... loading ...
... loading ...
843 دکان داروں کو فی کس 5 لاکھ، 11 کیسز پر فیصلہ ہونا باقی، وزیراعلیٰ کو بریفنگ
پلازہ پر کام جلد شروع کیا جائے،متاثرہ تاجروں کیلئے مالی امداد کیلئے 600 ملین مختص
سانحہ گل پلازا میں جاں بحق ہوئے افراد میں سے 61 خاندانوں کو فی کیس ایک کروڑ روپے معاوضہ دیدیا گیا 11 کیسز پر فیصلہ ہونا باقی ہے۔وزیراعلیٰ سندھ سید مراد علی شاہ نے ایک اعلیٰ سطح اجلاس کی صدارت کرتے ہوئے گل پلازہ آتشزدگی کے متاثرین کے اہل خانہ کو معاوضے کی ادائیگی اور متاثرہ تاجروں کو مالی امداد کی فراہمی کے عمل کا جائزہ لیا اور سندھ بلڈنگ کنٹرول اتھارٹی (ایس بی سی اے) کو گل پلازہ کی ازسرنو تعمیر کے لیے تفصیلی منصوبہ پیش کرنے کی ہدایت کی جبکہ مارکیٹ کو گرا کر نئی تعمیر شروع کرنے کی بھی ہدایت دی۔اجلاس وزیراعلیٰ ہاؤس میں منعقد ہوا جس میں صوبائی وزراء شرجیل میمن، ناصر شاہ، ضیاء الحسن لنجار، میٔر کراچی مرتضیٰ وہاب، چیف سیکریٹری آصف حیدر شاہ، پرنسپل سیکریٹری برائے وزیراعلیٰ (پی ایس سی ایم) آغا واصف، کمشنر کراچی حسن نقوی، ایڈیشنل آئی جی کراچی آزاد خان، سیکریٹری لوکل گورنمنٹ وسیم شمشاد، ڈائریکٹر جنرل ایس بی سی اے مزمل ہالیپوٹو اور دیگر حکام نے شرکت کی۔وزیراعلیٰ کو بتایا گیا کہ حکومت سندھ نے جاں بحق افراد کے اہل خانہ کو معاوضہ دینے کے لیے 850 ملین روپے مختص کیے ہیں جس کے تحت فی جاں بحق فرد 10 ملین روپے مقرر کیے گئے ہیں۔ رپورٹ کے مطابق 72 متاثرین میں سے 61 خاندانوں کو چیکس کے ذریعے ان کی رہائش گاہوں پر صوبائی وزراء کے ذریعے ادائیگی کر دی گئی ہے۔کمشنر کراچی حسن نقوی نے بریفنگ دیتے ہوئے بتایا کہ باقی کیسز مختلف مراحل میں ہیں۔ تین متاثرین کی بیواؤں کے قومی شناختی کارڈ (سی این آئی سی) نیشنل ڈیٹا بیس اینڈ رجسٹریشن اتھارٹی (نادرا) میں آخری مراحل میں ہیں، جبکہ چار کیسز میں خاندانی بیانات میں تضادات کے باعث مزید تصدیق درکار ہے جس کے لیے بلوچستان اور آزاد کشمیر میں تحقیقات کی جا رہی ہیں۔ مزید یہ کہ پولیس ریکارڈ کے مطابق چار لاشیں تاحال لاوارث ہیں۔متاثرہ تاجروں کے لیے مالی امداد کے حوالے سے اجلاس کو بتایا گیا کہ 600 ملین روپے مختص کیے گئے ہیں جس کے تحت کراچی چیمبر آف کامرس اینڈ انڈسٹری (کے سی سی آئی) کے فراہم کردہ تصدیق شدہ ڈیٹا کی بنیاد پر ہر دکاندار کو 5 لاکھ روپے دیے جا رہے ہیں۔وزیراعلیٰ کی ہدایات پر قائم کمیٹی نے دکانوں کی ملکیت اور نقصانات کی تصدیق کی اور اب تک 843 دکانداروں کو کے سی سی آئی دفتر میں چیکس کے ذریعے ادائیگیاں کی جا چکی ہیں۔ اجلاس کو بتایا گیا کہ بعض کیسز میں ایک ہی فرد یا کاروباری ادارے کی متعدد دکانوں کی ملکیت کے باعث پیچیدگیاں سامنے آئی ہیں جبکہ دکانوں کی مجموعی تعداد میں بھی فرق پایا گیا ہے۔