... loading ...
... loading ...
شام کے شہر حلب میں شامی فوج کے جنگی مشیر کے طور پر فرائض انجام دینے والے ایرانی جنرل حسین ہمدانی داعش کے ایک حملے میں ہلاک ہو گئے ہیں۔ برطانوی خبر رساں ادارے رائٹر کے مطابق اُنہیں بدھ کی شام ہلاک کیا گیا۔ مگر ایران کے پاسدارانِ انقلاب نے کہا ہے کہ اُنہیں شام کے شمالی علاقے میں ایک مشاورتی مشن کے دوران جمعرات کو ہلاک کیا گیا۔
ایران شامی حکومت کا سب سے بڑا حامی اور معاون ہے۔ شام میں جاری چار سالہ جنگ کے دوران ایران نے شامی صدر بشار الاسد کی بھرپور حمایت کی ہے اور اُنہیں ہر طرح کی فوجی اور اقتصادی معاونت فراہم کی ہے۔ ایرانی جنرل حسین ہمدانی شام میں ایران کی طرف سے شامی حکومت کو داعش کے خلاف ٹھوس فوجی مدد فراہم کررہے تھے۔ ایران کی قومی سلامتی کونسل کے سیکریٹری نے جنرل حسین ہمدانی کی ہلاکت کو شام میں جہادی گروپوں کے خلاف جاری جنگ میں اب تک کا سب سے بڑا نقصان قرار دیا ہے۔ اُنہوں نے ارنا نیوز ایجنسی سے بات کرتے ہوئے کہا ہے کہ ہمدانی کا قتل ایک انتقام میں ڈھل کر ان جہادی گروپوں کی مکمل تباہی کا موجب بنے گا۔
ایرانی جنرل حسین ہمدانی نے بشار الاسد کی حکومت کو سقوط سے بچانے میں اہم کردار ادا کیا تھا۔ اُنہوں نے شام کی مسلح افواج اور رضاکار جنگجوؤں کو داعش کے خلاف منظّم کرنے میں شامی حکومت کی سب سے زیادہ مدد کی تھی اور پھر اپنے کام کی تکمیل کے بعد واپس ایران لوٹ گئے تھے مگر چند روز قبل ہی وہ دوبارہ شام گئے تھے جہاں وہ داعش کے خلاف لڑائی میں ہلاک ہو گئے۔
حسین ہمدانی نے عراق کے ساتھ 1980ء سے 1988ء میں لڑی گئی جنگ میں بھی بھرپور حصہ لیا تھا۔ انھیں 2015ء میں ایلیٹ دستوں کے سربراہ کے نائب کے طور پرترقی دی گئی تھی۔۔ وہ شام میں مارے جانے والے سپاہ پاسداران کے سب سے سینئر کمانڈر تھے۔ اس سے قبل جنوری میں ایران کے بریگیڈئیر جنرل محمد علی اللہ دادی حزب اللہ کے چھ جنگجوؤں سمیت اسرائیلی فوج کے ایک فضائی حملے میں ہلاک ہوگئے تھے۔
برطانوی خبررساں ادارے نے چند روز قبل ہی یہ اطلاع دی تھی کہ ایران کے سینکڑوں ہتھیار بند فوجی شام پہنچے تھے جو شام کے شمال میں باغیوں کے زیرِ قبضہ علاقوں میں شامی فوج کے ساتھ داعش کے خلاف کارروائیوں میں حصہ لے رہے ہیں۔ ایران کی حمایت یافتہ لبنان کی حزب اللہ بھی شامی فوج کے شانہ بشانہ گزشتہ چار برسوں سے باغیوں کے خلاف لڑرہی ہے۔ جس میں اب روس بھی شامل ہو چکا ہے۔ روسی لڑاکا طیارے 30 ستمبر سے شام کے وسطی، شمالی اور شمال مغربی علاقوں میں داعش کے علاوہ دیگر حکومت مخالف باغی جنگجو گروپوں کے ٹھکانوں پر بھی مسلسل بمباری کررہے ہیں۔ مگر اس کے باوجود داعش نے حلب کے نواح میں شامی حکومت کے حامی مسلح مزاحمت کاروں کو شکست دے کر متعدد دیہاتوں پر اپنا قبضہ مستحکم کر لیا ہے۔ جنرل حسین ہمدانی کی ہلاکت کی خبر اس ماحول میں آئی ہے۔ جس سے روسی طیاروں کی مسلسل بمباری کے باوجود داعش کی گرفت کا اندازا لگایا جا سکتا ہے۔
حکومت کی جانب سے بجٹ کے حوالے سے آئی ایم ایف کو مطمئن کرنے کی کوششیں ، دونوں فریقین میںمذاکرات کا جاری ، ممکنہ خسارے کے ازالے کیلئے متبادل ریونیو اقدامات پر مشاورت حکومت کا فنانس بل میں شامل مختلف ٹیکس رعایتوں کی مکمل تفصیلات جاری کرنے سے گریز، تنخواہ دار طبقے کو دیے گئے ٹیکس ر...
میری وزیراعلیٰ خیبر پختونخوا سہیل آفریدی سے بات ہوگئی ہے،صوبائی حکومت صرف 3 ماہ کا بجٹ پیپر پاس کرے گی، آئین کا آرٹیکل 125 اجازت دیتا ہے، آپ 3 ماہ کا بجٹ پیپر پیش کرسکتے ہیں بانی پی ٹی آئی سے ملاقات تک حتمی بجٹ پیش نہیں ہوگا،30 جون تک بانی سے ملاقات نہ ہوئی تو خیبر پختونخوا...
