... loading ...
... loading ...
کے-الیکٹرک سندھ حکومت کے ماتحت ادارہ نہیں ،گیس کی کمی وفاقی حکومت کی ذمہ داری ہے
وفاقی حکومت کے معاملات اور مسائل سندھ حکومت کے کھاتے میں ڈالنے کی کوشش کرتی ہے
سندھ کے سینئر وزیر اور صوبائی وزیر برائے اطلاعات ٹرانسپورٹ و ماس ٹرانزٹ شرجیل انعام میمن نے کہا ہے کہ ایم کیو ایم اپنی مردہ سیاست کو زندہ کرنے کے لیے مختلف مسائل اور ایشوز کو غیر ضروری طور پر سیاسی رنگ دیتی ہے۔ انہوں نے کہا کہ گیس کی کمی وفاقی حکومت کی ذمہ داری ہے، جبکہ کے-الیکٹرک بھی سندھ حکومت کے ماتحت ادارہ نہیں ہے۔ پانی کی کمی کے حوالے سے سندھ حکومت پہلے ہی ارسا کو خط لکھ چکی ہے جس میں آگاہ کیا گیا ہے کہ سندھ کو اس وقت 22 فیصد پانی کی قلت کا سامنا ہے، جس کے اثرات کراچی پر بھی پڑتے ہیں۔انہوں نے کہا کہ ایم کیو ایم وفاقی حکومت کے معاملات اور مسائل بھی سندھ حکومت کے کھاتے میں ڈالنے کی کوشش کرتی ہے۔ کراچی میں ایم کیو ایم کی سیاست کا محور مسائل کا حل تلاش کرنے کے بجائے انہیں سیاسی مقاصد کے لیے استعمال کرنا ہے۔شرجیل انعام میمن نے کہا کہ ہم نہ تو ایم کیو ایم کے اتحادی ہیں اور نہ ہی وفاقی حکومت کے۔ ہم نے صرف پارلیمانی نظام اور جمہوری عمل کے تسلسل کے لیے وفاقی حکومت کی حمایت کر رکھی ہے۔انہوں نے کہا کہ کراچی کبھی دنیا کے بہترین شہروں میں شمار ہوتا تھا، پاکستان کا دارالحکومت بھی رہا اور خلیجی ممالک سمیت مختلف خطوں سے طلبہ یہاں تعلیم حاصل کرنے آتے تھے۔ ان کے مطابق کراچی کی صورتحال اس وقت خراب ہونا شروع ہوئی جب شہر میں لسانی سیاست کی بنیاد رکھی گئی۔سینئر وزیر شرجیل انعام میمن نے کہا کہ کراچی کے مسائل میں اس وقت مزید اضافہ ہوا جب بلدیاتی اداروں کے ذریعے پارکوں کو شادی ہالز میں تبدیل کیا گیا۔ انہوں نے کہا کہ اس تمام صورتحال سے متعلق حقائق ایم کیو ایم کی قیادت بھی جانتی ہے، پارکوں اور اسپورٹس گرانڈز پر قبضے کیے گئے اور بلدیاتی اداروں میں ایسے عناصر کو بھرتی کیا گیا جن پر بعد میں دہشتگردی جیسے سنگین الزامات سامنے آئے۔انہوں نے کہا کہ 2015 اور 2016 کے دوران ہونے والے آپریشن کے دوران ایسے متعدد ایسے دہشتگرد سامنے آئے جو کے ایم سی اور واٹر بورڈ کے ملازم تھے۔ بلدیاتی نظام کو نقصان پہنچایا گیا، جس سے کراچی کی تباہی کا آغاز ہوا۔ بعض ملازمین عملی کام کے بجائے یونٹ اور سیکٹر دفاتر میں بیٹھے رہتے تھے۔شرجیل انعام میمن نے کہا کہ صحافی ولی خان بابر نے ایسے معاملات کی رپورٹنگ کی تھی اور بعد ازاں انہیں قتل کر دیا گیا۔