... loading ...
... loading ...
ڈاؤ یونیورسٹی آف ہیلتھ سائنسسز کراچی کے وائس چانسلر کی تقرری کے حوالے سے ’’وجودڈاٹ کام ‘‘ کی خبر درست ثابت ہوئی، اور سابق صدر آصف علی زرداری کی مداخلت پر لیاقت یونیورسٹی آف ہیلتھ سائنسیز جامشورو کے وائس چانسلر پروفیسر ڈاکٹر نوشاد احمد شیخ کو میرٹ اور قواعد کو بالائے طاق رکھ کر چار سال کی مدت کے لیے ڈاؤ یونیورسٹی کا وائس چانسلر مقرر کردیا گیا ہے۔ اور یوں ایک بار پھر پروفیسر مسعود حمید کی بدعنوانیوں کے پنڈورابکس کو بند رکھنے کا اہتمام کردیا گیا ہے۔ واضح رہے کہ ’’وجودڈاٹ کام ‘‘ نے 13 ؍اکتوبر 2015 ء کو ہی یہ خبر دے دی تھی کہ اگر آصف علی زرادری نے ڈاؤیونیورسٹی کے وائس چانسلر کی تقرری میں خود براہ راست مداخلت نہ کی تو میرٹ کے مطابق ڈاؤ یونیورسٹی کے وائس چانسلر کی حیثیت سے پروفیسر ڈاکٹر سعید قریشی کی ہی تقرری عمل میں آئے گی۔ کیونکہ گورنر سندھ ڈاکٹر عشرت العباد نے وزیر اعلیٰ سندھ سید قائم علی شاہ کی ارسال کردہ سمری کے برعکس اپنے اختیارات سے تجاوز کرتے ہوئے پروفیسر ڈاکٹر نوشاد احمد شیخ کو ڈاؤ یونیورسٹی کا وائس چانسلر مقرر کردیا تھا۔ اس معاملہ میں وزیراعلیٰ سندھ اور گورنر سندھ کے مابین جو تنازع رہا ہے وہ تو سب کے علم میں ہی ہے لیکن یہ حقیقت بہت کم لوگوں کو معلوم ہے کہ اس تنازع کو خوش اسلوبی سے طے کرنے کے لئے پروفیسر مسعود حمید کی درخواست پر ڈاکٹر عاصم حسین پاکستان آئے تھے ۔ اور قانون کے شکنجے میں جکڑ کر جیل کی سلاخوں کے پیچھے بھیج دیئے گئے۔ جن لوگوں کو ان کی سوچ کے برعکس ڈاکٹر عاصم حسین نے عروج کی انتہاتک پہنچایا وہ ڈاکٹر عاصم حسین کے لئے کچھ کرنے کے بجائے اپنے آپ کومزید مستحکم کرنے میں یا پھر پکڑے جانے کے خوف کے باعث خود کو بچانے میں مصروف ہیں۔
گورنر سندھ کے اس غیر قانونی اقدام کے خلاف پاکستان میڈیکل ایسوسی ایشن کے مرکزی سیکریٹری جنرل ڈاکٹر مرزا علی اظہر اور پروفیسر ڈاکٹر سعید قریشی نے دوسرے روز ہی سندھ ہائیکورٹ میں گورنر سندھ کے احکامات کے خلاف پٹیشن دائرکردی تھی۔ جس پر عدالت نے گورنرسندھ کے غیر قانونی نوٹیفیکشن کو منسوخ کرتے ہوئے آئندہ سماعت پر تفصیلات طلب کرلی تھیں۔ تاہم سماعت کے موقع پر گورنر سندھ نے عدالت میں اپنے سیکریٹری کے ذریعے خاموشی سے اپنے غیر قانونی حکم کو واپس لے لیاتھا۔ اس دوران باخبر ذرائع کے مطابق ایک جانب پروفیسر ڈاکٹر سعید قریشی کو ٹریپ کرنے کی کوشش کی گئی تو دوسری جانب آخری تُرپ کے پتے کے طور پر دبئی میں سابق صدرآصف علی زرداری سے رابطہ کرکے گورنر ہاؤس میں ڈاکٹر عاصم حسین کی تشکیل کردہ تلاش کمیٹی کی سفارشات اور وزیراعلیٰ سندھ کی سمری کے برعکس پروفیسر ڈاکٹر نوشاد شیخ کو حیرت انگیز طور پر ڈاؤ یونیورسٹی کا وائس چانسلر مقرر کرانے کی تائید و حمایت حاصل کی گئی ۔ اس سے قبل پروفیسر ڈاکٹر نوشاد شیخ کی ذاتی خواہش کے باوجود گورنر ہاؤس نے تیسری بار مسعود حمید کو وائس چانسلر مقرر کرنے کے لئے سندھ اسمبلی کے منتخب ارکان کا منظور کردہ قانون واپس کروایا اور سندھ ہائیکورٹ کے حکم پر بھی اس حوالے سے عمل نہیں کیا گیا۔ کیونکہ جب خود پروفیسر مسعود حمید نے اپنے منصب کے لئے سندھ ہائیکورٹ سے رجوع کیا تھا تو وہ فیصلہ ان کے حق میں نہیں آیا تھا ۔ پروفیسر مسعود حمید کو قاعدے قانون کے برعکس تاحیات وائس چانسلر بننے کے تمام راستے بند ہوجانے کے بعد اب اس شخصیت کو ڈاؤ یونیورسٹی کا وائس چانسلر بنایا گیا ہے۔ جسے گورنر ہاؤس نے اس منصب سے پہلے دور رکھا اور اب نہ جانے کس مجبوری کے تحت اس پر فائض کردیا۔
