... loading ...
گزشتہ دو دہائیوں سے بھارت سمیت مختلف ملکوں کی پولیس کی گرفت سے بچے رہنے والے چھوٹا راجن کو بالآخر 25 اکتوبر کو سڈنی ، آسٹریلیا سے بالی ، انڈونیشیا پہنچنے پر گرفتار کر لیا گیا ہے۔بھارت نے چھوٹا راجن کو واپس ملک میں لانے کے لیے انڈونیشیا سے تحویل مجرمان کے معاہدے کے تحت رجوع کر لیا ہے جس پر دونوں ممالک نے 2011ء میں دستخط کیے تھے۔بھارت نے اس حوالے سے انٹرپول سے بھی رابطہ کر لیا ہے جو 1995ء سے اُسے تلاش کر رہی تھی۔ “راجندر سدا شیون نکال جی” نامی یہ شخص جو ،اب “چھوٹا راجن” کے نام سے دنیا بھر میں مشہور ہے، دراصل پچھلے بیس برسوں سے بھارت کو انتہائی مطلوب تھا۔
چھوٹاراجن دسمبر 1959ء میں پیدا ہوا۔ وہ ایک انتہائی معمولی مل مزدور کا بیٹا تھا۔ چمبور کے علاقے تلک نگر میں پلنے بڑھنے والے اس شخص کی جرائم کی زندگی کا آغاز سنیما کے ٹکٹ بلیک میں فروخت کرنے سے ہوا تھا۔باخبر حلقوں کے مطابق وہ اُس وقت لوگوں کی نظروں میں آیا جب ممبئی کے سہ کار سنیما کے سامنے ٹکٹوں کی بلیک میں فروخت کے دوران اُس نے مقامی غنڈوں کے مختلف گروپوں سے مارپیٹ شروع کی۔ بس اُس کے بعد وہ جرائم کی دنیا میں آگے ہی بڑھتا گیا۔ پھر اُس نے پیچھے مڑ کرکبھی نہیں دیکھا۔ یہیں پر اُسے راجن نائر نامی ایک شخص کی سرپرستی میسر آئی جسے “بڑا راجن” کہا جاتا تھا۔ اِسی مناسبت سے اُسے ممبئی کے انڈر ورلڈ میں “چھوٹا راجن” کہا جانے لگا۔
بھارت میں چھوٹا راجن پر سترہ سے زائد قتل کے مقدمات درج ہیں۔ایک طویل عرصے تک اُس کا نام ممبئی انڈر ورلڈ کے بے تاج بادشاہ داؤد ابراہیم کے ساتھ جوڑا جاتا رہا ہے۔ مگر پھر 1993ء میں ممبئی بم دھماکوں کے بعد چھوٹا راجن اور داؤد ابراہیم کے درمیان خلیج پید اہونے کی خبریں بھی مسلسل گردش کرتی رہیں ۔ جس کے بعد چھوٹا راجن پر متعدد حملے بھی ہوئے اور داؤد ابراہیم اور چھوٹا راجن ایک دوسرے کو قتل کرانے کے لیے ایک دوسرے کے درپے رہے۔ یہاں تک کہ پچھلے ماہ بھی چھوٹا راجن پر ایک حملے کی خبر گردش کرتی رہی۔
بھارتی سی بی آئی نے اگرچہ دعویٰ کیا ہے کہ چھوٹا راجن کی گرفتاری میں بھارت ، آسٹریلیا اور انڈونیشیا کی مشترکہ کوششیں شامل رہی ہیں مگر بھارت میں کچھ لوگ ابھی تک یہ ماننے کو تیار نہیں ہوئےکہ چھوٹا راجن کو گرفتار کیا گیا ہے۔ وہ اِسے چھوٹا راجن اور بھارتی اداروں کے درمیان گزشتہ کچھ عرصے سے ہونے والے رابطوں کے نتیجے میں چھوٹا راجن کی طرف سے خود سپردگی کا معاملہ سمجھتے ہیں۔ 55 سالہ چھوٹا راجن کی انڈونیشیا میں گرفتاری کے بعد جب مسکراتے ہوئے تصویر سامنے آئی تو بھارت کے مختلف حلقوں میں چہ مگوئیاں شروع ہو گئیں کہ یہ گرفتاری سے زیادہ کوئی خودسپردگی کا معاملہ لگتا ہے۔ کچھ اسی قسم کا خیال چھوٹا راجن کے خاندان کی طرف سے بھی سامنے آیا ہے۔ چھوٹا راجن کے ممبئی میں مقیم چچا وائی ایم کھرت نے کہا ہے کہ چھوٹا راجن کو دشمنوں کی طرف سے مسلسل خطرات کے باعث وہ واپس بھارت آنا چاہتا تھا۔
