعتوں میں مسلم لیگ نون نے 64 ، فنکشنل لیگ نے 22، عوامی اتحاد نے 19،جماعتِ اسلامی نے 8، تحریک انصاف نے 7، پیپلز پارٹی شہید بھٹونے 4 اور جمعیت علمائے اسلام نے بھی تین نشستیں حاصل کی ہیں۔
دوسری طرف پنجاب میں دوسرے مرحلے کے بارہ اضلاع کے انتخابات میں حسب توقع مسلم لیگ نون نے اب تک کے نتائج میں اپنی واضح برتری کو برقرار کھتے ہوئے 986 نشستیں حاصل کر لی ہے۔جب کہ دوسرے نمبر پر زیادہ بڑی تعداد میں آزاد امیدوار کامیاب رہے۔ اس طرح تحریک انصاف اکثر جگہوں پر مسلم لیگ نون کے سامنے یا انتخابات میں اپنے حریفوں یا پھر ووٹرز کے سامنے دوسرے نمبر پر رہنے کا تاثر بھی برقرار نہ رکھ سکی۔ تاہم تحریک انصاف نے اب تک کے نتائج میں 313 نشستیں حاصل کرلی۔ پیپلز پارٹی ایک مرتبہ پھر پنجاب میں اپنی مکمل ناکامی کے تاثر کو زائل کرنے میں کامیاب نہیں ہو سکی۔ اور صرف بارہ نشستیں حاصل کر پائی۔اسی طرح مسلم لیگ ق کے حصے میں صرف 10، جماعتِ اسلامی 8 اور دیگر جماعتیں 13 نشستیں ہی حاصل کر سکیں ۔
مجموعی طور پر بلدیاتی انتخابات کسی بھی سطح پرنئی سیاسی رجحان سازی کے عکاس ثابت نہیں ہو سکے۔ اور انتخابی نتائج کا تاثر روایتی ہی رہا۔ اگر کسی بھی سطح پر کوئی بڑا اپ سیٹ ہوا ہے تو وہ بھی شخصیات کی ہی بدولت تھا۔ مثلاً بدین میں ڈاکٹر ذوالفقار مرزا اور نوشہرو میں جتوئی خاندان کے باعث اپ سیٹ ہوئے۔ اسی طرح پنجاب میں بھی کامیابی کارجحان کسی پروگرام یا ایجنڈے کے مرہون منت نہیں رہا بلکہ فیصلہ کن عامل شخصیات کااثرورسوخ رہا۔آزاد مبصرین کے نزدیک ان انتخابات کے ذریعے کسی جمہوریت کے پنپنے یا جمہوری نظام کے مستحکم ہونے کا تاثر درست نہ ہوگا۔ بلکہ یہ اُسی طرح برادریوں، جماعتوں، اور شخصیات کا انتخابات تھا جو روایتی طور پر ہوتا ہے اور جس سے وہی برادریاں ، جماعتیں اور شخصیات مستحکم ہوتی ہیں۔
شاہد خاقان عباسی،مصطفی نواز کھوکھر ، اسد قیصر، اخونزادہ حسین یوسف زئی اور خالد یوسف چوہدری نے بدھ کی شب حکومتی مذاکرات کی آفر پر مشاورتی نشست میں مثبت جواب دینے کا فیصلہ رانا ثنا اللہ کے بیانات کا باریک بینی سے جائزہ ،پی ٹی آئی قیادت کے مشورے پر محمود اچکزئی اور راجا ناصر عباس...
آئی ایم ایف ممکنہ طور پر یو اے ای کے سفیر سے ملاقات کرکے رول اوور کی نئی یقین دہانی حاصل کرنا چاہے گا، آئی ایم ایف کے اسٹیٹ بینک حکام سے تکنیکی سطح کے مذاکرات جاری پیر سے آئی ایم ایف وفد اور وزارت خزانہ کے حکام کے مابین اسلام آباد میں مذاکرات ہوں گے، سمجھ نہیں آتی میڈیا رول...
افسوسناک واقعہ تور پل کے قریب پیش آیا ،دھماکے سے گھر کا بیشتر حصہ منہدم ہو گیا دھماکے سے متاثر گھر میں بچے افطاری کیلئے لسی خریدنے کیلئے جمع تھے،سکیورٹی ذرائع بلوچستان کے علاقے چمن میں گھر کے اندر سلنڈردھماکہ ہوا ہے جس میں بچوں سمیت 8افراد جاں بحق ہو گئے ۔واقع تور پل کے ایک ...
