... loading ...
... loading ...
جنگ بندی پر اسلام آباد کے کردار کو سراہتے ہیں، پاکستان کسی طرف جھکاؤ کے بغیر ثالثی کرے
ایران کا ایٹمی و میزائل پروگرام تباہ کرنے کے بلند و بانگ دعوے دھرے رہ گئے،ویڈیو پیغام
امیر جماعت اسلامی پاکستان حافظ نعیم الرحمن نے امریکہ-اسرائیل اور ایران جنگ بندی معاہدہ پر ایرانی قیادت اور قوم کے عزم اور استقامت کو سلام پیش کیا ہے اور حکومت پاکستان کی قیام امن کی کاوشوں کو سراہا ہے۔ امریکہ کی اجاری داری کا نظام ختم ہوچکا، 6 ہفتوں کی جنگ میں اسے سفارتی اور فوجی شکست ہوگئی ۔منصورہ سے جاری ایک ویڈیو پیغام میں انہوں نے کہا کہ امریکہ و اسرائیل نے جس طرح عالمی قوانین کو روندتے ہوئے ایران پر حملے کیے اور اسے تہس نہس کرنے، ایران کا ایٹمی و میزائل پروگرام تباہ کرنے کے بلند و بانگ دعوے کیے وہ دھرے کے دھرے رہ گئے۔امیر جماعت اسلامی نے کہا کہ چھ ہفتوں کی جنگ کے بعد جس معاہدہ پر عارضی جنگ بندی ہوئی ہے وہ آبنائے ہزمز کے کھولنے پر ہے جو دراصل ایران کی کامیابی ہے جس پر ہم ایرانی قیادت اور قوم کی تزویراتی منصوبہ بندی کو سراہتے ہیں اور اسے مبارکباد پیش کرتے ہیں۔حافظ نعیم الرحمن نیاس ساریعمل میں حکومت پاکستان کے کردار کو سراہا اور کہا کہ حکومت نے جس طرح خلیج میں صورتحال کو خراب ہونے سے بچانے اور سعودی عرب سے دفاعی معاہدہ برقرار رکھتے ہوئے تہران اور ریاض کے درمیان حالات کو نارمل رکھا وہ قابل تحسین ہے۔امیر جماعت اسلامی نے کہا کہ حالیہ جنگ سے یہ حقیقت بھی پوری طرح واضح ہوگئی ہے کہ امریکہ میں جمہوریت محض نام کی ہے، واشنگٹن دراصل اسرائیل کی کٹھ پتلی کے طور پر کام کررہا ہے، پورے ملک کی پنتیس کروڑ آبادی سرمایہ داروں، صہیونی لابی اور اسلحہ ساز فیکٹروں کے مالکان کے ہاتھوں یرغمال ہے۔ اس پورے عمل میں یہ بھی واضح ہوگیا ہے کہ دنیا میں امریکی اجاری داری کا نظام ختم چکا اور اس نام نہاد عالمی طاقت کو اخلاقی، سفارتی اور فوجی شکست ہوگئی ہے۔پوری دنیا میں باضمیر انسان امریکہ مخالف ہوچکے ہیں اور یورپ واشنگٹن کا اتحادی نہیں رہا۔ لہذا وہ لوگ جنہوں نے سامراج کو شکست دینے میں اہم ترین کردار ادا کیا اور چھ ہفتے آگ اور بارود کے عذاب کو برداشت کیا وہ مبارکباد کے مستحق ہیں۔ حافظ نعیم الرحمن نے کہا کہ آئندہ حالات میں پاکستان کا کردار مزید اہم ہوگیا ہے، اسلام آباد کو کسی طرف جھکاؤ کیے بغیر سفارت کاری اور ثالثی کرنا ہوگی، اسے خلیجی ممالک سے دیرینہ تعلقات برقرار رکھتے ہوئے ایران سے تیل اور گیس خریداری کے معاہدے بھی کرنا ہوں گے اور تہران سے تعلقات کو مزید مضبوط بھی کرنا ہوگا۔حکومت کو پاکستان سعودی عرب دفاعی معاہدہ کو توسیع دیتے ہوئے اس میں ایران اور ترکی اور دیگر خلیجی ریاستوں کو بھی شامل کرنا ہوگا۔ حالیہ جنگ کے دوران خلیجی ممالک پر واضح ہوگیا ہے کہ امریکہ ان کی حفاظت نہیں کرسکتا۔ چین اور روس کو ساتھ ملا کر خطہ میں ایک مضبوط بلاک کا قیام ناگزیر ہوگیا ہے جو انسانیت دشمن طاقتوں کا مقابلہ کرسکے۔ امیر جماعت اسلامی نے کہا کہ ایران نے جنگ بندی کے معاہدہ کو جس طرح لبنان اور غزہ میں جنگ بندی سے مشروط کیا ہے وہ قابل اطمینان ہے۔ تاہم جنگ بندی کے بعد بھی اسرائیل نے لبنان پر بمباری کی ہے، امریکی صدر اس پر اسرائیل سے وضاحت لے اور بجائے صہیونی ریاست کے تہران کا ساتھ دے۔
امریکی صدر ڈونلڈ ٹرمپ نے کہا کہ ایران امریکا کے ساتھ سمجھوتہ کرنے کے لیے بے تاب ہے اور وہ ڈیل ہونے کیلئے مر رہا ہے۔ تفصیلات کے مطابق ٹرمپ نے جنوبی ڈکوٹا ریاست میں امریکا کی 250 ویں سالگرہ کی تقریب سے خطاب کرتے ہوئے کہا کہ امریکا نے ایران کے سابق سپریم لیڈر علی خامنہ ای ک...