واضح رہے کہ بھارتی ادارے ایک طویل عرصے سے خفیہ طور پر زیرزمین دنیا کے مختلف لوگوں سے رابطے کرکے اُنہیں مختلف حیلوں بہانوں اور پرکشش پیشکشوں کے ذریعے وطن لانے کی کوششوں میں مصروف رہے ہیں۔ جس کا ایک مقصد کسی نہ کسی طرح داؤد ابراہیم کے خلاف مختلف شواہد اکٹھے کرنا ہے۔
وزیراعظم محمد شہباز شریف نے وزیر خارجہ اسحاق ڈار کو نائب وزیراعظم مقرر کر دیا۔وزیراعظم نے وزیر خارجہ اسحاق ڈار کو نائب وزیراعظم مقرر کرنے کی منظوری دی۔کابینہ ڈویژن نے اس ضمن میں نوٹیفیکیشن جاری کر دیا ہے ۔وزیر خارجہ اس وقت وزیراعظم کے ہمراہ سعودی عرب کے دورے پر ہیں۔ حکومت پاکستان...
وزیراعظم شہبازشریف اور عالمی مالیاتی ادارہ (آئی ایم ایف) کی منیجنگ ڈائریکٹر کرسٹالینا جارجیوا کے درمیان سعودی عرب میں جاری عالمی اقتصادی فورم کے اجلاس کے دوران غیررسمی اہم ملاقات ہوئی جہاں پاکستان کے ایک اور قرض پروگرام میں داخل ہونے کے حوالے سے تبادلہ خیال کیا گیا۔تفصیلات کے مطا...
غزہ کے مظلوم فلسطینیوں کی حمایت میں امریکا سے شروع ہونے والا طلبہ کا احتجاج مزید وسیع ہوگیا ہے ۔ غیرملکی خبررساں ادارے کے مطابق اب برطانیہ، اٹلی، فرانس اور آسٹریلیا کے طلبہ بھی میدان میں آگئے ، انہوں نے اسرائیلی کمپنیوں سے تعلقات منقطع کرنے کی حمایت کی ہے۔ ادھر کولمبیا یونیورسٹی ...
حساس ادارے نے چھاپہ مار کارروائی میں کراچی اور بلوچستان کی پولیس کو انتہائی مطلوب دہشت گرد سمیت 3 افراد کو گرفتار کر کے اسلحہ برآمد کر لیا، گرفتار دہشت گرد کالعدم بی ایل اے کے لیے ریکی اور دہشت گردی کی متعدد واردتوں میں ملوث رہا ہے۔ تفصیلات کے مطابق دہشت گرد اور اس کے ساتھی کو اب...
درآمد شدہ گندم مقررہ ضرورت و اجازت سے زائد منگوائے جانے اورپرائیویٹ سیکٹر کو نوازے جانے کا انکشاف ہوا ہے ،بیوروکریسی کے غلط فیصلوں سے قومی خزانہ کو ایک ارب ڈالر کے نقصان کا سامنا ہے ۔ ذرائع کے مطابق نیشنل فوڈ سکیورٹی نے ضرورت سے زیادہ گندم ہونے کے باوجود 35 لاکھ 87 ہزار ٹن گندم د...
سکھ فار جسٹس نے بھارتی وزیر اعظم نریندر مودی کے خلاف عالمی عدالت میں جانے کا اعلان کیا ہے ۔غیرملکی خبررساں ادارے کے مطابق امریکا میں بھارت کی ناکام قاتلانہ سازش کا شکار سکھ رہنما گرپتونت سنگھ پنوں نے ایک بیان میں کہا ہے کہ وہ بھارتی وزیر اعظم مودی کے خلاف عالمی عدالت میں جائیں گے...
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...