... loading ...
جماعت اسلامی پاکستان کے امیر سراج الحق بلوچستان کی صورتحال میں بہتر کام کرنے کی پوزیشن میں ہے۔ تقریباً تمام قومی سیاسی جماعتوں نے اس صوبے کے حالات پر محض سیاست کرنے پر گزارا کیا ہے۔ بلوچ جماعتوں کا طرز عمل بھی دُہرا رہا ہے ۔ دیکھا جائے تو بلوچستان کے عوام کا حال اچھا نہیں اور مستقبل بھی تابناک دکھائی نہیں دیتا ، لہٰذا مستقبل کے بلوچستان کو آسودہ بنانے کی خاطر اخلاص پر مبنی ،سیاسی و قومی سوچ بچار اور اقدامات اٹھانے کی ضرورت ہے۔ جماعت اسلامی بلوچستان کو پہلی ترجیح میں رکھے اور صوبے کے سیاسی حالات کا باریک بینی سے مطالعہ کرے۔ نیز اس بات کا بھی گہرائی میں مطالعہ ہو کہ گوادر جو ایک تجارتی مرکز بن رہا ہے اس سے کیا اقتصادی راہداری کی تکمیل کے بعد خود بلوچستان مستفید ہوگا ؟ کیا اس کے ثمرات عوام تک پہنچ پائیں گے ؟ اس کی جانکاری لازم ہے۔
جماعت اسلامی ایک تحریک کا آغاز کرے اور یہ تحریک معروضی حقائق کی بنیاد پر ہو۔ ممکن ہے کہ آنے والے دنوں میں مسلح مزاحمتی گروہ قوت کے لحاظ سے مزید پس منظر میں چلے جائیں ۔ تب سیاسی مزاحمت باقی رہ جائے گی۔ سیاسی مزاحمت اس بڑے کاروباری ہلچل میں مؤثر نہیں ہوگی۔ یہاں تو صوبائی خود مختاری کا سوال مشکوک ہوکر رہ گیا ہے۔ صوبائی خود مختاری کو چھوڑئیے حکومتوں کا اختیار مشتبہ ہے کہ آیا ہماری حکومت اپنی مرضی سے کوئی اقدام یا فیصلہ کر بھی سکتی ہے یا نہیں؟ سردار اختر مینگل کوئٹہ میں ہیں۔ ان سے سراج الحق نے 9؍ستمبر کو ملاقات بھی کی۔ بلوچستان کی صورتحال پر گفتگو ہوئی۔ سراج الحق نے خود کوئٹہ میں کہا کہ بلوچستان کے عوام پاکستان کے نہیں بلکہ حکمران ، وڈیروں، جاگیرداروں اور سرمایہ داروں کے خلاف ہیں ،لہٰذا سراج الحق کو چاہیے کہ وہ اقتدار کے ایوانوں پر قابض مافیا سے جنہوں نے طاقتوروں سے گٹھ جوڑ کر رکھا ہے ، بلوچستان کے وسائل کا تحفظ یقینی بنائے۔ سراج الحق صاحب کہتے ہیں کہ گوادر پر پہلا حق بلوچوں کا ہے، چنانچہ یہ حق دلانے کیلئے سراج الحق ہی تحریک کا آغاز کریں۔ جماعت اسلامی بلوچستانء پر ’’ریسرچ ورک‘‘ کرے اور استعماری قوتوں اور ہتھکنڈوں کو بے نقاب کرے۔ جماعت اسلامی علیحدگی پسندوں سے بات چیت کا آغاز کرے تو اس کے حوصلہ افزا نتائج سامنے آئیں گے۔
ڈاکٹر اللہ نذر کی موت کی بازگشت ہنوز جاری ہے۔ 8 ؍ستمبر2015ء کو صوبائی وزیر داخلہ سرفراز بگٹی نے اپنے دفتر میں نیوز کانفرنس میں ایک بار پھر دُہرایا کہ ڈاکٹر اللہ نذر کی موت کی اطلاعلات ہیں۔ آئی جی ایف سی کی طرح سرفراز بگٹی نے بھی غیر مصدقہ کا لاحقہ ساتھ لگایا۔ البتہ سرفراز بگٹی نے یہ بھی کہا کہ وہ غیر مصدقہ اس لئے کہہ رہے ہیں کہ ڈاکٹر اللہ نذر کے زندہ رہنے کے شواہد نہیں آرہے نہ ہی ان کی زندگی کے آثار ملے ہیں۔ کچھ عرصہ پہلے آواران میں فورسز نے بڑے پیمانے پر کارروائی کی تھی۔ اسی کارروائی میں ان کے مارے جانے کی باتیں ہونے لگیں۔ سرفراز بگٹی نے کہا کہ اگر ڈاکٹر اللہ نذر ہلاک نہیں ہے تو انہیں خود اپنے زندہ ہونے کا ثبوت دینا چاہیے۔ بقول وزیر داخلہ سیکورٹی فورسز نے آواران اور اس کے ا طراف میں لگاتار کارروائیاں کیں چنانچہ انہی کارروائیوں میں اللہ نذر بھی مارا گیا۔ ساتھ ان کے کچھ ساتھی بھی مارے گئے۔ ڈاکٹر اللہ نذر بولان میڈیکل کالج کوئٹہ کے فارغ التحصیل ہیں ۔ سند لینے کے بعد ایک دن بھی پریکٹس نہیں کی ۔بلکہ زمانہ طالب علمی سے ہی علیحدگی کی سوچ کے حامل ہیں۔ جب بلوچ اسٹوڈنٹس آرگنائزیشن کے چیئرمین تھے ،تب بھی ان کا سیاسی میلان الگ تھا۔ڈاکٹر اللہ نذرخود ڈاکٹر عبدالمالک بلوچ کے ساتھ تنظیمی کام کرچکے ہیں ، اُسی نیشنل پارٹی نے ہی گویا علیحدگی پسند تنظیموں پر کاری ضرب لگائی ہے۔ چنانچہ علیحدگی پسندوں نے بھی نیشنل پارٹی کو ہدف بنالیا ہے۔ نیشنل پارٹی بعض مجبوریوں کے باعث ان کی اخلاقی حمایت سے پیچھے ہٹ گئی ہے۔ ڈاکٹر اللہ نذر کو خفیہ اداروں نے17؍مارچ2005ء کو حراست میں لیا۔ یہ گرفتاری کراچی سے عمل میں لائی گئی تھی۔ ڈاکٹر اللہ نذر کی سرگرمیاں مشکوک پائی گئی تھیں۔ وہ کئی ماہ لاپتہ رہے۔ عدالت میں پیش کرنے اور منظر عام پر لانے کیلئے سیاسی جماعتوں بالخصوص طلباء تنظیمیں مسلسل احتجاج پر تھیں۔ چند ماہ بعد منظر عام پر لائے گئے ۔ تشدد سے حالت تشویشناک تھی۔ کوئٹہ کے سول اسپتال میں زیر علاج تھے۔ ان پر مقدمات قائم کئے گئے ۔ جون2006ء میں انسداد دہشتگردی کی عدالت سے ضمانت منظور ہوئی ۔وہ اس کے ساتھ ہی مفرور ہوگئے اور مسلح کارروائیوں کا آغاز کردیا۔ چینی انجینئرز کو قتل کیا۔ آباد کاروں اور غیر بلوچ مزدروں، تاجروں، سرکاری ملازمین کو نشانہ بنانا شروع کیا۔ فورسز پر حملے شروع کر د ئیے ۔ ڈاکٹر اللہ نذرکی تنظیم نے بلوچ سیاسی جماعتوں سے بھی دشمنی کا اعلان کردیا ،جو پارلیمانی سیاست کی قائل ہیں ۔ ان کی تنظیم اب تک کئی دلخراش اور ہولناک کارروائیاں کرچکی ہیں۔
فورسز کی جانب سے شاید سب سے زیادہ آپریشن بھی ڈاکٹر اللہ نذر کے کیمپوں پر ہوئے ہیں۔ ان کے خلاف تازہ کارروائی بھی اتنی شدید تھی کہ جن جن مقامات کو نشانہ بنا یا گیا ہے ، شاید وہاں حشرات الارض بھی نہ بچے ہو۔ بلوچ لبریشن فرنٹ تعمیراتی کمپنیوں کی تاک میں رہتی ہے۔واضح رہے کہ بی ایل ایف کے ہاتھوں ان سے وابستہ کئی ہنرمنر اور مزدور مارے جاچکے ہیں۔
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...
آفاق احمد نے سندھ سے جرائم پیشہ پولیس اہلکاروں کی کراچی تعیناتی کی شدید الفاظ میں مذمت کرتے ہوئے کہا کہ کراچی پہلے ہی غیر مقامی اور نااہل پولیس کے ہاتھوں تباہی کے دھانے پر پہنچ گیا ہے، اب سندھ سے مزید جرائم پیشہ پولیس اہلکاروں کی کراچی تعیناتی کا مقصد کراچی کے شہریوں کی جان ومال...