ابتدائی رپورٹ میں 1,184 دکانیں ظاہر کی گئی تھیں جبکہ کے سی سی آئی کے تازہ اعداد و شمار کے مطابق یہ تعداد 1,209 ہے۔ باقی کیسز میں تاخیر پر تشویش کا اظہار کرتے ہوئے وزیراعلیٰ نے حکام کو ہدایت دی کہ تصدیقی عمل کو تیز کیا جائے اور تمام حقدار افراد کو بلاتاخیرمعاوضہ فراہم کیا جائے۔متعدد دکانوں کی ملکیت کے معاملے پر وزیراعلیٰ نے کمشنر کراچی کو ہدایت دی کہ مالی امداد فی دکان دی جائے یا فی فرد؍کاروباری ادارہ، اس حوالے سے واضح پالیسی اختیار کی جائے تاکہ کسی قسم کا ابہام نہ رہے۔انہوں نے متاثرہ دکانوں کی مجموعی تعداد میں تضادات ختم کرنے اور کے سی سی آئی و متعلقہ اداروں کو جلد از جلد حتمی اور تصدیق شدہ فہرست پیش کرنے کی ہدایت دی۔گل پلازہ کی تعمیر نو کے حوالے سے وزیراعلیٰ نے ڈائریکٹر جنرل ایس بی سی اے مزمل ہالیپوٹو کو ہدایت دی کہ مارکیٹ کی ازسرنو تعمیر کے لیے تفصیلی منصوبہ پیش کیا جائے اور پلازہ پر کام جلد از جلد شروع کیا جائے۔ انہوں نے کمشنر کراچی کو ہدایت دی کہ جوڈیشل کمیشن کو آگاہ کرنے کے بعد مارکیٹ کو گرانے کا عمل شروع کیا جائے تاکہ تعمیر نو کا کام آگے بڑھایا جا سکے۔وزیراعلیٰ نے اپنے عزم کا اعادہ کرتے ہوئے کہا کہ تمام امدادی اقدامات مکمل شفافیت اور جوابدہی کے ساتھ مکمل کیے جائیں گے تاکہ اس افسوسناک واقعے کے متاثرین کو انصاف فراہم کیا جا سکے۔
امریکا کو اپنی جنگ ختم کرنے کیلئے ایران سے ڈیل کرنے کی ضرورت نہیں، اگر وہ مذاکرات کی میز پر آتے ہیں تو اچھا ہوگا، رجیم چینج امریکاکا مقصد نہیں تھا،ٹرمپ کی میڈیا سے گفتگو امریکی صدر ڈونلڈ ٹرمپ نے2سے 3ہفتوں میں ایران جنگ سے نکلنے کا اعلان کر تے ہوئے کہا ہے کہ امریکا کو اپنی جنگ ...
امریکی صدر کے بیانات سے آبنائے ہرمز نہیں کھلے گی، دنیا میں کوئی بھی امریکی سفارت کاری پر اعتماد نہیں کر سکتا، مجتبیٰ خامنہ ای صحت مند ہیں،ترجمان ایرانی وزارت خارجہ کا انٹرویو ایران کی جانب سے امریکی صدرڈونلڈ ٹرمپ کا جنگ بندی کی درخواست کا دعوی مسترد کر دیاگیا۔ترجمان ایرانی وز...
کیا کابینہ کی جانب سے ایسی کسی فورس کی تشکیل کی اجازت دی گئی ہے، وفاقی حکومت اس بات کو یقینی بنائے کہ کسی قسم کی خلاف ورزی نہ ہو،سماعت کے دوران عدالت کا استفسار سزا یافتہ انسان کیلئے ایسی فورس نہیں بننی چاہیے، سنجیدہ قانونی سوالات اٹھتے ہیں،رہائی فورس کی تشکیل قانون اور آئینی ح...
وزیر اعلیٰ خیبر پختونخوا سہیل آفریدی کی رہائی فورس لانچ ہونے سے پہلے ہی فلاپ ہو گئی پی ٹی آئی نے اپنے ہی وزیر اعلیٰ کے عمران رہائی فورس کے منصوبے کو مسترد کر دیا،ذرائع بانی پی ٹی آئی کی رہائی یا ملاقات ؟ تحریک انصاف اپنے ہی مطالبات پر تقسیم کا شکار ہوُگئی، وزیر اعلیٰ خیبر ...
