... loading ...
... loading ...
چیئرمین سینیٹ میاں رضا ربانی نے ایم کیو ایم کے استعفوں پرمحفوظ رولنگ دے کرایم کیو ایم کو فائدہ پہنچایاہےمگرسیاسی مبصرین اس رائے پر منقسم ہیں کہ ان کا یہ اقدام حب علی میں ہے یا بغض معاویہ میں۔ بعض مبصرین کہتے ہیں کہ اگر یہی کچھ کرنا تھا تو آخر اتنا تماشا لگانے کی کیاضرورت تھی کہ اجلاس ہوگا تو چیئرمین صاحب رولنگ دیں گے ۔۔۔
رولنگ آئی تو اس میں کچھ بھی نہیں تھا ۔ چیئرمین صاحب نے فرمادیاکہ ان کی رولنگ استعفوں پر فیصلوں میں تاخیر سے متعلق تھی ۔رضا ربانی نے مزید کہاکہ استعفوں کا معاملہ سیاسی ہے اس پر مبصرین کاکہناہے کہ استعفوں سے زیادہ تو رولنگ سیاسی ہے ۔یہ سوال بھی اپنی جگہ موجود ہے کہ اس سیاست میں فائدہ کس کا زیادہ ہے؟
باخبر ذرائع کا کہناہے کہ چیئرمین سینیٹ نے یقیناًاسپیکرقومی اسمبلی کی طرح فائدہ استعفے دینے والی جماعت کو پہنچایا۔در حقیقت اس فائدے کےپس پردہ کسی کو نقصان پہنچانے کی نیت بھی ہےیایہ ان قوتوں کے عزائم کو نقصان پہنچانے کی کوشش ہے جو سندھ کے شہری علاقوں کی جماعت کو پارلیمنٹ سے باہر دیکھنا چاہتی ہیں۔ یہی وجہ ہے کہ میاں رضاربانی نےاپنی رولنگ میں واضح کیاہے کہ استعفوں کی منظوری سے صوبہ سندھ کا ایک اہم علاقہ سینیٹ کی نمائندگی سےمحروم ہوجائے گا۔
اب اسے حالات کی ستم ظریفی کہاجائے یا کچھ اور کہ ایم کیوایم کوفائدہ بھی اس کے منحرف رکن کے بائیس سال پہلےسپریم کورٹ جانے کے نتیجے میں ملا جبکہ جن قوتوں کو نقصان ہوا اس کے ذمےدار بھی وہ خود ہیں۔انیس سو بانوے میں جب نوازشریف کےپہلے دور حکومت میں ایم کیوایم کےخلاف آپریشن ہوا اور حقیقی(ایم کیوایم) میدان میں آئی تو اس وقت کے اسپیکر سندھ اسمبلی عبدالرازق خان(مرحوم) نے اسلام آباد میں پناہ لی ۔ایم کیوایم نے جب بطور احتجاج ایوانوں سے استعفے دئیےتو عبدالرازق خان کا استعفیٰ بھی ان میں شامل تھا ۔انہوں نے اپنے میزبانوں کے اشارے پر سپریم کورٹ سے رجوع کرلیاکہ وہ بحیثیت رکن اسمبلی مستعفی نہیں ہونا چاہتے لیکن پارٹی نےان کا استعفی جمع کرادیاہے۔ یہ استعفی تو پارٹی نے ان سے اس وقت لیاتھاجب الیکشن کاٹکٹ جاری کیاتھا جس پر سپریم کورٹ نے انہیں ریلیف دیا اور آئندہ کےلیے لازم قرار دے دیا گیاکہ اجتماعی استعفوں کی صورت میں یا دباؤ کے شبہے کی تصدیق کے لیے تحریری استعفے کے ساتھ رکن پارلیمان سے تصدیق بھی کی جائے۔
مرحوم عبدالرازق خان نے پارٹی قیادت کے فیصلے سے انحراف کرکے جو فیصلہ لیا تھا آج وہی ایم کیوایم کے کام آیاہےاور رازق خان کے جن دوستوں نے انہیں سپریم کورٹ کا راستا دکھایا تھا آج انہیں اس کے نقصان کا سامناہے۔