ضلع شرقی کی انتظامیہ نے پی ٹی آئی کو باغ جناح میں جلسے کی اجازت دینے سے انکار کردیا۔ معاملے پر سندھ ہائیکورٹ میں بھی سماعت ہوئی، جس میں اے جی سندھ نے سکیورٹی وجوہات بتائیں، دوران سماعت ہائیکورٹ کے چیف جسٹس نے یہ بھی استفسار کیا کہ، کیا یہ 9 مئی کا واقعہ دوبارہ کردیں گے۔ڈپٹی کمشنر...
وفاقی وزیر داخلہ نے آئی جی اسلام آباد کو غیر قانونی طور پر مقیم غیر ملکیوں کے خلاف آپریشن تیز کرنے کا حکم دے دیا۔صحافیوں سے ملاقات کے بعد غیر رسمی گفتگو کرتے ہوئے وفاقی وزیر داخلہ محسن نقوی کا کہنا تھا کہ دارالحکومت میں غیر قانونی رہائشی غیر ملکیوں کا ڈیٹا پہلے سے موجود ہے ۔ آئی ...
چیف جسٹس آف پاکستان جسٹس قاضی فائز عیسی نے کہا ہے کہ عدالتی معاملات میں کسی کی مداخلت قابل قبول نہیں ہے۔سندھ ہائیکورٹ بار ایسوسی ایشن کی تقریب سے خطاب میں چیف جسٹس نے کہا کہ وہ جب سے چیف جسٹس بنے ہیں ہائیکورٹس کے کسی جج کی جانب سے مداخلت کی شکایت نہیں ملی ہے اور اگر کوئی مداخلت ...
وزیراعلیٰ خیبرپختونخوا اور پاکستان تحریک انصاف کے رہنما نے کہا ہے کہ اگر ہمیں حق نہ دیا گیا تو حکومت کو گرائیں گے اور پھر اس بار اسلام آباد پر قبضہ کرلیں گے۔اسلام آباد میں منعقدہ پاکستان تحریک انصاف کے 28ویں یوم تاسیس کی تقریب سے خطاب کرتے ہوئے علی امین گنڈا پور نے ایک بار پھر ...
اندرون سندھ کی کالی بھیڑوں کا کراچی تبادلہ کردیا گیا۔ مبینہ طور پر کچے کے ڈاکوئوں سے روابط رکھنے والے اناسی پولیس اہلکاروں کا شکارپور سے کراچی تبادلہ کردیا گیا۔ شہریوں نے ردعمل دیا کہ ان اہلکاروں کا کراچی تبادلہ کرنے کے بجائے نوکری سے برطرف کیا جائے۔ انھوں نے شہر میں جرائم میں اض...
چیف جسٹس کراچی آئے تو ماضی میں کھو گئے اور انہیں شہر قائد کے لذیذ کھانوں اور کچوریوں کی یاد آ گئی۔تفصیلات کے مطابق چیف جسٹس آف پاکستان قاضی فائز عیسی نے کراچی میں سپریم کورٹ بار ایسوسی ایشن کی ایک تقریب میں وکلا سے خطاب کرتے ہوئے وہ ماضی میں کھو گئے اور انہیں اس شہر کے لذیذ کھ...
وزیراعلیٰ پنجاب مریم نواز نے کہا ہے کہ وزیراعلی کی کرسی اللہ تعالی نے مجھے دی ہے اور مجھے آگ کا دریا عبور کرکے یہاں تک پہنچنا پڑا ہے۔وزیراعلی پنجاب مریم نواز نے پولیس کی پاسنگ آٹ پریڈ میں پولیس یونیفارم پہن کر شرکت کی۔پاسنگ آئوٹ پریڈ سے خطاب میں مریم نواز نے کہا کہ خوشی ہوئی پو...
امیر جماعت اسلامی حافظ نعیم الرحمن نے کہا ہے کہ پاک ایران گیس پائب لائن منصوبہ ہر صورت میں مکمل کیا جائے، امریکا پاکستان کے اندرونی معاملات میں مداخلت بند کرے۔ احتجاج کرنے والی پی ڈی ایم کی جماعتیں پچھلی حکومت گرانے پر قوم سے معافی مانگیں، واضح کریں کہ انھیں حالیہ انتخابات پر اعت...