باخبر ذرائع کے مطابق پروفیسر ڈاکٹر نوشاد شیخ سے یہ یقین دہانی حاصل کرلی گئی ہے کہ وہ پروفیسر مسعود حمید کے 10 سالہ عہد کی بدانتظامی، کرپشن اور بدعنوانیوں پر کسی کارروائی میں تعاون نہیں کریں گے اور کسی دباؤ میں نہیں آئیں گے۔ یہ کیا ستم ظریفی ہے کہ ملک میں وکلا کی تحریک کے نتیجہ میں اعلیٰ عدلیہ میں تو میرٹ کا نظام رائج ہوچکا ہے لیکن ڈاؤ یونیورسٹی کے پہلے وائس چانسلر کی تقرری بھی میرٹ کا قتل کرکے عمل میں لائی گئی تھی اور اب اس طبی جامعہ میں دوسرے انتظامی سربراہ کی تقرری میں بھی قاعدے قانون کی دھجیاں اڑادی گئی ہیں۔ پروفیسر نوشاد احمد شیخ تقرری کے احکامات پر دستخط کرکے بیرون ملک نجی دورے پر روانہ ہوچکے ہیں جب اس سلسلہ میں پی ایم اے کے مرکزی سیکریٹری جنرل ڈاکٹر مرزا علی اظہر سے رابطہ کرکے ان کا موقف معلوم کیا تو ڈاکٹر مرزا علی اظہر نے کہا کہ اگر پروفیسر ڈاکٹر نوشاد احمد شیخ نے اپنے سابقہ ادارے لیاقت یونیورسٹی آف ہیلتھ سائنسیز کا چارج نہیں چھوڑا تو وہ دوبارہ اس غیر قانونی اقدام کے خلاف عدالت سے رجوع کرینگے، جبکہ ملک کے اعلیٰ طبی حلقوں اور باخبر ذرائع نے ڈاؤیونیورسٹی آف ہیلتھ سائنسیز کے انتظامی معاملات میں گورنر سندھ ڈاکٹر عشرت العباد کی غیر معمولی دلچسپی پر حیرت اور تعجب کا اظہار کیا ہے اور یہ سوال کیا ہے کہ صوبے میں جامعات کے نئے قوانین کے نفاذ کے باوجود ایسی کیا وجوہات ہیں کہ گورنر سندھ ڈاکٹر عشرت العباد ڈاؤیونیورسٹی میں انتظامی سربراہ کی تقرری میں میرٹ کو نظر انداز کرکے اپنی بااعتماد شخصیت کو ہی اس کلیدی عہدہ پر برقرار رکھنے کی شدید خواہش کے شکار ہیں؟
امریکی صدر ڈونلڈ ٹرمپ نے کہا کہ ایران امریکا کے ساتھ سمجھوتہ کرنے کے لیے بے تاب ہے اور وہ ڈیل ہونے کیلئے مر رہا ہے۔ تفصیلات کے مطابق ٹرمپ نے جنوبی ڈکوٹا ریاست میں امریکا کی 250 ویں سالگرہ کی تقریب سے خطاب کرتے ہوئے کہا کہ امریکا نے ایران کے سابق سپریم لیڈر علی خامنہ ای ک...
سنسنی خیز مقابلے کے بعد پنالٹی شوٹ آؤٹ میں4ـ2 سے شکست دیکر پہلی بار ورلڈ کپ کے ناک آؤٹ مرحلے میں کامیابی فیفا ورلڈ کپ میں مصر نے شاندار کارکردگی کا مظاہرہ کرتے ہوئے نئی تاریخ رقم کر دی اور آسٹریلیا کو سنسنی خیز مقابلے کے بعد پنالٹی شوٹ آؤٹ میں4ـ2 سے شکست دے کر پہلی بار ورلڈ ک...
روس ہر قیمت پر فتح حاصل کرے گا، نام نہاد امن کے داعی درحقیقت جنگ کو طول دینا چاہتے ہیں، روسی صدر روس نے یوکرین کے ایک اور شہر کوستیان تینیو پر قبضہ کر لیا، روسی صدر پوتن نے کہا ہے کہ روس ہر قیمت پر فتح حاصل کرے گا۔ روسی صدر ولادیمیر پوتن نے یوکرین اور اس کے مغربی حامیوں کو ...