زرداری،شہباز ،وزیرداخلہ ودیگر کا دہشتگردوں کو ہلاک کرنے پر فورسز کو خراج تحسین حکومت ملک سے دہشت گردی کے مکمل خاتمے کیلئے پر عزم ہے،صدر،وزیراعظم صدرِ مملکت آصف علی زرداری،وزیراعظم شہبازشریف،وزیرداخلہ محسن نقوی ودیگر نے خیبرپختونخواہ میں سکیورٹی فورسز کی کامیاب کارروائیوں پر ...
پیٹرولیم مصنوعات اور سولر سسٹم مزید مہنگا ہونے کا خدشہ،نئے گھروں پر ٹیکس چھوٹ ختم کرنے کا مطالبہ، اگلے بجٹ کے ٹیکس ہدف میں 16 سو ارب روپے اضافے کی تجویز،ذرائع ایف بی آر اس وقت پیٹرولیم مصنوعات پر جی ایس ٹی کی شرح صفر،چھوٹے کاروبار اور تاجروں پر اثاثوں کی بنیاد پر ٹیکس لگانے کی ...
برطانیہ سمیت وہ ممالک جو ایران کیخلاف جنگ میں شامل نہیں ہوئے اور جیٹ فیول حاصل نہیں کرپارہے آئل امریکا سے خریدیں یا ہمت کرکے آبنائے ہرمز جائیں اور آئل حاصل کرلیں آپ کو اب خود لڑنا سیکھنا ہوگا،ایران کو تباہ کر دیا اور مشکل مرحلہ مکمل ہو چکا ہے،فرانس نے ایران کے قصائی کے حوالے...
جنید اکبر خان کی زیرصدارتخیبر پختونخوا ہاؤس اسلام آباد میں ایک اہم تنظیمی اجلاس سہیل آفریدی نے اجلاس کے شرکاء کو صوبے کو درپیش اہم معاملات پر تفصیلی بریفنگ دی خیبر پختونخوا کی سیاسی قیادت نے تنظیمی استحکام، موجودہ سیاسی صورتحال اور بانی چیٔرمین عمران خان کی رہائی کے لیے جا...
علیمہ کی ہدایت پر فیصل ترکئی، عاقب اللہ کو کابینہ میں شامل کرنے پر اختلافات کی وجہ بنے مختلف نجی محافل میں ان تقرریوں کے حوالے سے پارٹی کے اندر تنقید کا سلسلہ شروع ہوا خیبر پختونخوا کی صوبائی حکومت میں چند ماہ قبل تک عمران خان کی ہمشیرہ علیمہ خان کو غیر معمولی اثر و رسوخ حاصل...
صدر مملکت کی زیر صدارت اجلاس، شہباز شریف کی ملاقات، قومی سلامتی کی مجموعی صورتحال پر تفصیلی غور، مشکل وقت میں معاشی طور پر کمزور طبقات کو تنہا نہیں چھوڑا جائے گا، آصف زرداری ایندھن کے کم استعمال، پبلک ٹرانسپورٹ کے فروغ اور مشترکہ سفری سہولیات کیلئے عوام میں آگاہی پھیلائی جائے،...
ایران کو 48 گھنٹوں میں آبنائے ہرمز کھولنے کا الٹی میٹم،بصورت دیگر امریکا ایرانی تیل کے کنوؤں ،بجلی گھروں اور ڈی سیلینائزیشن پلانٹس کو نشانہ بنا سکتا ہے، امریکی صدرکاسوشل میڈیا پر بیان ٹرمپ نے ایران کے ایندھن اور توانائی ڈھانچے پر حملہ کیا تو خطے میں امریکی توانائی کے انفراسٹرک...
حالیہ ایران پر امریکی فوجی حملے کی وجہ سے پینٹاگون پر بھاری مالی بوجھ آن پڑا ہے 800 سے زائد ٹوماہاک میزائلوں پر 3۔06 ارب ڈالر خرچ ہوئے،سینٹ کام ایران کیخلاف جنگ میں امریکہ نے 26 ارب ڈالر اڑا دیے، اس ایک ماہ کی جنگ کے دوران اخراجات آسمان سے باتیںکرنے لگے جس کی وجہ سے یہ تاری...