سوال یہ ہے کہ پیپلزپارٹی یا رضاربانی کو ایم کیوایم کے پارلیمنٹ میں رہنے سے کیا فائدہ ہے؟ پیپلز پارٹی چاہتی ہے کہ جوقوتیں اس کااحتساب کرنےکی خواہشمند ہیں ان کے متاثرین کی تعداد ایوانوں میں زیادہ رہے اسی لیے رضاربانی نے رولنگ میں کہاہے کہ قومی و صوبائی اسمبلیاں اُن کی رولنگ سے رہنمائی لے سکتی ہیں۔احتساب کے بارے میں پیپلز پارٹی کی پالیسی وہی ہے جو رضاربانی چند روز قبل کراچی میں بیان کرچکے ہیں ۔
رضاربانی دھیمے مزاج کے سیاستدان ہیں، کبهی بس تقریر کی حد تک غصے میں بهی آجاتےہیں اور جب تقریر کرنےسے بهی روک دیا جاتاہےتو رو کر جذبات کا اظہار کرتے ہیں۔ جمہوریت اور جمہوری اداروں کے استحکام پر پختہ یقین رکهتے ہیں اور سیاستدانوںمیں سے جوجمہوری جدوجہد میں پختہ ہیں ان سےاُن کی گاڑهی چهنتی ہے پھر وہ مولانا فضل الرحمان ہوں یا اسفند یار ولی سب سے ہی ان کے خو شگوار تعلقات ہیں۔
رضا ربانی نے کراچی میں جو کچھ کہہ ڈالا، کسی وقتی ابال کا نتیجہ نہیں تھا یہی تو پیپلز پارٹی کی پالیسی ہے۔آصف زرداری نے یہی بات الفا ظ کے ہیر پهیر کے ساتھ کہی ۔جناب زرداری چونکہ طویل عرصے سے پارلیمنٹ سے باہر ہیں اس لیے وہ بات کرتے ہوئے پارلیمانی زبان کا دامن چهوڑ گئے۔ ان کے مقابلےمیں جناب ربانی نے لہجہ زرداری کامگر الفاظ پارلیمانی رکهے.انہوں نے تسلیم کیا کہ سیاستدانوں نے کرپشن کی، وہ بهی اس وائرس سے محفوظ نہیں .احتساب کرنے والوں کا بهی احتساب ہونا چاہیئےزرداری صاحب نے یہی بات یوں کہی کہ ہم بھی فائلیں کھول سکتے ہیں اور یہ بھی کہ ہم اینٹ سے اینٹ بجادیں گے۔
ایم کیوایم نے واضح کیاہے کہ اس نے بھی نواز شریف حکومت پر دباؤکےلیے استعفے دئیے ہیں۔ پیپلزپارٹی کی طرح وہ بھی احتساب کرنے والوں پر دباؤ کےلیے اس طریقے کو ہی بہتر سمجھتے ہیں ۔اب دیکھنا یہ ہےکہ جہاں دباؤ ڈالناہے وہاں رولنگ کا کس قدر دباؤ پڑتاہے؟
ایران کے ساتھ ملاقات اچھی رہی ، جوہری معاملے کے علاوہ اکثر نکات پر اتفاق ہوا،امریکی بحریہ آبنائے ہرمز سے آنے جانیوالے بحری جہازوں کو روکنے کا عمل فوری شروع کر دے گی یہ عالمی بھتا خوری ہے امریکا کبھی بھتا نہیں دے گاجو کوئی غیر قانونی ٹول دے گا اسے محفوظ بحری راستا نہیں ملے گا، ای...
اسلام آباد میں ایران امریکا جنگ بندی مذاکرات بھارت پر بجلی بن کرگرے ہیں بھارت کی سفارتی ناکامی پر کانگریس نے نام نہاد وشوا گرو مودی کو آڑے ہاتھوں لے لیا پاکستان میں ایران امریکا جنگ بندی مذاکرات بھارت پر بجلی بن کرگرے ہیں۔ مودی کو ہرطرف سے تنقید کا سامنا ہے۔خلیجی جنگ کے تناظر...
مذاکرات ناکام ہوئے توہم اسرائیل میں ایسے ہی گھُس سکتے ہیں جیسے لیبیا اور کاراباخ میں داخل ہوئے تھے، اسرائیل نے سیزفائر کے دن بھی سیکڑوں لبنانی قتل کیے اسرائیل کو اس کی جگہ دکھائیں گے، فلسطینی قیدیوں کو سزائے موت دینے کا اسرائیلی فیصلہ اور ہٹلر کی یہودی مخالف پالیسیوں میں کوئی فر...
