... loading ...
... loading ...
تاریخ کے شدید ترین طوفانوں میں سے ایک ‘پیٹریشیا’ مغربی میکسیکو کے ساحلوں نے ٹکراتے ہی ہلکا پڑ گیا۔ شدید بارشوں اور 266 کلومیٹر فی گھنٹے کی رفتار سے چلنے والی ہواؤں کو زور ساحل پر پہنچتے ہی ٹوٹ گیا اور یہی وجہ ہے کہ اس کی زد میں آنے والے گنجان آباد شہروں اور سیاحتی مقامات پر ہونے والا نقصانات خدشات سے کہیں کم ہوا ہے۔ البتہ یہ ہوائیں درختوں کو جڑ سے اکھاڑ پھینکنے، عمارات کو لرزانے اور بجلی و مواصلاتی نظام کو خراب کرنے کے لیے کافی تھیں اور ساتھ ہی ان سے ہونے والی بارش سے بھی نقل و حمل کو کافی متاثر کیا ہے۔
خلیج میکسیکو سے آنے والا اس طوفان میں اپنی مکمل شدت پر 322 کلومیٹر فی گھنٹے کی ہوائیں چل رہی تھیں، یوں وہ مغربی نصف کرے میں آنے والا تاریخ کا سب سے بڑا طوفان بن گیا۔ جب وہ ساحل سے ٹکرایا اس وقت بھی یہ کیٹیگری 5 کا طوفان تھا۔ البتہ ابھی تک کی اطلاعات کے مطابق میکسیکو ایک بڑے نقصان سے بچ گیا ہے۔ لوگوں کی بڑی تعداد محفوظ مقامات کی جانب منتقل ہوگئی تھی۔ سیاحتی مراکز خالی کرا دیے گئے تھے اور جن علاقوں میں خطرے کی شدت بہت زیادہ نہیں تھی وہاں سے بھی کسی جانی نقصان کی اطلاع ابھی تک نہیں ملی ہے۔
کیٹیگری 5 کے خطرناک طوفان کا ساحل پر پہنچ کر یہ حال ہوا کہ کچھ ہی دیر میں ہوائیں 55 کلومیٹر فی گھنٹے کی رفتار تک آ گئیں البتہ ایک خطرہ اب بھی موجود ہے وہ ہے بارشوں کے نتیجے میں سیلاب کا۔ 8 سے 12 انچ بارش کا امکان ہے جو سیلاب کا پیش خیمہ بن سکتی ہیں۔
پیٹریشیا کے بارے میں کہا جا رہا تھا کہ یہ 2013ء میں فلپائن میں آنے والے ہائیان جیسا ہے، جس میں 6300 سے زیادہ افراد مارے گئے تھے۔
میکسیکو میں فٹبال میچ کے دوران شائقین گتھم گتھا ہوگئے جس کے نتیجے میں 22 افراد زخمی ہوگئے ،17 کے ہلاک ہونے کی اطلاعات ہیں۔ برطانوی نشریاتی ادارے کے مطابق ہفتے کے روز میکسیکو کی فٹبال لیگ (لیگا ایم ایکس) میں کوئریٹارو اور اٹلاس کے درمیان کھیلے جانے والا میچ میدان میں موجود شائقین...
میکسیکو میں شہریوں نے میئر کو تشدد کا نشانہ بنا ڈالا۔ غیرملکی خبررساں ادارے کے مطابق میکسیکو کے جنوبی علاقے کے میئر جارج لوئسکو وعدوں کے مطابق کام نہ کرنے پر شہریوں نے دفتر سے زبردستی باہر نکالا اور گاڑی میں باندھ کر شہر میں گھمایا۔ جس کی فوٹیج سوشل میڈیا پر وائرل ہو گئی ہے ۔ پول...
حالیہ چند دنوں میں میکسیکو کی حکومت نے ٹیچرز یونین کے مظاہروں پر زبردست کریک ڈاؤن کیا اور اب 2 لاکھ ڈاکٹروں صدر اینریک پینا نیٹو کی اصلاحات کے خلاف قومی ہڑتال میں شریک ہوگئے ہیں۔ اتوار کو اوکساکا میں اساتذہ کے ایک مظاہرے پر پولیس کی فائرنگ اور آٹھ افراد کی ہلاکت کے بعد حکومت مخال...
