... loading ...
حج کے موقع پر 24 ستمبر بروز جمعرات منیٰ کے مقام پر بھگڈر کے واقعے نے دنیائے اسلام کو افسردہ کر دیا ہے۔ جس میں اب تک کی اطلاعات کے مطابق 769 حجاج شہید جبکہ 934 زخمی ہوئے ہیں۔ اسے گزشتہ 25 برسوں میں پیش آنے والے حادثات میں سب سے بدترین واقعہ قرار دیا جارہا ہے۔ ساتھ ہی عالم اسلام کے تمام ممالک میں سانحے کی اصل وجوہات اور بھگڈر کے اسباب کا تعین کرنے کے لیے بات چیت کی جارہی ہیں۔ سعودی محکمہ شہری دفاع نے ان سوالات پر نہایت محتاط ردِ عمل کا مظاہرہ کیا ہے اور وہ واقعے کے اسباب میں صرف اتنا کہنے پر اکتفا کررہا ہے کہ
“سانحہ منیٰ جمرات کی رمی کے لیے حجاج کے دو بڑے گروپوں کے مخالف سمتوں سے آنے والے راستوں پر ایک ساتھ آنے کے باعث ہونے والے تصادم سے پیش آیا۔”
اس انتہائی محتاط طرزِ اظہار میں کسی بھی گروپ کی نشاندہی نہیں کی گئی۔ اور اس ضمن میں سعودی عرب کے تمام ہی محکموں کی طرف سے خاموشی اختیار کی گئی ہے۔ دوسری طرف اس المناک واقعے کو ایران نے سعودی حکومت کو موردِ الزام ٹہرانے کا ایک بہانا بنا لیا ہے۔ جس پر ترکی کے صدر طیب اردوان نے اپنے ردِ عمل میں کہا کہ اس حادثے کا ذمہ دار سعودی حکومت کو نہیں ٹہرایا جاسکتا۔ اس دوران میں ایک کثیر الاشاعت عرب روزنامے “الشرق الاوسط” نے یہ انکشاف کیا ہے کہ
“تقریبا تین سو ایرانی حجاج نے اسمبلی پوائنٹ سے متعلق ہدایات پر عمل نہ کرتے ہوئے جمرات سے الٹے قدموں واپسی کی کوشش کی، جس سے منیٰ کی 204 نمبر شاہراہ پر حادثہ پیش آیا ہے۔ “
“الشرق الاوسط” نے دعویٰ کیا ہے کہ اس ضمن میں اُن کی ایک ایرانی عہدیدار سے بھی بات ہوئی ہے۔ جن کا خود یہ کہنا تھا کہ ایرانی حجاج کا ایک گروپ جمعرات کی صبح مزدلفہ سے براہ راست شیطان کو کنکریاں مارنے کے لیے روانہ ہوا۔ اس گروپ نے اپنے لیے مخصوص، خیموں میں سامان وغیرہ رکھ کر مخصوص اسمبلی پوائنٹ پر انتظار نہیں کیا۔اس گروپ کے حجاج شاہراہ نمبر 204 پر مخالف سمت کی طرف چل پڑے۔ ”
الشرق الاوسط نے مزید لکھا ہے کہ “ایرانی عہدیدار کے مطابق ان حاجیوں نے رمی ختم ہونے کا انتظار نہیں کیا جو معمول کی ہدایات کی روشنی میں کیا جاتا ہے۔ اس کے برعکس اُنہوں نے اُلٹے قدموں واپسی شروع کر دی۔ واپسی کا یہ وقت دوسرے حج مشن کے لئے رمی جمرات سے نکلنے کے لئے مخصوص تھاچنانچہ اس وجہ سے تصادم ہوا۔”
حادثے کی مزید تفصیلات پر روشنی ڈالتے ہوئے عرب اخبار نے لکھا ہے کہ “یہ گروپ کچھ دیر رکا مگر دوسری سمت کو نہیں نکلا جس کی وجہ سے حجاج کا دباؤ بڑھنے پر متعدد افراد صرف 20 میٹر چوڑے راستے سے نکلنے کی کوشش کرنے لگے۔”
اخبار نے اپنے ذرایع سے واضح طور پر یہ نتیجہ بیان کیا ہے کہ “جو کچھ ہوا وہ رش یا بھگدڑ کے زمرے میں نہیں آتا بلکہ الٹے قدموں چلنا کہلاتا ہے، جس کے انتہائی منفی نتائج نکلے ہیں۔”
الشرق الاوسط کے ان انکشافات کو مشرق وسطیٰ کے تمام ذرایع ابلاغ نہایت اہمیت دے رہے ہیں اور العربیہ نے بھی ان ہی انکشافات کو مناسب طور پر شائع کیا ہے۔ وجود ڈاٹ کام نے جب عرب ذرائع ابلاغ سے وابستہ صحافیوں سے رابطے کیے تو یہ انکشاف بھی ہوا کہ سعودی حکام کے پاس اس پورے واقعے کی تفصیلی “ویڈیو فوٹیجز”(بصری فیتے )موجود ہیں جو اس پورے عمل میں ایرانی حجاج کی طرف سے واضح ہدایات کو نظر انداز کرنے کی نشاندہی کرتی ہیں ۔ اُن عرب ذرایع کا اصرار تھا کہ سعودی حکام فریضہ حج کی تقدیس کے باعث کسی تنازع میں پڑنے سے گریز کررہے ہیں۔ تاہم اس ضمن میں جو ردِ عمل بعض حلقوں کی جانب سے آرہا ہے اس کے بعد ممکنہ طور پر سعودی حکام اُن بصری فیتوں کے ساتھ اس المناک واقعے کے تمام اسباب و محرکات پر مبنی ایک تفصیلی روداد جاری کر سکتی ہے۔ جو ممکنہ طور پر فریضہ حج کی ادائی کے لیے تمام ممالک سے آنے والے حجاج کی اپنے اپنے ممالک میں واپسی کے بعد جاری ہو۔
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...
وزیرستان میں تعینات سیشن جج شاکر اللہ مروت کو نامعلوم افراد نے اغوا کرلیا جبکہ وزیراعلی نے نوٹس لے کر آئی جی کو بازیاب کرانے کی ہدایت جاری کردی۔تفصیلات کے مطابق سیشن جج وزیرستان کو ٹانک اور ڈیرہ اسماعیل خان کے سنگم سے نامعلوم افراد نے اسلحے کے زور پر اغوا کیا اور اپنے ہمراہ لے گ...
پاکستان تحریک انصاف میں پبلک اکانٹس کمیٹی کی چیئرمین شپ کے لیے پارٹی رہنمائوں کے درمیان اختلافات شدت پکڑتے جارہے ہیں۔تفصیلات کے مطابق چیئرمین پبلک اکانٹس کمیٹی کی تقرری کے معاملے پر تحریک انصاف کے رہنمائوں میں اختلافات اب منظر عام پر آگئے ہیں۔پی ٹی آئی رہنما اور سینیٹر شبلی فرا...
پاکستان مسلم لیگ (ن)کے رہنما اور سابق وفاقی وزیر خواجہ سعد رفیق نے کہا ہے کہ تحریک انصاف اسٹیبشلمنٹ سے مذاکرات کا مطلب اور خواہش پوری کرلے جبکہ پاکستان پیپلزپارٹی کے رہنما نے کہا ہے کہ تحریک انصاف ایک بار پھر فوج کو سیاسی میں دھکیل رہی ہے۔تحریک انصاف کے بانی چیئرمین کی جانب سے پا...
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...