آصف علی زرداری نے مراد علی شاہ اوروہاب مرتضیٰ کی کراچی صورتحال پر پارٹی قیادت کی سخت کلاس لے لی ، فوری نتائج نہ آنے پر برہمی کا اظہار ،اجلاس میں سخت سوالات کا سامنا کرنا پڑا بتائیں پیسے، اختیارات کس چیزکی کمی ہے، یہاں سڑکیں تاخیر سے بنتی ہیں تو محسن نقوی سے پوچھ لیں انڈرپاس ساٹھ...
میرے ڈاکٹروں کو مجھ تک رسائی دی جائے،عمران خان نے کہا تھا کہ یہ لوگ مجھے مار دیں گے، اب سمجھ آتا ہے کہ وہ بالکل ٹھیک کہہ رہے تھے،عمران سے آج کسی کی ملاقات نہ ہوسکی، عظمی خان بانی کو الشفا انٹرنیشنل اسپتال لے کر جائیں ان کا طبی ڈیٹا ان کے ڈاکٹرز کے پاس ہے، یہ لوگ بہت جھوٹ بول چ...
کراچی کی سڑکوں کی بحالی کیلئے 8ارب، گل پلازہ متاثرین کیلئے 7ارب معاوضہ منظور آئی آئی چندریگر روڈ پر تاریخی عمارت کے تحفظ کیلئے ایک ارب 57 کروڑ روپے مختص سندھ کابینہ نے شہر کراچی کی سڑکوں کی بحالی کے لیے 8 ارب 53 کروڑ روپے اور گل پلازہ آتشزدگی متاثرین کے لیے 7 ارب روپے معاو...
فورسز کی بھاری نفری جائے وقوعہ پہنچ گئی، زخمی اور لاشیں ڈی ایچ کیو بھکر منتقل وفاقی وزیرداخلہ کاشہید ہونے والے پولیس اہلکاروں کو خراج عقیدت پیش پنجاب کے ضلع بھکر کی سرحد پر قائم بین الصوبائی چیک پوسٹ داجل پر خودکش حملہ ہوا جس میں 2 پولیس اہلکار شہید اور 1 زخمی ہوگیا۔تفصیلات ک...
ناصر عباس، سلمان اکرم، عامر ڈوگر، شاہد خٹک و دیگر ارکانِ اسمبلی احتجاج میں شریک احتجاج میں بانی پی ٹی آئی کے ذاتی معالجین سے معائنہ کرانے کا مطالبہ سامنے آیا ہے وفاقی دارالحکومت اسلام آباد میں سپریم کورٹ کے باہر اپوزیشن نے احتجاج شروع کرتے ہوئے سابق وزیراعظم عمران خان کے م...
21 جولائی 2025 کا حکم اس بینچ نے دیا جو قانونی طور پر تشکیل ہی نہیں دیا گیا تھا قواعد کے تحت اسلام آباد ہائی کورٹ کے چیف جسٹس ہی ماسٹر آف دی روسٹر ہیں اسلام آباد ہائیکورٹ نے ڈاکٹر عافیہ صدیقی کیس میں بڑا فیصلہ کرتے ہوئے وزیر اعظم اور وفاقی کابینہ کیخلاف توہینِ عدالت کی کار...
حملہ آوروں نے فائرنگ کے بعد دو گاڑیوں کو آگ لگادی اور فرار ہو گئے، عینی شاہدین حملے کی نوعیت واضح نہیں ہوسکی، علاقے میں سرچ آپریشن شروع کردیا، اسسٹنٹ کمشنر بلوچستان کے ضلع پنجگور کے سرحدی علاقے چیدگی دستک میں نامعلوم مسلح افراد کے حملے میں 6 افراد جاں بحق ہوگئے، حملہ آورو...
فضائی کارروائی کے دوران ننگرہار میں چار، پکتیکا میں دو اور خوست میں ایک ٹھکانہ تباہ، بہسود میں ایک ہی گھر کے 17 افراد ہلاک ہوئے ہیں،مارے گئے خوارجیوں کی تعداد بڑھ سکتی ہے، سیکیورٹی ذرائع ان حملوں میں خواتین اور بچوں سمیت درجنوں افراد ہلاک اور زخمی ہوئے ہیں، افغان طالبان کی وزارت...
یہ کیا ظلم تھا؟ کیسا انصاف ہے 180 سیٹوں والا جیل میں اور 80 سیٹوں والا وزیراعظم ہے،جماعت اسلامی قرارداد کی حمایت سے شریک جرم ، حافظ نعیم سے کوئی جا کر پوچھے کیا وہ سندھودیش کے حامی ہیں؟ ہمارے ہوتے ہوئیسندھو دیش کا خواب خواب ہی رہیگا، سندھو دیش نہیں بن سکتا،جو سب ٹیکس دے اس کو کو...