انہوں نے کہا کہ کراچی ایک پورٹ سٹی ہے اور ملک بھر کی ہیوی ٹریفک کا بڑا حصہ اسی شہر سے گزرتا ہے۔انفرااسٹرکچر کے لیے سندھ کے حصے کے فنڈز مختلف قانونی معاملات کے باعث سپریم کورٹ میں جمع ہو رہے ہیں اور صوبے کو دستیاب نہیں ہو پا رہے۔انہوں نے کہا کہ کراچی ملک کی معیشت میں سب سے زیادہ ریونیو فراہم کرتا ہے۔ روزگار، کاروبار، تعلیم اور علاج کی غرض سے پورے پاکستان سے لوگ کراچی کا رخ کرتے ہیں۔ اگر دیگر شہر کراچی سے بہتر ہوتے تو لوگ وہاں جاتے، لیکن کراچی آج بھی ملک کا سب سے بڑا معاشی اور تجارتی مرکز ہے۔انہوں نے کہا کہ سندھ حکومت نے ارسا کو باضابطہ طور پر آگاہ کر دیا ہے کہ صوبے کو 22 فیصد پانی کی کمی کا سامنا ہے۔ ان کے مطابق پانی کی قلت سے نہ صرف زراعت متاثر ہوتی ہے بلکہ شہری علاقوں میں فراہمی بھی متاثر ہوتی ہے۔ کراچی سندھ کا آخری بڑا شہر ہے اور سندھ کے حصے کا پانی سب سے آخر میں کراچی پہنچتا ہے، لہذا جب پانی کی مجموعی فراہمی کم ہوتی ہے تو اس کے اثرات کراچی پر بھی براہِ راست مرتب ہوتے ہیں۔
امریکی صدر ڈونلڈ ٹرمپ نے کہا کہ ایران امریکا کے ساتھ سمجھوتہ کرنے کے لیے بے تاب ہے اور وہ ڈیل ہونے کیلئے مر رہا ہے۔ تفصیلات کے مطابق ٹرمپ نے جنوبی ڈکوٹا ریاست میں امریکا کی 250 ویں سالگرہ کی تقریب سے خطاب کرتے ہوئے کہا کہ امریکا نے ایران کے سابق سپریم لیڈر علی خامنہ ای ک...
سنسنی خیز مقابلے کے بعد پنالٹی شوٹ آؤٹ میں4ـ2 سے شکست دیکر پہلی بار ورلڈ کپ کے ناک آؤٹ مرحلے میں کامیابی فیفا ورلڈ کپ میں مصر نے شاندار کارکردگی کا مظاہرہ کرتے ہوئے نئی تاریخ رقم کر دی اور آسٹریلیا کو سنسنی خیز مقابلے کے بعد پنالٹی شوٹ آؤٹ میں4ـ2 سے شکست دے کر پہلی بار ورلڈ ک...
روس ہر قیمت پر فتح حاصل کرے گا، نام نہاد امن کے داعی درحقیقت جنگ کو طول دینا چاہتے ہیں، روسی صدر روس نے یوکرین کے ایک اور شہر کوستیان تینیو پر قبضہ کر لیا، روسی صدر پوتن نے کہا ہے کہ روس ہر قیمت پر فتح حاصل کرے گا۔ روسی صدر ولادیمیر پوتن نے یوکرین اور اس کے مغربی حامیوں کو ...
سندھ طاس معاہدے کو سبوتاژ کرنے کی قیمت بھاری ہوگی،پاکستان اپنے جائز آبی وسائل پر غیرقانونی قبضہ ہر گز قبول نہیں کرے گا،پانی روکنے کی بھارتی کوشش کو جنگ تصور کیا جائے گا، اسحاق ڈار بین الاقوامی معاہدوں کی خلاف ورزی کے نتائج 2ممالک تک محدود نہیں رہتے،پاکستان امن کا داعی ہے اور ہم...
