... loading ...
... loading ...
کینیڈا میں 2015ء کے وفاقی انتخابات میں بڑے پیمانے پر مسلمانوں نے بھی حصہ لیا۔ لبرل پارٹی کے تیزی سے ابھرنے سے مسلمانوں نے خاص طور پر ٹورنٹو کے علاقے میں کامیابیاں حاصل کی ہیں جن میں کینیڈا کے پہلے صومالی نژاد رکن پارلیمان احمد حسین اور کینیڈا کی پہلی افغان نژاد رکن مریم منصف شامل ہیں۔ پارلیمان میں آنے والے بیشتر مسلمان سیاست میں نووارد ہیں، سوائے عمر الغبرا اوریاسمین رتانسی کے، جو پہلے بھی لبرل رکن پارلیمان رہ چکے ہیں۔
اب تک کل 10 مسلمان امیدواروں کی کامیابی کی تصدیق ہوچکی ہے، جو ملک کی تاریخ میں سب سے زیادہ ہے۔ آئیے ان کےبارے میں مختصراً جانتے ہیں۔
عمر ایک مکینیکل انجینئر ہیں۔ وہ رایرسن یونیورسٹی میں انجینئرنگ و تعمیراتی سائنس کے شعبے کے معروف استاد ہیں۔ وہ 2006ء سے 2008ء تک مسی سواگا کے لیے لبرل رکن پارلیمان رہ چکے ہیں۔
علی احساسی پیشے کے اعتبار سے وکیل ہیں، اور اوسگوڈ ہال لاء اسکول سے ایل ایل بی کی سند رکھتے ہیں۔ وہ اونٹاریو کے محکمہ اقتصادی ترقی و بین الاقوامی تجارت میں سرکاری ملازم رہے اور بعد ازاں محکمہ خارجہ امور و بین الاقوامی تجارت میں چلے گئے۔
یونیورسٹی آف اٹاوا سے قانون کی سند رکھتے ہیں۔ آپ نے دیگر احباب کے ساتھ مل کر ریجنٹ پارک کمیونٹی کونسل بنائی تھی۔ احمد اس وقت کینیڈین صومالی کانگریس کے قومی صدر کی حیثیت سے خدمات انجام دے رہے ہیں۔
جوہری اپنے مشاورتی ادارے اریڈیئم مینجمنٹ کنسلٹنگ گروپ انکارپوریٹڈ کے مالک اور سی ای او ہیں۔ وہ یارک یونیورسٹی کے شولک اسکول آف بزنس سے ایم بی اے کی سند رکھتے ہیں۔ وہ رچمنڈ ہل چیمبر آف کامرس، ہارٹ اینڈ اسٹروک فاؤنڈیشن آف اونٹاریو، ایرانین کینیڈین نیٹ ورک اور ایرانین کینیڈین کانگریس کے رکن کی حیثیت سے خدمات انجام دیتے ہیں ۔
اقرا 2007ء میں علم جرائم اور پیشہ ورانہ لکھائی میں ڈبل میجر کے ساتھ یارک یونیورسٹی سے گریجویٹ بنیں۔ بعد ازاں انہوں نے اپنی جیورس ڈاکٹر کی سند حاصل کی اور اب شہر مسی سواگا کے ساتھ قانونی ماہر کے طور پر کام کررہی ہیں۔ آپ کونسل فار دی ایڈوانسمنٹ آف مسلم پروفیشنلز کے لیے کمیونی کیشنز کوآرڈی نیٹر ہیں۔
مریم نے ریڈ پشمینہ مہم شروع کی تھی جس نے افغانستان میں عورتوں اور بچیوں کے لیے ڈیڑھ لاکھ ڈالرز جمع کیے تھے۔ وہ پیٹر بورو YMCA پیس تمغہ یافتہ ہیں۔
یاسمین 2004ء سے 2011ء تک ڈون ویلی ایسٹ سے رکن پارلیمان رہیں۔ لبرل جماعت کی نائب سربراہ کی حیثیت سےانہوں نے اپنے ساتھی اراکین پارلیمان کی زبردست قیادت کی اور خود کو عمدہ مذاکرات کار کی حیثیت سے ثابت کیا۔
مروان تبارا ایک لبنانی کینیڈین ہیں جو جامعہ گیولف سے سیاسیات میں گریجویٹ ہیں۔ تبارا کو اپنی انتخابی مہم میں اس وقت تنازع کاسامنا کرنا پڑا تھا جب انہوں نے افغانستان اور مشرق وسطیٰ کے حوالے سے کینیڈا کی خارجہ پالیسی پر تنقید کی تھی۔
عارف میک گل یونیورسٹی سے تاریخ و سیاسیات میں گریجویٹ ہیں اور انہوں نے یونیورسٹی آف ٹورنٹو سے ایل ایل بی کی سند بھی حاصل کر رکھی ہے۔ وہ اٹاوا میں کینیڈین ہیومن رائٹس کمیشن میں تجزیہ کار؛ مونٹریال میں ایک قانونی ادارے اور روانڈا کے لیے اقوام متحدہ کے بین الاقوامی کرائم ٹریبونل میں اسسٹنٹ ٹرائل اٹارنی رہ چکے ہیں۔
سلمیٰ حکومت اونٹاریو کے دفتر برائے وزارت شہریت، ترک وطن و بین الاقوامی تجارت میں سینئر مشیر ہیں۔ آپ کوئنز ڈائمنڈ جوبلی میڈل بھی جیت چکی ہیں۔
کینیڈا کے نئے وزیر اعظم جسٹن ٹروڈیو ایک مرتبہ پھر اسی گھر میں منتقل ہو رہے ہیں، جہاں وہ پلے بڑھے اور اپنی زندگی کے 12 سال گزارے، یعنی ایوانِ وزیر اعظم میں۔ لبرل رہنما سابق وزیر اعظم پیری ٹروڈیو کے صاحبزادے ہیں اور سوموار کو ہونے والے وفاقی انتخابات میں ان کی جماعت نے واضح کامیابی...