سنسنی خیز مقابلے کے بعد پنالٹی شوٹ آؤٹ میں4ـ2 سے شکست دیکر پہلی بار ورلڈ کپ کے ناک آؤٹ مرحلے میں کامیابی فیفا ورلڈ کپ میں مصر نے شاندار کارکردگی کا مظاہرہ کرتے ہوئے نئی تاریخ رقم کر دی اور آسٹریلیا کو سنسنی خیز مقابلے کے بعد پنالٹی شوٹ آؤٹ میں4ـ2 سے شکست دے کر پہلی بار ورلڈ ک...
روس ہر قیمت پر فتح حاصل کرے گا، نام نہاد امن کے داعی درحقیقت جنگ کو طول دینا چاہتے ہیں، روسی صدر روس نے یوکرین کے ایک اور شہر کوستیان تینیو پر قبضہ کر لیا، روسی صدر پوتن نے کہا ہے کہ روس ہر قیمت پر فتح حاصل کرے گا۔ روسی صدر ولادیمیر پوتن نے یوکرین اور اس کے مغربی حامیوں کو ...
سندھ طاس معاہدے کو سبوتاژ کرنے کی قیمت بھاری ہوگی،پاکستان اپنے جائز آبی وسائل پر غیرقانونی قبضہ ہر گز قبول نہیں کرے گا،پانی روکنے کی بھارتی کوشش کو جنگ تصور کیا جائے گا، اسحاق ڈار بین الاقوامی معاہدوں کی خلاف ورزی کے نتائج 2ممالک تک محدود نہیں رہتے،پاکستان امن کا داعی ہے اور ہم...
20 بچوں کو نکال لیا گیا، ملبے میں مزید بچے دبے ہونے کا خدشہ۔پولیس نے مالک دو بھائیوںفیضان اور ریحان کو حراست میں لے لیا، ایک سال سے ٹیوشن سنٹر چل رہا تھا کمرے کی چھت پر مزدور کام کررہے تھے جس کی وجہ سے چھت گری، 5گرفتار،صدر ووزیراعظم کا اظہار افسوس،وزیراعلیٰ کا صوبے کے اسکولوں کی...
ہم کسی بھی صورت بنیادی حق سے دستبردار نہیں ہوں گے ، پی ٹی آئی رہنما اختر مینگل اتحادی ہیں انہیں ساتھ لے کر چلیں گے،پریس کانفرنس سے خطاب سابق اسپیکر قومی اسمبلی اور پی ٹی آئی رہنما اسد قیصر نے دعوی کیا ہے کہ تحریک انصاف کے دور حکومت میں 400 لاپتا افراد کو بازیاب کرایا گیا۔ ا...
اسٹیٹ بینک نے بغیر قانونی اجازت بینک اکائو نٹس بلاک کرنے سے روک دیا عدالتی حکم پرعملدرآمدکی رپورٹ اسلام آباد ہائیکورٹ میں جمع کرا دی ،اعلامیہ سٹیٹ بینک آف پاکستان نے بغیر قانونی وجہ، مجاز اتھارٹی کی منظوری اور تصدیق کے اکائونٹس بلاک کرنے سے روک دیا ۔عدالتی حکم پر اسٹیٹ بینک ...
مصنوعی قلت پیدا کرنے اور مارکیٹ میں ہیرا پھیری کسی صورت برداشت نہیں کی جائے گی سندھ میں گندم اور آٹے کی مناسب قیمت پر بلا تعطل فراہمی یقینی بنائی جائے،سید مراد علی شاہ وزیراعلیٰ سندھ سید مراد علی شاہ نے محکمہ خوراک اور ضلعی انتظامیہ کو گندم کی ذخیرہ اندوزی اور ناجائز منافع خو...
رینجرز کیمپ پر حملے کی مذمت،شہید اہلکاروں کو خراج عقیدت، لواحقین سے تعزیت کا اظہار پاکستانی قوم اپنے وطن کی حفاظت اور دشمن کے مذموم عزائم کو خاک میں ملانے کیلئے پُرعزم چیئرمین پیپلزپارٹی بلاول بھٹو زرداری نے کراچی میں رینجرز کے کیمپ پر حملے کی مذمت کرتے ہوئے کہا کہ عالمی سطح ...
حملہ آوروں کا تعلق اسی تنظیم سے تھا، پاکستانی حکام بھارتی حمایت یافتہ دہشت گرد گروہ قرار دیتے ہیں جماعت الاحرار کی بنیاد اگست 2014میں رکھی گئی ، بانی عمر خالد خراسانی صحافت سے وابستہ رہے،ماہرین کراچی کے یونیورسٹی روڈ پر پاکستان رینجرز (سندھ)کے کیمپ پر ہونے والے دہشت گرد حملے ...
احتجاج ان کی خواہش نہیں بلکہ آخری آپشن ہے، دوبارہ احتجاج کرنا پڑا توپہلی گولی میرے سینے پر لگے گی، وزیراعلیٰ حکومت نے ہمیشہ عوامی خدمت کو ترجیح دی، اسی لیے عوام نے انہیں تیسری مرتبہ حکومت کرنے کا موقع دیا،خطاب وزیراعلیٰ سہیل آفریدی نے کہا ہے کہ بانی پی ٹی آئی سے ملاقات نہ...
شہباز شریف کا ملک کیخلاف دشمن کے ناپاک عزائم ناکام بنانے کے آہنی عزم کا اعادہ،پاکستان آج دنیا میں امن کے علمبردار کا کردار ادا کر رہا ہے، قوم اپنی افواج کے شانہ بشانہ کھڑی ہے پاکستان کی پرخلوص ثالثی کاوشوں کے نتیجے میں امریکا اور ایران کے درمیان تاریخی اسلام آباد مفاہمتی یادداشت...