20 بچوں کو نکال لیا گیا، ملبے میں مزید بچے دبے ہونے کا خدشہ۔پولیس نے مالک دو بھائیوںفیضان اور ریحان کو حراست میں لے لیا، ایک سال سے ٹیوشن سنٹر چل رہا تھا کمرے کی چھت پر مزدور کام کررہے تھے جس کی وجہ سے چھت گری، 5گرفتار،صدر ووزیراعظم کا اظہار افسوس،وزیراعلیٰ کا صوبے کے اسکولوں کی...
ہم کسی بھی صورت بنیادی حق سے دستبردار نہیں ہوں گے ، پی ٹی آئی رہنما اختر مینگل اتحادی ہیں انہیں ساتھ لے کر چلیں گے،پریس کانفرنس سے خطاب سابق اسپیکر قومی اسمبلی اور پی ٹی آئی رہنما اسد قیصر نے دعوی کیا ہے کہ تحریک انصاف کے دور حکومت میں 400 لاپتا افراد کو بازیاب کرایا گیا۔ ا...
اسٹیٹ بینک نے بغیر قانونی اجازت بینک اکائو نٹس بلاک کرنے سے روک دیا عدالتی حکم پرعملدرآمدکی رپورٹ اسلام آباد ہائیکورٹ میں جمع کرا دی ،اعلامیہ سٹیٹ بینک آف پاکستان نے بغیر قانونی وجہ، مجاز اتھارٹی کی منظوری اور تصدیق کے اکائونٹس بلاک کرنے سے روک دیا ۔عدالتی حکم پر اسٹیٹ بینک ...
مصنوعی قلت پیدا کرنے اور مارکیٹ میں ہیرا پھیری کسی صورت برداشت نہیں کی جائے گی سندھ میں گندم اور آٹے کی مناسب قیمت پر بلا تعطل فراہمی یقینی بنائی جائے،سید مراد علی شاہ وزیراعلیٰ سندھ سید مراد علی شاہ نے محکمہ خوراک اور ضلعی انتظامیہ کو گندم کی ذخیرہ اندوزی اور ناجائز منافع خو...
رینجرز کیمپ پر حملے کی مذمت،شہید اہلکاروں کو خراج عقیدت، لواحقین سے تعزیت کا اظہار پاکستانی قوم اپنے وطن کی حفاظت اور دشمن کے مذموم عزائم کو خاک میں ملانے کیلئے پُرعزم چیئرمین پیپلزپارٹی بلاول بھٹو زرداری نے کراچی میں رینجرز کے کیمپ پر حملے کی مذمت کرتے ہوئے کہا کہ عالمی سطح ...
حملہ آوروں کا تعلق اسی تنظیم سے تھا، پاکستانی حکام بھارتی حمایت یافتہ دہشت گرد گروہ قرار دیتے ہیں جماعت الاحرار کی بنیاد اگست 2014میں رکھی گئی ، بانی عمر خالد خراسانی صحافت سے وابستہ رہے،ماہرین کراچی کے یونیورسٹی روڈ پر پاکستان رینجرز (سندھ)کے کیمپ پر ہونے والے دہشت گرد حملے ...
احتجاج ان کی خواہش نہیں بلکہ آخری آپشن ہے، دوبارہ احتجاج کرنا پڑا توپہلی گولی میرے سینے پر لگے گی، وزیراعلیٰ حکومت نے ہمیشہ عوامی خدمت کو ترجیح دی، اسی لیے عوام نے انہیں تیسری مرتبہ حکومت کرنے کا موقع دیا،خطاب وزیراعلیٰ سہیل آفریدی نے کہا ہے کہ بانی پی ٹی آئی سے ملاقات نہ...
شہباز شریف کا ملک کیخلاف دشمن کے ناپاک عزائم ناکام بنانے کے آہنی عزم کا اعادہ،پاکستان آج دنیا میں امن کے علمبردار کا کردار ادا کر رہا ہے، قوم اپنی افواج کے شانہ بشانہ کھڑی ہے پاکستان کی پرخلوص ثالثی کاوشوں کے نتیجے میں امریکا اور ایران کے درمیان تاریخی اسلام آباد مفاہمتی یادداشت...