سندھ طاس معاہدے کو سبوتاژ کرنے کی قیمت بھاری ہوگی،پاکستان اپنے جائز آبی وسائل پر غیرقانونی قبضہ ہر گز قبول نہیں کرے گا،پانی روکنے کی بھارتی کوشش کو جنگ تصور کیا جائے گا، اسحاق ڈار بین الاقوامی معاہدوں کی خلاف ورزی کے نتائج 2ممالک تک محدود نہیں رہتے،پاکستان امن کا داعی ہے اور ہم...
20 بچوں کو نکال لیا گیا، ملبے میں مزید بچے دبے ہونے کا خدشہ۔پولیس نے مالک دو بھائیوںفیضان اور ریحان کو حراست میں لے لیا، ایک سال سے ٹیوشن سنٹر چل رہا تھا کمرے کی چھت پر مزدور کام کررہے تھے جس کی وجہ سے چھت گری، 5گرفتار،صدر ووزیراعظم کا اظہار افسوس،وزیراعلیٰ کا صوبے کے اسکولوں کی...
ہم کسی بھی صورت بنیادی حق سے دستبردار نہیں ہوں گے ، پی ٹی آئی رہنما اختر مینگل اتحادی ہیں انہیں ساتھ لے کر چلیں گے،پریس کانفرنس سے خطاب سابق اسپیکر قومی اسمبلی اور پی ٹی آئی رہنما اسد قیصر نے دعوی کیا ہے کہ تحریک انصاف کے دور حکومت میں 400 لاپتا افراد کو بازیاب کرایا گیا۔ ا...
اسٹیٹ بینک نے بغیر قانونی اجازت بینک اکائو نٹس بلاک کرنے سے روک دیا عدالتی حکم پرعملدرآمدکی رپورٹ اسلام آباد ہائیکورٹ میں جمع کرا دی ،اعلامیہ سٹیٹ بینک آف پاکستان نے بغیر قانونی وجہ، مجاز اتھارٹی کی منظوری اور تصدیق کے اکائونٹس بلاک کرنے سے روک دیا ۔عدالتی حکم پر اسٹیٹ بینک ...
مصنوعی قلت پیدا کرنے اور مارکیٹ میں ہیرا پھیری کسی صورت برداشت نہیں کی جائے گی سندھ میں گندم اور آٹے کی مناسب قیمت پر بلا تعطل فراہمی یقینی بنائی جائے،سید مراد علی شاہ وزیراعلیٰ سندھ سید مراد علی شاہ نے محکمہ خوراک اور ضلعی انتظامیہ کو گندم کی ذخیرہ اندوزی اور ناجائز منافع خو...
رینجرز کیمپ پر حملے کی مذمت،شہید اہلکاروں کو خراج عقیدت، لواحقین سے تعزیت کا اظہار پاکستانی قوم اپنے وطن کی حفاظت اور دشمن کے مذموم عزائم کو خاک میں ملانے کیلئے پُرعزم چیئرمین پیپلزپارٹی بلاول بھٹو زرداری نے کراچی میں رینجرز کے کیمپ پر حملے کی مذمت کرتے ہوئے کہا کہ عالمی سطح ...
حملہ آوروں کا تعلق اسی تنظیم سے تھا، پاکستانی حکام بھارتی حمایت یافتہ دہشت گرد گروہ قرار دیتے ہیں جماعت الاحرار کی بنیاد اگست 2014میں رکھی گئی ، بانی عمر خالد خراسانی صحافت سے وابستہ رہے،ماہرین کراچی کے یونیورسٹی روڈ پر پاکستان رینجرز (سندھ)کے کیمپ پر ہونے والے دہشت گرد حملے ...
احتجاج ان کی خواہش نہیں بلکہ آخری آپشن ہے، دوبارہ احتجاج کرنا پڑا توپہلی گولی میرے سینے پر لگے گی، وزیراعلیٰ حکومت نے ہمیشہ عوامی خدمت کو ترجیح دی، اسی لیے عوام نے انہیں تیسری مرتبہ حکومت کرنے کا موقع دیا،خطاب وزیراعلیٰ سہیل آفریدی نے کہا ہے کہ بانی پی ٹی آئی سے ملاقات نہ...
شہباز شریف کا ملک کیخلاف دشمن کے ناپاک عزائم ناکام بنانے کے آہنی عزم کا اعادہ،پاکستان آج دنیا میں امن کے علمبردار کا کردار ادا کر رہا ہے، قوم اپنی افواج کے شانہ بشانہ کھڑی ہے پاکستان کی پرخلوص ثالثی کاوشوں کے نتیجے میں امریکا اور ایران کے درمیان تاریخی اسلام آباد مفاہمتی یادداشت...