اسلام آباد میں تاریخ ساز بیٹھک، امریکا اور ایران میں مذاکرات کے 2 ادوار مکمل،فریقین محتاط،پرامید،کاغزات کا تبادلہ ،ٹیکنیکی گفتگو آج مذاکرات کے پہلے مرحلے میں امریکی اور ایرانی وفود کے درمیان علیحدہ علیحدہ ملاقاتیں ہوئیں، دوسرے مرحلے میں امریکی اور ایرانی وفود کے درمیان براہِ ر...
سعودی وزیر خزانہ کی وزیراعظم شہباز شریف سے ملاقات، مشرق وسطیٰ میں جاری کشیدگی کی وجہ سے بڑھتے ہوئے بیرونی دباؤ اور اخراجات کے پیش نظر پاکستان کو مالی مدد کا یقین دلایا پاکستان کی سعودی عرب سے مزید مالی امداد کی درخواست ، نقد ڈپازٹس میں اضافہ اور تیل کی سہولت کی مدت میں توسیع شا...
علاقائی کشیدگی میں کمی کیلئے سفارتی کوششیں مثبت پیشرفت ہیں، وزیراعلیٰ خیبرپختونخوا اسلام آباد مذاکرات پائیدار امن علاقائی استحکام کیلئے تعمیری کردار ہے، اجلاس سے خطاب وزیراعلیٰ خیبرپختونخوا محمد سہیل آفریدی نے حالیہ سفارتی کوششوں کو علاقائی کشیدگی میں کمی، پائیدار امن اور ع...
اسرائیل نے گزشتہ 40دنوں میں سے 36دن غزہ پر بمباری کی،عرب میڈیا 23ہزار 400امدادی ٹرکوں میں سے 4ہزار 999ٹرکوں کو داخلے کی اجازت ایران جنگ کے دوران اسرائیل نے گزشتہ 40 دنوں میں سے 36 دن غزہ پر بمباری کی۔عرب میڈیا کی رپورٹ کے مطابق اسرائیلی جارحیت کے نتیجے میں 107 فلسطینی شہید او...
امریکی وفد کی قیادت جے ڈی وینس کریں گے، امریکی ،ایرانی حکام کی بالمشافہ ملاقات کا امکان ایران کا وفد وزیر خارجہ عراقچی اور اسپیکر باقر قالیباف کی قیادت میں شریک ہوگا اسلام آباد میں ایران اور امریکا کے درمیان جنگ بندی سے متعلق اہم مذاکرات کا پہلا دور آج ہوگا، دونوں ممالک ے ا...
فول پروف سکیورٹی کے انتظامات ،ریڈزون سرکل میں پانچ کلومیٹر کی توسیع ، نئی چوکیاں بن گئیں،گاڑیوں کے داخلے پر پابندی ،اسکول بند وفاقی دارالحکومت میں بڑی بیٹھک کی بڑی تیاری، فول پروف سکیورٹی کے انتظامات کئے گئے ہیں۔ریڈزون سرکل میں پانچ کلومیٹر کی توسیع کر دی گئی، نئی چوکیاں بھی ب...
حکومت سندھ نے مارکیٹس، ہوٹلز، شادی ہالز کے نئے اوقات کار نافذکر دیے ،کمشنرز اور ڈپٹی کمشنرز کو سندھ پولیس کی مدد سے اپنے علاقوں میں احکامات پر عمل درآمد یقینی بنانے کی ہدایت شادی ہالزکو رات 8 سے 12 بجے تک تقریبات کی اجازت ، ہوٹلز اور فوڈ آؤٹ لیٹس شام 7 سے رات 11:30بجے تک کھلے ...
جماعت اسلامی کی پی پی رکن کی نشست اپوزیشن لیڈر سے آگے رکھنے پر تنقید جھگڑے پر اجلاس کچھ دیر کیلئے روکنا پڑا،میئر کراچیکی اراکین کو روکنے کی کوشش کراچی میں کے ایم سی سٹی کونسل اجلاس کے دوران جماعت اسلامی اور پیپلز پارٹی کے ارکان میں ہاتھا پائی ہوگئی، جھگڑے کے باعث اجلاس کچھ دی...
ڈیزل کی فی لیٹر نئی قیمت 385 روپے، پیٹرول کی نئی قیمت 366 روپے مقرر کردی پاکستان میں پیٹرول 55 روپے، ڈیزل 100 روپیفی لیٹر سستا ہو سکتا تھا، ذرائع وزیر اعظم کا پٹرول 12 روپے، ڈیزل 135 روپے سستا کرنے کا اعلان، ڈیزل کی فی لیٹر نئی قیمت 385 روپے مقرر، پٹرول کی نئی فی لیٹر قیمت 36...