ملزمہ سادہ کوکین 20ہزار فی گرام جبکہ گولڈن اسٹف40ہزار فی گرام فروخت کرتی تھی مقدمے میں نامزد پانچ ملزمان مفرور قرار ،پولیس نے گرفتاری کیلئے کارروائیاں تیز کر دی کراچی میں منشیات فروشی کے مبینہ بڑے نیٹ ورک کی مرکزی ملزمہ انمول عرف پنکی اور دیگر کے خلاف منشیات کے مقدمے کا عبوری...
منشیات کی ترسیل کے لیے انڈوں کے خول استعمال کیے جاتے تھے،ملزم شاہ فہد سہراب گوٹھ سے مختلف رائیڈرز کے ذریعے مختلف علاقوں میں سپلائی کیا جاتا تھا کراچی سائوتھ زون پولیس نے کارروائی کرتے ہوئے منشیات سپلائی کرنے والے ایک اور مبینہ منظم نیٹ ورک کا سراغ لگانے کا دعوی کیا ہے۔ گرفتار...
رواں سال ڈبل ڈیکر اور جدید الیکٹرک بسوں کی بڑی تعداد کراچی پہنچ جائے گی،شرجیل میمن نئی ڈبل ڈیکر اور ماحول دوست ای وی بسیں مرحلہ وار مختلف روٹس پر چلائی جائیں گی،گفتگو سندھ کے سینئر وزیر شرجیل انعام میمن نے کراچی کے شہریوں کے لیے پبلک ٹرانسپورٹ کے شعبے میں ایک اہم پیش رفت کا ا...
ایک شخص کی وجہ سے ملکی تناؤ ہے تو اسے باہر نکالیں، مجھے کہا جاتا ہے آپ تو عمران خان کیخلاف تھے، مخالف جیل میں ہاتھ پاؤں بندھا پڑا ہو تو اس کیخلاف بات نہیں کرتے،سربراہ جے یو آئی اسمبلی میں اپوزیشن لیڈروں کی تقریروں کو بلیک آؤٹ کیا جا رہا ہے، ہم نے کشمیریوں کی ماؤں بہنوں کی...
81ہزار ٹن خریداری ہدف سے کم، مقامی مارکیٹ اور پاسکو سے مزید گندم خریدنے کا فیصلہ ہاریوں کو مقررہ امدادی قیمت کی ادائیگی ہر صورت یقینی بنائی جائے،اجلاس میں تفصیلی جائزہ وزیراعلیٰ سندھ سید مراد علی شاہ کی زیر صدارت وزیراعلی ہاؤس میں محکمہ خوراک اور محکمہ زراعت کا مشترکہ اجلاس ...
عوام بخوبی جانتے ہیں کہ کس نے اسے بوری بند لاشوں کے تحفے دیے،سینئر صوبائی وزیر کراچی ملک کا معاشی حب اور سندھ کا دارالخلافہ ہے، خالد مقبول کے بیان پر سخت ردعمل سینئر صوبائی وزیر شرجیل انعام میمن کا خالد مقبول صدیقی کے بیان پر سخت ردعمل دیتے ہوئے کراچی کے عوام بخوبی جانتے ہیں ...
تحریکِ انصاف کی قیادت اور اپوزیشن اتحاد 16 جون بروز منگل دوپہر 3 بجے سے شام 7 بجے تک اڈیالہ جیل کے باہر ایک مضبوط اور پرامن عوامی طاقت کا مظاہرہ کرنے جارہے ہیں،خصوصی بیان اس احتجاج کے پیچھے کوئی سیاسی مقاصد یا توڑ پھوڑ نہیں بلکہ خالصتاً قانونی اور انسانی بنیادیں شامل ہیں، احتجاج...
پارٹی میں موجود بدعتوں کو اب نکالنا ہوگا جس کے دل میں پارٹی کی ذمہ داری کا شوق آیا وہ کچھ نہیں کر سکتا، ہم استعمال نہیں ہورہے کوئی اور استعمال ہو رہا ہے ، خالد مقبول صدیقی کی مصطفی کمال پر تنقید ایکسٹینشن والا لیڈر قوم کو کبھی ان کے حقوق نہیں دلوا سکتا جس لیڈر کا کریکٹر نہیں و...
حکومت اب بھی ایک لیٹر پیٹرول پر120 روپے سے زائد پیٹرولیم لیوی وصول کررہی ہے بہت تماشا ہوگیا وسائل پر قابض اشرافیہ عوام کے راستے سے ہٹ جائے،تقریب سے خطاب امیر جماعت اسلامی پاکستان حافظ نعیم الرحمن نے کہا ہے بجٹ میں آئی ٹی کے فروغ کے لیے کوئی جامع منصوبہ شامل نہیں۔ سات دہائیوں...
امریکا اور ایران کے درمیان مفاہمتی یادداشت پر دستخط اتوار کو نہیں ہوں گے جنگ کے خاتمے پر توجہ مرکوز کرنے والے اسلام آباد میمورنڈم پر عمل کیا جا رہا ہے ایرانی وزارت خارجہ کے ترجمان اسماعیل بقائی نے کہا ہے کہ امریکا سے معاہدے پرآج دستخط نہیں کر رہے ہیں۔ایک بیان میں اسماعیل بق...
